教育王國
標題: 崇真處理個人資料不當 [打印本頁]
作者: v_vcsl 時間: 13-4-3 11:38 標題: 崇真處理個人資料不當
本帖最後由 v_vcsl 於 13-4-3 14:40 編輯
我今年有申請崇幼，大約幾個星期前已有收過崇幼講座的邀請，但我不是他們的家長，即係話佢0地keep住申請人既資料，當佢0地有talk想多0的人去時，就send比一0的唔係佢家長既人宣傳，前幾日，又再收到關於私隱條例既email，內容如下：
敬啟者：
崇真小學暨幼稚園 - 使用個人資料聲明
為與閣下保持聯繫及讓閣下了解崇真小學暨幼稚園的最新消息，以便邀請閣下參與本校日後舉辦的活動、課程、講座，並收集意見，我們會不時向閣下發放本校相關訊息。閣下存放於本校的通訊資料（包括電郵地址、通訊地址、公司地址、手機號碼、電話號碼及傳真號碼）將嚴格保密，不會以任何形式出售、租借或轉讓予任何人士或組織。
如閣下不欲再收到本校發放的教育資訊，請致電2777-3679或電郵至[email protected]，本校會於收到通知後取消閣下的電子郵箱記錄。
在未收到閣下表示不欲本校使用閣下個人資料的通知前，本校將視閣下自動授權並願意繼續於日後經此電子郵箱收取本校相關的教育資訊，敬請留意！
此致
學生家長、社區學童家長、校友會會友家長、深水埗崇真堂及長沙灣堂會友家長
崇真小學暨幼稚園
2013年4月2日
我想講：
一、點解要keep住申請者所有資料﹖要人0地叫你delete先delete，申請後應該自動消毀所有資料，你係冇權keep住人0地既資料既，你0地浪費我既時間要send email比你0地要你0地delete。
二、未有私隱條例限期時係照send訊息比我，只係因為法例就黎生效，先出以上既email比我，0甘即係如果冇法例，學校係打算keep住申請者既資料啦！我覺得好不當。
三、點解要我send email比你0地，你0地先消毀我既資料﹖我只係申請入學，我冇諗過成為你0地0的講座既對象，你唔好當左我係你0地既客戶，如果學校打算係0甘，唔該報名前講清楚。我apply0甘多間幼稚園，冇一間幼稚園會拎非該校家長既contact去收學校既訊息。你0地信中「此致」之後既團體單位，我一個都唔屬於，0甘請問你0地為何要迫我收你0地既訊息﹖
四、留意信內紅字部分，我唔明點解即使我send email比佢，佢都只係delete我電子郵箱記錄，而唔係所有個人資料紀錄﹖
崇真幼稚園唔該謹慎處理個人資料問題！
作者: samchan2179 時間: 13-4-3 12:15 標題: 引用：+本帖最後由+v_vcsl+於+13-4-3+11:44+編輯+
原帖由 v_vcsl 於 13-04-03 發表
本帖最後由 v_vcsl 於 13-4-3 11:44 編輯
我今年有申請崇幼，早前已有收過崇幼講座的邀請，但我不是他們 ...
作者: rainbowcov 時間: 13-4-3 15:46
push
作者: kayomama 時間: 13-4-3 22:53 標題: 回覆：v_vcsl 的帖子
我也是應屆申請者，也分別收了兩次電郵，覚得很奇怪，可能想考驗家長的耐力，幼稚園唔收，可能參加得多，三四年後入小學有分加呢！
可惜，我實在覺得這學校咁樣send講座實在有點商業化，未等到三四年後，作為家長的我也對學校有少少扣分！
作者: Christi 時間: 13-4-4 00:05 標題: 回覆：崇真處理個人資料不當
樓主好細心，讚！
作者: Chirley 時間: 13-4-4 00:25
學校都要搞埋呢d野？！
係太得閒無野做定想點…奇聞呀，
之前smarttone都俾人推上報串爆，
支持將件事搞大佢等多d人俾反應，
同埋…我估自已唔敢報呢間，無福氣聽佢地嘅talk了
作者: Cattdogg 時間: 13-4-4 02:45
本帖最後由 Cattdogg 於 13-4-4 02:48 編輯
回復 Chirley 的帖子
我睇到火都嚟，點攪大佢喱，以家啲人小小事又話攪大佢，唔可以怪啲8'90後淨係乜都識得反，做家長都係甘，不知所謂，如果版主甘不滿其實你可以向私隱専員公署投訴，如果學校有問題佢一定要比個交代你。
作者: teambuilder 時間: 13-4-4 06:16
學校咁做宣傳對於沒興趣參加的家長可能做成不必要的滋擾是可以理解。不過要學校自動delete自己的申請資料真係未聽過（咁點證明你有offer定reject?有後補位call唔call你好？）。我公司/機構都會keep住員工/客戶交易資料，但要keep confidential，當然每間公司做法會唔同。想問下你當時填電郵地址的目的是什麼？你當時申請學位是否涉及費用？
教會傳教唔係d咩新聞，有好多人係覺得好煩，你有你的道理去投訴既，d教會都慣左比人罵或吃閉門羹。
作者: Chirley 時間: 13-4-4 10:03
本帖最後由 Chirley 於 13-4-4 10:15 編輯
Cattdogg 發表於 13-4-4 02:45 
回復 Chirley 的帖子
我睇到火都嚟，點攪大佢喱，以家啲人小小事又話攪大佢，唔可以怪啲8'90後淨係乜都識 ...
