教育王國

標題: 各位媽咪，可否大家做個朋友 [打印本頁]

作者: sandy1109 時間: 13-4-8 01:15 標題: 各位媽咪，可否大家做個朋友

可否大家支持下

因為真係好攰，又不想同其他人傾訴，怕人地用有色眼鏡睇仔仔

作者: ka-sandra 時間: 13-4-8 11:51 標題: 回覆：各位媽咪，可否大家做個朋友

加油。我都係a仔媽咪。我住TKO。你呢?

作者: cksy_bb 時間: 13-4-8 11:52 標題: 回覆：各位媽咪，可否大家做個朋友

當然可以啦

作者: sandy1109 時間: 13-4-8 14:11 標題: 回覆：各位媽咪，可否大家做個朋友

我住Kwai hang

作者: wilyun 時間: 13-4-8 14:55

其實會戴有色眼鏡睇你個小朋友的人,都唔好同果個家長做朋友喇!我仔都係,我大多的朋友都知我仔係有D問題,所以我唔會怕面對人講自己個仔的事,因呢D真係唔係佢自己想架嘛~~
我自己都好大壓力,成日諗佢將來會點... 呢樣係我最CONCERN的!因我照顧唔到佢成世嘛!!

作者: wbbg 時間: 13-4-8 16:31

我住TKO

作者: TRF北村 時間: 13-4-8 18:17 標題: 回覆：sandy1109 的帖子

我都係TKO

作者: man811231 時間: 13-4-8 22:28 標題: 回覆：各位媽咪，可否大家做個朋友

我都唔同朋友、同事講，因大家都讚及狂谷自己的仔女。我只知這一刻，我家小孩真的不能同別人比較

作者: cheungsm1 時間: 13-4-8 23:09 標題: 引用：可否大家支持下因為真係好攰，又不想同其他

原帖由 sandy1109 於 13-04-08 發表
可否大家支持下因為真係好攰，又不想同其他人傾訴，怕人地用有色眼鏡睇仔仔

...

其實首先要自己肯接受自己小朋友先，我會同身邊的家人，同事及朋友講自己小朋友是A仔，亦會解釋給他們知！這樣，才能減少自己及小朋友的壓力！因為如果別人不知，亦好易誤會我們不懂教仔，如果他們知道了，明白阿仔是不想的，他們甚至會去鼓勵我們，不會因他們不知而說了或做了一些傷害了我們的事！嘗試學習放開，大膽面對他人，無論對自己或小朋友也是一件好事！
大家互勉之！加油！

作者: man811231 時間: 13-4-8 23:33 標題: 引用：Quote:原帖由+sandy1109+於+13-04-08+發表

原帖由 cheungsm1 於 13-04-08 發表
其實首先要自己肯接受自己小朋友先，我會同身邊的家人，同事及朋友講自己小朋友是A仔，亦會解釋給他們知！ ...

我的同事不會真心安慰你。就算安慰你，其實內心就好像打敗敵人一樣噤得戚

作者: man811231 時間: 13-4-8 23:34 標題: 引用：Quote:原帖由+cheungsm1+於+13-04-08+發表

原帖由 man811231 於 13-04-08 發表
我的同事不會真心安慰你。就算安慰你，其實內心就好像打敗敵人一樣噤得戚

...

註：我的同事全是大學生

作者: Surveyor 時間: 13-4-9 01:22

我不會同任何一個同事說我兒的發展遲緩問題，因為對事情沒有幫忙，只有阻力，例如說你冇心機做事，不用心工作。

而且，他們不知道，我在工作時段可作出靈活安排。

作者: idak 時間: 13-4-9 02:26

我會同同事講, 因為我要請假陪囡囡去覆診, 老細都無所謂, 搞掂晒d野就ok ﹗

作者: muimui5 時間: 13-4-9 12:03

可能做政府工同事間conflict少啲，如果對着友善的同事，我會在講開相關話題時講個女有問題。

不過D friend依幾年不停咁講仔女考學校同開生日會，我真係聽到好冇癮。冇計，圈子的人(3張幾)都在培育小童的人生階段，唔通做個獨家村？可能今後10年仲會講依D話題。

作者: man811231 時間: 13-4-9 12:19 標題: 回覆：各位媽咪，可否大家做個朋友

我只好同人講我唔入名校喇，讓他自由發展。其實內心裏都想，但小朋友已輸了於起步點，很唔開心

作者: man811231 時間: 13-4-9 12:26 標題: 引用：可能做政府工同事間conflict少啲，如果對着

原帖由 muimui5 於 13-04-09 發表
可能做政府工同事間conflict少啲，如果對着友善的同事，我會在講開相關話題時講個女有問題。

不過D friend ...

