教育王國

標題: Smart circle education 面試班 [打印本頁]

作者: Unclehippo 時間: 13-4-8 17:13 標題: Smart circle education 面試班

Smart circle education 面試班

係Facebook見到呢間機構, 入面有好多幼稚園取錄信, 好似好勁咁, 有無人試過得唔得？

作者: alovea 時間: 13-4-8 23:38

我都見到! 都好想知係唔係真係咁勁!!

作者: AJH 時間: 13-4-9 14:35

我都想知, 但係fb上寫一定要一星期兩堂, 唔target收2011年6月之後BB(講真, 6月之前嘅大B, 唔join 嬴面又大d啫)
$300/class, 1 week = $600, 1 month = $2400
唔肯定值唔值

作者: fabsum 時間: 13-4-9 16:17

唉! 連面試班都不收細b ...

作者: mosibaby 時間: 13-4-9 16:53

本來唔想出聲，但係見Miss Yu俾人質疑就想澄清下，因為個d offer letter我有份提供架！樓主問個間係Miss Yu開既，以前佢係私人教，係ek我都介紹左俾好多人，so far都冇俾人鬧過，仲見有好多人有好offer！我大女由2嵗跟Miss Yu跟到而家，細妹舊年開始上堂，都有唔錯既offer, 值唔值就見人見志，但係Miss Yu真係好有心，幫左我好多，所以我好尊重佢架。

呢到有我幾年前既分享，認為我做＂妹＂既就無需理會

http://www.edu-kingdom.com/forum ... 3097&highlight=幼稚園面試班

一直Pm我想攞Miss Yu資料既自己上佢facebook睇啦，因為太多pm唔想逐個覆了

作者: Unclehippo 時間: 13-4-10 14:15

我今朝打去但係無人聽，除左佢facebook上面個電話，仲有無其他電話呢？

作者: Tambb 時間: 13-4-11 22:38 標題: 引用：本來唔想出聲，但係見Miss+Yu俾人質疑就想

原帖由 mosibaby 於 13-04-09 發表
本來唔想出聲，但係見Miss Yu俾人質疑就想澄清下，因為個d offer letter我有份提供架！樓主問個間係Miss Yu ...

兩年前我都是因為囡囡考n班全軍覆沒，在ek經Mosibaby 介紹找到Ms Yu 的，我個囡好慢熱好怕醜，和我們同屈的全部有一條龍的offer, 而我囡已是最差，也有九龍塘的幼稚園offer.
當時考第一個是九龍塘幼稚園的interview, 我出嚟直情眼濕濕，佢真係表現得好好，同n班interview 簡直係第二個人，我囡到而家仍然讀緊，因為她教導我囡尊注和思考，我認為對我女將來學習很有幫助。
值唔值得在乎你點睇！
仲有好多謝mosibaby當年介紹我，真係萬分感激

作者: adatsui 時間: 13-4-11 23:34

宜家好似已经唔收生了~好奇怪啊，既然教得咁好点解会5收生呢？？

作者: tuelovefei 時間: 13-4-12 00:14 標題: 回覆：Tambb 的帖子

可唔可以 pm 資料比我呀，我女又係好怕陌生，謝謝

作者: Tambb 時間: 13-4-12 09:11 標題: 回覆：adatsui 的帖子

唔係唔收生，係已經full咗，我朋友11年b已經開咗班，我眼見啲小朋友考完k1都唔會走嘅，一路跟住佢到k3升小學，所以新一年相對根本開唔到咁多班，根本佢都唔愁冇人上，我身邊啲朋友見到我個女咁靜怕醜都考到，都會叫我介紹，剩係介紹來介紹去都夠哂。
大家都係精明的家長，如果真係冇用，你不會讓你的仔女跟足4年，啲錢掉落咸水海。

作者: Tambb 時間: 13-4-12 09:12 標題: 回覆：tuelovefei 的帖子

你上Facebook 就找到!

作者: Unclehippo 時間: 13-4-12 10:46

本帖最後由 Unclehippo 於 13-4-12 13:59 編輯

Hope not too late la

作者: Unclehippo 時間: 13-4-17 10:36

Tambb, 請教一下, 因為打去無人聽，我公司又係尖沙咀，所以昨天直接上去睇下，個到地方不大，但係好新浄，見到Miss Yu, 同佢傾左一陣，佢都好nice, 俾左不小意見係點樣揀一間適合的學校，同應該點樣訓練小朋友的專注力同服從性，我真係好想佢可以收我小女，但係佢話學位有限，仲要約見時間都爆晒，可能要過2個星期先可以安排，但係又驚到時無晒位，如果我直接帶埋個女上去俾佢見下唔知會唔會唔好呢？

作者: aliceyoyotang 時間: 13-4-17 13:49

唉! 連面試班都不收細b ... NOT FAIR!

作者: KOALASHAU 時間: 13-4-19 02:05

咁啱見到有家長問，都忍唔住上黎講兩句，話我係媒既可以當無睇過。我都係經樓上熱心既家長幫手介紹找到Miss Yu的，當時亦都等了很久才可見面並上課，而且並非一開始由Miss Yu上的，又要有家長陪，所以我當時信心不大，抱住一試無妨的心態上堂，日子久了，真的見到小女的進步，由之前怕陌生人到現在逢人都叫，未走已經同人講bye bye，我地都好開心。雖然pn無好出名既學校收，但都叫有幾間offer，而且我女係九月細女，我都覺得算係咁。黎緊上堂準備獨立上課，因只上兩堂怕我囡未能適應，Miss Yu提出幫我囡補多一堂好讓她快點適應，真的感受到她以小朋友為中心，沒有只想著賺錢（她是免費幫我女補課的）。而且見我女未適應獨立上課，沒有急於加插其他小朋友插班，反而讓老師花多點時間在我女身上，真的令我很意外。老實說，我每次帶小女上堂都見到一些名幼學生到來上課，我想家長們都是精明消費者，考上名幼為何還繼續到來上課還是一定有原因吧！唯一美中不足是希望我女所有堂都由Miss Yu親自教授會更好。

作者: Unclehippo 時間: 13-4-24 10:32

回復 KOALASHAU 的帖子

我終於都帶左小女上去見Miss Yu, 但係Miss Yu話睇下有冇位遲d先通知我，咁即係收唔收呢？你個時係唔係都要等通知架？

作者: novelle 時間: 13-4-24 10:55

回復 KOALASHAU 的帖子

KOALA SHAU: 囝囝5月開始會上堂，請問Miss Yu以前是否幼師？

作者: kwansara 時間: 13-4-24 11:15

Ms Yu 有無開小學面試班 ?

作者: KOALASHAU 時間: 13-4-24 13:28

回復 Unclehippo 的帖子

我當時都要等左一至兩星期，之後我再催佢先可以安排到。因為一班得3-4個小朋友架咋。

作者: KOALASHAU 時間: 13-4-24 13:31

各位，其實我只係分享自己既經歷，我都係同MISS YU傾過點教小朋友，佢比左好多意見我，我覺得佢真係OK所以先JOIN，而之後又見到小女有進步，所以先分享一下。我唔知佢之前做咩，亦都唔知佢有無小學面試班架，唔好意思，幫唔到你地，請諒！

作者: KOALASHAU 時間: 13-4-24 13:34

回復 novelle 的帖子

可能會同我囡係同學呀^^

作者: KOALASHAU 時間: 13-4-25 23:51

KOALASHAU 發表於 13-4-24 13:34
回復 novelle 的帖子

可能會同我囡係同學呀^^

我女返上午呀。而家開始自己入課室上堂喇。

歡迎光臨教育王國 (/)