首先, 我唔太清楚『推上報』同『搞大佢』的分別有幾大, 再者, 我見到你既回覆都同你一樣火到黎囉
你係苦主嗎? 你明白俾人係咁打擾既苦況嗎?
一開始就係到話人又係『做家長都係甘，不知所謂』嗎?
如果真係咁『小小事』, 咁又向私隱専員公署投訴?
好似次前搭巴士, 個司機唔幫手摺BB車單野咁呀?
要人同你道歉就一定係岩咖啦???
而且學校既交待咪就係SEND 封咁既信俾D家長囉,
所以樓主先係到講...
我知道『認真就輸了』, 但唔該, 當你係到話人時, 仲要係咁樣話人『不知所謂』時,
都睇睇自己係到留緊咩言啦~~~
作者: Cattdogg 時間: 13-4-4 10:28
首先，我唔係苦主，但收到兩個e-mail可以有幾苦，我都唔係崇真家長，叫版主去私隱専員投訴係正確投訴方法，唔係事情大小事，如果你連「推上報」同「搞大佢」都唔知有幾大分別我作為旁人我可以話你聽，你比人感覺你'唯恐天下不亂既人' 當然每個人都唔同，版主可以話好煩擾，但所有嘢都係有途經處理。
作者: v_vcsl 時間: 13-4-4 10:35
本帖最後由 v_vcsl 於 13-4-4 10:51 編輯
回復 teambuilder 的帖子
我當時填電郵係因為表格要填我就填，而且我覺得佢0係九月前keep住我資料係OK既，又或者keep一年都OK，
因為佢可以當因為招生程序未完。
不過我認為佢唔應該未經我同意就發放一0的同招生／入學無關既訊息比我，
而且我睇佢以上既email，
我覺得佢冇打算0係招生程序完左後會消毀我資料。
而且佢仲講明會不時發放有關學校既消息。
我申請入其他會，例如麥當勞，人0地都會尊重我，
問我想唔想收到佢0地既訊息先send比我，況且我係申請入學，唔係入佢0地既會，
佢0地亦唔係商業機構，點解要keep住人0地既資料﹖
佢究竟要keep幾耐﹖
況且即使我寫email比佢，佢0係信中只承諾delete電郵資料，
而且如果唔係私隱條例實行，佢0地亦未必有以上既email
我由頭尾，我只係申請入學，我冇諗過成為佢0地既宣傳名單之一。
我覺得唔係好合理。
作者: Cattdogg 時間: 13-4-4 10:37
回復 Chirley 的帖子
你唔駛唔該我，我只係作為一個第三者既個人睇法，"認真就輸了＂其實你想講乜，你唔係認真給意見但又叫人攪大佢，你知吾知你寫緊乜。
作者: Cattdogg 時間: 13-4-4 10:41
回復 v_vcsl 的帖子
我無話你不對，你絕對有你既理由，所以我給你意見如覺不滿去私隱專署查詢，所有有個人資料既問題佢都幫到你。
作者: v_vcsl 時間: 13-4-4 10:42
Cattdogg 發表於 13-4-4 02:45
回復 Chirley 的帖子
我睇到火都嚟，點攪大佢喱，以家啲人小小事又話攪大佢，唔可以怪啲8'90後淨係乜都識 ...
作者: Chirley 時間: 13-4-4 11:25
Cattdogg 發表於 13-4-4 10:37
回復 Chirley 的帖子
你唔駛唔該我，我只係作為一個第三者既個人睇法，"認真就輸了＂其實你想講乜，你唔係 ...
而且無啦啦就可以鬧人,你又知唔知自已講緊乜?!
作者: Chirley 時間: 13-4-4 11:29
回復 v_vcsl 的帖子
最正途就係俾返封信俾學校,通知佢地你唔想留你紀錄做d咩用途,只係估唔到一間學校處理手法同d商業機構嘅一樣,
如真係要去到私穩處到,都希望你唔好遇到個腦殘嘅,
似岩先我提單野已經係笑話
作者: Chirley 時間: 13-4-4 11:41
本帖最後由 Chirley 於 13-4-4 11:49 編輯
我想講~討論係應該心平氣和既, 如果唔岩聽既可以唔理, 唔駛一開口就係話人,
如果推上報就叫『唯恐天下不亂既人』, 咁當年SARS既醫護人員係咪應該忍落去? 唔好俾人知搞到咁大單? 咁之後最低時薪時大家樂既員工係咪應該收 口,唔好俾人知佢地原來食飯係無錢既? 咁而家既貨櫃工人係咪應該有人工出就算?唔好搞咁多野??