我的同事都狂講報學校，都冇癮。仲覺得自己嗰很叻

作者: cheungsm1 時間: 13-4-9 13:13 標題: 引用：Quote:原帖由+muimui5+於+13-04-09+發表可

原帖由 man811231 於 13-04-09 發表
我的同事都狂講報學校，都冇癮。仲覺得自己嗰很叻

係就係冇癮！但別人不知而不停問你便更加冇癮，反而她們知道後有時也會問阿仔點？啱就講多句，否則咪唔講囉！

作者: eekg 時間: 13-4-9 14:33 標題: 引用：Quote:原帖由+man811231+於+13-04-08+發表

原帖由 man811231 於 13-04-08 發表
註：我的同事全是大學生

大學生又點？

作者: man811231 時間: 13-4-9 14:46 標題: 引用：Quote:原帖由+man811231+於+13-04-08+發表

原帖由 eekg 於 13-04-09 發表
大學生又點？

大學生都係衰

作者: apple~y 時間: 13-4-9 14:54

回復 muimui5 的帖子

"不過D friend依幾年不停咁講仔女考學校同開生日會，我真係聽到好冇癮。"
很同意,唔止冇癮聽到仲好傷感,
,所以我選擇獨家村,

作者: man811231 時間: 13-4-9 15:06 標題: 引用：回復+muimui5+的帖子 "不過D+friend依幾年

原帖由 apple~y 於 13-04-09 發表
回復 muimui5 的帖子

"不過D friend依幾年不停咁講仔女考學校同開生日會，我真係聽到好冇癮。"

我已閂了後門，唔好同我講呀！更表明不做怪獸家長

作者: eekg 時間: 13-4-9 16:04 標題: 引用：Quote:原帖由+eekg+於+13-04-09+發表大學生

原帖由 man811231 於 13-04-09 發表
大學生都係衰

⋯

作者: Keibabi 時間: 13-4-9 17:51

唔好同其他人比較。我都係只會講比幾個close d嘅同事同好朋友知, 我老闆都知, 十分體諒同支持我。至於白眼, 經常都有, 我而家唔會比人欺負我個佢, 但諗到佢仲係5歲, 大咗仲點保護佢?

作者: 金瑪姬 時間: 13-4-9 17:57 標題: 引用：回復+muimui5+的帖子 "不過D+friend依幾年

原帖由 apple~y 於 13-04-09 發表
回復 muimui5 的帖子

"不過D friend依幾年不停咁講仔女考學校同開生日會，我真係聽到好冇癮。"

我同d家長都系傾考學校，系中度定輕度

作者: apple~y 時間: 13-4-9 21:43

回復金瑪姬的帖子

你細囝都係出年畢業?

作者: 金瑪姬 時間: 13-4-9 23:14 標題: 引用：回復+金瑪姬+的帖子你細囝都係出年畢業?

原帖由 apple~y 於 13-04-09 發表
回復金瑪姬的帖子

你細囝都係出年畢業?

仲讀多一年

作者: dolphinwan 時間: 13-4-10 17:18 標題: 回覆：各位媽咪，可否大家做個朋友

大家好，我住TKO, 你地既小朋友係邊個湊呢? 有無兄弟姐妹呢?

作者: wonghuen 時間: 13-4-12 13:54

大家好,我住西灣河, e排好down 冇咩心機,阿女4年級,跟唔上,想同她特殊學校,灣仔晨崗,柴灣晨輝,徐展堂,有冇朋聽過邊間好ｄ, 幫吓手

作者: eekg 時間: 13-4-12 14:13 標題: 引用：大家好,我住西灣河,+e排好down+冇咩心機,阿

原帖由 wonghuen 於 13-04-12 發表
大家好,我住西灣河, e排好down 冇咩心機,阿女4年級,跟唔上,想同她特殊學校,灣仔晨崗,柴灣晨輝,徐展堂,有冇 ...

我都係住西灣河bor，我家A仔兩歲半，仲有個一歲gei有機會A仔

作者: jj100c 時間: 13-4-12 14:39

你哋小孩仲好細，只要抓緊時間去做training一定會有進步。我回想亞仔二歲去training個段日子，簡直是一場惡夢，亞仔上午返學，下午去早期訓練，一星期起碼要去三日training,有時晚飯都要在車上吃，到現在亞仔11歲，諗返起以前辛苦的日子，個心仲好酸。

作者: eekg 時間: 13-4-12 14:47 標題: 引用：你哋小孩仲好細，只要抓緊時間去做training

原帖由 jj100c 於 13-04-12 發表
你哋小孩仲好細，只要抓緊時間去做training一定會有進步。我回想亞仔二歲去training個段日子，簡直是一場惡 ...

