教育王國
標題: 唉! 求救各位- 如何教小朋友數學呢? [打印本頁]
作者: rainbow23 時間: 13-3-26 13:48 標題: 唉! 求救各位- 如何教小朋友數學呢?
提示: 作者被禁止或刪除 內容自動屏蔽
作者: cornelius 時間: 13-3-26 15:03
本帖最後由 cornelius 於 13-3-26 15:03 編輯
回復 rainbow23 的帖子
不要灰心！
不如試吓數實物，例如一個蘋果加另一個蘋果，等於兩個蘋果；或者2粒米加3粒米等於5粒米，與小朋友一齊數，並告訴他2、3和5這些數字是代表那些米的符號。盡量用生活化例子來教。
作者: pandean 時間: 13-3-26 19:27
甘他在學校成績ok嗎？你要觀察下他中英兩科科是否可以跟上，如果可以唔會好大問題的。我覺得這種情況真的系未開竅，唔會有上過學的小朋友唔識加減乘除的，所以千其唔好灰心！！！
至於1+1都講唔識，你估計要先教下他理解加法的含義先，加減法其實對小朋友來講都算系比較抽象的野。我記得仔仔當初知道2+3=5，也知道他有2個蘋果，我給多他3個，他會有5個蘋果。但是他就係唔知道2個蘋果多3個之後有5個同2+3=5有麼野關係。用cornelius講的以實物教的方法多的教下他應該唔錯。
作者: 小齊 時間: 13-3-26 20:33
回復 rainbow23 的帖子
我都好明白你感受, 我見到D考試成績都好擔心, 特別是數學科, 其他科都麻麻地, 但係都可以慢慢幫佢, 但係數學係講羅輯, 我都好煩, 是否應該搵補習?但係我又想再比D時間睇吓, 但係我又怕佢基礎打得唔好, 同老師講過, 老師話比D時間佢, 唔好禁快補習, 我自己都好煩, 我成日都想辦法希望幫到佢進步, 市面上果D公文數及珠心算佢又唔係好受, 所以我都好明白你感受, 一齊加油, 唔好灰心, 我成日都要提自己, 因為我自己有時都好灰心。
作者: Radiomama 時間: 13-3-26 22:09 標題: 回覆：小齊 的帖子
數學的問題其實只是冰山一角。小孩有自信嗎？生活如意快樂嗎？
趁假期不要只著眼功課，一起入廚可以嗎？一起弄啫哩和壽司都可以，用量杯量水，量米、裝飯、擺筷子，都可以運用加減乘除啊！試下玩百萬富翁啦！
沒有自信、沒有學習興趣、一味被駡，怎能學習下去呢！請不要再外判給補習社，越上補習班就越欠缺信心啊。
我個仔d中文不知所謂，教完就忘記，但我堅持每日一字，愚公移山，一步一步陪他走下去。
作者: akys 時間: 13-3-26 22:33
飛行棋學簡單加數都幾好。
作者: koller 時間: 13-3-26 22:39 標題: 回覆：唉! 求救各位- 如何教小朋友數學呢
我小朋友都係小一，好多就明明識，但寫果陣又寫左另一個數。依家成日堅持用心算吾寫算式去計（都吾知好事抑或壞事）
不過，我發現小朋友真係需要多d鼓勵，如果佢計得幾次岩，我會讚佢，跟住佢就會好有自信咁計幾版練習。
不過佢減數好似弱d, 加數尚算ok
作者: koller 時間: 13-3-26 22:42 標題: 回覆：唉! 求救各位- 如何教小朋友數學呢
同埋我好多時用生活上既例子，例如：囡囡食左3粒燒賣後，碟上還有5粒燒賣，咁囡囡原有幾多粒燒賣。咁佢地易明好多
作者: bbforever 時間: 13-3-26 22:44
首先學數要識數數和數字排列，可買張數字表貼在牆上，要小朋友唱數1至XXX等，然後可同小朋友玩啤牌，飛行棋等學加數，數銀仔($)都得架！
我仔好鍾意玩架，試吓得唔得
作者: chelsealam 時間: 13-3-26 23:00
我也很擔心, 他總是一做數個樣便很迷失....教他很多次也唔明, 又或者抄錯, 睇錯題....有冇教小學數學既高人或教數老師可以分享一下心得?
作者: connie0810 時間: 13-3-27 11:57
最好既方法就係....用糖引佢....例如拿一包細糖...有大約5粒...叫佢數比你睇...答對奬一粒....食左一粒...得番幾多...答對又一粒....包你好快識晒.....仲可以問埋英文...how many candy in here?..or what colour....
作者: connie0810 時間: 13-3-27 11:58
作者: bobbob 時間: 13-3-27 12:19
chelsealam 發表於 13-3-26 23:00 
我也很擔心, 他總是一做數個樣便很迷失....教他很多次也唔明, 又或者抄錯, 睇錯題....有冇教小學數學既高人 ...
）
有無問個仔唔明邊度？或者試下玩D要數物件既遊戲增加佢興趣
作者: strawberry11 時間: 13-3-27 12:20
rainbow23 發表於 13-3-26 13:48 
(1) 小朋友一開始就已經唔明白
(2) 可能錯得多....現在每次教完or轉頭講完,....已經唔知叫冇記性 or 根本在 ...
其它科如何？
阿女都係小一。
中、英都唔錯。
數學真係嚇死人。 我又要返工，返到屋企和阿女成日因數學開戰，數學科我放棄了，找外緩，去左數研，so far ok！ 今次剛測驗，唔知成績。 但阿女真的進步左，有信心左，我亦可以嘔少d血。
想深一層，小朋友沒自信結果衹會越差
作者: JE0608 時間: 13-3-27 12:23
唔好介意, 如果小一連1+1都唔識, 我諗你真係快D搵習佢補. 而家D小學數, 教得好快架, 已經兩位數進加減了, 好多幼稚園生已起出面學晒上小學, 如果唔快D加把勁, 好難追上去了...
作者: rainbow23 時間: 13-3-27 13:20
提示: 作者被禁止或刪除 內容自動屏蔽
作者: rainbow23 時間: 13-3-27 13:23
提示: 作者被禁止或刪除 內容自動屏蔽
作者: strawberry11 時間: 13-3-27 13:54
小朋友應該要看看醫生
作者: Anniemun 時間: 13-3-27 19:54
有冇問過老師的意見？如果只是未明白，可用啤牌玩釣魚遊戲，增加學習趣味性。
作者: 小齊 時間: 13-3-28 14:39
回復 Radiomama 的帖子
佢其實冇咩信心既人, 生活是快樂的, 雖然佢成績唔好, 但我從來都冇話佢, 只是鼓勵佢, 叫佢比心機, 留心上堂, 你都會做得好, 雖然佢成績唔好, 但係比以前都進步左少少。我都開心, 因為有進步, 我唔會只看分數。
| 歡迎光臨 教育王國 (/) |
Powered by Discuz! X1.5 |