教育王國
標題: 請問如讀緊兩間幼稚園… [打印本頁]
作者: babycute2009 時間: 13-3-12 23:18 標題: 請問如讀緊兩間幼稚園…
請問如讀緊兩間幼稚園…
考私校時是否報稱讀兩間，還是只報成績表較美觀一間呢?
請指教!
作者: steven819 時間: 13-3-12 23:25
It depends on which schools you are attending and what was written down on the report.
作者: jeremyphlam 時間: 13-3-12 23:25
個小朋友好可憐…
作者: 112200 時間: 13-3-12 23:29
回復 jeremyphlam 的帖子
why 可憐?
作者: happystar 時間: 13-3-13 07:38 標題: 回覆：112200 的帖子
提示: 作者被禁止或刪除 內容自動屏蔽
作者: Chirley 時間: 13-3-13 10:37
回復 112200 的帖子
因為返兩間幼稚園=全日,
現實中, 有邊個小朋友返兩間學校既係由父母/屋企人接送?
又有幾多個小朋友可以返屋企或者有個較好既地方坐定定食餐飯再換衫?
多數都係由工人姐姐接左後搵個公園/商場既地方換衫+食飯...
而且返兩間學校=做兩間學校既功課...
其實一個人點都係得24小時, 已唔諗小朋友既精神好定唔好,
但小朋友返幼稚園既快樂時間亦唔係多...
個人認為咁樣做真係有點無謂+唔好
作者: jeremyphlam 時間: 13-3-13 11:02
本帖最後由 jeremyphlam 於 13-3-13 11:03 編輯
Chirley 發表於 13-3-13 10:37 
回復 112200 的帖子
因為返兩間幼稚園=全日,
我識人讀半日國際KG半日根德，每日由媽咪揸車接送，吃飯和換衫也在車上完成。放學已成五點，重長過返全日，返屋企重要做功課。還未計學乜學物.....
個媽咪重好自豪話個小朋友中英數都好好，但我望住那個活潑可愛的小朋友覺得很心痛，幾歲人仔啫，放過佢啦，可否俾番多些時間他過一個正常的童年。
但結果係咪一定好？個小朋友今年讀小一，暫時只有一、兩間二線直資私小有offer，其他一線名校全軍覆沒。
何必呢？
作者: Jane1983 時間: 13-3-13 11:04
返2間係辛苦過全日班，太緊湊。
同意咁做的，多數吾係父母自己接送。發覺狂谷課外班的，亦多數係父母吾得閒果d。我小朋友有個同學，一星期上13個課外堂，由工人帶，聽到都驚
作者: Chirley 時間: 13-3-13 11:14
jeremyphlam 發表於 13-3-13 11:02
我識人讀半日國際KG半日根德，每日由媽咪揸車接送，吃飯和換衫也在車上完成。放學已成五點，重長過返全日 ...
你呢個CASE 雖然都係由父母接送但都夠晒驚嚇...
個人認為咁細個成績唔駛太突出,
反而培養到佢鐘意學習同睇書仲好,
而且呢D階段先係同囝囡培養感情既最好時候,
將來愈來愈大, 就愈來愈忙同多借口無得相處,
希望佢地既父母明白啦~
作者: LeeCC 時間: 13-3-13 12:02
返全日係學校食飯，下午有午睡時間，睡前小故事 /音樂欣賞，又有戶外遊戲時間，茶點時間常係老師教小朋友整小食，下午的語文堂係聽故事/puppetshow，數學堂係玩數學遊戲，每天做好功課才可放學，回家只係俾父母檢查下就得，話俾爸爸媽媽聽今日功課係點做，晤使係屋企做
咁點同返2間幼稚園？
作者: fion_yinyin 時間: 13-3-13 12:12
返兩間幼稚園固然係over左
但其實就算個小朋友返半日，有時下午都會安排左學野，即係變相既......
作者: jeremyphlam 時間: 13-3-13 12:49
fion_yinyin 發表於 13-3-13 12:12
返兩間幼稚園固然係over左
但其實就算個小朋友返半日，有時下午都會安排左學野，即係變相既...... ...