係呢個星期, 我SEND出去要求唔好用個人資料做D乜乜用既不下十封, 有1/3既機構我係唔知點解佢地會有我資料, 真係好煩...
推上報本黎唔係一個大問題, 問題係人既心係咪當左佢係搞亂既工具,
私穩專員某程度上係幫到人, 但個人資料既野, 我相信唔係一間半間機構係係周圍買/賣, 呢D都算, 因為係商業既, 但學校, 真係不能接受囉, 咁點解唔可以俾多D人知道去講呢? 前幾年YORK搞慕道件事, 如果唔係報導左, 咁學校又點知其他人既反應? 學校又點會知衰取消D唔好既野?? 唔該, D自以為一定係好合情正途既人, 咪一開口就只係識鬧, 咁樣做人父母又係岩咖?!
作者: Cattdogg 時間: 13-4-4 11:56
回復 Chirley 的帖子
你覺得收兩個學校宣傅e-mail可以同沙士死甘多人係可以同樣嚴重的話，我真係無嘢好講。只可以一句，一樣米養百樣人。
作者: Cattdogg 時間: 13-4-4 12:11
以家學校唔係攞你啲個人資料去獲利，只係你曾經報過名就會假定你會想讀，可能有其他原因你無讀，第二年再收生之前你報過可能會有興趣再通知，同埋可能你會有一個或以上小朋友會再報，你個啲例子性質完全唔同。
作者: Chirley 時間: 13-4-4 12:26
本帖最後由 Chirley 於 13-4-4 12:28 編輯
唉， 好認同一樣米養百樣人，
再講d人都係唔會明 亦太短短視…
唔再講了， 只希望d人上得黎幫囝囡打算嘅都有返少少修養，
咪再一開口就鬧人，明白身教嘅重要，
不過都係唔關我事，唔回應了
學校有咩唔ok都唔應該係到講啦
一樣都係搞大件事
作者: Cattdogg 時間: 13-4-4 12:57
邊個有無修養自然有人判斷，亦唔需要你提點我，你覺得長遠會發展到幾嚴重，唔好以為自己比你聰明，你所講既嘢比人感覺係無知及無建設性，對不起，我說話比較直。
作者: HappyChildWorld 時間: 13-4-4 20:36
提示: 作者被禁止或刪除 內容自動屏蔽
作者: v_vcsl 時間: 13-4-4 21:46
本帖最後由 v_vcsl 於 13-4-4 21:51 編輯
HappyChildWorld 發表於 13-4-4 20:36
回復 v_vcsl 的帖子
樓主，你知唔知道4月1日有關私隱條例已有修改？學校尊重家長先會主動send email講解校 ...
我當然知道4月1日有關私隱條例已有修改啦！佢唔係為左尊重我而send email比我，
只係因為如佢唔send email比我，佢係唔可以用我既個人資料嘛！
佢係一定要send email比我徵求我同意，如果唔係佢係唔可以再send野比我，0甘其實唔係尊重我！
如果佢係尊重我，0係send第一個email黎既時候，就應該先問我既意願先啦！
而且學校同我都好明確地知道我小朋友不會在waiting list，所以不存在考慮後備生既問題，
如果我仲係等緊waiting就唔會覺得佢請我聽talk有問題。
況且我講左佢冇向我傳教，
我本身亦係教徒，人0地向我傳教我唔會介意既
我只係介意佢既手法，你可以睇番我之前既post。
作者: MeganBaby 時間: 13-4-8 00:19 標題: 回覆：崇真處理個人資料不當
V vcsl, you are right. TT wanna use applicants' info for purposes other than KG application so they send the email to parents b4 1 April 2013. This is a usual practice for commerical organisation but definitely not school. Obveriously, they are making use of the exemption of the Personal Data Privacy Ordinance and will be using our personal data for other purposes. Even they will not sell the data, it is still not acceptable.
I think parents should consider if TT is doing properly as a school.
作者: bosophie 時間: 13-4-25 18:15 標題: 引用：以家學校唔係攞你啲個人資料去獲利，只係你
原帖由 Cattdogg 於 13-04-04 發表
以家學校唔係攞你啲個人資料去獲利，只係你曾經報過名就會假定你會想讀，可能有其他原因你無讀，第二年再收 ...
| 歡迎光臨 教育王國 (/) |
Powered by Discuz! X1.5 |