教育王國
標題: 請比意見! (唔捨得比呀仔留學....) [打印本頁]
作者: 小恐龍 時間: 13-4-8 09:52 標題: 請比意見! (唔捨得比呀仔留學....)
我仔好想出國留學(Y9), 我老公覺得不防比佢一試, 讀得唔好就返來, 但我唔想, 我覺得小朋友留係父母身邊係最好, 我係FTM, 得一個仔, 老公經常出差不在家, 我真係好唔捨得個仔, 我做咗FTM之後生活機乎就只有倆母子, 雖然考都未考, 但我已經好唔開心.......我係咪好自私.........
作者: mankei416 時間: 13-4-9 03:36 標題: 引用：我仔好想出國留學(Y9),+我老公覺得不防比佢
原帖由 小恐龍 於 13-04-08 發表
我仔好想出國留學(Y9), 我老公覺得不防比佢一試, 讀得唔好就返來, 但我唔想, 我覺得小朋友留係父母身邊係最 ...
作者: NLai 時間: 13-4-9 06:39 標題: 回覆：請比意見! (唔捨得比呀仔留學....)
我有個friend又係FTM,個仔又係y 9走，佢笫一年勁吾舍得，有一半以上時間人經常留在英國陪仔，今年Y10了,母親也找到自己生活，學下畫畫，書法，yoga,皃子也十分獨立生性了。既然孩子自己提出，做父母的，能力所能及，也應該支持
作者: 小恐龍 時間: 13-4-9 08:17
mankei416 發表於 13-4-9 03:36
你仔仔幾歲？我家族有二人從小就出國讀書，一一個已大學畢業凱旋歸來搵到份好工，和家人關係良好，另一個仲 ...
我仔今年12歲, 佢想下年Year 9出國讀書。
其實佢仲好幼稚, 但我覺得佢好想學獨立, 不過事實係佢根本唔識照顧自己, 唔好講執房、起身執床, 我唔會幫佢執, 佢間房好似打仗咁, 成地玩具、書, 就連沖涼, 你唔摧, 佢可以連涼都唔沖.......我朋友話其實咁先應該要佢出去學獨立!
佢思想上都好幼稚, 同爸爸捉棋輸咗會喊, 同學仔失約佢又喊........咁大個仔, 成日喊.....
佢在學校成績只屬一般, 唔會主動溫習, 做功課都要三摧四請, 如果無人理, 我怕佢每日hea住返學?!
可能係我想太多.......
作者: 小恐龍 時間: 13-4-9 08:31
NLai 發表於 13-4-9 06:39
我有個friend又係FTM,個仔又係y 9走，佢笫一年勁吾舍得，有一半以上時間人經常留在英國陪仔，今年Y10了,母 ...
無錯! 就係因為係佢自己提出, 所以我幾唔情願都有幫佢搵學校, 我怕佢之後會怨我唔幫佢。
現階段已經搵咗agent考咗screening test, 雖然我同老公計劃係考唔到好學校, 就唔好走, 因為唔值, 所以佢能出國機會唔太高, 但我一路幫佢, 一路都覺得自己送緊個仔比人, 好唔開心.........我真係好唔成熟......
作者: Taimum 時間: 13-4-9 12:06
回復 小恐龍 的帖子
仔女唔會永遠係您身邊！我同老公反而同兩個仔講，父母唔會一世係佢地身邊！我阿大今年9月都去讀year10,都係佢自己要求去，最緊要清楚佢想去嘅目的，唔係跟風同學去佢又去.
作者: Yanamami 時間: 13-4-9 14:42
佢能出國機會唔太高, 但我一路幫佢, 一路都覺得自己送緊個仔比人, 好唔開心....
***********************
Cut the apron strings mum~~you're too attached to your son. Sooner or later, he will leave and has his own life. He might not go abroad this time but you should adjust your mind to prepare for it.
作者: 小恐龍 時間: 13-4-9 16:05
Taimum 發表於 13-4-9 12:06
回復 小恐龍 的帖子
仔女唔會永遠係您身邊！我同老公反而同兩個仔講，父母唔會一世係佢地身邊！我阿大今年 ...
"仔女唔會永遠係您身邊", 我老公都係咁講, 佢問我係咪想個仔成世做裙腳仔........
另一個問題係我都搞唔清佢想去既目的, 睇佢現在讀書態度, 我唔覺得佢係為"讀好書"而去, 我就係怕佢只係因為跟風而去。
作者: 小恐龍 時間: 13-4-9 16:41
Yanamami 發表於 13-4-9 14:42
佢能出國機會唔太高, 但我一路幫佢, 一路都覺得自己送緊個仔比人, 好唔開心....
***********************
我一路都係計劃Year 12比佢去, Year 9早咗3年, 我有啲接受唔到.........
