教育王國

標題: My little dream 唔駛錢都唔再去 [打印本頁]

作者: sweethun 時間: 13-3-14 18:12 標題: My little dream 唔駛錢都唔再去

之前係團購買左4堂my little dream playgroup,一堂都唔駛$40。諗住試下先，如果好既話正價二百蚊一堂都比。點知...

1。第一堂去到，我個仔同其他小朋友係 reception area等入房，咁佢地一定周圍搵野玩。我個仔見到 reception table有隻 snoopy公仔令左黎玩。一秒唔夠就有個男性負責人衝去我個仔度搶返隻snoopy,好惡（堅惡）咁鬧我個仔做咩令左佢隻絕版snoopy玩。當時並冇指示牌講明"不可獨摸
"，我即刻拖開呀仔，比返隻公仔比佢。心知不妙，不過都即管上埋堂睇下先。

2。有個女miss入房，一開聲就嚇死我。佢係講英文既，但係一聽就知係香港人英文，d音同grammar仲衰過我講。

3。 story time環節，令本好殘又細本既故事書出黎講，比我見到原來係公共圖書館借。第一次上play group既書係借返黎，好慳！！

3。爭d唔記得講，入房後未開始上堂前小朋友可以周圍玩，我個仔見到有隻Minnie係地下，走過去執起玩。過左一陣個男人又走入黎睇下，又去我個仔度搶走隻Minnie話邊有男仔玩公仔架，去玩波波池，滑梯。

我只係分享我既所見所聞，當然有d讀緊既家長係好buy呢間野，專程由荃灣走黎大角咀讀（我真係完全唔明）。上完先敢上黎講，費事對我個仔有咩影響。

作者: bbtammy 時間: 13-3-15 12:57

回復 sweethun 的帖子

其實我都覺得有時D playgroup質素都幾參差, 冇計, 好多都係為賺錢老師冇咩heart
不過我唔介意playgroup去圖書館借書, 反而係介意老師對小朋友是否有愛心，不過當然，英文真係唔好太差啦。

作者: kwy_2004 時間: 13-3-17 22:45

回復 sweethun 的帖子

我之前都有上過,頭一堂係我老公上,佢話阿仔都玩得幾開心,因為有6-7個人上.點知我去上第二至三堂的時候,第二堂就得番2-3個人,第三堂就得番我一個人上,佢都照上堂,第四堂我就無Join. 我上Playgroup係想阿仔同多啲小朋友玩

作者: bopui0607 時間: 13-3-17 23:00

playgroup 都有團購 ? 如果係好既都唔驚冇人讀啦.

作者: Katrina@Chan 時間: 13-3-18 14:59 標題: 回覆：My little dream 唔駛錢都唔再去

提示: 作者被禁止或刪除內容自動屏蔽

作者: cocoli1026 時間: 13-3-20 15:07 標題: 回覆：sweethun 的帖子

係唔係西九匯里面？

作者: sweethun 時間: 13-3-20 23:25

係新九龍中心

作者: breadbb 時間: 13-3-21 10:05 標題: 回覆：My little dream 唔駛錢都唔再去

我之前都貪近上過真係好差係我去過咁多pg最差嘅一間 d野好唔乾淨老師英文唔好我無見過男人唔知你講邊個但女人應該都係嗰個其好多團購pg都唔差唔好以為好pg唔做團購我都買過好幾次都唔錯同埋佢都係想做多d宣傳等人認識都係幾好嘅宣傳效果

作者: migicarrot 時間: 13-3-21 11:11 標題: 回覆：My little dream 唔駛錢都唔再去

我都系買左團購去試。第一堂miss上，d英文系Chinese English，但囡鐘意玩佢baby gym果part，睇見miss真會全英文上堂，就當卑囡接觸下。第二堂吾舒服無上。第三堂一去到系個sir上堂，講野好大聲，嚇親我囡，講講下英文又彈下中文，唱歌又吾好聽，見佢set野用d用具都吾系好熟，都吾知系咪臨時拉夫。仲有一堂，卑左錢點都上埋佢

歡迎光臨教育王國 (/)