老實講，係現今這個社會好難完全唔學嘢，但要攞個平衡，讓個小朋友有足夠時間睇課外書及食、玩、hea囉。
作者: sukitelfold 時間: 13-3-13 13:20 標題: 回覆：jeremyphlam 的帖子
最驚嚇係自己唔覺返兩間幼稚園有問題
作者: fion_yinyin 時間: 13-3-13 14:10
其實現今真係有好多小朋友一星期一至五下午都要學野，我都替呢d小朋友感到辛苦。
作者: worryworry 時間: 13-3-13 14:32
其實太殘忍啦，功課x2,換校服x2,搭校車x2(來回4轉），上堂x2,温書x2, 只得3，4歲人仔，家長會唔會太過份？試吓易地而處好嗎？小朋友就算成績好但影響身體，值得嗎？
作者: Pertra 時間: 13-3-13 14:52
提示: 作者被禁止或刪除 內容自動屏蔽
作者: Jane1983 時間: 13-3-13 15:33
回復 Jane1983 的帖子
一至日都有野學lor，時間上分配吾難，反而係有無用，同會吾會適得其反。
作者: teambuilder 時間: 13-3-13 15:53
番兩間學校如果安排得衰可以好辛苦。不過老實講，如果安排得衰而間學校又係衰，就算番一間個小朋友都係會辛苦。所以我覺得小朋友辛唔辛苦開唔開心好睇個家長點安排。你見到小朋友在公園食飯好慘，我個女見到小朋友響公園食飯雙眼發光！我地大人覺得走兩轉學校好辛苦，小朋友宜得走一日走幾轉公園！我自問無本事俾我個女番兩間幼稚園，不過如果真係學到野而個小朋友又覺得ＯＫ，做大人既應該對個小朋友有信心，而唔係下下睇低佢地。有Ｄ幼稚園無乜功課，就算有都係寫幾隻字，辛苦極有限。
作者: steven819 時間: 13-3-13 16:09
樓主都唔係問呢個問題。
作者: 112200 時間: 13-3-13 16:38
I agree with team builder.... I saw too many kids went out to learn 2 classes in the afternoon for eng & PTH . They need to travel around beteen the 2 locations. Would that be more 辛苦 than taking 2 schools? The most important is as I observe most of the parent against this 2-schools arrnagement just becasue they didn't have good choices. I knew a case the kids got into a famous local kinder ( morning) and at the same time he was acceoted by an famouse internation kinder eng/ PTH only ( afternoon) . In this case, i think noone will object taking 2 schools will be worse than go to chi and eng extra-class in the afternnon. The kids could be exposed in 3 language environemnt in a day and get excellent communications abilty in 3 lanuguage now. The kids loves to play with friends in 2 schools. In conclusion, I think no matter what arrangement, it depends on what choices you have , if I got no choices ..... I may also say " better to stay home to play & enjoy their childhood". That is understoodable.
作者: jeremyphlam 時間: 13-3-13 18:22
112200 發表於 13-3-13 16:38
I agree with team builder.... I saw too many kids went out to learn 2 classes in the afternoon for e ...
對唔住，除了歪理我想不出其他回覆。家長的出發點真的是讓小朋友可以和同輩玩多些？咪講大話啦。
如果朝八晚五的校園生活都覺得冇問題的家長有很大問題。同樣地，每天放學後再走兩個課外活動亦是非常的可佈。
作者: chowhui97 時間: 13-3-13 18:40 標題: 回覆：請問如讀緊兩間幼稚園…
我鄰居台灣小孩上午返蒙xxx國際，下午返蘇x, 佢媽全職湊佢，係屋企食，換衫，車佢出入。我見個小朋友都ok，又唔覚特別辛苦或累，二間學校都鍾意返！仲有時間上公文式和夜晚同我女玩！
作者: chowhui97 時間: 13-3-13 18:41 標題: 回覆：請問如讀緊兩間幼稚園…
申報我女只讀一間。
作者: reei 時間: 13-3-13 19:00
i thought this studying in 2 kindergartens is just rumour. never knew this is a reality
作者: oooasis 時間: 13-3-13 19:20
如人飲水，冷暖自知。
可能有些小朋友返得好辛苦，但都唔可以排除，真係有小朋友返得好開心。
唔需要一面倒講到人地父母有問題。
其實好多幼稚園好輕鬆，大部分時間都係玩下玩具，做下手工，食下茶點，排洗，自由活動。
反而外出補習1個鐘就真係學足一個鐘，咪仲辛苦？
其實指責人地同時，好有可能自己的小朋友都係咁，又何必呢？
作者: 飛機師 時間: 13-3-13 23:33
回復 Chirley 的帖子
Totally Agree!