我想問你bb宜家好返未呢？

作者: jj100c 時間: 13-4-12 15:10

由2歳開始training,都係懷疑自傾，小一之前做評估，心理學家又話唔係自閉，果時都不知幾開心。但後來到咗幾年前，身為母親的我感到亞仔有D固執的行為，再次去政府排期要求約見心理學家，證實佢係屬於自閉証的亞氏保加，有時都不要太盡信專家的話，自己才真正最了解清楚仔女的人。

自閉証不會好返，其實他經過以前的training後，只會減少行為問題及改善眼神接觸，他現在都不易被人察覺有問題，看來都好正常。

作者: wonghuen 時間: 13-4-12 15:27

eekg 發表於 13-4-12 14:13
我都係住西灣河bor，我家A仔兩歲半，仲有個一歲gei有機會A仔

聽到都有d擔心,希望你bb冇事

作者: eekg 時間: 13-4-12 15:42 標題: 引用：由2歳開始training,都係懷疑自傾，小一之前

原帖由 jj100c 於 13-04-12 發表
由2歳開始training,都係懷疑自傾，小一之前做評估，心理學家又話唔係自閉，果時都不知幾開心。但後來到咗幾 ...

正常就好了，佢返學ok ma?我隻仔返學完全不受控制。

作者: fanmanyi 時間: 13-4-13 08:12

I live in kwun tong

作者: muimui5 時間: 13-4-14 14:54

我住北角。大囡五歲讀S位，細囡就快一歳要報N班，我打算俾佢讀全日，因為咗照顧大囡我哋好少去社交，細囡讀全日多啲時間同其他細路玩。我仲會報多幾間有I位的，就佢學習包容。

作者: SKB 時間: 13-4-14 15:13 標題: 回覆：各位媽咪，可否大家做個朋友

Hi. 我住藍田，小A仔5歲而家在TKO主流私校讀K2,開始煩腦他升小1的問題。前幾日，收到信話明年K3有I位offer了，轉校好還是繼續原校升K3呢？畢竟在私幼由N1已讀起，小A都讀得很開心，亦有進步，真的真的很煩惱，希望各位S媽俾些意見。

作者: sandy1109 時間: 13-4-17 08:59 標題: 回覆：各位媽咪，可否大家做個朋友

既然有咁多媽咪，不如係facebook開個群組for我地好嗎

作者: bauhiniakan2000 時間: 13-4-17 11:05

我是爸爸住將軍澳,可否加入,個仔2歲確診自閉症到今天三歲已很大進步,宜家佢一個月至少有11次training,忙得不得了,4月25號至六月頭我又參力每星期一次,每次個半鐘的家表訓練,真係幾累,但幫到個仔真係好開心.

作者: sandy1109 時間: 13-4-17 12:02 標題: 回覆：各位媽咪，可否大家做個朋友

welcome

作者: Hong2003 時間: 13-4-17 13:36

Hello, Nice to meet you, I have same problem of my son. So happy to talk with you.

作者: sandy1109 時間: 13-4-18 08:50 標題: 回覆：各位媽咪，可否大家做個朋友

我現在逢二同五同仔仔上堂，平時佢返全日

作者: BKVIP 時間: 13-4-19 08:01 標題: 回覆：各位媽咪，可否大家做個朋友

我仔4歲，讀左7個月E位，1年S位，今年新學年轉返讀I位。經過半年s位訓練同9次臚底骨，現時認知問題，講嘢都ok，只係情緒同社交要執，所以轉去i位。

作者: misshk12 時間: 13-4-19 08:12

回復 BKVIP 的帖子

請問你小朋友在那做髗骶骨呢？過程痛不痛？

作者: Surveyor 時間: 13-4-19 08:27

我都想知你小朋友在那做髗骶骨，可否PM我

作者: Stone媽媽 時間: 13-4-19 11:08

BKVIP 發表於 13-4-19 08:01
我仔4歲，讀左7個月E位，1年S位，今年新學年轉返讀I位。經過半年s位訓練同9次臚底骨，現時認知問題，講嘢都 ...

我都想比阿仔試臚底骨, 可否pm資料給我, 謝謝!

