教育王國
標題: 分享下: 今年終於IN完..深深體會為人父母的辛苦.... [打印本頁]
作者: 晞晞爸b 時間: 13-3-13 19:38 標題: 分享下: 今年終於IN完..深深體會為人父母的辛苦....
藉個位呻下..
上星期終於IN完..今年K1 (超細B) & PN (超大B) 兩邊作戰 (鬼叫自己小朋友係年尾細仔....唉)
超過10間..港九新界...私校及學卷都有..
[孤身作戰]:
今年每一次IN都係我同仔仔入去..我太太就三推四推唔得閒理.....RESERACH 學校係我...報名又係我..入紙填FORM排隊又係我..帶小朋友IN又係我...等RESULT之後寫求位信又係我...IN完又俾人鬧做O羊報咁多間?? 唉....
[連哄帶騙(仔仔) & 向老師賠不是]:
次次INTERVIEW入到去仔仔玩野唔答老師問題玩性格..我仲要即場扮笑解尷尬同老師講唔好意思仔仔比較慢熱...又要一邊TUM仔仔話你表現好好架..乖喇..你答完老師問題爸爸返去買車車(玩具)俾你玩...
又要請假又要搵錢.....
唉! 有苦自己知..有淚自己往肚裡吞..但一想起為了小朋友既前途...即將來臨既小一入學戰..只能繼續努力...不敢奢求太太及仔仔明白我現在做既野...只求自己對得住小朋友...我身為爸爸.曾經我盡我所能去幫你四圍去撲學校..幫你爭取最好的...自己食少餐都要將省下俾你讀有英文NET既學校...只希望日後你的路走的順暢一些...
我相信好多BK爸爸媽媽都行緊類似我呢條路...可能大家都好累了...今年入到心儀既小朋友既父母.恭喜你們! 還沒有好消息的.不要氣餒..下年再來過...記得要保持正面既心態..這只是一個過程..日後小朋友條路仲好長..學業/入名校與否並非人生的全部...教導孩子正直做個有用既人.引他行良善的道路才是王道...
加油!
作者: dwkw333 時間: 13-3-13 19:42 標題: 回覆：晞晞爸b 的帖子
加油
作者: CARSON0809 時間: 13-3-13 19:47 標題: 回覆：晞晞爸b 的帖子
哈哈！你唔怕你太太見到你咁寫咩？！我深深感受到你的付出，因我也是一樣！咁你最讀边間有結果末呀？
作者: chingchingma89 時間: 13-3-13 19:56 標題: 回覆：分享下: 今年終於IN完..深深體會為人父母的辛苦....
加油，人生是一條長長的馬拉松比賽，起步不夠別人快，不要緊，還有往後漫長的日子呢！況且，小朋友和家長還要好好享受過程呢！！！
作者: b16a 時間: 13-3-13 19:58
完全感受到....haha
作者: LittleButter 時間: 13-3-13 20:03
回復 晞晞爸b 的帖子
加油喔！晞晞爸b! 我與你個case 極相似，又是2010年12月細囝，又是又報K1同時又報PN，又是得我一個孤軍作戰，不過幸好我老公當真係需要他時，他也樂意付出少少時間以配合我！
其實我們已經好好架啦！（應當常存知足感恩的心！）因為我們可以有得選擇做細B、做大B（雖然真實情況並不一定係由我們話事、掌控，好可能係看看小孩與哪一所學校真的「有緣」），但是比起果D7、8月既小孩冇得選擇，我們已經叫做有得揀架啦！
希望大家的小孩也能尋著一所真正適合他們成長的學校~~~
作者: bb2911 時間: 13-3-13 20:22 標題: 回覆：分享下: 今年終於IN完..深深體會為人父母的辛苦....
support . other ppl may not understand u, but just do by yr heart n no regret
作者: BethMum 時間: 13-3-13 20:26 標題: 回覆：分享下: 今年終於IN完..深深體會為人父母的辛苦....
我完全感受到，我都係主力既一位，好彩老公都會配合我
，希望各位家長既小朋友都可以搵到適合幼稚園
加油!!!!
作者: i_love_pampers 時間: 13-3-13 20:26 標題: 回覆：分享下: 今年終於IN完..深深體會為人父母的辛苦....
作者: maggiecykwong 時間: 13-3-13 21:08 標題: 回覆：分享下: 今年終於IN完..深深體會為人父母的辛苦....
