教育王國

標題: 另我十分激心的細仔，想請教各家長意見 [打印本頁]

作者: sharol1312 時間: 13-4-12 02:55 標題: 另我十分激心的細仔，想請教各家長意見

好煩呀，老師成日投訴上堂唔注心，好似夢遊咁啦，但老師問返佢問題佢又識答，我問老師佢係咪過度活躍症，老師又話唔似係，唔行做抄寫功課，（k2時的老師有講過佢唔行做，老師問佢點解，佢話你d功課好悶，你有無第二d功課，我識啦呢d)有幾次爸爸話佢d字醜樣，擦咗幾個字咋，佢直頭功課連手冊都定曬落地，無論講嘢同駁咀都多多動作多多表情，無咩朋友，由k2開始發覺，上年p1到而家p2啦，都係得一個朋友，最頭痛係同佢溫書呀，佢由佢係沙發跳，我由我坐係枱講書比佢溫，根本似我溫多d囉，但成績叫ok都有85分返嚟，上個月仲開始發覺佢好鈡意人注意佢，如焦點唔係佢到，佢會做d嘢去引人注意佢我，對住佢真係好累，而家仲連老師都唔驚㖭啦，有次佢係書包搵唔到通告，比手冊夾住咗，老師叫佢明日交，佢竟然同老師講我特登唔帶返嚟比你，，咁咪比老師佛抄囉，佢又同老師講，我唔得閒抄比你，我要去學游水，做埋功課無時間抄，我係老師面前極醜，不過佢對數字好敏感，昨日同亞哥練習中文說話的考試，是看一張圖說一個完整的故事，細佬仲講得快過亞哥，佢觀察到圖入面好細緻的東西，哥哥係p6。
我同朋友傾計講到呢個細的激心嘢，佢叫我同佢檢下係咪資優，我好迷茫呀，又似係但又似唔係，我成日都係覺得佢唔乖或者係過度活躍症，請教下各位意見呀。

作者: lillymarie 時間: 13-4-12 06:01 標題: 引用：好煩呀，老師成日投訴上堂唔注心，好似夢遊

本帖最後由 lillymarie 於 13-4-12 07:45 編輯

原帖由 sharol1312 於 13-04-12 發表
好煩呀，老師成日投訴上堂唔注心，好似夢遊咁啦，但老師問返佢問題佢又識答，我問老師佢係咪過度活躍症，老 ...

如果驗到是資優，妳跟住會做甚麼？可以怎樣改善上課唔專心，溫習坐唔定，不怕老師這些情況呢？如果說是資優，課程太淺所以上課不專心，他需要有極好的成績，把能力證明給學校看，才有機會跳級或考程度更高的學校。

不是所有資優兒都有行為問題，好多時是資優＋其它問題。若是我，我會讓孩子做評估，目的是對他的困難了解多些。

作者: Anniemun 時間: 13-4-13 13:55

sharo1312 發表於 13-12 02:55
好煩呀，老師成日投訴上堂心，好似夢遊咁啦，但老師問返佢問題佢又識答，我問老師佢係咪過度活躍症，老 ...

阿仔好似唔識尊重人，包括爸爸，媽媽及老師。

作者: Anniemun 時間: 13-4-13 14:03

在家時，如他做得好，多些讚賞；做错時，請他站在一個特定的位置作反思，之後再耐心教導。他只是小二，年紀那麼小就脾氣咁大，就算再聰明，但欠品格，路也難行。加油吧！

作者: sharol1312 時間: 13-4-15 21:58

是的...真的令我心很灰,, 但不能放棄..唯盡自己最大的努力教.

作者: bugsmummy 時間: 13-4-15 22:27

sharol1312 發表於 13-4-12 02:55
好煩呀，老師成日投訴上堂唔注心，好似夢遊咁啦，但老師問返佢問題佢又識答，我問老師佢係咪過度活躍症，老 ...

其實坊間都有好多資優課程，唔洗測試喺咪資優都讀得，但要做entdance test睇下你小兒是否適合讀。

你可以讓佢試試挑戰下自己都好呀！

作者: piggylily 時間: 13-4-26 23:52 標題: 回覆：另我十分激心的細仔，想請教各家長意見

你仔仔同我仔仔好似，我都俾佢激到嘔血，我依家都好猶豫做評估定唔做

作者: 阿Yan 時間: 13-4-27 00:09 標題: 引用：好煩呀，老師成日投訴上堂唔注心，好似夢遊

原帖由 sharol1312 於 13-04-12 發表
好煩呀，老師成日投訴上堂唔注心，好似夢遊咁啦，但老師問返佢問題佢又識答，我問老師佢係咪過度活躍症，老 ...

一於去見見臨床心理學家和做評估，了解清楚他的困難和問題的原因。當然就算係資優，都要尊重老師丶父母，學同人合作等等，但要明白，如果一個好高lQ，或有任何特別學習需要的人，若得不到適切的幫助，可能在他眼中，周圍的人都不理解他，不尊重他，很不好受，自然脾氣也差一點啦。

歡迎光臨教育王國 (/)