教育王國

標題: 表達差 = 皮氣差? [打印本頁]

作者: vee 時間: 13-4-12 16:00 標題: 表達差 = 皮氣差?

本帖最後由 vee 於 17-5-31 17:39 編輯

仔仔小二, 表達能力差，近來成日因為小事發皮氣。

例子：
1)玩 uno /飛行棋輸左. 會太喊同叫
2)行雷, 會因為驚而大喊
3) 落雨 (佢在家, 完全無影響佢活動)，又喊
4) 人地做得唔好既 (同學無交功課, 妹妹唔聽話), 佢會好嬲咁鬧人
5) 全日都好乖好開心, 可能因為臨訓前水整濕少少衫大發皮氣

了解佢發皮氣原因, 道理講過好多好多次, 仲有咩方法?

作者: hindip 時間: 13-4-14 10:04 標題: 回覆：vee 的帖子

1)玩 uno /飛行棋輸左. 會太喊同叫

2)行雷, 會因為驚而大喊

3) 落雨 (佢在家, 完全無影響佢活動)，又喊

4) 人地做得唔好既 (同學無交功課, 妹妹唔聽話), 佢會好嬲咁鬧人

5) 全日都好乖好開心, 可能因為臨訓前水整濕少少衫大發皮氣

2,3 & 5 (尤其是 5) 有機會同感統的過敏有關，但不能從單一情境行為決定。過敏使人把普通的刺激看作不安。

1, 4 與阿士保加症的執著有關，就4. 而言，因為對他們來說，"要做" 和 "唔可以"是很黑白分明，事件不是好就是壞，不跟規則的人或事情使他們十分不安。就1，可能同 "要贏" 的心理有關，亦可能因為遊戲本身的緊張情況另他們難以控制自己。

可以 search "Stephen Porges Polyvagal Theory" 及 "感覺统合, 過敏特質" 了解緊張，過敏與社交情緒的關係。

以上五個行為都是以強烈情緒蓋過理性，從 DMM (Dynamic Maturation Model) 的依附行為角度看是因不安而採取較極端的 C 策略，C for closeness, 即十分需要與人，尤其與照顧者聯繫。

總結:
舒緩緊張，減低不安是關鍵。可以考慮找 OT 做評估，看看從感统方便能否改變問題。
道理要講，但要短而精在心情平靜時講才有效。配合社交故事圖文並用解釋環境情況及他人感受更佳。

但緊記緊記社交故事不能硬加情緒要求，否則後果不堪設想。

作者: misshk12 時間: 13-4-15 11:58

回復 hindip 的帖子

"社交故事不能硬加情緒要求，否則後果不堪設想。"

唔好意思，唔太明白，可唔可以再講解一下？非常感謝！

作者: hindip 時間: 13-4-16 08:46 標題: 回覆：misshk12 的帖子

社交故事的原意是處理社交認知的問題，所以會用陳述句和透視句來具體說明環境，事情，人的感受。

但有時會見到有濫用的情況，如: 一個不能接受玩遊戲輸了的孩子會在故事中被要求:

"即使我在遊戲中輸了，我也可以開心，因為這樣別人會覺得我是好孩子"

又或者面對坐巴士一定要坐樓上第一排的孩子:

"當我不能坐樓上第一排的時，我仍然會很開心，坐或企邊度都無所謂。”

這些故事或許也可以很有效果，但問題是會令孩子覺得自己要開心才對，當遇到不開心甚至嬲的事情時，不單事情本身影響他，他也會嬲自己嬲，因為覺得自己唔啱。但情緒本身是沒有對錯的。

作者: misshk12 時間: 13-4-16 20:29

回復 hindip 的帖子

多謝你細心的提醒！

用番你的事例，"當我不能坐樓上第一排的時，坐或企邊度都無所謂。” 家長不描述「我都覺得開心」，這樣可行嗎？抑或有其他說法呢？請賜教，衷心感謝！

作者: vee 時間: 13-4-17 09:56

多謝 hindip 的細心講解。
"他也會嬲自己嬲" << 呢個 exactly 我仔的情況...
好想知如遇上上述情況. 應該點"講". 謝賜教.

作者: vee 時間: 13-4-17 09:58

配合社交故事圖文並用解釋環境情況及他人感受更佳。 << 可否解釋下. 好想知. 謝謝.

作者: hindip 時間: 13-4-19 19:27 標題: 回覆：misshk12 的帖子

唔好意思，打字慢，工作忙，一段回覆都打咗幾日。

簡單補充少少重點，因為社交故事的製作要有針對性，較難三言兩語說明，坊間有D工作坊或證書課程會教。用番呢個事例，關鍵有以下幾點:

1. 要有客觀的陳述句，畫公仔畫出腸地講解。有D 嘢可能你各得佢應該知，但如果平日唔多講，佢到咗緊張的時候就會唔醒起。

如: 巴士上面樓上樓下都有有坐位，先到車站的乘客會先上車，先上的乘客會可以先選擇坐位.....

2. 用正面詞彙

3. 以透視句講他人感受 :
講正面嘢時用第一人稱，如: 當小明能安靜地乘搭巴士，媽媽會覺得開心，其他乘客也會覺得舒服。

講負面嘢時用第三人稱，如: 當有小朋友在爭位坐時，媽媽會覺得唔開心/ 尷尬 /不安, 其他乘客也會覺得唔舒服 / 不安。

4. 指示句，一般情況最多只能有一句，而且要彈性地寫:
如:
"當我不能坐樓上第一排的時候，我可以試試坐或企其他的位置，能安靜地搭車，媽媽會覺得我是個好孩子"

5. 要個別化，如果能知道或估下原因會更針對性，例如: 如果坐第一排是因為想扮司機/ 睇風景，便可在在陳述句及透視句中更針對性地寫，描述有些小朋友會想睇風景/ 扮司機。另外對文字句式的理解情況也會影響故事的寫法。

作者: hindip 時間: 13-4-20 08:59 標題: 引用：配合社交故事圖文並用解釋環境情況及他人感

原帖由 vee 於 13-04-17 發表
配合社交故事圖文並用解釋環境情況及他人感受更佳。

vee ，上面個reply 幫唔幫到你 ?

作者: misshk12 時間: 13-4-21 17:44

本帖最後由 misshk12 於 13-4-21 17:53 編輯

回復 hindip 的帖子

Million thanks for your detailed explanation

作者: vee 時間: 13-4-22 16:37

hindip, 真係好多謝你詳細講解, 你真係十級好人。

作者: hindip 時間: 13-4-22 19:15 標題: 回覆：misshk12 的帖子

6月15日 (六) 扶康會有自閉症講座，可打 22142591 查詢。

作者: external 時間: 13-4-23 15:20

hindip
你的解釋非常詳細和專業

, 好似上咗一堂咁, 多謝你

歡迎光臨教育王國 (/)