作者: puibb 時間: 13-3-13 21:19 標題: 回覆：晞晞爸b 的帖子
Wow! You a such a good dad ! 男人多數吾多識理仔女讀書野
作者: webpaupau 時間: 13-3-13 21:51 標題: 回覆：晞晞爸b 的帖子
加油唏唏爸b。
作者: angelatjiu 時間: 13-3-13 22:04
你是一個好難得的爸爸，好欣賞你！
作者: angeljodi 時間: 13-3-13 22:53 標題: 回覆：晞晞爸b 的帖子
晞晞爸b，送你一個字“勁”，我隻C6乜都唔理，我完全明白你，加油呀！
作者: Kat_Fong 時間: 13-3-13 23:09 標題: 回覆：分享下: 今年終於IN完..深深體會為人父母的辛苦....
本帖最後由 Kat_Fong 於 17-6-28 15:01 編輯
del
作者: Jasmin映 時間: 13-3-13 23:39
晞晞爸b, 支持你! 通常仔女既野只有媽媽緊張,我老公都係隔岸觀火果種..所以特別欣賞你呢種緊張仔女既好爸爸, 希望大家都有心儀學校既offer, 為仔女揀到一間真係適合佢地既幼稚園~
作者: 小洪寶 時間: 13-3-14 00:14 標題: 回覆：分享下: 今年終於IN完..深深體會為人父母的辛苦....
放心，你既努力仔仔一定見到。原來你仲有報大仔？利害
作者: ekhc 時間: 13-3-14 01:02
晞晞爸b 發表於 13-3-13 19:38 
藉個位呻下..
上星期終於IN完..今年K1 (超細B) & PN (超大B) 兩邊作戰 (鬼叫自己小朋友係年尾細仔....唉)
其實, 喺過程中, 爸爸, 小女同自己都學習同成長緊, 我都賺咗 la. 
加上自己爸爸媽媽從來都無同我呻過辛苦, 所以我都唔會! 可能你會話我哋以前細個嗰時, 無今時今日咁 competitive; 但我相信每個父母都會盡自己能力去 provide 最好最合適嘅教育俾小朋友, 都好努力咁付出過!
共勉之!!
作者: falalala 時間: 13-3-14 01:46
嘩, 好勁既一位父親
作者: Ccalmch 時間: 13-3-14 02:23 標題: 回覆：晞晞爸b 的帖子
如果我老公有你一成咁緊張就好啦
！如我我都唔理的話阿仔一定無書讀！（苦笑）
作者: achow 時間: 13-3-14 08:35
你哋行過嘅路,我足足比你們行多兩次(因為我有三個小朋友)
每次我都同自己講,最辛苦原來並不是懷孕或生仔那一刻.而是Interviewssssss...
好倦但係要項硬上,每次係孩子面前都要扮輕鬆 (等佢地無壓力),奈何自己就不停冒汗,強顏歡笑等等。
祝願大家好運
作者: ckfamily 時間: 13-3-14 08:43 標題: 回覆：晞晞爸b 的帖子
支持你，你既負出，佢地總有一日會明白
作者: lovebb2 時間: 13-3-14 09:00 標題: 引用：你哋行過嘅路,我足足比你們行多兩次(因為我
原帖由 achow 於 13-03-14 發表
你哋行過嘅路,我足足比你們行多兩次(因為我有三個小朋友)
每次我都同自己講,最辛苦原來並不是懷孕或生仔那 ...
作者: Miumiulab 時間: 13-3-14 09:12 標題: 引用：Quote:原帖由+achow+於+13-03-14+發表你哋
原帖由 lovebb2 於 13-03-14 發表
唉！最辛苦是一個孤身準備，之前做足功夫（捜集之前面試內容，同小朋友練習），當日較好個小朋友生理時間（ ...
作者: peko5 時間: 13-3-14 09:31
提示: 作者被禁止或刪除 內容自動屏蔽
作者: VeryB 時間: 13-3-14 09:51
突然令我都覺得感慨 ... ... ... 我都係IN 完晒... 等RESULTS中.
我最初最初上網睇FORUM 係睇結婚野, 跟住到想生BB就開始睇BB 果邊既POST, 見有唔少人都寫今個月又唔中喇, 又睇紅D綠D咁樣, 大家晌度互相"鼓勵"大家再努力. 到BINGO左, 又開始傾買BB用品既野.....
到依家BB要番學, 又再黎傾邊間學校好, INTERVIEW 點樣點樣.... ....
