教育王國

標題: 宣小大班vs其他無咁大班的學校 [打印本頁]

作者: Christi 時間: 13-4-2 21:54 標題: 宣小大班vs其他無咁大班的學校

想請教各位用家: 宣小每班人數好多啊,成45人一班! 咁上堂氣氛怎樣?多唔多同學之間及老師和同學的互動/抑或好單向接受? 老師能唔能夠睇晒全班學生?

宣小似乎很受歡迎,但45人一班會不會太多了,各前輩可以分享一下課堂情況嗎? thanks.

作者: DiamondHill 時間: 13-4-2 22:17 標題: 回覆：Christi 的帖子

正確人數42人。

作者: Christi 時間: 13-4-2 22:25

回復 DiamondHill 的帖子

thanks.

42人也是不是太多了?

作者: kls12 時間: 13-4-3 00:35

Christi 發表於 13-4-2 21:54
想請教各位用家: 宣小每班人數好多啊,成45人一班! 咁上堂氣氛怎樣?多唔多同學之間及老師和同學的互動/抑或 ...

宣小是私校，自己可以選學生，一般都比較守規矩，上堂氣氛應沒問題。當然，以一般津校25人一班，老師可分配到每位學生的時間較少。要看你對學校有甚麼要求，有聽過有家長覺得學校照顧他兒子不夠，但我是ok的。

作者: 金毛B媽 時間: 13-4-3 10:46

如果小朋友係專心, 大班都係會專心

如果小朋友唔專心, 細班都係會唔專心

作者: puipuimother 時間: 13-4-3 12:44 標題: 回覆：宣小大班vs其他無咁大班的學校

看看自己的小朋友，如果他要貼身的照顧就不需要想了。如果小朋友自律性強亦有喜歡看書，大班就沒有問題。

作者: Christi 時間: 13-4-3 13:05

thanks.我幾喜歡這校.囡囡也是自律性強的類型.

我只是有點奇怪, 咁大班卻又能維持升中成績咁好,原因是什麼呢? 因為大班應該是偏向單向傳授,那其實是不是學校要家長做很多功夫?

作者: 金毛B媽 時間: 13-4-3 13:46

我大仔自律性很強, 現在的功課, 測驗, 我完全放手了, 我覺得他因為專心, 所以上堂已學習所有野了, (當然唔識會問我地)

細囡本身不是很專心, 會容易受人影響, 所以我要不停提佢, 上堂要專心, 唔好傾計, 唔好玩, 有時, 佢都會學習了哥哥的工作模式, 會自動自覺, 可能我要上班, 真的無咁多時間理佢地, 所以佢地都要面對現實, 自己做好功課, 執好書包, 不可依賴我啦

我沒有做很多功夫, (學術上) 他們都只是有去學英文, 沒有補習, 課餘學樂器, 學琴, 返樂團, 學普通話 (普通話, 由 K1 跟同一位老師跟到而家, 所以一路沒有停)

作者: 金毛B媽 時間: 13-4-3 13:50

我講一講課堂上, 我大仔有同我講過, 小二時, 坐後面的同學上堂時, 有在櫃檯裹剪 rubber, 有剪紙, 不過老師沒有理會, 我估都因為大班, 同學沒有嘈到老師上堂, 老師就唔理, 有同學上堂訓覺, 老師有叫佢起身答問題 (應該係叫醒佢, 老師沒有罰), 等小朋友醒一醒, 如果小朋友係無用心上堂, 我估老師係唔會理, 畢竟大班, 老師也沒有辦法呢

作者: 金毛B媽 時間: 13-4-3 13:51

聽聞德望上堂( 德望45人一班), 如小朋友上堂訓覺, 老師立即罰企, 嚴重的, 會成堂在門口企, 無得聽書, 罰到小朋友唔可以有下一次

好唔好, 就見仁見智了

作者: Christi 時間: 13-4-4 23:54

回復金毛B媽的帖子

金毛B媽,多謝回覆!

對呀,德望也很大班.總奇怪咁大班老師點控制到課堂. 更奇怪宣道咁大班卻升中成績很好. 謝謝你分享了一些課堂情況. 消除我少少的顧慮.

作者: ChiChiPaPa 時間: 13-4-6 06:43 標題: 回覆：Christi 的帖子

女兒三年前在宣小畢業，那時她開始和中學生上一些興趣班。她最不習慣的是那些班的學生很少發問，只安靜地在聽書。原來出面上課就是這樣子。她說，在宣小，同學有不明白，都會發問，亦會向老師表達看法和意見。

鼓勵上課時的互動是取決於老師的教學技巧，而非班上的人數。

作者: Christi 時間: 13-4-10 15:40

回復 ChiChiPaPa 的帖子

thanks ChiChiPaPa !

歡迎光臨教育王國 (/)