作者: man811231 時間: 13-4-19 11:48 標題: 回覆：各位媽咪，可否大家做個朋友

可否Pm我？

作者: muimui5 時間: 13-4-20 14:45

BKVIP可以pm我嗎？

作者: sandy1109 時間: 13-4-21 11:18 標題: 回覆：各位媽咪，可否大家做個朋友

你地排左幾耐先有s位？

作者: bauhiniakan2000 時間: 13-4-23 22:43

回復 sandy1109 的帖子

我住將軍澳仔仔逢星期一到長沙彎富昌中心 ST,逢星期五到籃田德田村做 ABA行為管理,OT將軍澳醫院兩星期一次,PT三星期一次,四至六月逢星期三我自己上午到德田村上堂,都真係好累

作者: bauhiniakan2000 時間: 13-4-23 22:49

回復 sandy1109 的帖子

仔仔現在都在將軍澳讀全日制幼兒園,請假做訓練重要等他睡醒,所以趕到不得了.

作者: sky0811 時間: 13-5-10 18:02

我都係住將軍澳,去年7月初,仔仔差不多4歲時,在協康做評估時,發現有自閉症傾向,曾經傷心了1-2星期,之後好積極幫佢搵治療.大家共勉之!

作者: tommyangie 時間: 13-5-15 17:21

man811231 發表於 13-4-9 12:19
我只好同人講我唔入名校喇，讓他自由發展。其實內心裏都想，但小朋友已輸了於起步點，很唔開心

...

多接納啦，孩子是我們的啊！如果父母都沒有包容的心態，又能希望人家怎看自己的孩子呢？我有個小朋友都是自閉兒，他本人很開心，現在每天做訓練，點點滴滴在進步，我覺得這就夠了。事實小朋友只是行得比人慢些，試問：22歲大學畢業和24歲才畢業，又有什麼分別呢？就算學業成績不好，只要能做些對社會有用的事和工作，那不是比那些宅男宅女、容易受人影響的年青一代強嗎？

作者: June04 時間: 13-5-16 09:01 標題: 引用：Quote:原帖由+man811231+於+13-04-08+發表

原帖由 man811231 於 13-04-08 發表
註：我的同事全是大學生

呢啲垃圾行為垃圾人，可以不理

作者: littlehei2008 時間: 13-5-19 00:33 標題: 回覆：各位媽咪，可否大家做個朋友

囝囝快五歲，往將軍澳區，現就讀區內普通幼稚園，同時上梗E位。快要揀小學校了，看來有很多小孩子在將軍澳區，請問哪些包容性會大些呢？

作者: wbbg 時間: 13-5-22 14:08

我都係住tko , 明道, 田家炳, 陳耀星, 志連都包容 d 架好似

作者: 新手好媽咪 時間: 13-6-1 17:07 標題: 回覆：man811231 的帖子

你地都係D同事啊朋友會咁，我好心煩,連我家婆都成日對我單單打打,成曰拿我姑奶個囡同我個仔比,真係好無奈,佢個囡正常仲大我個仔5個月,我個仔發展遲緩,2歲的佢得1.3歲既能力,我真係好心痛,每次去上密集班都會見到有D小朋友係爺爺，奶奶帶去,想起自己家婆佢地,真係眼淚在心裡流,連自己家人都係呢種態度，好心寒,好心痛!!

作者: lhy168 時間: 13-6-1 21:30

提示: 作者被禁止或刪除內容自動屏蔽

作者: SKB 時間: 13-6-1 23:24 標題: 回覆：各位媽咪，可否大家做個朋友

我住藍田，但仔仔在TKO讀全日私幼K2，明年都會搬到TKO,要準備選小一了，請大家互相緊密支持、支援。

作者: Letter_lalaland 時間: 13-6-9 01:34

wbbg 發表於 13-5-22 14:08
我都係住tko , 明道, 田家炳, 陳耀星, 志連都包容 d 架好似

田家炳同陳國威都係好嘅選擇。

作者: man811231 時間: 13-6-10 05:35 標題: 回覆：各位媽咪，可否大家做個朋友

我經常看EK，近來經常見有媽媽叫開what app 群組或face book，但大家安全成問題呢？加入了這些群組，我感到很危險，很公開，很容易查到你的背景。我連同事,朋友都唔想講，有A個仔不是光彩的事，更加唔想其他人知道。我覺得上EK發表意見安全啲，不喜勿插

作者: man811231 時間: 13-6-10 05:59 標題: 引用：你地都係D同事啊朋友會咁，我好心煩,連我家

原帖由 新手好媽咪 於 13-06-01 發表
你地都係D同事啊朋友會咁，我好心煩,連我家婆都成日對我單單打打,成曰拿我姑奶個囡同我個仔比,真係好無奈, ...