香港地我地呢一代就係咁樣 ... ... 每件事都會上網睇一睇, 同人地SHARE下, 再攞多D 資料, 知到多左資料, 就會開始諗野, 愈諗愈多野, 開始就會有壓力... ... 既然我地剛好活晌呢個時代, 生活晌香港, 唯有面對. 有時都唔係好想隨波逐流上網睇咁多, 但做人好難, 怕得自己知得咁少, 又會推住我咁行.... ... 無計, 盡量叫自己有時睇開D, 唔好令亞囡有壓力, 開心成長就夠.
作者: moniquecheung 時間: 13-3-14 10:13
回復 VeryB 的帖子
VeryB, 真係好同意你既說話.
PN叫做IN晒.. 我都係等緊結果, 不過我已經冇諗住會有好消息.. 因為好多間係group in, 根本都唔知IN左D乜... 有先出奇
我都係帶阿囡去下旅行開心下先LU
作者: Halcyon0212 時間: 13-3-14 10:23 標題: 回覆：分享下: 今年終於IN完..深深體會為人父母的辛苦....
提示: 作者被禁止或刪除 內容自動屏蔽
作者: 晞晞爸b 時間: 13-3-14 10:55
多謝各位.
其實出呢個帖無其它用意..純粹呻下..同埋同大家一起互相鼓勵下..打打氣.
我相信大部份父母都會好似我咁做...這是天性...父母對仔女的愛無止盡.這是我做人爸爸後先體會到..所以我會更加孝順自己父母..
我同意有父母講..享受這過程..係既..我藉由呢十幾次面試..也增進左父子關係..更令我得以去瞭解原來仔仔既個性係屬於邊類型..(坐唔定果隻...)
而知道他一次比一次進步..我都好欣慰及為他感到驕傲
尤其近幾次GROUP IN他已不再大喊(一年前首次玩某九龍塘幼兒園playgroup時.第1日已俾鬼婆大聲夾惡既態度嚇親..自此逢playgroup & group interview一定大喊..留低陰影)
經過一年來的努力及插班PN之後返學學校既成果
反而見到他現在group in好定.
總之見到小朋友一點一滴成長..再辛苦也值得..
每個小朋友都是父母心中最寶貝的..
另外我好同意有位家長講既..咁辛苦完換來老公一句"早叫你唔好去"..咦.呢句咁熟既..我太太都係講...所以好多次我都算了..忍住辛苦..無人諒解都無法...俾人責怪報咁多間(一句多謝都無.)..唉..唔報咁多間..你估IN一兩間人地實收架?我太太其實其它方面都好好..唯獨比較唔緊小朋友讀書呢PART..我並非話她唔好..而係人人想法唔同..她屬於那種隨小朋友自然開心讀書果種..無BUY我呢套..她成日話她細細個咪又係讀普通學校又係咁長大..
anyway. to 果D孤身奮鬥既家長..唔好唔開心..好多另一半係比較唔緊既..一個凸一個凹..睇邊個著緊D咪邊個去搞呢D野囉...
2歲人仔已經好O力了..多D鼓勵..唔好因為面試而令到親子關係有破損..這是得不償失..父母自己要控制自己既情緒..因為會好影響小朋友既情緒..多D愛及鼓勵..名校唔名校唔係最重要(入到名校唔鍾意返學都無意思)..培養學習興趣及喜歡返學..搵間適合自己小朋友個性既先係最重要..切忌同人地比較..無意思既
大家繼續努力! 
作者: fabsum 時間: 13-3-14 11:06
真的是一個好父親! 你老婆少參予可能因為他驚自己表現不好累左呀仔啫或認為你可以倚賴
我是參予8成那個 , 幸好我發c號令的時候 , 我老公都願意配合 , 但有時他笑我以前好好記性, 但現在差了好多, 真係慶慶地, 我記20樣事 , 他先記1樣 !
作者: yanng013 時間: 13-3-14 12:14
晞晞爸b 發表於 13-3-13 19:38
藉個位呻下..
上星期終於IN完..今年K1 (超細B) & PN (超大B) 兩邊作戰 (鬼叫自己小朋友係年尾細仔....唉)
加油
作者: mamath 時間: 13-3-14 12:21
You are a good father! Your son must have felt the same.
I would tune myself and treat them as play dates for kids. It helps us understand children more. Since you have back up plan already, no stress and take them as an experience la.
I will later follow your path and expose my small b in interviews. Hope everything goes well...