作者: 112200 時間: 13-3-14 00:40 標題: 回覆：oooasis 的帖子
贊成，不須要一面倒。辛苦和快樂其實係睇你用什麼去比較。手上有什麼選擇。
作者: b2226 時間: 13-3-14 09:38
有没有家長可追踪小時侯讀兩間幼稚园的小朋友，上到高小的時侯是否較有優勢的?
我追踪了三個，一個小五，兩個小三，成績都不是太好，小五的好像拉牛上樹，父母都打定輪數上唔返原校中學。小三的，一個平平，另一個厭學，考試交白卷，同父母和老師作对，要見學校社工跟進。
但考頭幾名的，我唔好意思問人地仔女係咪讀兩間Kg，有没有人有資料?
其实是否要追踪至小五或以上才可反映出的。
作者: Amy092 時間: 13-3-14 09:55 標題: 回覆：請問如讀緊兩間幼稚園…
有d學校係唔容許小朋友返兩間學校，咁樣返而令學校反感，例如：德望等等...小朋友係人唔係機械人，為咗讀名校攪到無晒童年，何必呢？不如讀一間，係出面搵d課外活動好過啦。。
作者: myfanwy 時間: 13-3-14 09:59
從一個實際的角度出發, 如果小朋友在小一面試時同老師校長講佢返兩間幼稚園, 你估老師校長會點諗?
作者: chunlaifat 時間: 13-3-14 10:07
如果你真的覺得無問題, 問心無愧, 面試時就寫晒 2 間出來啦! 怕怎麼!
作者: baby_one 時間: 13-3-14 11:11 標題: 回覆：請問如讀緊兩間幼稚園…
我個仔話有某間小學 group interview 時問: 邊個讀上午班丶邊個讀下午班丶邊個讀全日班.
作者: babycute2009 時間: 13-3-14 11:40
Pertra 發表於 13-3-13 14:52
回復 babycute2009 的帖子
Kid will tell the truth to the teacher during interview. Just write down 2 ...
作者: Jane1983 時間: 13-3-14 11:40
chunlaifat 發表於 13-3-14 10:07
如果你真的覺得無問題, 問心無愧, 面試時就寫晒 2 間出來啦! 怕怎麼!
作者: babycute2009 時間: 13-3-14 11:44
其實我小朋友係番一間學校，但我識有朋友係番兩間，個小朋友係好enjoy（玩）
大家喜歡既，可繼續討論
作者: fc926 時間: 13-3-14 12:04
我都認識兩個小朋友返兩間幼稚園到K2, K3回復正常, 結果一個小朋友只系考到一間私校(非名校), 另一個就考到SPCPS
作者: penguin_chick 時間: 13-3-14 12:04
食一隻雞脾會很ENJOY，連食兩隻會如何？
看電影很ENJOY，上午看完下午再看同一套戲會如何？
日日食鮑魚都會悶，小朋友會不會對學習產生倦意呢？
作者: Chirley 時間: 13-3-14 12:39
本帖最後由 Chirley 於 13-3-14 12:39 編輯
penguin_chick 發表於 13-3-14 12:04
食一隻雞脾會很ENJOY，連食兩隻會如何？
看電影很ENJOY，上午看完下午再看同一套戲會如何？
日日食鮑魚都會 ...
會咁做既父母就係唔會覺得啦~~`
之前睇左篇文章, 請芬蘭既小朋友係7歲前都只係玩,
入幼稚園除左進餐時間及午睡兩小時外, 其餘時間都只係玩,
D老師係學校都只係負責睇住佢地 (真正只係睇, 除左爭執, 活動姿勢或用力不當時),
而入讀幼稚園亦唔係必須的,佢地既興趣班係真正既興趣班/ 俾小朋友試玩,
但芬蘭既學習表現係國際比賽中都係名列較前, 佢地既總分亦比全球中位數高出一個標準差。
香港應該無可能有咁既環境俾到小朋友,
本人亦係一個緊張媽媽, 有俾阿囝返過PG / 睇緊咩岩佢玩既PG, 怕唔夠其他小朋友比,
亦有俾佢學中/英文生字等, 但多數係對住實物教, 亦日日同佢去公園跑, 去下play room...