13歲話大唔大, 話細唔細, 佢去到咁遠識到壞朋友學壞我都睇唔到、跟唔到, 係身邊多多少少都會睇到啲, 去到咁遠真係乜都唔知、乜都理唔到。
作者: Tiger媽 時間: 13-4-9 18:45
我同你嘅情况差不多，原本計畫讀完中五才出國，但呀仔突然提出今年九月到英國讀yr 10. 他說中六才過去要用一年適應，跟住一年prepare 考大學太tight. 另外他想這兩年多些時間和空間去接觸不同的活動，發掘自己興趣。香港讀書生活太忙，沒有機會停下來。我和我先生考慮過，既然呀仔有勇氣跳出自己嘅comfort zone, 我地應該支持。我好明白你的心情和憂慮，我有時在半夜也會向壞處諗，擔心到訓唔著。但孩子話我要高飛看遠d, 我地只好信任佢。
作者: vic.pretty 時間: 13-4-9 20:11
提示: 作者被禁止或刪除 內容自動屏蔽
作者: Taimum 時間: 13-4-9 21:35
回復 Tiger媽 的帖子
您阿仔同我阿仔嘅想法好似喎！佢都係今年year10.
作者: Taimum 時間: 13-4-9 21:42
回復 小恐龍 的帖子
同佢傾多D試探佢，唔好揾佢同學揾嘅學校，睇佢有乜反應！
作者: awah112 時間: 13-4-9 21:56
提示: 作者被禁止或刪除 內容自動屏蔽
作者: Tiger媽 時間: 13-4-9 23:24
回復 Taimum 的帖子
以我觀察，香港教育真係握殺好多學生思考自己方向和發展興趣的空間。大部份學生升上中學後便漸漸失去動力和朝氣。唔係佢地唔長進，係社會對佢地要求高。要爭取好成績就要趨谷，全天候溫習。咁嘅學習氣氛下又點有時間沉殿所學嘅嘅。我眼見好些學生到外地升學後，學術未必有大進步，但明顯有番自信和年青人的朝氣。希望我地嘅仔仔女女X'mas 回香港時充滿暘光啦！
作者: 小恐龍 時間: 13-4-10 08:18
Tiger媽 發表於 13-4-9 18:45
我同你嘅情况差不多，原本計畫讀完中五才出國，但呀仔突然提出今年九月到英國讀yr 10. 他說中六才過去要用 ...
我仔之前從來對我計劃Year 12比佢出國讀無任何反應/意見, 但突然上年暑假後提出想Year 9去, 我完全摸不著頭腦佢諗乜? 問佢因為咩原因想早3年去佢又講唔出, 只係話想去。
作者: 小恐龍 時間: 13-4-10 08:29
vic.pretty 發表於 13-4-9 20:11
回復 小恐龍 的帖子
小恐龍, 其實你應該先調節一下自己心理先, 因為你吾係送左個囝俾人, 你係愛鍚佢, 為他 ...
自從我仔開口話想出國, 我開始問親朋戚友子女去留學意見/家長經驗, 同多咗上網討論區睇相關資料, 意見/經驗好與壞當然都係一半半, 有好有唔好, 好既我都好想個仔學到, 但唔好既我真係好擔心, 可能我人生真係無乜其他寄托, 我一心只想湊大個仔, 教好個仔, 我老公都話我成世人只圍住個仔氹氹轉, 個仔會大, 個仔要成長, 唔會成世黐住你。
作者: 小恐龍 時間: 13-4-10 08:30
Taimum 發表於 13-4-9 21:42
回復 小恐龍 的帖子
同佢傾多D試探佢，唔好揾佢同學揾嘅學校，睇佢有乜反應！ ...
作者: 小恐龍 時間: 13-4-10 08:37
awah112 發表於 13-4-9 21:56
小朋友留係父母身邊係最好
我其實都係咁諗, 12-3歲佢仲有好多人生是非黑白都未懂處理, 需要父母指導, 我同呀仔乜都講, 連性教育書都會一齊睇。Year 12, 16歲出國應該ok, 但奈何佢自己提出, 如果我拒絕幫佢, 我怕佢將來會埋怨我........
作者: Yanamami 時間: 13-4-10 08:46
本帖最後由 Yanamami 於 13-4-10 08:46 編輯
小恐龍 發表於 13-4-10 08:37 
我其實都係咁諗, 12-3歲佢仲有好多人生是非黑白都未懂處理, 需要父母指導, 我同呀仔乜都講, 連性教育書都 ...
In this case(我同呀仔乜都講), you should tell him your concerns and see what's in his mind. May be he'll reassure you?
作者: 小恐龍 時間: 13-4-10 09:19
Yanamami 發表於 13-4-10 08:46
In this case(我同呀仔乜都講), you should tell him your concerns and see what's in his mind. May be ...
有呀! 我有問佢, 佢答案就係"想囉", 點解想呢?! 佢諗好耐都講唔出, 多次追問後佢只答我覺得外國環境好, 地方大, 學校大, 多課外活動, 佢的確講得無錯, 但咁......算唔算一個應該比佢出國讀書既理由?!.......我都唔知.......
