教育王國

標題: 文憑試考正音　考起學生 [打印本頁]

作者: elbar 時間: 13-3-25 13:31 標題: 文憑試考正音　考起學生

http://www.skypost.hk/港聞/新聞二條/20130325/001/%E6%96%87%E6%86%91%E8%A9%A6%E8%80%83%E6%AD%A3%E9%9F%B3%20%E8%80%83%E8%B5%B7%E5%AD%B8%E7%94%9F/86174

中學文憑試的中文科口試即將開考，但考核學生朗讀的正音，有別於日常生活的粵語讀音。

不過，考評局並無公開正音的參考書，學生或面臨扣分風險。中文科老師趙善軒認為考核不負責任，建議學生不要死記正音，宜多溝通。

文憑試中文科口試考核學生朗讀時的語氣、節奏，並選定九個字考學生的正音讀法，如滑稽，應該讀作「骨」稽。

粵音學者何文匯認為學生讀書求真，「要識字，何不了解一下邊個讀音係正（確）？」但他亦認為出題應以青年人常見詞語為主，學生多着重朗讀清晰和節奏感。

次文化堂社長彭志銘批評現今的教育制度是「字典復古派」，死板又古老，考試應該重點考核學生的懶音。

作者: yukico 時間: 13-3-26 11:57

有冇人知呢部份佔幾分? 若不是太多, 寧願"豪"出去, 把有限的時間用在其他更有益的地方上。
恕我才疏學淺, 又不求上進, 試想想, 若有人對我講:"你剛才那段說話很[骨]稽呢!", 我諗不單止我, 相信會有好多人唔會明

作者: Mighty 時間: 13-3-26 14:57

真係無事ＬＯＲ来做、予其講埋一Ｄ無離頭正音、不如叫Ｄ人講少Ｄ懶音仲実際ＬＡ．　

作者: Yanamami 時間: 13-3-26 16:31

I'm sure I'm going to fail this.

作者: JP 時間: 13-3-26 17:13

大仔上星期考左DSE 中文口試，佢話不太難。

聽聞2015年DSE 中文口試會取消朗讀部分，同學仔不用專登記正音應付考試。

作者: vincher 時間: 13-3-26 18:56

考文憑試啫！我以為考播音員！

作者: ANChan59 時間: 13-3-26 22:18

JP 發表於 13-3-26 17:13
大仔上星期考左DSE 中文口試，佢話不太難。

聽聞2015年DSE 中文口試會取消朗讀部分，同學仔不用專登記正音 ...

HKEAA & EDB 真係走火入魔....

作者: One-Mama 時間: 13-3-27 09:11

何為"正"音?

明代著名音韻學者陳第在《毛詩古音考‧自序》（毛詩即《詩經》）中，提出「時有古今，地有南北；字有更革，音有轉移，亦勢所必至」的觀點，另外《讀詩拙言》謂「一郡之內，聲有不同，繫乎地者也；百年之中，語有遞轉，繫乎時者也」的見解

既然不同時代. 不同地方既讀音都不同, 就係呢個2013年, HKSAR呢個特區既粵音讀法, 考試局在沒有考試指定典故根據下, 何不採用99-99.9%HKSAR人通用的讀音? 而參考不知哪裡. 不知哪年代. 不知哪些人先採用既讀音, 真係不知所謂!

何博士, 我同意你所謂「要識字，何不了解一下邊個讀音係正（確）？」不過宜家係HKDSE中文口試, 係沒有open book下, 不知博士你當年中六程度, 甚至今時今日, 可以發幾多個"正"字?

要fail人, 何不直接唔比分?

作者: WisdomXStardom 時間: 13-3-27 16:08

提示: 作者被禁止或刪除內容自動屏蔽

作者: yantung2010 時間: 13-3-29 16:22

問問香港政府班高官,鰂魚涌點讀?

香港人係讀音上有個好嚴重既情況--無王管,亂咁黎.
當有人發現問題,第一就諗到學校要糾正,跟住為左學生注重,要考試,但社會大眾繼續我有我錯,甚至批評教育界過份.

作者: yantung2010 時間: 13-3-29 16:25

考9個字,絕大部分都係考懶音,只有一兩個冷僻的字,只係香港學生少睇書少查字典.考評局反而多批評學生讀書無節奏無感情.

