教育王國

標題: 平價鋼琴／數碼鋼琴 [打印本頁]

作者: annienorman 時間: 13-4-6 10:25 標題: 平價鋼琴／數碼鋼琴

小朋友已考三級，遲D試吓考五級，屋企有部數碼鋼琴，諗住都會比佢繼續學當relax吓，不會要求佢做郎朗或不須要入演藝!考到八級巳老懷安慰。

如果想換部兩三萬蚊嘅（新）Yamaha鋼琴是否都好過數碼鋼琴?不是去挑戰演奏級都夠用?因好怕小朋友半途而廢，因功課都算忙，怕買完後佢放棄。。。。

請比些意見

作者: ClaraC 時間: 13-4-6 14:00 標題: 回覆：annienorman 的帖子

二三萬蚊Yamaha made in China

作者: annienorman 時間: 13-4-6 17:45 標題: 回覆：平價鋼琴／數碼鋼琴

有冇專業人士可以比D意見?

作者: bebebe12345 時間: 13-4-6 18:14 標題: 回覆：annienorman 的帖子

非專業家長的一點意見.....
孩子學琴與走不走專業沒有必然關係！
孩子己三級準備五級，合理的用回鋼琴練習，老師肯教要求也不高，起碼的工具應該的.....
只要求八級，琴質量不用太刻意。差要求多一點，以此價找一個二手U1 or U3就更理想。
相信學了幾年，學不學得下去，心中有數吧！

作者: miss321 時間: 13-4-6 19:05 標題: 回覆：annienorman 的帖子

2,3 萬只買到大陸製，鋼琴一定要買，同數瑪琴是兩回事。

作者: ClaraC 時間: 13-4-6 19:20 標題: 回覆：annienorman 的帖子

剛剛系TL 試左部H&K牌子的$19,000鋼琴，比Yamaha$25,000鋼琴音色好好多，
同樣內地做，你買那一部？
我無任何利益，但有位考演奏文憑的朋友都買萬幾蚊H&K，另一討論區的高手個個都讚，明啦？

作者: annienorman 時間: 13-4-6 19:22 標題: 引用：非專業家長的一點意見..... 孩子學琴與走不

原帖由 bebebe12345 於 13-04-06 發表
非專業家長的一點意見.....
孩子學琴與走不走專業沒有必然關係！
孩子己三級準備五級，合理的用回鋼琴練習 ...

就係唔想買二手，亦唔想自己因為買咗部貴嘅而要迫小朋友，只想佢輕鬆地enjoy......

因我唔知道一部兩三萬的大陸Yamaha琴同一部六七萬嘅U1對我的來說是否有好大的分別。。。

作者: annienorman 時間: 13-4-6 19:23 標題: 引用：剛剛系TL+試左部H&K牌子的$19,000鋼琴，比Y

原帖由 ClaraC 於 13-04-06 發表
剛剛系TL 試左部H&K牌子的$19,000鋼琴，比Yamaha$25,000鋼琴音色好好多，
同樣內地做，你買那一部？
我無任 ...

Thanks for your advice

作者: bebebe12345 時間: 13-4-6 20:03 標題: 回覆：annienorman 的帖子

U1差別自然相當，但以你所述的情況，相信心目中以Yamaha 作目標，八級一定沒問題。
記得跟你老師說說，屆時選琴還是要位懂的幫幫，同一型號也有差別！

作者: gwengwen 時間: 13-4-7 21:40

回復 annienorman 的帖子

你好, 我係家長, 也是鋼琴老師。
其實我們一般不會建議學生用數碼鋼琴練習, 始終有不同。初學寧願他們用平平地二手鋼琴也可以。
如果準備考五級或以上, 小朋友應該都會繼續彈下去, 有budget的可以買好一點的Yamaha/ Kawai, 如果你暫時budget是二萬左右, 可以考慮到日本show room琴倉買Yamaha U3/ Kawai US50, 兩款都係高身琴, 二萬頭至二萬中 (個人偏向US50因為是大譜架), 音質都不錯的, 琴倉都有3年左右的保養, 到你的小朋友長大了再要求高一點, 到時再trade in也應該有50-60%的原價賣出。呢兩部琴用到考完Diploma都可以。
二萬多的一手琴, 在TL應該買唔到你想要的質素, 最少都要4萬以上。
不過, 鋼琴是放在家十年以上的樂器, 可以用咁多年其實分開計唔算貴, 我自己也是由最普通的yamaha用起, 兼職教琴後一部一部換上去的, 最後是現在的Kawai K8, 你囝囝/ 囡囡如果到時仍愛音樂, 想追求更好的, 就到時讓佢自己去爭取佢認為最好的好了^^
BTW, 如果去琴倉, 唔好去旺角果間, 比其他倉一般貴20%以上, 如果你想知琴倉地址, 可以比幾間你call佢哋問問, 或者上網自己search。

作者: hoi_tung811 時間: 13-4-8 10:29

提示: 該帖被管理員或版主屏蔽

作者: joeypchoy 時間: 13-4-13 16:49 標題: 引用：回復+annienorman+的帖子你好,+我係家長,

提示: 該帖被管理員或版主屏蔽

作者: sminu 時間: 13-4-14 23:06

提示: 該帖被管理員或版主屏蔽

作者: JoJo 時間: 13-4-15 13:44

版主按: 請自行 PM 會員查詢, 切勿在版面留下沒有讀取性之文章, e.g. Pls Check PM / Pls PM me etc.

如經勸喻後情況仍沒有改善, 管理員會關閉此帖, 敬請注意!

歡迎光臨教育王國 (/)