我問佢, 如果只係因為環境好啲, 留係我同爸爸身邊會唔會比較值得, 佢唔敢say yes又唔敢say no。
作者: Yanamami 時間: 13-4-10 10:21
小恐龍 發表於 13-4-10 09:19
有呀! 我有問佢, 佢答案就係"想囉", 點解想呢?! 佢諗好耐都講唔出, 多次追問後佢只答我覺得外國環境好, ...
Not only ask him WHY he wants to study abroad but also tell him WHAT is bothering you, WHAT are your worries(all the worries you mentioned in this post)....etc. Let him know WHAT's in your mind.
作者: mayc 時間: 13-4-10 11:44
我囝grade 10出去讀書,之前的暑假佢跟學校去英國遊學,返港後讚不絕口,又好鍾意老師的教學方法,所以我們才萌起讓他到海外升學的念頭,可以暑假讓他先去遊學,測試下佢(想的太美麗)和自己(是否日日掛到訓唔到),是否適應?
作者: Taimum 時間: 13-4-10 17:20
回復 小恐龍 的帖子
我地唔好唔得就唔比佢去，最緊要經濟○ｋ！有D細路您想佢去都唔去，比佢試下，唔係佢會怨您！
作者: Taimum 時間: 13-4-10 17:49
本帖最後由 Taimum 於 13-4-10 17:50 編輯
回復 vic.pretty 的帖子
我認同，學校好唔好係好表面，適唔適合我地都係估估下，唔好話外國，香港學校都估唔到！最終都要阿仔自己試先知！
作者: panda-jojo 時間: 13-4-10 23:50
我有3個仔女，大女5年前離開香港，2女上年走左，細仔都一齊去英國。好唔捨得嫁，但見到佢地又開心又小左壓力又獨立，我覺得好安慰。 做媽咪一定會擔心d仔女， 但鳥兒也會有飛走的時候。
作者: noel2010 時間: 13-4-11 00:40
英國讀中學，half term & term break 好多假期，有些中學要回港3至6次。連我仔在HK 以前同學都話唔覺呀仔去咗英國讀書。家庭做節過節日子亦見出現，故不是想像中似去咗移民。讀大學才較少回港吧。
作者: 小恐龍 時間: 13-4-11 08:46
Yanamami 發表於 13-4-10 10:21
Not only ask him WHY he wants to study abroad but also tell him WHAT is bothering you, WHAT are you ...
怕佢學壞、誤交損友經常都有同佢講, 佢答我"知道啦、我識揀朋友架啦!", 但佢現在學校其中一個好朋友正是班上出名曳, 講粗口、蝦同學既學生, 唔止同級聞名, 全校都算數一數二曳既學生, 家長日我問過班主任, 還好我仔雖然同佢老友, 但無學佢講粗口、蝦同學, 我覺得多少都因為我經常同佢傾計, 佢會講我聽學校發生咩事, 今日邊個邊做咗啲咩, 如果去到咁遠, 我哋溝通一定少好多, 到時唔知會唔會可以咁樣傾到計。
雖然佢有個曳老友, 但我仔其實係會比人蝦嗰個, 佢好多時都會啞忍, 我問佢點解唔話比老師知、唔話比我知, 佢話如果比老師知道, 個同學一定會對付佢, 不如忍下算數, 例如校巴上比高年班趕佢去第二個位(我仔原本坐窗口位), 我係後來先知, 問佢點解唔第一時間講比我知, 佢話無所謂, 坐第二個位啫, 又唔係無得坐, 我同佢講, 唔係有冇所謂既問題, 校巴姨姨已經編好座位, 你係"應該"坐窗口位, 你係據理力爭你"應得"既, 但佢都係話無所謂, 我唔介意......佢咁既性格出到去我怕佢會比人蝦....
但唔捨得佢我就唔敢多講, 佢最初話想Year 9去時, 我講過2-3次我好唔捨得你, 佢有次竟然眼紅紅咁話"我唔係一定要去既", 但我知佢其實係想去。
作者: 小恐龍 時間: 13-4-11 08:57
mayc 發表於 13-4-10 11:44
我囝grade 10出去讀書,之前的暑假佢跟學校去英國遊學,返港後讚不絕口,又好鍾意老師的教學方法,所以我們才萌 ...
我其實都有咁想過, 搵過agent, 比較有名英國學校遊學要足13歲, 佢未夠年齡。
有冇介紹?
作者: 小恐龍 時間: 13-4-11 09:03
Taimum 發表於 13-4-10 17:20
回復 小恐龍 的帖子
我地唔好唔得就唔比佢去，最緊要經濟○ｋ！有D細路您想佢去都唔去，比佢試下，唔係佢 ...
我就係怕佢會怨我, 現在先會咁苦惱........
你仔女係英國讀書嗎?
作者: 小恐龍 時間: 13-4-11 09:07
panda-jojo 發表於 13-4-10 23:50
我有3個仔女，大女5年前離開香港，2女上年走左，細仔都一齊去英國。好唔捨得嫁，但見到佢地又開心又小左壓 ...
你好堅強、好識諗, 我仔學校都未考到, 我有時想起佢如果真係會走, 我都會喊.....