我經常都面對這些衰人。我每天都唔開心，想死，死咗無眼睇，我同老公講如果有得死，第一果叫埋我。每天都很大壓力，只有睡覺時最舒服。我每天係屋企都訓練A仔，有時間都係屋企，行街唔會去，怕浪費了時間。偶爾去室外，或郊野公園，最好冇人的地方，費時又有白眼，雖然成家都玩得開心，但開心的時間很短暫，最後都要回歸現實，又要係家做訓練。我小孩已做很多訓練，求神拜佛又做埋，你講得的都做埋，很氣餒。

作者: man811231 時間: 13-6-10 07:16 標題: 回覆：各位媽咪，可否大家做個朋友

我好欣賞這裡的媽媽很極積。我都極積去找訓練，但內心處很心傷。唔想理，但又要理，可能成世都要理。我有時都覺得自己唔啱，但每個人的包容情度都唔同。小孩未出世已想定怎樣培養他，如果佢能學，多多錢都比佢。但現在連基本都做唔到，同我的心中太大出入了。我現在不求佢讀到書，能做番正常人便滿足了

作者: BBDAD2009 時間: 13-6-10 16:00

有冇天水圍?

作者: sandy1109 時間: 13-6-11 23:33 標題: 引用：我經常看EK，近來經常見有媽媽叫開what+app

原帖由 man811231 於 13-06-10 發表
我經常看EK，近來經常見有媽媽叫開what app 群組或face book，但大家安全成問題呢？加入了這些群組，我感到 ...

有個A仔有幾唔光彩呀，其實同一些有同道人分享係好，起碼大家有交流，我從來沒嫌棄過自己個仔，佢天生係A也冇辨法，不喜勿插

作者: 新手好媽咪 時間: 13-6-13 19:15 標題: 回覆：sandy1109 的帖子

我都覺得無咩唔見得光,仔仔系自己既,無論佢系白痴定天才,佢都系我既心肝寶貝,我唔介意人地知道,例如我樓下的管理員，佢好禮貌，每次出出入入佢都會同我仔Hi下,但阿仔冇一次理佢，我知阿仔系未識，其實我好唔好意思,大家咁熟人地會以為我唔識教仔，反而講左阿仔系發展遲緩之後,依家見到面反而更加親切,我覺得無咩好醜，又唔系有傳染病,可能我以經刻服左自己個心啦!

作者: pinkdoll 時間: 13-6-13 21:08

本帖最後由 pinkdoll 於 13-6-13 21:16 編輯

man811231 發表於 13-6-10 05:35
我經常看EK，近來經常見有媽媽叫開what app 群組或face book，但大家安全成問題呢？加入了這些群組，我感到 ...

其實自閉症只是一些features, 不要太驚怕它, 自閉症小朋友在適當訓練下可以進步很多, 可以跨越好多障礙, 他們都可以過正常人生活, 不要咁快定個小朋友死刑.

我以前都曾經經歷過你的心情, 所有看的東西都是灰色的, 好彩是遇到一班同路人, 互相扶持, 其實人生不如意的事十常八九, 辨法總比困難多, 不要氣餒.

我小朋友四歲, 自閉症, 這個小孩之前什麼都怕, 什麼都驚, 有很多限制給自己, 像有幅牆圍著自己, 但經過努力訓練後看到他不斷進步, 不斷跨越各種障礙, 克服自己的懼怕, 見到他努力地逐步逐步去跨越這些障礙, 慢慢肯嘗試不同的東西及活動, 對自己越來越有自信, 然後面對這個世界不再驚慌失措, 憧得開心懂得笑, 望著面前的他, 雖然仍未達一般小朋友水平, 但我心裡已經感到很安慰 ----- 看到這些畫面, 我突然有所覺悟 ------ 我(曾經)很怕"自閉症"這個名, 這個名(曾經)令我很恐懼很不安, 令我築成一幅高牆圍住自己, 令我驚慌失措, 灰心失望. 但我仔仔竟然給了我一個反省空間, 我是否應該學效仔仔一樣, 努力去突破心中障礙? 努力克服心中恐懼? 努力去跨越困難? 而我仔仔竟然成為我的一個借鏡 ---- 他不再怕, 他不再恐懼; 我也應該不再怕, 我也應該不再恐懼.

