教育王國

標題: 不在原校升讀k1 [打印本頁]

作者: ahqq 時間: 13-3-25 19:23 標題: 不在原校升讀k1

如在該幼稚園讀n班，但不在原校升讀k1，唔知會唔會對n班的班主任有影晌?因我知道我仔就讀n班的同學仔有很多都考到心儀的幼稚園k1時會轉校（包括我在內），但又不是n班的老師不好，唔知學校會唔會覺得n班的老師不好，所以咁多人唔留底讀k1而轉校，影晌咗n班的班主任，令學校以為佢唔好

作者: cyk2009 時間: 13-3-25 19:26 標題: 回覆：不在原校升讀k1

寫封美麗的退學信讚美感謝有關人等是必要的！

作者: kufubaby 時間: 13-3-25 20:25

一般學校都好理解, 但如果想做得漂亮D, 可以申請退學時寫封感謝信俾學校

作者: mic.mo 時間: 13-3-25 22:30 標題: 回覆：不在原校升讀k1

幾時寫會好d? 幾多月？

作者: 小曳人 時間: 13-3-26 07:19

你覺得老師有無咁得閒時時刻刻記住邊個會轉校而對佢地無咁好呢？對佢個人有乜好處？

作者: pattyshukla 時間: 13-3-26 12:24

我都想知幾時寫好,等wait listing 嘅人快D有位都好

作者: ahqq 時間: 13-3-26 13:50 標題: 回覆：小曳人的帖子

我唔係話怕老師對小朋友唔好，意思係咁多小朋友走，會唔會校長以為n班老師唔好，影響咗n班老師

作者: fingiu 時間: 13-3-26 15:35

我覺得唔會囉...因為唔係間間學校到有n班!!
而且佢地又唔係第一年辨學...
所以應該會明白囉...

作者: wankapo 時間: 13-3-26 19:46 標題: 回覆：不在原校升讀k1

復活假後俾退學信好唔好？就係因為學校好，原校又留咗位，唔想太退講！

作者: moonyuen 時間: 13-3-26 23:56

我覺得越早講越好，可以等學校有準備，當然退學信要寫得好，感謝老師，校長，校工等。其實學校都習慣及明白，佢地唔會有hard feeling 除非學生走得好突然或不開心地離開。

我女都有提早退學經，我覺得間學校及老師好好，所以last day買咗d小蛋糕及棉花糖比同學仔茶點時食，亦買咗兩打蛋撻請老師及教職員食，其實真係衷心答謝佢地，而老師及同學仔同阿女即日影咗張大合照寫上名字及祝福句，好warm，依家個女拎番出睇好開呀!

作者: momofish2002 時間: 13-3-27 01:59 標題: 回覆：不在原校升讀k1

早D通知學校等學校早d可以安排下佢哋K1有位騰出來比佢他報讀既小朋友仲好！
好多幼稚園已經慣咗d小朋友讀完N會轉校，絕對唔係N班老師既問題咖，唔洗擔心！

作者: bearcat2003 時間: 13-3-27 07:41 標題: 回覆：不在原校升讀k1

放心啦！幼稚園當這些是大自然規律，點會咁樣睇啲老師？幾年前我女只簽通告表明不升K1，之後師生關係絕無變差，老師只說過唔捨得呀女走，暑假在學校附近遇見班主任，佢仲特登入學校取份小禮物送給呀女。

作者: wankapo 時間: 13-3-27 08:48 標題: 回覆：不在原校升讀k1

我都好鍾意現時呢間pn學校，幾乎全英文班！但奈何真係無信心兩年後再打呢場仗！所以要轉幾乎轉中文嘅龍校！唉！

我都好唔捨得呢間pn!

而家都鼻頭一酸！

作者: Angie_Law 時間: 13-3-27 10:21

回復 wankapo 的帖子

我諗依家選龍校都係大勢嚟啦，所以你嘅選擇唔難理解。
你會中途退學(PN)？還是讀到學期尾？

作者: ahqq 時間: 13-3-27 10:33 標題: 回覆：Angie_Law 的帖子

我會謮埋成個學期呀!果日交左封退出K1學位信比學校，都在信內讚賞班主任。但我仔班好多同學仔都有心儀學校收左，佢地都會去，希望班主任唔好有hard feeling，學校以為佢唔好。我呢個Mammy好無用好感性，交完信D分離感又來，唔捨得學校，唔捨得班主任，想喊，咁多人考到其它幼稚園會走，又怕學校對班主任觀感唔好.....

作者: wankapo 時間: 13-3-27 11:14 標題: 引用：回復+wankapo+的帖子我諗依家選龍校都係

原帖由 Angie_Law 於 13-03-27 發表
回復 wankapo 的帖子

我諗依家選龍校都係大勢嚟啦，所以你嘅選擇唔難理解。

讀到學期尾

歡迎光臨教育王國 (/)