我老公話我放太多專注力係個仔身上, 唔止對我自己唔好, 對個仔都好大厭力, 佢有時會笑我, 第二時你個仔大個識啲女朋友, 你一定覺得個個都係壞女人.......
作者: 小恐龍 時間: 13-4-11 09:10
noel2010 發表於 13-4-11 00:40
英國讀中學，half term & term break 好多假期，有些中學要回港3至6次。連我仔在HK 以前同學都話唔覺呀仔去 ...
機票好貴呢!! 學費可以付擔到, 但始終中學到大學講緊係8-9年, 我又無做嘢咁耐, 到時要好慳, 未必有咁多錢比佢一年返來5-6次。
作者: mayc 時間: 13-4-11 13:56
Year 9即是中三,其實香港的初中教育還不錯,我個人覺得未必需要甘急,始終我覺得兩方面(父母和仔女)都要取得平衡,睇多一年未嘗不可,而且中四也是一個轉捩點,不如妳與他相議,將這一年為試點,要求他如交友方面,自理方面有改進,讓妳放心,讓他對自己負責任,畢竟出去讀書是一個重要的決定,不應是他想去便去,.至於遊學團,今期星X親子王介紹,可以參考一吓!
作者: Taimum 時間: 13-4-11 19:24
回復 小恐龍 的帖子
今年9月去呀!
作者: Choisumwong 時間: 13-4-11 19:56
請計計數，一年大概50-60萬，year 9 去到大學8年，保守都四佰萬，值嗎？請想清楚。
作者: noel2010 時間: 13-4-11 23:58
回復 小恐龍 的帖子
大部份學校half term & term break 一定要離校，因清潔宿舍。你要再支付監護人及食住費用。很多細路回港，是食住費用和機票 (half term平D), 費用差不多吧。家長唔想他們沒有活動，便寧願回港。去英國讀書，除學費，還有其他必須使費。呀仔每次來回，除機票外，因呀仔只是13，14，學校一定要我請私人接送，每次再比多$6000, 好貴呀!仲要只有他最細才要請，冇人同我share交通費。你最保守一年要40-60萬花費。
只因自問呀仔應在港沒可能考入U，他又鍾意英文及適合外國學習模式。一個term 回來，已操到流利英語，用詞亦深了多了。當然壞處冇人管，會學壞及放棄了在港訓練的專長活動。
日常溝通唔會少，因日日同他whatsapp。亦可Tango 見面或長途電話。
作者: 小恐龍 時間: 13-4-12 08:02
mayc 發表於 13-4-11 13:56
Year 9即是中三,其實香港的初中教育還不錯,我個人覺得未必需要甘急,始終我覺得兩方面(父母和仔女)都要取得 ...
無錯, 我本來計劃就係Year 12出國, 16歲我覺得已經係一個"小大人", 應該可以離巢試試自己飛, Year 9完全係我計劃之外, 但因為老公覺得既然係呀仔想去, 可以比佢試下無防。我會一邊同呀仔好好傾下, 另一邊都要同老公坐底慢慢傾傾。
作者: 小恐龍 時間: 13-4-12 08:05
Taimum 發表於 13-4-11 19:24
回復 小恐龍 的帖子
今年9月去呀!
你囝囝去讀Year 10, 是嗎? Year 10會比Year 9難入嗎?
我同老公爭論好唔好Year 9比呀仔走另一個原因就係Year 9學位比較多, 如果成績唔係太標青, Year 10唔易入。
作者: 小恐龍 時間: 13-4-12 08:17
Choisumwong 發表於 13-4-11 19:56
請計計數，一年大概50-60萬，year 9 去到大學8年，保守都四佰萬，值嗎？請想清楚。 ...
作者: 小恐龍 時間: 13-4-12 08:27
noel2010 發表於 13-4-11 23:58
回復 小恐龍 的帖子
大部份學校half term & term break 一定要離校，因清潔宿舍。你要再支付監護人及食住 ...
假期多我知道, 朋友、agent都有講過。不過私人接送每次要六千我有啲嚇一跳, 你指係學校去機場來回? 加埋機票咪萬幾兩萬!!!
我計劃係只比呀仔一年返來2次, 其餘時間就去監護人家過, 或者我同老公一年會去探佢一次, 一來可以睇睇佢啲同學、朋友係咩人。
作者: Choisumwong 時間: 13-4-12 11:40
回復 小恐龍 的帖子
When money is no problem, then second question is what evidence your kid shows you he is committed to his study and life abroad. This is the motivation which drives your son to keep studying and overcoming problems in boarding school.
You need to set prerequisites. If he is very eager to go abroad, he should show you his evidence e.g. academic improvement, independence, his goal in life, mature behaviour etc .
I totally agree with your husband's point of view, but how do you ensure your outcome matches your expectation ? My personal experience is that my daughter asked me to go abroad to study, I took one year of observation and set prerequisites for her. Finally she showed me she was determined and her academic level and mature behaviour rewarded her wish. Don't think that it is your responsibility of missing your son's chance, it is also your son's responsibility to show you that he deserves your family to spend money and give him chance to study well !!