作者: Fion_Wu 時間: 13-3-14 12:25
大家一齊加油
作者: rd2ny 時間: 13-3-14 12:56 標題: 回覆：晞晞爸b 的帖子
跟你完全一樣感受及同意...
from 另一身心軀疲，孤身奮鬥的爸爸...
我們还有漫漫長路...共勉之。
作者: BALL_B116 時間: 13-3-14 12:59 標題: 回覆：晞晞爸b 的帖子
提示: 作者被禁止或刪除 內容自動屏蔽
作者: Chirley 時間: 13-3-14 12:59
回復 晞晞爸b 的帖子
其實你真係好好, 阿囝讀書/去玩pg, 捜集之前面試內容等都係我,去填form 寄信等等果d都係我,
我老公係果種『實有書讀咖啦』果種, 如果我唔搵學校阿囝將來只係會去讀村校就算,
唔係話村校一定唔好, 但個人認為唔同既學校見既野都真係唔同咖, 而且村校咪一樣多人爭同谷, 咁點解唔搵好d?
但好彩同小朋友練習等我老公都會做, 去interview 都會一齊去, 唔會講咁多說話我聽 (如果係咁我鬧爆佢呀
)
比你情況好d既係幸好我既另一半仲會配合我, 無咁孤軍作對feel...
好認同『自己食少餐都要將省下俾你讀有英文NET既學校...只希望日後你的路走的順暢一些...』
其實都係想小朋友將來可以多少少選擇,
你努力完呢個k班戰役, 好好relax下, 過多1,2年就係另一個挑戰
作者: zoe@3510 時間: 13-3-14 13:14
總會有學校收, 唔好O甘大壓力
作者: minirat 時間: 13-3-14 13:59
本帖最後由 minirat 於 13-3-14 14:00 編輯
又系個句。你真是一個好爸爸！
我唸緊，如果你咩都唔理，你老婆會否著緊d？
我都系咩都做晒，research，打去學校問，上forum，填表，mark低面試日子。我老公就淨系聽我報告
不過我堅持他至少要一起出席面試（如果無肯，我就發爛渣，女人可以，男人唔得，哈哈！）
其實我算好平常心，不過無論幾平常心，壓力多少都有
尤其我地兩公婆要返工，又要就工作攞假（有幾間都是平日面試），又要安排仔仔睡眠時間配合面試時間，等。
我地第一間就衰左，雖然意料中的事，不過士氣都依然有少少受挫
好彩第二間就收了，仲要是我鍾意的英藝
然後之後的面試就好輕鬆，所以我很感激英藝的offer
仔仔的表現由第一次到最近一次面試我地都完全無train他，由他自由發揮
因為我很固執地唸，如果學校expect我地特別為面試而train他，這種教學理念，我不能認同，不讀也罷。
不過睇返成個過程，其實都幾好玩。
現在只是2歲班，希望每位家長都盡量平常心
我地仲有漫漫長路要行
過多壓力俾自己會無形地將壓力轉移到小朋友身上
我地做父母做甘多野，講道尾都是想想朋友有個快樂美好的人生
現在他們只是差不多2歲人仔，我地對他們有過分高的期望其實有d殘忍
我知講好容易
所以有時我都需要提醒自己，最緊要他健健康康，開開心心，一家人齊齊整整。其他事情就會變得微不足道。
作者: Terrimom 時間: 13-3-14 14:18
Good daddy! Same situtation for me. My son is also Nov 2010 Baby. Both K and PN classes have been applied. But my hubby said why to apply for both K and PN classes but he didn't know the reality of HK education system now. Anyway, cheer up to alll mammies and daddies!!!!
作者: bbqueendom 時間: 13-3-14 15:01
提示: 作者被禁止或刪除 內容自動屏蔽
作者: peko5 時間: 13-3-14 15:02 標題: 引用：藉個位呻下..上星期終於IN完..今年K1+(超細
提示: 作者被禁止或刪除 內容自動屏蔽
作者: sonytang 時間: 13-3-14 16:04
晞晞爸b 發表於 13-3-13 19:38
藉個位呻下..
上星期終於IN完..今年K1 (超細B) & PN (超大B) 兩邊作戰 (鬼叫自己小朋友係年尾細仔....唉)
我太太講過,你已經幫個仔搵咁多資料,又咁緊張,當我都好似你一樣時,咁咪D野double,樣樣都咁樣咪好辛苦!!你都係自己一個緊張好啦!!到你唔緊張果時,我先來緊張啦!!其實佢係講緊笑話,佢話如果見到我唔緊張個仔,佢會緊張我!!! 所以唔洗太緊張!!