作者: yantung2010 時間: 13-3-29 16:38

香港政府不重視基礎教育小朋友吸收力最强時就交俾一班学术低考个牌就可以教書既幼師小師开坏个頭

作者: Prodigious 時間: 13-4-7 13:28

提示: 作者被禁止或刪除內容自動屏蔽

作者: shadeslayer 時間: 13-4-7 14:05 標題: 回覆：文憑試考正音　考起學生

廣東省是用這些正音嗎？

作者: eviepa 時間: 13-4-7 14:09

本帖最後由 eviepa 於 13-4-7 14:11 編輯

何文匯所知道的肯定不是最正音，他懂得的頂多是漢朝正音。我前幾天取得舊石器時代，廣東人還是茹毛飲血時的廣東話正音，前天要獻給考評局。但考評局說他們已找到人類的始祖，東非人猿的正音，認為是全世界語言的最正音，明年以此為標準。

作者: vincher 時間: 13-4-7 16:34

如果我係播音員，我吾介意考核正音！大佬！中六学生咋！況且讀音呢家嘢！鬼唔知時間讀作“時耕“！總是不順耳，我都会讀番“時間“

作者: 武航 時間: 13-4-7 21:37

我記得幾年前有個電視節目又係講呢d正音正字，有個鬍鬚教授話香港既傑出華人 - 作家金庸既原名 - 查良鏞個"查"字唔係讀"茶"而係讀"搾"，所以查大俠應該係叫"榨"良鏞。我當時個心諗，呀鬍鬚佬你尊重下呀"茶"大俠得卦，人地個姓點讀點到閣下指指點點。

台灣有個歌星叫費翔，"費"作姓氏讀"秘"，但呀費翔話請尊重我屋企，即使粵音請讀"肺"翔。

正唔正音，唔好玩啦。

前兩日我剛剛學曉方中sir 個sir 字點寫 - 瀡
http://www.youtube.com/watch?v=n6rXNha99jI

可惜我當年讀書資訊無咁發達，如果唔係我會特登作篇文專門用埋呢d 撬口杉手既古字，等呢班食古不化既老師口啞啞，又唔話得我錯。

作者: 武航 時間: 13-4-7 21:57

彭志銘曾經喺香港 am730 專欄介紹過「SIR滑梯」嘅「SIR」字嘅正寫係「瀡」，一個阿媽同個仔一齊睇咗呢篇文，個仔用「瀡」字寫落週記度。但係，老師見到呢個「瀡」字就打咗個大交叉，重寫咗「不知所謂」四個大字做評語，對於嗰個交叉同句評語，彭志銘亦好介懷[5]。

http://zh-yue.wikipedia.org/wiki/%E7%80%A1%E6%BB%91%E6%A2%AF

http://www.zdic.net/zd/zi/ZdicE7Zdic80ZdicA1.htm

連康熙字典都有呢個"瀡"字，果位老師個交叉同"不知所謂"既評語唔知係唔係比自己。

少少離題，見諒!

作者: ANChan59 時間: 13-4-7 22:58 標題: 回覆：武航的帖子

算啦，咁樣考語文，乜星星都冇用。

鬼佬課程考中文commentary, 自己課程考撓口杉手「冷知識」，熟優熟劣顯而易見！

作者: talknwrite 時間: 13-4-8 21:07

我查過 EDB 網上香港小學學習字詞表, 滑稽的滑字可以兩讀

作者: NKpa 時間: 13-4-11 11:48

"香港人係讀音上有個好嚴重既情況--無王管,亂咁黎"

同意.
大家可能不留意,粵語好多日常用字有文白異讀,兩個都係正音,重係古音.文讀比較新,都已經係宋朝左右開始,成千年.叫中古音,白讀重耐,叫上古音. 好似來字,文讀loi,白讀有兩個音lai,lei. 因為文讀係讀書音,當時考詩詞都依文讀音,所以教書一定教文讀唔教白讀,漸漸個個都識某字怎讀,但係不記得日常口語的字怎寫,例如新婦寫做心抱,怎樣寫做點樣,使錢寫做洗錢.字典有古書可依多數只記文讀,不記白讀,因為查證往往好困難,不如不記.此一粵語正音化之難.

再甚者,粵語口語有極多變調,一來口語有聲無形,同音上來比字難分辨意義,所以會轉調區分;更多時是為了易發音,將低沉的陽平聲轉做易讀的陰上聲,例子極多,如男人男忍,慳錢慳淺.無母.

相信無乜邊個講野唔轉調,夾硬唔轉調人家都聽不明,因為太習慣.明明係錯,習慣了好難改正,例如錯本來讀chok,入聲,而今個個讀錯,去聲,本來而今讀而甘,尾音m脫落了個個讀而家,本來時間空間讀時奸空奸.個個時澗空間,習非勝是了.

正音,談何容易?

作者: 杰杰媽媽 時間: 13-4-11 23:20

eeee...............我都仲岩3個

都唔算好差掛

歡迎光臨教育王國 (/)