作者: Taimum 時間: 13-4-12 12:24
回復 小恐龍 的帖子
阿仔係year10呀!聽好多家長和agent講year10要排名高嘅學校難D！阿仔選揾200內嘅學校不是太難！假如您現在才決定搵學校，時間急左D！
作者: noel2010 時間: 13-4-12 14:02
回復 小恐龍 的帖子
由於我和呀仔覺得Heathrow airport 較安全，故沒有再轉多程機，萬一有大風雪or cancel flight, 他可去我朋友家住。由Heathrow 去school 要坐三四小時車程，又冇人同我share, 因其他人已over ages, 不用接送。school policy 亦不肯呀仔跟同學坐火車，只好照付。如果呀仔在term break 坐CX，加埋要2萬3，4呀。好彩他肯坐Emirates。
如果你有朋友做監護人及食住，回港多少次亦不大問題。因之前見D家長覺得住在host family, 只有打機。若出街，油錢，services fee 等樣樣同你計，加上每日食住約£40, 洗費差不多。這些是家長較麻煩的安排吧。
作者: 小恐龍 時間: 13-4-12 15:46
Choisumwong 發表於 13-4-12 11:40
回復 小恐龍 的帖子
When money is no problem, then second question is what evidence your kid shows y ...
你講得好啱, 佢現階段在我心目中根本就係一個"小朋友", 我唔覺得佢係為要讀好書、考上好大學而想去留學, 校內成績只屬一般, 班中只係中游份子, 我唔覺得係無人管束下佢會自覺地讀書做功課, 我感覺唔到佢有努力爭取去留學。
但我老公覺得"我"係一個令呀仔緩慢成長既最大原因........呀仔由細到大都已經習慣有我企係側邊督促佢做功課、溫書, 要人督促已經成為習慣, 會嗎? 我有錯嗎? 難道我要乜都唔理? 所以老公先覺得呀仔要離開我先可以嘗試學習獨立, 我老公覺得我保護得個仔太緊要, 佢投訴我連周星馳、IIB級電影都唔比呀仔睇, 太誇張, 個仔今年已經12歲, 佢覺得我當個仔BB咁照顧, 我咁樣好過份嗎?! 唔好意思, 講講下好似離咗題.......
作者: 小恐龍 時間: 13-4-12 15:50
Taimum 發表於 13-4-12 12:24
回復 小恐龍 的帖子
阿仔係year10呀!聽好多家長和agent講year10要排名高嘅學校難D！阿仔選揾200內嘅學校不 ...
係2014年9月入Year 9, 應該唔算急。時間充裕啲、早啲考, Year 10其實係咪都唔難入?
作者: 小恐龍 時間: 13-4-12 16:00
noel2010 發表於 13-4-12 14:02
回復 小恐龍 的帖子
由於我和呀仔覺得Heathrow airport 較安全，故沒有再轉多程機，萬一有大風雪or cancel ...
因為未考到學校, 學校policy點我未知, agent同朋友都話年紀細機場接送可以搵監護人, 每次收費, 但我無估到要六千咁多! 監護人我都聽到有啲朋友講有啲好既會同你去教會、出去食下飯, 好多都唔會同你安排任何節目, 只會一日比三餐、比張床你瞓就算。監護人問題我都應該要同呀仔好好傾下。
你仔監護人可以嗎? 係親友定係公司?
作者: Taimum 時間: 13-4-12 17:43
回復 小恐龍 的帖子
2014好好多，做多D比較，我覺得year10應該唔會太難，因見好多家長都係year10.
作者: noel2010 時間: 13-4-12 19:00
我校自已做番監護人，學費已包此費用及half term 食住。但我搵朋友做呀仔監護人，多個照應吧。
作者: Choisumwong 時間: 13-4-13 12:26
回復 小恐龍 的帖子
I totally understand your feeling and your husband' point of view. You love and care your son. It is correct. But you do not know how to 'leave hand' and ruin your son's independence and responsibility. You son can not grow up under your care and thinking. I would suggest to give your son more room to live. Studying abroad may be a good way.
You may take away your fear that you son may not know how to handle e.g. illness, accident, failure, bully.
作者: Obiepapa 時間: 13-4-14 23:41 標題: 回覆：請比意見! (唔捨得比呀仔留學....)
有舍先有得，給他一個搏的機會。
作者: 小恐龍 時間: 13-4-15 08:17
多謝各位留言, 大家網上平水相逢都願意花時間回覆我, 萬分感激!
我係知道自己經常鑽牛角尖, 但又唔覺得自己無道理(又鑽牛角尖?), 所以先苦惱.....
我仔學校旅行一星期, 老公、朋友都叫我自己去玩, 難得"放大假", 老公話帶我出差, 我完全唔想去, 那幾日我連做家務動力都無.......但個仔開心到連打個電話返屋企都只係講兩句, "我無事啦, 好開心, 我去玩啦, BYE BYE", 因為老師話佢哋要學獨立, 只可打一次報平安, 我等佢電話等到頸都長......