我只是報了兩間N班,沒有得讀N就給小朋友玩多一年而已!! 亦是所有東西我一手包辦!!
作者: 小洪寶 時間: 13-3-14 22:54 標題: 回覆：分享下: 今年終於IN完..深深體會為人父母的辛苦....
我既心態係，作為父母當然想幫孩子預備最好，所以我n班都報好多，但bb表現有好有差，但無論收唔收都唔會唔開心或者發bb脾氣，人地唔收總有原因，就算做到曬但唔收都無需懷疑，入到名校當然好，入普通學校一樣可以發展得好。今年年尾到我再戰k1, 希望仲保持到平常心。各家長加油
作者: sandyhung_ 時間: 13-3-15 04:55 標題: 回覆：晞晞爸b 的帖子
而家先開始，in完PN,又要揾龍校K1,跟住k2又要報小一簡介會，k3 一連串interview 。你而家要同太太講清楚香港教育遊戲制度係點玩。 係可以讀屋村小學，不過而家的屋村小學也很谷，係咪真係可以hand off咩都唔理？？“有得簡先至係老闆“呢個道理一定要明，同太太再傾吓。同埋好多地區的屋村幼稚園都冇位，我朋友例子: 遲報k1屋村幼稚園（黃大仙區）諗住一落樓下就可返學個d，到最後要坐校車去樂富返學。真係晤好睇少呢個遊戲！加油！
作者: ritachan2012 時間: 13-3-15 08:51
回復 fabsum 的帖子
Me too. 淨係記住D重要日期同信封size,其他事情完全失憶。之前我老公都好淡定，隨著戰況升級及日日被洗䐉（包括發動家人提醒）他而家都好上心，偶爾仲會講句辛苦我。
作者: psonlui 時間: 13-3-17 18:04 標題: 引用：你哋行過嘅路,我足足比你們行多兩次(因為我
原帖由 achow 於 13-03-14 發表
你哋行過嘅路,我足足比你們行多兩次(因為我有三個小朋友)
每次我都同自己講,最辛苦原來並不是懷孕或生仔那 ...
作者: Barneyjan 時間: 13-3-18 10:34
很少爸爸會理讀書的問題, 很勁呀{:1_1:}
我完全明白妳的感受, 因所有亦是我負責, 大家也希望給他們最優質的教育,
作者: breadbb 時間: 13-3-18 10:56 標題: 回覆：分享下: 今年終於IN完..深深體會為人父母的辛苦....
Really proud of u.. 我相信大部分嘅家長都係媽媽負責呢方面 有時我都埋怨我老公 我預左佢咩都唔參與 但有時我叫佢去交表佢一見到條隊都會問一定要in呢間咩 有連續3日都會in佢又會問要in得咁密咩 到收信時我返緊工好心急叫佢去睇信箱佢又慢慢黎。6299又比說話我聽點解唔讀屋企附近果d，又唔讀學卷學校（我仔in k1)好彩到最後 我老公見到心儀嗰間收都同我一樣咁開心我先安樂d
作者: 晞晞爸b 時間: 13-3-18 15:58
可能這幾個月真的太累了..加上日日在公司OT..朝9晚11的工作..過去這幾天終於大病了一場...慶幸的是完成了所有仔仔的面試之後才來病...大人辛苦小孩也辛苦...
很謝謝各位..想不到有很多家長跟我一樣感同身受..We are not alone...大家都辛苦了...
原本已無力氣打字..(因為病到死下死下...一次過焗埋一齊發出來...威力可觀...呢幾日已睇過2次醫生..今朝醫生建議我應該返去抖最少5日...但..我現在仍需要返公司繼續捱...手停口停....)
Anyway,呢幾日見到香港連續幾單親人倫常慘案..仔女夾埋外人怖局殺自己父母仲要分屍..一單在九龍一單在八鄉(近我住果頭..).另外一單係富商既老婆殺自己老公(100多刀)..而台灣果邊呢幾日又有一單係死者二哥買重保險殺左死者(分屍及只剩一個用鹽醃漬的頭顱)...
令我好震驚..亦想同大家分享下及趁機反思....
究竟我地咁辛苦營營役役為左小朋友舖路是否一定係佢地想要既?