希望有一天, 你也可以衝破心中障礙, 可以克服心中恐懼, 不要再被它綑綁住, 可以帶著微笑堅強地去渡過每一天.

作者: sandy1109 時間: 13-6-14 01:42 標題: 回覆：各位媽咪，可否大家做個朋友

其實我在這裡認識了好幾位朋友，大家都有個A仔，好開心同佢地有交流意見，大家又會分享下，真係好好

作者: BBDAD2009 時間: 13-6-14 10:18

你地A仔有冇食過:乙醯肉鹼 Acetyl-L Carnitine及蘋果果膠 Apple pectin?

有冇幚助?

作者: 新手好媽咪 時間: 13-6-14 15:58 標題: 引用：你地A仔有冇食過:乙醯肉鹼+Acetyl-L+Carnit

原帖由 BBDAD2009 於 13-06-14 發表
你地A仔有冇食過:乙醯肉鹼 Acetyl-L Carnitine及蘋果果膠 Apple pectin?

有冇幚助? ...

冇，但想俾阿仔試下,你知唔知邊度買?有地址俾我嗎?謝

作者: 新手好媽咪 時間: 13-6-14 16:05 標題: 引用：其實我在這裡認識了好幾位朋友，大家都有個

原帖由 sandy1109 於 13-06-14 發表
其實我在這裡認識了好幾位朋友，大家都有個A仔，好開心同佢地有交流意見，大家又會分享下，真係好好

...

好同意你既想法,其實上得來呢個大家庭既大多數都係同路人,我好開心有呢個平台俾呢D媽咪們分享心事,其實圍起自己解決唔到心中壓力,只會讓自己更加唔開心,

作者: BBDAD2009 時間: 13-6-14 16:17

打電話問, 未有貨,等我試佐先.再報.
pm你.

作者: TRF北村 時間: 13-6-14 17:21 標題: 回覆：pinkdoll 的帖子

好鼓勵呀

作者: lhy168 時間: 13-6-15 22:56

提示: 作者被禁止或刪除內容自動屏蔽

作者: chowqv 時間: 13-6-16 18:36 標題: 引用：我經常看EK，近來經常見有媽媽叫開what+app

原帖由 man811231 於 13-06-10 發表
我經常看EK，近來經常見有媽媽叫開what app 群組或face book，但大家安全成問題呢？加入了這些群組，我感到 ...

媽媽，我非常唔同意家有A仔有咩咁唔光彩？

我個仔係A仔，仲有adhd，仲有大小肌不協調。。。當然唔需要周圍話俾人知，但都唔使收埋。當日評估出左，我都傷心痛哭2個星期，只因為覺得對個仔唔住，遺傳呢樣野俾佢。因為我都有阿氏保加（不過只係阿仔有，我自己去做評估先至知）。

如果你都有"不光彩"既想法，別人更無需要尊重你既小朋友。切記戒之。

作者: 新手好媽咪 時間: 13-6-16 19:16 標題: 引用：回復+新手好媽咪+的帖子我自己都有少少擔

原帖由 lhy168 於 13-06-15 發表
回復新手好媽咪的帖子

我自己都有少少擔心個仔嘅前途，但老公反而好樂觀同埋好幫手照顧仔仔 ...

岩岩知果段時間我都好訓唔著，但系呢段時間既治療好見成候，我依家都好樂觀,因為我既心情會影響仔仔，所以想E好阿仔要E好自己個心態先.天天帶住佢，佢感受到架!

作者: szenana 時間: 13-6-21 02:51 標題: 回覆：各位媽咪，可否大家做個朋友

我住屯門,我仔有輕微自閉,只係唔聽指令同少眼神接觸，仲有少少bb音，各位媽媽都要加油

作者: mckm2007 時間: 13-6-21 09:31 標題: 回覆：各位媽咪，可否大家做個朋友

自閉咪自閉既然冇辦法改變事實，唯有接受現實，積極面對。而事實上有好多人都有唔同程度嘅自閉，但佢地唔知道。正如我公司有啲所謂正常人，其實都係自閉，我要用訓練小朋友的方法叫佢做嘢!另外，有時我覺得自閉都幾好，個人簡單啲，唔洗理人感受，做自己喜歡做嘅嘢，唔洗愁!