其實真係無人會好似我咁嗎? 我以前無咁黐個仔, 以前返工, 間中會放底個仔比媽媽、家姐同老公去街拍拖、睇戲, 但自從做咗FTM之後就係咁, 反而見得個仔多仲唔捨得離開個仔?!
作者: Ding 時間: 13-4-15 13:24 標題: 回覆：小恐龍 的帖子
你個仔都好想學獨立，佢唔想做裙腳仔，你應該開心讓佢去，唔通到佢廿幾嵗仲成日都搵呀媽解決難題？！一個人要經歷好多野先可以成長。放手由他去吧，我個仔今年9月去讀yr 7，間學校仲係唔向大城市添，佢同你個仔一樣係中游份子，唔主動溫書，不過係我叫佢去，因為香港教育制度實在偏離教育原意。而且我想佢獨立D，出去見多D！第一次我會同佢過去教佢轉機，佢返學後我就上 Scottland join 埋朋友玩2個禮拜，放大假 
。無呀仔在身邊一樣好充實，學下野，做下義工，行下山，又可以出返黎做野搵
作者: 猪猪侠 時間: 13-4-15 13:36
There could be a mid-way solution. Send your boy to a boarding school in Hong Kong. Right now, I know Harrow International and St. Stephen (Stanley) offer boarding for secondary students.
But the fact remains that you need to learn how to let go. I suppose your boy is a 細仔 (12 years old already studying Year 9 going on Year 10 this September 2013?). If he is, he is probably getting quite a bit of picking on by the older students. And if Mommy comes around too much trying to protect him, other students see it, and they pick on him even more.
作者: peter_pan 時間: 13-4-15 19:06
本帖最後由 peter_pan 於 13-4-15 19:08 編輯
Lateral thinking - how about sending him to boarding schools in Asia? Instead of Harrow in Hong Kong, you may consider Harrow in Beijing or Thailand, or Dulwich in Shanghai, Marlborough in Malaysia, or Atlantic College in Singapore? At least plane tickets will be much cheaper & either he can come home more often, or you can go over to visit him the odd weekends! And he is still far enough away from home to be able to learn independence!
作者: Obiepapa 時間: 13-4-15 23:19 標題: 引用：我同你嘅情况差不多，原本計畫讀完中五才出
原帖由 Tiger媽 於 13-04-09 發表
我同你嘅情况差不多，原本計畫讀完中五才出國，但呀仔突然提出今年九月到英國讀yr 10. 他說中六才過去要用 ...
作者: 小恐龍 時間: 13-4-16 08:02
Ding 發表於 13-4-15 13:24
你個仔都好想學獨立，佢唔想做裙腳仔，你應該開心讓佢去，唔通到佢廿幾嵗仲成日都搵呀媽解決難題？！一個人 ...
你都係FTM嗎? 一個小朋友? 你仔有冇唔想去?
我唔覺得我仔係想學獨立, 我講過不下數十次我要佢懂得照顧自己先比佢去讀, 佢到今時今日都係床底有衫褲、衣櫃一堆堆衫、房地下放滿玩具同書......P.E.kit唔叫唔執, 臭襪經常一雙去、一隻返......我無幫佢執, 由佢瞓係垃圾房, 佢完全唔似想學獨立, 我覺得佢似想去玩多啲, 佢好鍾意去旅行, 我同佢講去英國睇學校, 佢都問我可唔可以順便去玩...........
作者: 小恐龍 時間: 13-4-16 08:14
猪猪侠 發表於 13-4-15 13:36
There could be a mid-way solution. Send your boy to a boarding school in Hong Kong. Right now, I k ...
哈羅太貴啦!!!!! 以佢成績, 聖士提反唔會收佢啦......
佢今年12, 現在係未足12。我就係覺得佢現在係學校已經係成日比人蝦(可能我自己諗多咗...), 佢性格係多一事不如少一事, 唔係太過份佢唔介意, 試過踢足球比人踢瘀咗個肚, 佢口同我講那人係有心, 但我要投訴佢唔比, 佢話咁樣那個人會變本加厲針對佢, 佢鍾意踢足球, 如果咁樣佢會無得踢?!?!?!? 但佢又無唔鍾意返學, 所以我都由佢自己解決, 但我好擔心佢去到會比人蝦.....如果次次死忍, 好易會心理唔平衡, 諗埋一邊.....
作者: 小恐龍 時間: 13-4-16 08:27
peter_pan 發表於 13-4-15 19:06
Lateral thinking - how about sending him to boarding schools in Asia? Instead of Harrow in Hong Kong ...
既然要出國, 英國學校師資會好啲, 北京哈羅、上海德威, 學校名氣雖大, 但師資始終無英國好, 佢哋請既老師一般都係新人, 經驗淺, 唔係話無經驗老師一定唔好, 但老師流失率高, 對學生唔係咁好, 加上北京、上海空氣污染、治安問題....所以唔係首選, 除師資好, 生活環境英國都比較好, 所以暫時無諗過比佢去其他地方。
作者: 小恐龍 時間: 13-4-16 08:29
Obiepapa 發表於 13-4-15 23:19
如果小朋友想出去見識下，屋企有資源，細路又生性，由他去吧，海闊天空，但未必比在香港輕鬆的。要他們立志 ...