姓周既(殺父母又分屍並主動連絡傳媒及報警果位)..可以一早分左父母屍之後又可以若無其事的接受電視訪問? 一邊在警局報案一邊同FACEBOOK群組的人告白話自己如何一早已計畫好殺人..及點樣預左要坐一世監...另外又怨自己細個爸爸媽媽逼佢學琴另到佢無得打波個子矮溝唔到女?... 八鄉果單暫時知道因打機所以殺自己父母...今日又有新聞話食左藥起殺機?.. 另外台灣果邊..為左保險金可以將自己既親妹妹殺死..仲要斬到剩返既頭...對自己既親人...父母..老公.姐妹都可以下毒手..仲要死後分屍棄屍? 這是多大既仇口??...我無言了...
其實我地會否太過緊張?太過功利?是否NET就一定是那麼重要?是否入名校就一定那麼重要?在這過程中..我們是否有停下來想一想..小朋友的德育及開心學習是否更重要?
我不是說有NET或入名校就一定德育不好..請別二分法...並不是非黑及白..
對不起..這不是我的意思..我的意思是當我們太注重那個學校教得深一些..或那個學校如何名校如何想方設法要求仔仔女女努力去面試去入讀...我們是否有靜下來想一想這學校是否就是最適合自己小朋友的學校?
我來BK EK近一年..很認同其它父母所說的...沒有最好的學校..只有最適合自己小朋友的學校...
如果小朋友較外向較喜歡發問及走來走去...是否把他送去那種要文靜自律乖乖坐定定的學校就是最好? 反之亦然..
還有...是否谷及學術深就一定是好學校? 每個小孩資質都不同..學習慢了一些..會否令到佢在求分數的學校裡失去了學習的興趣? 小一之後? 跟不上會否自我放棄? 中一之後?會否因此誤入歧途..視學壞或做其它的事引起它人注意來滿足自己的自卑?
教育是漫長的..人生也是漫長的..每每見到有些小朋友完全失去童真..或是在地鐵裡車門一開就衝入去霸位.仲要父母在後面稱讚佢果D..我見唔少...到底德育及身教..我地有幾多教到俾小朋友?急功近利.走精面..以為好聰明??我去KM面試時..有位媽媽專登在我仔面前擋住既位..老師出到聲叫佢無好咁做及移過隔離佢都當聽唔到...我無耐的苦笑..這種在面試時撒陰招損人不利己的家長...佢地既小朋友以後有樣學樣..
sorry..越扯越遠...我想講既就係..當大家咁辛苦去報名擠入名校既同時..我們別忘了要教育正確的價值觀俾小朋友..在愉快學習成長的同時..讓小朋友學習愛及付出.分享與慈愛..希望每個小朋友都健健康康開開心心成長...
大家共勉之...
作者: mamath 時間: 13-3-18 16:12
或許德育在香港這個功利掛帥的教育巿場中, 實在太沒位置. 許多家長都名氣趨之若驁, 或者只苦了小孩. 但可悲的是, 如想找一家校風好的中學, 以免孩子在青春期間受不良朋輩影響, 那些學校又往往是成績掛帥、叫人喘不過氣的教學方法. 有時候家長是挺無奈的.
如果有看親子王國那邊, 會發現大家都偏重了學業, 卻忘了如何管教...
作者: LENA-BABYBABY 時間: 13-3-18 16:45
好爸爸！
作者: SweetRosie 時間: 13-3-19 04:12 標題: 回覆：分享下: 今年終於IN完..深深體會為人父母的辛苦....
You are such a good father!!!
I also don't have any support because I am a single mom from the day I carried my baby girl when she was still 3 months old in my tummy :)
I came all the way through now at her 9 months. I have been busy on learning how to take care baby, analysis the vaccination shots plans, buy all the baby stuffs, search playgroups or PN, and so on, all by myself. Luckily, I have my parents and friends who can help me some of the time but not always.
I hope I can learn from you and other strong parents in BK.
Wish all of us the best and good luck!!!
You are not alone!
作者: PCMW 時間: 13-3-19 07:58
我是太太,我老公同你老婆差唔多,我都係孤軍作戰,不同的是我老公都叫會俾面出席interview,唉!加油啊!
作者: bbqueendom 時間: 13-3-19 10:34
提示: 作者被禁止或刪除 內容自動屏蔽
作者: faipy 時間: 13-3-19 11:01
大家都要加油!
