教育王國

標題: 點樣check到間小學係咪普教中呢？ [打印本頁]

作者: MissMusic 時間: 13-3-21 19:27 標題: 點樣check到間小學係咪普教中呢？

如題！
係咪要逐間學校網頁check？

作者: Ima2008 時間: 13-3-21 22:52

可以check吓教育局網內嘅18區小學慨覽, 有部份學校會講明佢地係普教中

http://www.chsc.hk/psp2012/main.php?lang_id=2

作者: ykx 時間: 13-4-13 21:56

回復 MissMusic 的帖子

我會逐間學校 check

作者: Pekkle_bon 時間: 13-4-13 22:27 標題: 引用：回復+MissMusic+的帖子我會逐間學校+chec

原帖由 ykx 於 13-04-13 發表
回復 MissMusic 的帖子

我會逐間學校 check

可否例出巳查的？

作者: QQee 時間: 13-4-14 11:11

其實好簡單, 直接打電話去學校問.

作者: wister 時間: 13-4-15 23:41

可以睇下果間學校網頁嘅簡介

作者: A-Mum 時間: 13-4-16 08:33

如果你是想避開普教中，只簡單的問問就可以；但如果係想揀普教中，最好找用家問問，師資不同，成效可以差好遠的

作者: ddkaka 時間: 13-4-16 13:57

我唔會選普教中,學好母語先, 學識用母語表達好緊要, 想普通話好可以出去上普通話班.......

作者: chanwendy 時間: 13-4-16 14:38

ddkaka 發表於 13-4-16 13:57
我唔會選普教中,學好母語先, 學識用母語表達好緊要, 想普通話好可以出去上普通話班....... ...

認同呀, 好多人覺得身處香港唔會唔識講廣東話, 但識講同講得好唔好正唔正係兩回事, 如果真係咁, 點解 dse (即使以前的高考) 中文會話會咁多人肥呢? 普通話非常易學, 但廣東話比普通話難咁多, 所以我都係普教中的學校唔會選.

作者: ddkaka 時間: 13-4-16 17:11

chanwendy 發表於 13-4-16 14:38
認同呀, 好多人覺得身處香港唔會唔識講廣東話, 但識講同講得好唔好正唔正係兩回事, 如果真係咁, 點解 dse ...

係呀, 中文科唔合格就上唔到大學, 有人同我講過, 考大學唔係用普通話架喎........

作者: 学究 時間: 13-4-16 18:34

chanwendy 發表於 13-4-16 14:38
認同呀, 好多人覺得身處香港唔會唔識講廣東話, 但識講同講得好唔好正唔正係兩回事, 如果真係咁, 點解 dse ...

香港高考的中文，更接近廣東話而不是普通話？如果真是這樣，坊間中文報紙的文筆質量也就不奇怪了。

作者: 已刪除用戶 時間: 13-4-16 20:44 標題: 回覆：點樣check到間小學係咪普教中呢？

本帖最後由 Charlotte_mom 於 13-4-17 09:43 編輯

分享：我女中一了，岩岩去左個澳門day trip，要做訪問。問得兩問d細路開始醒：原來十個遊客有九個係大陸人，習慣普教中的，唸都吾唸就轉台，索性一開口就普通話。遇著俾人問返轉頭，問d之前無預備的問題。即時露餡！小學普通話底子打得好vs打得吾好，分別即刻出黎。打得吾好的外來生即刻啞左，望住其他同學等人救。

中文教得好與吾好，同學習語言無關係。我女小學有個老師，本來教中文（北京人），過左幾年終於如願教視藝，根規矩用廣東話，後來有家長反映，咁多年黎老師不嬲都係同學生講普通話，一個識講一個識聽，點解要為左用廣東話而夾硬用廣東話。學校聽完又覺得ok，於是呢個老師而家係用普通話教視藝。學校家長同學生都一致ok

作者: dorway 時間: 13-4-16 22:20 標題: 回覆：Charlotte_mom 的帖子

認同！其實用普通話學中文的除了可以令他們講得好之外，也可令到學生寫作時用普通話去想，而不會寫廣東話出來。平常同人溝通依然用廣東話的話，就算不刻意學都不會有大問題除非小朋友平時同朋友都並非講廣東話，例如國際學校啲學生。