作者: szenana 時間: 13-6-21 13:14 標題: 回覆：mckm2007 的帖子

我仔由細到三歲二個月，人地大聲喊,同埋行雷,佢都可以照訓唔理，其實人地點講，都唔洗理人地，放鬆心情,正如我仔去街扮車聲,d人用好怪眼光望住我仔，我都唔理，唔會比壓力自己，自閉既小朋友都可以好叻

作者: hv245 時間: 13-6-22 13:50 標題: 回覆：man811231 的帖子

提示: 作者被禁止或刪除內容自動屏蔽

作者: hv245 時間: 13-6-22 13:54 標題: 回覆：sandy1109 的帖子

提示: 作者被禁止或刪除內容自動屏蔽

作者: TRF北村 時間: 13-6-22 15:51 標題: 引用：自閉唔係不光彩，它又不是罪。的確它对小孩

原帖由 hv245 於 13-06-22 發表
自閉唔係不光彩，它又不是罪。的確它对小孩生活及家人有影響，但正向面對才是對自己及小朋友最好的。

我去 ...

我同你同區，也非常同意你的講法。

我身邊同事及朋友都知道仔仔的事，我好最記得仔仔評估完是自閉症之後，醫生同我講的一句說話，她說最幫到小朋友的是[正面同開心]，我現在已經將這句說話轉化成[愛和喜樂]，因為愛裡面包含欣賞同忍耐，這才是我長久以來的動力，大家加油。

作者: pigmon 時間: 13-7-17 20:40 標題: 回覆：各位媽咪，可否大家做個朋友

你們好！我剛知道細孖是A仔，住TKO,希望可以多多交流。

作者: onsiu21 時間: 13-7-20 23:45

我住紅磡,我媽媽住樂富,上年我仔兩歲發現有自傾,剛剛樂富耀X私人有位,我要返工,媽好支持我話幫我接送學校,返學前帶我仔去超市認物品,又逼我仔同望住人叫叔叔,反以我奶奶成日都話點解去咁遠同比敢貴讀書,好彩我老公同佢解釋,所以有時家人的支持好重要,我真係好感謝我D屋企人,

作者: xixi1218 時間: 13-7-24 10:19

回復 man811231 的帖子

明白你的心情，我覺得只要自己心裡覺得舒服就行了，每個人的情況不同，同事朋友家人等，都會不同，將A的情況講出來和不講出來，就讓自己這一刻心情做主導吧。我認為沒有一定哪一種方式就是對的。祝福那些可以把自己孩子的情況說出來而又得到很多鼓勵和支持的人，也祝福我們這些孤獨村，或許有一天我也會公開說，但這一刻我覺得我還沒辦法應付太多的人的想法，或許有鼓勵，但我現在只想專心對付孩子。

作者: xixi1218 時間: 13-7-24 11:05

其實我各種情緒都經歷過，有時很低落，很無助，很迷惘，很悲觀；有時很積極樂觀，很勇敢面對，很充滿信心等等，所以你們的正負能量我都認同。只是我們都明白，需要找更多的正能量，因為我們需要比別人更多的耐心和愛心還有精力。加油！

作者: wbbg 時間: 13-7-24 15:12

sandy1109 發表於 13-6-11 23:33
有個A仔有幾唔光彩呀，其實同一些有同道人分享係好，起碼大家有交流，我從來沒嫌棄過自己個仔，佢天生係A ...

對 ~ 自己如果都嫌棄自己個 a 仔, 其他人....睇. 大家努力面對

作者: ling619 時間: 13-8-5 08:34 標題: 回覆：wbbg 的帖子

大家努力
我住荔景呀

作者: ccc000 時間: 13-8-6 12:52

回復 sandy1109 的帖子

你好呀, 大家做個朋友啦 ^^, 我都係A仔媽咪

作者: hesperides_xu 時間: 13-8-6 17:36

我住太古。雖然我個仔5歲，並未確認自閉，但是疑似，在學校裡都沒有朋友，好孤獨啊。大家週末可以一起出來玩，這些小朋友在一起反而容易交流。

作者: yin-ting 時間: 13-8-6 23:30

我個仔還有行為失調, 每天都令人感到煩擾, 雖然已11歲, 但仍然帶來許多麻煩, 好多時憫到自己透不過氣來, 谷氣谷到上心口, 結果又令自己爆發起來....

好多時已隻眼開隻眼閉, 經常都唔知用咩方法可以處理得更好, 因為佢真係好似日日係度折磨你, 已經唔識得什麼係溫柔, 用唔到溫柔的方法同佢講野, 因為已經傷害了我和佢之間的感情, 其實我係好討厭佢, 厭惡佢....

我藉著這裡腎腎....