作者: teambuilder 時間: 13-3-19 13:30
好佩服你呢份堅持. 如果比著我老公唔讚成我女考某某學校, 我一定唔會自己一個人應戰. 有好多野要兩公婆一條心先會成功. 其實你老婆都講得沒錯, 我諗佢叫你唔好考都有佢原因既. 加油.
作者: mrschung05 時間: 13-3-19 21:39 標題: 回覆：SweetRosie 的帖子
加油。支持你。
作者: mrschung05 時間: 13-3-19 21:41 標題: 回覆：晞晞爸b 的帖子
說得好！長路漫漫，共勉之。
作者: Chirley 時間: 13-3-19 22:23
前幾日的新聞太沉重了, 恐怖又悲哀…我都要感恩,暫時生活同經濟還許可,我同老公其中一個人可以唔駛工作全職湊囝,
除左學識外仲可同佢相處多d, 因為我地堅信揾人湊太易,
但教導係無人能代替父母, 我地都有著重德育問題,
無完人,但少錯誤觀念都好,
你講得好岩, 將來朋友同學嘅影響好大, 要更留意,,
但細細個都開始講多d做多d入佢腦,
希望小朋友將來都會仲記得
作者: 晞晞爸b 時間: 13-3-20 02:48
LittleButter 發表於 13-3-13 20:03
回復 晞晞爸b 的帖子
加油喔！晞晞爸b! 我與你個case 極相似，又是2010年12月細囝，又是又報K1同時又報PN ...
作者: 晞晞爸b 時間: 13-3-20 03:10
ekhc 發表於 13-3-14 01:02
千祈唔好覺得辛苦, 我哋要enjoy個過程.
其實, 喺過程中, 爸爸, 小女同自己都學習同成長緊, 我都賺咗 la. ...
父母的愛，只有親身做了父母才能體會的到..
共勉之~
作者: minirat 時間: 13-3-20 10:23
晞晞爸b 發表於 13-3-20 03:10
絕對認同你説的：要enjoy個過程！在這過程中，親子關係更緊密，更能瞭解小朋友的個性，需要什麼，適合什麼 ...
完全同意你最後個句！
我有d朋友見到我地凑小朋友的方式就會話“太寵”，“如果系我會點點點”
我心念，你做左先算啦
未做父母的，永遠不能體會其中滋味，無論甜酸苦辣都不是憑假設可以想像的
好似我從來都唔知自己可以甘愛一個人！
唔好意思，離題！
作者: mamath 時間: 13-3-20 10:54
minirat 發表於 13-3-20 10:23
完全同意你最後個句！
我有d朋友見到我地凑小朋友的方式就會話“太寵”，“如果系我會點點點”
我心念， ...
作者: minirat 時間: 13-3-20 11:11
mamath 發表於 13-3-20 10:54
Yes! I never realise that i am so in love with my son. While i'm anxious about his study plan, i ne ...
Haaa! ya, same here. I try not to stress him with my love or own expectations. They have their rights to enjoy childhood!
作者: rabbitsheasl 時間: 13-3-20 13:59
晞晞爸b, 你太太好幸褔, 我好羨慕佢, 我先生都喺咩到唔埋, 真喺好辛苦
作者: ngchuklam 時間: 13-7-17 11:15 標題: 回覆：分享下: 今年終於IN完..深深體會為人父母的辛苦....
唏唏爸b, 好欣赏你！希望你有心儀的學校的offer！
作者: 晞晞爸b 時間: 13-7-17 11:32
ngchuklam 發表於 13-7-17 11:15
唏唏爸b, 好欣赏你！希望你有心儀的學校的offer！
謝謝你! 希望所有的父母都能願望成真! 大家加油!
作者: sweetsugarapple 時間: 13-7-17 16:23 標題: 回覆：晞晞爸b 的帖子
晞晞爸b, 你真係一位好爸爸。今年我仔都要考k1, 十月尾細仔，深知機會渺茫，佢仲未識講野，但仍會一試，祝你好運。
作者: sugarwinnie 時間: 13-7-18 10:21
好一位超級爸爸...讚
作者: honeybee2012 時間: 13-7-18 13:34
作者: calodsa 時間: 13-7-18 13:35
提示: 作者被禁止或刪除 內容自動屏蔽
作者: 大白豬 時間: 13-7-18 13:58
你是一個好爸爸, 加油!
無論讀那間幼稚園, 父母仍是小朋友最好及最重要的老師. 共勉之.
作者: IMDAD 時間: 13-7-18 14:51
I am very sorry to see that and why your wife act like that? Is the child born with someone else or what? SHE should be sorry of what she did today if any problems with the child attending school.