作者: momama 時間: 13-4-17 06:08 標題: 回覆：點樣check到間小學係咪普教中呢？

在我嚟講，普教中同齋校/男女校一樣，唔係選校先决條件，唔會特別揀或避。如兩間學校其他方面一樣好，我會揀普教中，因為我小朋友由出世開始，我係非常注重母話，直到今日都唔會中英夾雜咁同佢講嘢，同佢講過嘅英文唔會多過5%，所以有信心俾佢受普教中。家長門作抉擇時必須先評估小朋友嘅水平，否則佢地上堂唔明，挫敗感會有好大影響。

作者: A-Mum 時間: 13-4-17 08:31

我有兩個小朋友，讀普教中嗰個啲廣東話無問題㗎，廣普英對答都可以；反而是讀英小嗰個講嘢會中英混集，幼稚園學落嘅普通話亦退步咗好多。

作者: 已刪除用戶 時間: 13-4-17 09:49

dorway 發表於 13-4-16 22:20
認同！其實用普通話學中文的除了可以令他們講得好之外，也可令到學生寫作時用普通話去想，而不會寫廣東話出 ...

咁作文又有好多元素既, 舖排啦, 論點啦, 手法, 結構, 修辭例如擬人排比, 運用成語, 引用証明, 唔係單單"無白話"就一定高分既-- 好老實, 呢個係我女經過普教中6年我既想法

我只係想帶出, 如果小朋友由細接觸一種外語, 而可以熟悉到佢地聽/講都靈活運用的話, 其實咩語言教咩科唔係一個issue, 反正都聽得明

普教中都要睇學校推得徹唔徹底, 老師質數, 選材, 評估等影響好大, 近年有質數既普通話老師, 跳槽/撬人情況拍得住net呀!

作者: cheunglai 時間: 13-4-19 22:10 標題: 回覆：點樣check到間小學係咪普教中呢？

其實我不見得用普通話學中文有乜野咁好，人人都話對寫作會好d，但現在的小學生，不是口語化問題最嚴重，而係佢地好多詞彙及字都唔識寫、唔識解。

作者: 已刪除用戶 時間: 13-4-19 22:42 標題: 引用：其實我不見得用普通話學中文有乜野咁好，人

原帖由 cheunglai 於 13-04-19 發表
其實我不見得用普通話學中文有乜野咁好，人人都話對寫作會好d，但現在的小學生，不是口語化問題最嚴重，而 ...

上面講過，普教中吾見得會令作文好，如果咁簡單，中國十億人作文都好。對我黎講，普教中係學好普通話，為將來作準備，當學生對普通話有夠深了解，普教藝、普教體都吾係問題（我無特別愛國情緒，我講求實用咋）

作者: edea 時間: 13-4-20 10:35 標題: 回覆：點樣check到間小學係咪普教中呢？

原來家長會避，我是求之不得

作者: 已刪除用戶 時間: 13-4-20 12:25 標題: 引用：原來家長會避，我是求之不得 +

原帖由 edea 於 13-04-20 發表
原來家長會避，我是求之不得

都有幾多吾鐘意架

作者: momama 時間: 13-4-21 16:31 標題: 引用：Quote:原帖由+edea+於+13-04-20+發表原來家

原帖由 Charlotte_mom 於 13-04-20 發表
都有幾多吾鐘意架

係呢度見過唔少人反對普教中。若小朋友升小一時未有普通話起碼嘅程度，普教中就嗜係太適合。

作者: 已刪除用戶 時間: 13-4-21 16:57 標題: 引用：Quote:原帖由+Charlotte_mom+於+13-04-20+

原帖由 momama 於 13-04-21 發表
係呢度見過唔少人反對普教中。若小朋友升小一時未有普通話起碼嘅程度，普教中就嗜係太適合。

...

咁又吾係既，就係吾識，所以小一至學小一既野嘛

。最緊要學校acknowledge學生有吾同程度就住黎教，就好似小一其他科一樣

作者: 学究 時間: 13-4-22 15:15

Charlotte_mom 發表於 13-4-19 22:42
上面講過，普教中吾見得會令作文好，如果咁簡單，中國十億人作文都好。對我黎講，普教中係學好普通話，為將 ...

這點我看法不同，合格的普教中應該會令小朋友作文更好（是自己與自己比），因爲現代漢語的標準語就是普通話，與各種方言（哪怕是北京話）都有差異，講好標準語，對寫好標準語一定有幫助。内地十幾億人，很多偏遠的地方也未必能做到普教中，用當地方言教中文的不在少數。所以我自己給小朋友選學校，中文是一定要用普通話教。

歡迎光臨教育王國 (/)