作者: yin-ting 時間: 13-8-6 23:37

因為我唔係剩係照顧佢一個, 對下仲有二個, 雖然細二個係正常, 但就經常受大的影響, 攪到問題愈來愈多, 每日都好似活係大仔所帶來痛苦之中.....

作者: sochi81 時間: 13-8-15 14:06

我有兩個仔。大仔三歲半有多是普通小朋友，但勁百厭，常郁手郁腳。細仔兩歲半自閉，相對似靜及怕人，但在家也跳跳扎。由於大仔百厭，我習慣俾人望，也習慣人地覺得我唔教佢。但我知阿仔性格，加上我讀的科目好幫到我面對問題，所以我除左同朋友傾，也多看書，慢慢教。大仔進步左，雖然仍比好多小孩衝動頑皮。
我係2月朋友察覺小朋友出狀況，於是4月健康院評估提出要求轉介，5月排政府評估，同時揾私人評估。6月開始一星期一次言語治療，8月開始返密集。9月會返 N, 但唔知學校頂得住無。排緊政府s位，望下年有位。
我有工人姐姐幫，因兩公婆返工，幸姐姐錫細仔，當自己仔咁湊，好有耐性。婆婆也幫，但黎緊有新生兒，會無。都諗點安排。因為工人上午帶密集，下午帶返學。阿哥唔知點。我時間未知點安排，要再諗。
不過，我最初知有恐懼同唔開心，因不明朗，但兩個星期不停睇資料，問朋友，申請服務定好多。
現雖負擔重，也剛開始，但只要常抱希望，我相信無問題

其實我同我老友常說每個小孩都有特殊需要，走入他世界了解他。不比較，用心愛他會知會進步。

大家共同勉勵。

我住九龍灣

作者: csy_0101 時間: 13-8-15 21:37 標題: 引用：我有兩個仔。大仔三歲半有多是普通小朋友，

原帖由 sochi81 於 13-08-15 發表
我有兩個仔。大仔三歲半有多是普通小朋友，但勁百厭，常郁手郁腳。細仔兩歲半自閉，相對似靜及怕人，但在家 ...

咦!! 咁啱!! 我都係住九龍灣，也有2個，但2個都係女!! 大女4歲半，升k2, 猜甩邊，有語言天份，邏輯性強; 細女5 月評估自傾，6月開始ot & 密集，依家剛開始返埋主流n 班
2 個女女的性格好唔同，處理佢地的方法都好唔同，我又要返工，所以都幾倦

平時工人湊，當妹妹要去做訓練，真是驚工人姐姐好難分身，好彩家姐依返緊全日暑期班，但去到9 月就要重新執過佢2個的schedule , 頭都痕!!

我地住得啃近，有需要可互相幫忙!!

作者: a328 時間: 13-8-16 16:38

hi all, my son is almsot 3, take him to assessment, the first psychiatrist diagnosis my son is asperger/high function autism, but then we find out that psychiatrist have some problem, then we went to have the 2nd and 3rd opinion from other private cantre and goverment and psychiatrist from Seatle through skype, all say that even he have some symdrome, ti is not suffice to diagnosis he is asperger/autism. Thought he had some symdorme, there are a lot of good sign as well, he responce to the call, no repittive pattern, have social interaction, willing to share and point to the stuff, able to make request etc, but he is a it stubborn and lack of patient sometimes so training is still needed to let him improve. We are linign up for some course and at the same time have home training, and he already shows a great improvement within 1 month.

one think i have to tell other parent is, training is more important then having diet, accupuncture, etc, so no matter what other method u are using, training at home and by parent is always the most important part.

ADD OIL

作者: keep-calm 時間: 13-8-16 17:07 標題: 回覆：a328 的帖子

I am quite clueless on what training can I offer to my son......I have just lined up for E + S seats. ... Long waiting, as expected. Hv also checked heep hong/SAHK /steps / links private service, all hv long waiting lists too. My son hv no training yet. We are living quite remote, commutation is another problem . I wonder if there is any private 3T home services...... Feel pretty helpless at times. Especially, when friends around with normal kids are talking about enrollment for famous KG.....

作者: a328 時間: 13-8-16 18:05

http://www.autismspeaks.org/

please go to this website, this is very useful, will post other website refer from the psychiatrist in USA.

Try to interact with ur kid in home more

作者: waiwai23 時間: 14-4-28 13:02

其實大家如果不理別人眼光，會生活得好開心！香港人缺少了呢種心態，嘗試吓唔好同人比，上天賜予小生命給你已是幸福，好多人想生都無💪💪💪

歡迎光臨教育王國 (/)