以佢現在讀書態度, 我就係怕佢"浪費光陰".......
作者: Obiepapa 時間: 13-4-16 10:31 標題: 引用：Quote:Obiepapa+發表於+13-4-15+23:19+如果
原帖由 小恐龍 於 13-04-16 發表
以佢現在讀書態度, 我就係怕佢"浪費光陰".......
作者: Obiepapa 時間: 13-4-16 10:32 標題: 引用：Quote:原帖由+小恐龍+於+13-04-16+發表以佢
原帖由 Obiepapa 於 13-04-16 發表
甘就不如留返香港，出國都要幾百萬。
作者: CHAN-2 時間: 13-4-16 14:08 標題: 回覆：小恐龍 的帖子
可考慮新加坡的UWCSEA，幾好㗎。
作者: yk2 時間: 13-4-18 09:22 標題: 回覆：請比意見! (唔捨得比呀仔留學....)
其實如果以兒童心理發展角度，青春期與家人一起生活較好，雖然青春期起父母角色已不同，要以朋友式了解可維持良好關係，如可以當然母親一起到外國留學最好，如否建議還是待大學吧！
作者: Taimum 時間: 13-4-19 10:58
回復 yk2 的帖子
我都想同大仔去讀書，但成本好大，我寧願留番D錢比細仔讀好過！
作者: 小恐龍 時間: 13-4-22 09:19
Obiepapa 發表於 13-4-16 10:32
我指一百萬。
作者: 小恐龍 時間: 13-4-22 09:20
CHAN-2 發表於 13-4-16 14:08
可考慮新加坡的UWCSEA，幾好㗎。
謝謝! 等我搵搵資料先。
作者: 小恐龍 時間: 13-4-22 09:25
yk2 發表於 13-4-18 09:22
其實如果以兒童心理發展角度，青春期與家人一起生活較好，雖然青春期起父母角色已不同，要以朋友式了解可維 ...
我都想同佢一齊去, 但我想我自己一個係英國應該生存唔到。
我真係好唔捨得、好唔想。但佢已經有想飛走既心, 我希望佢係真心想為自己將來著想而走, 但我實在唔肯定.....
作者: 小恐龍 時間: 13-4-22 09:33
Taimum 發表於 13-4-19 10:58
回復 yk2 的帖子
我都想同大仔去讀書，但成本好大，我寧願留番D錢比細仔讀好過！ ...
我仔星期五又比人蝦, 校服衫袖比人用水筆畫咗一"撻", 以為佢上art堂整污糟, 唔問唔講, 原來係比同學仔畫, 呀仔話係惡意, 唔係唔小心, 問佢有冇話個同學, 佢話算啦, 個同學仔又無傷到佢喎.........究竟係我咪我太緊張?
我真係好怕佢自己一個出到去會比人蝦。
作者: sancheng138 時間: 13-4-22 11:03
提示: 作者被禁止或刪除 內容自動屏蔽
作者: Obiepapa 時間: 13-4-22 11:05 標題: 引用：Quote:Obiepapa+發表於+13-4-16+10:32+我指
原帖由 小恐龍 於 13-04-22 發表
去英國絕對唔止一佰萬, 係無回報(唔可以期望有回報在父母身上)投資。
作者: 小恐龍 時間: 13-4-22 12:56
sancheng138 發表於 13-4-22 11:03
比人蝦都係一種成長過程, 過度保護反而令小朋友日後條路更加艱辛, 吾知點面對及處理事情, 受更大挫折感, 今 ...
當然唔想。其實我係咪應該由佢自己解決, 如果解決唔到先搵人幫? 如今次, 佢自己唔嬲我其實係咪應該唔好干涉?
因為我知個同學已經唔係第一次整佢, 之前踢瘀佢肚、幫佢改花名、篤爛佢本書、見佢同女同學傾計四圍同人講佢哋拍拖....諸如此類, 搞到呀仔好唔開心, 但呀仔都無主動同我講, 因為佢覺得唔需要我幫, 佢自己搞得掂, 但佢"搞得掂"既方法係"唔理佢", 我怕佢咁樣會比人"恰"到上心口! 我其實應該點做?
作者: 小恐龍 時間: 13-4-22 13:02
Obiepapa 發表於 13-4-22 11:05
一般來說，英國返來應該無美國返來好找投行工。主要是美國投行多同強。如果想入投行，回報快，呢個可以作為 ...
我無想到搵工咁長遠。只要係好學校, 老師、校風好就夠。
作者: mayc 時間: 13-4-22 13:27
回復 小恐龍 的帖子
聽妳這樣說,我認為那位同學已經達"欺凌"的程度,我認為應該要告訴班主任,由老師去調查此事,絕對不能讓欺凌者繼續得逞!
作者: 小恐龍 時間: 13-4-22 13:48
mayc 發表於 13-4-22 13:27
回復 小恐龍 的帖子
聽妳這樣說,我認為那位同學已經達"欺凌"的程度,我認為應該要告訴班主任,由老師去調查 ...
