教育王國

標題: 誠信及態度問題 [打印本頁]

作者: 貓娘 時間: 13-3-22 02:59 標題: 誠信及態度問題

本帖最後由貓娘於 13-3-22 03:25 編輯

遇到誠信及態度有問題的老師，你地會同校方反映嗎？

我小朋友有ADHD及亞氏保加症，某老師比我感覺係界定左小朋友係麻煩學生，往往挑起事端，而且係佢口中小朋友一無是處，成績又唔好。

其實佢成績唔叫好，但未至於差，全級150人考80零，以佢情況我覺得滿意。

Xmas之前發生件事，我打電話比佢希望協助處理，佢當時唔係位，回我電話第一句係「點呀？有咩事？」

當時第一次接觸，即時打個突，點解咁冇禮貌，而且件事最後的處理方式我亦不認同，老師同我講野每句開頭都係「你知唔知佢係學校點架？blah blah blah blah」，我聽起黎真唔似老師講既野，似八婆講人是非多啲。

加上對話中聽起黎係：發生依啲事係佢自找！雖然好嬲，但總叫勉強可以吞聲忍氣，諗住對多半年，算啦。

點知，今星期發生一件事，佢處理手法非常有問題，而且用威嚇手法引導我仔認冤枉同學，但同我老公講係小朋友主動去同佢講係佢冤枉同學，而且係經常性，依點真係有相榷既地方！如果經常性，點解Xmas前通電唔講？新年後拎成績表唔講？

尋日放學返黎，小朋友好無奈話，老師叫佢認左佢，係佢冤枉人架啦，乖乖地認左佢啦。

如果係你地，你地怎處理？婆婆話老師係擺明針對小朋友，但只好吞左佢，否則老師只會越來越針對佢。爸爸話小朋友要學習面對依啲事。
但我覺得咁大隻死貓吞落肚好難頂，將來小朋友會唔會怪我睇住佢比人屈都唔出聲？！

作者: 貓娘 時間: 13-3-22 03:02

煩到我尋晚瞓唔著，成晚眼光光，越諗越多疑點，老師啲說話好唔make sense

作者: joanthony 時間: 13-3-22 08:06 標題: 回覆：誠信及態度問題

提示: 作者被禁止或刪除內容自動屏蔽

作者: Yanamami 時間: 13-3-22 08:11

I think 8X/150 is not too bad.

作者: extra369 時間: 13-3-22 08:38 標題: 回覆：貓娘的帖子

可搵學校社工或主任傾下。

作者: mesmerising 時間: 13-3-22 08:39

本帖最後由 mesmerising 於 13-3-22 08:56 編輯

回我電話第一句係「點呀？有咩事？」＞＞＞態度係有D差。我囝老師係話：「妳好呀XX媽媽，我係X老師。請問妳搵我有咩事？」

尋日放學返黎，小朋友好無奈話，老師叫佢認左佢，係佢冤枉人架啦，乖乖地認左佢啦。＞＞＞呢樣我會同老師平和溝通，表達小朋友的無奈。唔係諗著＂反案＂（因妳確實係看不見事件過程），目的只係想同老師表明態度，阿囝有感受會講，同埋有一個關注的媽媽，以防止將來的＂被屈＂。記著溝通要平和。

妳可比阿囝知為他找過老師談，告訴了老師他的感受，讓孩子知道媽媽支持佢，有時支持係唔使判／評論這次的對錯，只讓他看見妳為他而有所關注行動就夠了。

作者: tutik 時間: 13-3-22 14:12

這情況我去年也經歷過, 又是一些不該從事教育的人, 奇怪地拾起教鞕。
我會找機會親身與她見面, 一來提醒佢妳對的是一個家長, 並非一個孩子任妳舞! 接着死狗一番, AD囝實贪玩闖過禍有幾奇, 入正提表明自已相當緊張兒子之情緖發展、自專心等, 別再提個別事件之黑與白, 重要是囝囝得到正確引渡, 強調再有相似情況, 請告知妳, 由妳處理, 這點好重要, 囝係我既, 我會教。
我既CASE最後轉咗校, 給妳參考。

作者: loveDD 時間: 13-3-22 14:50

本帖最後由 loveDD 於 13-3-22 16:19 編輯

回復 mesmerising 的帖子

小朋友要學習面對係一回事，父母扮無野吓吓叫個囝忍並唔係解決問題好方法。At least 要俾孩子知道媽媽支持佢，唔好成日諗住忍下算，因為忍下忍下日後你個囝未必會再肯同你講心底事。

作者: 貓娘 時間: 13-3-22 16:17

回復 joanthony 的帖子

有睇兒童精神科，已經成左葯啦

作者: 貓娘 時間: 13-3-22 16:18

回復 Yanamami 的帖子

可能老師要求高卦

作者: 貓娘 時間: 13-3-22 16:22

回復 extra369 的帖子

社工未必幫到，訓導主任又唔多關佢事，諗緊係咪搵副校長傾，朋友話咁預左要兩個小朋友一齊轉校

作者: 貓娘 時間: 13-3-22 16:28

回復 mesmerising 的帖子

同意，多謝意見，我都唔想反案，反而係佢處理手法好反感，佢話唔認去到月瞓導主任好麻煩，又話學校課室有CCTV(其實冇)影到你，7歲小朋友比佢咁嚇，仲識講咩？！我小朋友話聽完驚去訓導主任會冇書讀，所以認左

作者: 貓娘 時間: 13-3-22 16:29

回復 tutik 的帖子

轉校就連家姐都要一齊轉，咁先頭痕，多謝意見

作者: mesmerising 時間: 13-3-22 16:34

回復貓娘的帖子

用CCTV來嚇細路？唔應該wor!請妳快同老師溝通溝通啦。就現在啦！如果唔係放weekend了。

作者: 貓娘 時間: 13-3-22 16:36

回復 loveDD 的帖子

我都係咁諗，而且由細被人冤枉被人整，我媽咪都係唔出聲仲比鬧，真係到大仍唔開心

作者: 貓娘 時間: 13-3-22 16:38

回復 mesmerising 的帖子

老公話等星期三請假搵校長喎

作者: tutik 時間: 13-3-22 16:51

咁轉校又未到，如攪惦個老師就不用再向上曹，徐非你有一班家長支持或同樣投訴，不然呀囝日子難過。

作者: 貓娘 時間: 13-3-22 20:11

回復 tutik 的帖子

我都好擔心反映完，校長未必會覺得老師有問題，到時唔轉校都唔得，我有兩個小朋友，轉就要一齊轉，唉

作者: 貓娘 時間: 13-3-22 20:14

回復 tutik 的帖子

我唔要求老師認做錯又唔係指責佢咩，又唔係要佢道歉，只希望老師明白小朋友既難處，佢依兩日有幾難過

歡迎光臨教育王國 (/)