On my case I will be more caution on selecting school and discuss with my wife. We do not have same goal but could be adjust it...but need work together in order to becomes expecting result.
作者: 晞晞爸b 時間: 13-7-18 20:41
IMDAD 發表於 13-7-18 14:51
I am very sorry to see that and why your wife act like that? Is the child born with someone else or ...
唔好意思令到你誤會左..
仔仔係我太太親生既.
其實每個人既想法都唔同..我太太既想法只是不想小朋友太小就要谷..失去童真..
加上她覺得以前的小朋友都係咁大既喇(唔一定非要入九龍塘名幼)
她比較relax d...覺得小朋友開開心心快樂成長就OK...
係我自己緊張....
所以她不贊成我報呢D學校........所以咪要靠我自己一手一腳.........
作者: joew_525 時間: 13-7-19 12:54
回復 晞晞爸b 的帖子
最終你個仔仔會讀K1定PN?
作者: 剛果公主 時間: 13-7-19 13:17 標題: 回覆：晞晞爸b 的帖子
提示: 作者被禁止或刪除 內容自動屏蔽
作者: clau1208 時間: 13-7-19 13:50
回復 puibb 的帖子
totally agreed!
作者: ceco 時間: 13-7-19 22:54
好爸爸！努力呀！一定有回報！
我個B係2012 12月細B！大家有機會交流下啦！
作者: jscyiu 時間: 13-7-19 23:00
Can't agree more!
作者: 晞晞爸b 時間: 13-7-23 11:10
joew_525 發表於 13-7-19 12:54
回復 晞晞爸b 的帖子
最終你個仔仔會讀K1定PN?
讀住K1/原校升K1先
由於我同我太太都唔prefer我仔做超大B(我同我太太終於有共識)
我地覺得如果可以讀就繼續升...小朋友可能開頭會比較弱D(超細B)..但慢慢pick up..除非我仔真係追唔到..到時先REPEAT K1 or K2...
因為我仔已返左幾個月PN(舊年12月一足2歲已插班)..所以唔想repeat PN...留返D QUOTA先...
(除非好心儀果幾間有PN offer...thats another story...but 我地儘量唔想repeat PN..因為PN無學術野學..)
由於我等緊2間K1 call waiting 等到頸都長埋(我電話響都未響過....要響果D一係問我買保險一係問我借唔借錢...
)
前前後後寫左7封求位信...中英文都有....寫到我都唔知再寫O羊好...電話就係唔響...
自己知自己事....超細B係咁...已經放棄等電話了...響唔響由他吧...期望越大失望越大...其實呢幾日我又想過...即使俾我收到電話call waiting..但係我仔入左之後先發覺唔適應到時又點??
上星期六我地返學校見老師(派成績表)..副校及班主任見到仔仔好熱情咁主動過來抱我仔仔...及姨姨們都嗌我仔仔個名...(可能他平時太曳所以個個都記得他的名字?或者他特別識得tum人卦??) 雖說好多人對我仔仔間學校好多負面既評語...但果一刻我同我太太真心覺得好warm....尤其見到副校長原本做緊野都好熱情特登行出來抱抱我既仔+之前我原本打算來緊8月升K1時轉出去九龍塘分校但現在又決定留返元朗分校讀而副校都不厭其煩好樂意幫我轉...
我同我太太去完都覺得既然間學校學術都OK (反正錢都要俾...九龍塘名幼都差唔多學費..) 最緊要仔仔好鐘意返學...而副校及老師都好NICE (你話真心又好做戲又好)...點都好過有D九龍塘名幼連戲都O岩返 & 黑住面對住D家長及小朋友 (呢D老師及學校點作育英才??)
來緊會原校升K1(繼續做超細B)..今年會重點式報K1:果2間龍及半龍(九龍)&KV..如果唔收就原校繼續讀...大家努力!
作者: 晞晞爸b 時間: 13-7-23 11:16
剛果公主 發表於 13-7-19 13:17
我本身都係唔緊張，仲好抗拒in幼稚園，覺得好顛，但老公就覺得要讀出名d既幼稚園，咁我就配合下，同佢講你 ...
很同意! 經由面試可以從旁發現及了解自己小朋友既個性
另外藉此親自去看看間學校既環境及老師...睇下係咪自己杯茶
一定有得著
加油!
| 歡迎光臨 教育王國 (/) |
Powered by Discuz! X1.5 |