教育王國

標題: 好擔心，懷疑25個月大囝囝有自閉症 [打印本頁]

作者: sonmummy 時間: 13-4-12 00:32 標題: 好擔心，懷疑25個月大囝囝有自閉症

同老公都

作者: sonmummy 時間: 13-4-12 00:48

我同老公都接受唔到亞仔有自閉症，但見過健康院姑娘，建議我地早d去評估或有能力自己出去找私人評估。宜家暫時約咗明天Prta見臨床心理學家做評估。前天亦揾咗協康會做感統評估但未有報告。我想問我仔仔有以下徵狀係咪真係好大可能患有自閉症？ 1)怕水池，唔敢行草地，乜都驚去人地屋企望下燈都話驚 2)偏食得好嚴重，每日只飲奶，可以三日先食一兩啖白飯或淨面，但蛋糕，餅糖又會扭食 3)情緒好失控，每日可以扭計幾個鐘，扭計時語無論次 4)健康院覆診時唔理姑娘，全程自己up abc song, 跟住癲咗咁大叫大喊要走 5)好固執，從來唔聽話，要佢著衫唔肯著，又會選指定顏色公仔先肯著 6)由12個月大返playgroup一入到班房已經狂叫狂喊，完全失控想離開 7)去公園都唔會玩會喊叫走

作者: momo814 時間: 13-4-12 00:57 標題: 回覆：好擔心，懷疑25個月大囝囝有自閉症

眼神接觸？叫佢個名，認唔認你？有無鐘意自轉？玩車碌？有無特別鐘意睇某樣嘢？例如，風扇。。。

作者: sonmummy 時間: 13-4-12 00:58

7)一出街唔肯行，一係就一行就拉住我地好固執咁要我地跟佢行佢嘅地方，從來唔肯比我地拖住佢行我地要去嘅地方 8) 去到公園只肯坐搖搖板，但指定要坐果個位先肯玩否則會扭計 9)唔肯接觸花草表現得好驚 10)食野時乜都話烏糟，好抗拒食物 11)唔肯同一班小朋友坐低，一見到多小朋友就會扭計要走

作者: sonmummy 時間: 13-4-12 01:10

但佢25個月有語言，識表達自己例如：行哩邊，好凍，好熱，好高，好痕，媽媽嬲呀，happy, 眼訓，返屋企

作者: misshk12 時間: 13-4-12 09:04

感統訓練/職業治療會幫到你。

作者: Vichang 時間: 13-4-12 12:07 標題: 回覆：sonmummy 的帖子

識表達自己就唔似a仔喎！我估只係感統失調。

作者: yauman76 時間: 13-4-12 12:17

固執, 感統同社交等問題比較明顯, 及早做評估, 排政府位, 及安排相關訓練.

作者: jj100c 時間: 13-4-12 14:52

識表達，已經好幸運，就算係自閉都係好mild和高智商個種（亞氏保加）,不用擔心，只要加緊訓練，長大後都不易察覺。我亞仔2歲3個月才開聲說話，起初都會自言自語，因為佢哋正在模仿學習階段。現在十一歲了，也看不出有A問題。

作者: Vichang 時間: 13-4-12 18:56 標題: 回覆：jj100c 的帖子

請問你囝囝最初固執嗎？有冇讀 i / s 位？我囝囝兩歲未到，已確疹，好固執。

作者: llam1210 時間: 13-4-12 22:29 標題: 回覆：jj100c 的帖子

可否分享你仔兒時的訓練？有那些較有大改善？

作者: fishcowcow 時間: 13-4-13 00:48

聽你描述好大機會有感統問題, 自閉問題仲要睇埋語言同社交表現

作者: Jean_K 時間: 13-4-13 01:32

快D去做評估，聽下專業人士意見，睇下點樣可以幫到小朋友

作者: wballp 時間: 13-4-13 07:08

我仔29個月，剛確診係A，有D特徵同你仔好似，但我仔仲輕微D，語言OK，只在同齡社交弱D，大小肌遲一年，有某D固執行為，一樣無自轉、無玩車輪、無玩門。你仔一定有感統問題，你要認真面對，同佢做感統治療先。

作者: sonmummy 時間: 13-4-13 18:55

尋日見咗PRTA臨床心理學家，佢話我仔有徵狀但就覺得佢似行為情緒問題多d，佢話佢語言冇delay, 能力Ok, 下星期一再要見多次我做詳細問卷作評估

作者: wballp 時間: 13-4-14 13:39

回復 sonmummy 的帖子

所謂確診是指佢入左自閉譜系，佢會執著用一個方法玩ABC，堅持自己按LIFT，堅持去某一層，成日口UP UP要去某個指定地方，同同年小朋友無咩交流。

作者: wballp 時間: 13-4-14 14:00

1)怕水池，唔敢行草地，乜都驚去人地屋企望下燈都話驚
----我仔1歲時怕沙地。這是觸覺過敏，感統問題。

2)偏食得好嚴重，每日只飲奶，可以三日先食一兩啖白飯或淨面，但蛋糕，餅糖又會扭食
---一樣，有偏食，不愛飯面愛甜食。

3)情緒好失控，每日可以扭計幾個鐘，扭計時語無論次
----一時時，多數有目的。感統問題好影響情緒，我仔TRAIN完感統脾氣好左!
4)健康院覆診時唔理姑娘，全程自己up abc song, 跟住癲咗咁大叫大喊要走
---我仔唔會，INTERVIEW都好合作。
5)好固執，從來唔聽話，要佢著衫唔肯著，又會選指定顏色公仔先肯著
----我仔唔肯著厚褸，薄的穿幾層就得。這也是感統問題。6)由12個月大返playgroup一入到班房已經狂叫狂喊，完全失控想離開
----我仔返PLAYGROUP時都合作，但唔享受，N班頭3個月都唔開心，之後好好多。

7)去公園都唔會玩會喊叫走 ----我仔有段時間都係咁，感統問題，佢會玩完唔舒服，所以唔中意。開始TRAIN感統後好好多。
有眼神接觸但唔多，好快會飄走。--THE SAME!!
叫佢間唔時會應，---THE SAME!沉醉自己世界。
唔鐘意車唔鐘意玩玩具，但鐘意波尤其d細細地嘅波，但係只係揸住唔係踢。---我仔都係，唔踢波因為感統，手腳協調唔好。唔算特別鐘意轉嘅野。 ---THE SAME
7)一出街唔肯行，一係就一行就拉住我地好固執咁要我地跟佢行佢嘅地方，從來唔肯比我地拖住佢行我地要去嘅地方 ---THE SAME
8) 去到公園只肯坐搖搖板，但指定要坐果個位先肯玩否則會扭計---我仔開頭只玩滑梯。 9)唔肯接觸花草表現得好驚 ----我仔都唔中意，一D興趣都無。10)食野時乜都話烏糟，好抗拒食物----我仔係怕D手指食野時會污糟，痴立立。觸覺敏感的表現。 11)唔肯同一班小朋友坐低，一見到多小朋友就會扭計要走 ---THE SAME。社交障礙，A仔特徵。

歡迎光臨教育王國 (/)