教育王國

標題: 因功課記過 [打印本頁]

作者: 2003416 時間: 13-3-25 22:11 標題: 因功課記過

兒子因欠功課上學期已記了一次小過，現在下學期到目前為止已欠6次功課，15次又要記就好難有前景了。欠功課真是防不勝防，什麼可能都會發生；做了但忘記放入功課袋欠一次，冇寫手冊又欠一次。每天
幫他對功課已加倍小心，但始終要欠，好大壓力。
有無家長有此經歷，解決辦法可分享，多謝 !

作者: xxariesxx 時間: 13-3-25 22:43 標題: 回覆：因功課記過

被記過你仔有咩感想?

作者: 2003416 時間: 13-3-25 22:55

回復 xxariesxx 的帖子

見家長時給訓導主任駡了一頓，當時感受一定深啦 ! 現在欠多了，他好似不覺得如何，還找借口。

作者: Haz-mama 時間: 13-3-26 16:59

是幾年級??

作者: skmibb 時間: 13-3-26 17:36 標題: 回覆：因功課記過

最簡單教小朋友一定要抄齊家課，執好晒個書包先放學。回家望望個書包有乜簿冊，老師派得就九成九要做，就算家課冊無寫都要完成。每晚包好書包前一定照本家課冊數齊已完成的功課先好瞓覺。樓主，記住係小朋友自己做，唔係你幫佢做。如果做齊都照欠，佢就要自己承擔後果。

作者: skmibb 時間: 13-3-26 17:37 標題: 引用：回復+xxariesxx+的帖子見家長時給訓導主

原帖由 2003416 於 13-03-25 發表
回復 xxariesxx 的帖子

見家長時給訓導主任駡了一頓，當時感受一定深啦 ! 現在欠多了，他好似不覺得如何， ...

返到屋企，你有冇罸佢？

作者: 2003416 時間: 13-3-26 20:47

回復 Haz-mama 的帖子

小四....

作者: 2003416 時間: 13-3-26 20:52

回復 skmibb 的帖子

他早早就要自己執書包，但始終都欠。

作者: 2003416 時間: 13-3-26 20:55

回復 skmibb 的帖子

較少罰，有何罰法?

作者: xxariesxx 時間: 13-3-26 22:06 標題: 引用：回復+skmibb+的帖子較少罰，有何罰法?

原帖由 2003416 於 13-03-26 發表
回復 skmibb 的帖子

較少罰，有何罰法?

若果試下佢欠一樣功課就將佢一件玩具送俾人，或者減少30分鐘玩(電腦ipad)既時間會否有效，只是個建議，我小朋友未讀小學無咩切身感受

作者: 洋蔥頭媽咪 時間: 13-3-26 22:45

回復 2003416 的帖子

只係一味責罵或者罰佢對事情未必有幫助 , 呀仔已經小四並唔係小一 , 沒可能仍未適應學校生活 , 有冇同佢好好地頃下了解下佢有咩問題 ? 去年之前是否有同樣問題 ? 經常錯漏 ? 定係以往係有人幫佢跟 ? 而現在你全放手 ?小四應該有自己想法 , 你要同佢坐低慢慢頃 , 唔好一味鬧 , 唔係就算佢有問題都唔敢同你講架啦 . 嘗試幫佢找出問題所在 , 係佢沒信心 ? 太粗心 ? 定係已經採取放棄態度 ? 你緊佢唔緊 ? 你小朋友好快就進入青春期 ( 反叛期 ) . 要盡快同佢溝通左先 , 否則態度有問題遲D想佢改都幾困難 .

作者: 囝囝mama 時間: 13-3-27 01:03

本帖最後由囝囝mama 於 13-3-27 01:08 編輯

回復 2003416 的帖子

叫佢數每日共有幾樣功課!!一次過疊好!!放入功課袋!學校有冇上網睇功課!!!!!功课是否常常過倆三曰先交!!!也很容易做漏!!!!初初你幫吓佢!!!慢慢在放手!!!佢似專注力不足!!!

作者: irischowys 時間: 13-3-27 09:07 標題: 回覆：因功課記過

我覺得鬧是沒有用的，是他自己不上心，不當一回事。不知樓主有否從他最初執書包起，幫佢double check一次，除了避免他執漏外，更可知他的習性。他會漏寫手冊?還是忘了入功課袋? 從小知道原因，幫他改善，而不是等他被老師罰啦，以為他會自己改好的，但有些人不介意別人眼光的。所以現在從頭做起，待他自以為執妥書包，助他回顧今天上堂的科目，教了那一課?有相關的功課嗎? 如假期必有功課，再check下手冊有冇寫，教他check 完一樣功課即入功課袋免漏。如欠寫手冊，便問他是否沒時間，或者自己太慢，可以放學前問同學抄回嗎? 做父母的是教子女有系統做事，他明白了便可自己做。

作者: ysnmama 時間: 13-3-27 10:56

樓主. 真的要瞭解兒子原因. 如果他一直也是這樣. 到現在小四也唯有像小一初入學般. 教及指導他應該要如何收拾好功課和書包. 初初一星期你跟他一起做. 之後一星期, 他自行收拾再給你檢查. 再之後, 你抽樣檢查. 小四應該很快沒問題. 如果有些不是第二天要交. 教他寫在大日曆. 要常常檢查將會有什麼要交回.

如果他升了班才改變. 就要好好瞭解他問題. 是不是力不從心或有其他大問題? 常常欠東西不是好事.

作者: skmibb 時間: 13-3-29 18:39 標題: 引用：回復+skmibb+的帖子較少罰，有何罰法?

原帖由 2003416 於 13-03-26 發表
回復 skmibb 的帖子

較少罰，有何罰法?

問題係返到屋企冇後果，咪冇阻嚇性。例如再欠，就冇得玩最愛玩具一次，或係暫停佢最愛做的事。

作者: skmibb 時間: 13-3-29 18:41 標題: 引用：回復+skmibb+的帖子較少罰，有何罰法?

原帖由 2003416 於 13-03-26 發表
回復 skmibb 的帖子

較少罰，有何罰法?

點解較少罰？

作者: skmibb 時間: 13-3-29 18:46 標題: 回覆：因功課記過

我小朋友雖然只有k3，但我交待要做的事待我回家check而又未做好，就會給我沒收心愛玩具一日，冇得玩。做番好先可以玩番。佢試過好幾次，現在唔敢做唔好功課，之後更會放好落書包了。

作者: terrylyy 時間: 13-3-29 20:56 標題: 引用：回復+skmibb+的帖子較少罰，有何罰法?

原帖由 2003416 於 13-03-26 發表
回復 skmibb 的帖子

較少罰，有何罰法?

我放工番屋企會check吓個仔D功課有無做齊，如果做漏兩次，weekend 就無得玩lpad，全個week 做齊無漏就有小禮物，佢宜家小一，有獎有罰嘅方法好有效

作者: teambuilder 時間: 13-3-30 01:30

你有冇提供一個有效的方法俾佢跟？如果跟足都係漏，我覺得唔應該怪佢。而家風頭火勢要你自己跟緊d，之後再慢慢教，泄左度氣就好難搞。試下問個考第一既睇下人地係點做到既？

歡迎光臨教育王國 (/)