篤爛佢書時我已經好嬲話要同班主任投訴, 但呀仔強烈反對, 話只係爛咗少少, 無問題, 黐返咪得囉, 我叫呀仔講那個唔係好同學, 唔好再同佢有任何來往, 呀仔又話唔得, 因為佢哋係波友, 呀仔仲要話佢對其他人仲差, 對佢已經算好!!
好耐之前網上睇過條片有個華人學生被欺凌, 比一班人掉落垃圾桶, 我好怕呀仔會係被掉落垃圾桶嗰個.........
作者: Taimum 時間: 13-4-22 15:51
回復 小恐龍 的帖子
阿仔可能怕喺學校得罪人！要解釋比佢聽您退後，別人又會再走前，其實要佢面對，唔好怕Ｄ同學！
作者: Ceci333 時間: 13-4-22 18:14
會不會他在學校不愉快，或比人蝦，想快些轉換環境，所以想過外國？
作者: jj100c 時間: 13-4-23 00:07
其實去到外國學校都有很多欺凌事件，有無諗下比佢在hk international school 適應一下外國教學模式，大D才出國。去到外國學校，未必個個老師都好。有D老師都會歧視，有D老師會有北上口音，小朋友未必聽得明。
作者: 小恐龍 時間: 13-4-23 08:04
Taimum 發表於 13-4-22 15:51
回復 小恐龍 的帖子
阿仔可能怕喺學校得罪人！要解釋比佢聽您退後，別人又會再走前，其實要佢面對，唔好怕 ...
我都覺得係, 但呀仔話唔係。我有同佢講, 佢次次整你, 你都唔出聲, 佢可能會覺得好玩, 會越來越過份, 但佢答我無, 個同學對好多人都係咁。我問佢係咪怕咗個同學仔, 佢話唔係, 佢話佢有同個同學仔玩, 但個同學仔有時會失控先咁整佢..........
作者: 小恐龍 時間: 13-4-23 08:09
Ceci333 發表於 13-4-22 18:14
會不會他在學校不愉快，或比人蝦，想快些轉換環境，所以想過外國？
應該唔係。佢每日返學都好開心, 無話唔想返學, 每日放學返來都會講今日小息點點點, 同同學仔玩乜乜乜, 唔似唔開心。其實佢每次被人整都無主動講, 只係我發現問佢佢先講, 佢似乎唔覺自己被欺負, 係我做呀媽覺得佢比人蝦......又或佢怕我擔心太緊張唔敢講? 我都唔知......
作者: 小恐龍 時間: 13-4-23 08:18
jj100c 發表於 13-4-23 00:07
其實去到外國學校都有很多欺凌事件，有無諗下比佢在hk international school 適應一下外國教學模式，大D才 ...
我老公見解係, 比呀仔早啲出國, 希望佢易啲溶入同學堆中, 溶入當地文化, 年紀太大先去, 性格已定, 會好難溶入, 格格不入, 會易被欺凌。我認同年紀大去會難識朋友, 但年紀太細去而父母唔係身邊, 識咗壞朋友都唔知。
作者: jj100c 時間: 13-4-23 10:42
我諗想融入當地文化就要11歲左右出國，我有朋友都係咁比佢亞女
Y7去英國，初初去一D英文都唔識，但一年之後英文進步神速，仲好純正英國口音㖭！好多香港家長都會比仔女Y10先去留學，所以有D學校Y10以上班級都會好多中國或香港人，佢哋都會聚集用自己嘅mother tongue溝通，其他外國同學見到都唔敢主動和你溝通，Y10 課程都好忙，因為Y10-Y11準備考GCSE，如果英文底子不是太好，就會很吃力。
作者: 小恐龍 時間: 13-4-23 12:35
jj100c 發表於 13-4-23 10:42
我諗想融入當地文化就要11歲左右出國，我有朋友都係咁比佢亞女
Y7去英國，初初去一D英文都唔識，但一年之後 ...
我仔英文溝通無問題, 應該唔會因為言語不通而溝通唔到, 怕係怕佢融入唔到當地文化。老實講, 如果佢出國, 我都唔想佢埋香港人堆, 我希望佢可以識多啲唔同地方既人, 見識下唔同文化, 但奈何好多學校港生人數不少, 好難避免。我有朋友個仔16歲出國, 埋唔到當地人堆, 香港人都埋唔到(據佢仔講, 因香港來的大部分都係香港某一兩間名校生, 佢唔係, 所以埋唔到), 就埋咗台灣人堆, 而家學成歸來, 一口流利台式國語。
作者: jj100c 時間: 13-4-23 13:03
外國人好鍾意用slang 來溝通，唔同國家有有不同的slang, 可以上網查下，對融入鬼仔嘅生活有幫助。我亞仔今年十一歲剛剛去了澳洲交流團，去之前老師都要佢哋上網查，等佢哋了解嗰邊語言文化多D。
| 歡迎光臨 教育王國 (/) |
Powered by Discuz! X1.5 |