教育王國

標題: 困惑的問題 [打印本頁]

作者: cksy_bb 時間: 13-4-8 23:51 標題: 困惑的問題

A 仔,特徵唔駛講啦，語障既仲頭痕，好似岩岩係BK自由講場見有個topic係，應該同六歲男孩進入女更衣室嗎？我覺得每個人答案各有不同，但各有道理。換轉我地既仔，莫講話「更衣室」，即使是洗手間，怕不怕被人話呢？但以我仔為例，自己去廁所，屋企學校就得，商場既，我相信開門鎖門，排隊都有困難，搵個人同佢去，陌生人好似唔太好，我又唔放心，佢老豆又唔係成日陪倒，你會點做？

作者: pocoyo123 時間: 13-4-9 00:52

小兒6歲開始, 自己去厠所, 商場, 公厠, 都係佢自己入去, 我會在門口等, 從小話比仔佢知點樣保護自己, 有什麼位置不可比陌生人摸

男厠去小便應該唔使排隊,因為用尿兜, 反而, 去大便會煩些, 佢識得自己抺PET PET,但我都擔心厠格污穢, 所以去大便會搵傷殘厠所比較好

作者: Capricorn2521 時間: 13-4-9 11:50 標題: 回覆：cksy_bb 的帖子

睇完果個post.....我覺得係視乎個小朋友，同家長喺屋企訓練成點而決定是否可自行去公厠。但自己去更衣室就真係吾好啦，個post都有講，有D人好变態，冇大人一齊好危險。至於有人话去游泳班，如果係平日放學後人少少都冇問題嘅。

講返我地D仔……A仔能力個個都吾同…我仔今個月6歲了。暫時我未train佢，如果冇爸爸在，一定跟我入女厠。其實我個仔都有講佢係男仔要入男厠，但有D公厠真係好dirty... 我老公自己都吾入。而且，要排隊果D厠所，我又吾会入，所以好快攪掂，吾会蘇擾人。去泳池同沙灘，我地会選擇去D少人D果D時侯。如發覺多人就吾会再去第2次，因為我同老公都吾锺意排隊。

作者: apple~y 時間: 13-4-9 14:49

老公係到一定跟佢去男厠,去到男厠老公都係企埋一邊睇住
呀仔全程自己攪掂,都係安全問題
始終a仔表達有限,萬一有咩事佢未必可以完全表達比我知
得我時候就去傷殘厠所

作者: cksy_bb 時間: 13-4-13 13:37 標題: 回覆：困惑的問題

其實都係要爸爸先可以訓練倒小孩點去男廁。

歡迎光臨教育王國 (/)