我同老公都係唔識教/唔知應該教d乜, 唔敢講人地父母岩定錯, 始終每人想法唔同...
無錯子非魚 焉知魚之樂/或不樂, 小朋友返兩間學校應該都唔會點投訴 / 話俾你知佢開心/辛苦,
但可以有一個人 (爸爸或媽媽) 全職照顧佢地, 點解唔可以自己都教/同佢溫習 (仲可以建立感情)?
其實小朋友頭幾歲都係發展身體機能 / 感官, 鍛鍊意志較為緊要,
個人較為自私, 想同佢相處多d, 趁仲有能力俾到佢既 (愛同時間) 盡量俾多d...
乜小朋友最需要既唔係愛咩?!
作者: conniechan125 時間: 13-3-14 12:42 標題: 引用：最驚嚇係自己唔覺返兩間幼稚園有問題
+
原帖由 sukitelfold 於 13-03-13 發表
最驚嚇係自己唔覺返兩間幼稚園有問題
作者: Yanamami 時間: 13-3-14 13:04
本帖最後由 Yanamami 於 13-3-14 13:04 編輯
More discussions for your reference....
http://www.edu-kingdom.com/forum.php?mod=viewthread&tid=2454225&extra=page%3D15
作者: Amy092 時間: 13-3-14 13:23 標題: 回覆：請問如讀緊兩間幼稚園…
http://the-sun.on.cc/cnt/news/20110124/00407_010.html
作者: chunlaifat 時間: 13-3-14 13:37
忙到日日吃午餐換衫都冇時間冇地方, 還說小朋友自己好 ENJOY, 唔關我事. 犀利!
作者: teambuilder 時間: 13-3-14 13:56
回復 chunlaifat 的帖子
其實忙到冇時間食飯同換衫真係好慘（不過玩到冇時間食飯同換衫就唔慘）。咁如果其中一間幼稚園係唔駛著校服同包埋lunch的話，咁幫唔幫到個小朋友呢？
作者: virgokaren 時間: 13-3-14 14:05 標題: 引用：從一個實際的角度出發,+如果小朋友在小一面
原帖由 myfanwy 於 13-03-14 發表
從一個實際的角度出發, 如果小朋友在小一面試時同老師校長講佢返兩間幼稚園, 你估老師校長會點諗? ...
欣賞佢年紀輕輕，克苦耐勞，適應力強。
作者: virgokaren 時間: 13-3-14 14:08 標題: 回覆：請問如讀緊兩間幼稚園…
回頭看，當初我地應該揀間英普/中英並重的國際幼稚園，咁我地就慳番吾駛出去學英文和普通話的時間和金錢。
可以有時間學其他好玩野！
我地讀緊間幼稚園吾差，活動教學，老師好nice, 係欠語境俾小朋友多聽多講的機會。
作者: sukitelfold 時間: 13-3-14 14:37 標題: 回覆：virgokaren 的帖子
如果幼稚園有開夜校部，即返1800-2100，可能有人同時返三間。夜校部專提供法、西、日、德語境給小朋友的。唔緊要啦! 開心嘛，仲吡人感覺刻苦耐勞的好印象，好過另外花錢學外語嘛!!
作者: jeremyphlam 時間: 13-3-14 15:17
本帖最後由 jeremyphlam 於 13-3-14 15:19 編輯
原來普遍到咁，香港某些家長真係怪獸得太利害了.....
作者: 天瑜 時間: 13-3-14 15:48
提示: 作者被禁止或刪除 內容自動屏蔽
作者: chunyatmama 時間: 13-3-14 16:01
天瑜 發表於 13-3-14 15:48
回復 b2226 的帖子
成績追唔上事少，因為壓力而影響免痠力及後患有重病仲衰。
Absolutely child abuse! That's ridiculous!
作者: Christi 時間: 13-3-14 16:21 標題: 回覆：myfanwy 的帖子
無錯，good point. 從一個實際角度睇，由於返二間幼稚園係好有爭議性，亦未受到教育界廣泛支持，咁小朋友面試時話比老師聽，大家估吓係得分定係會失分？
作者: virgokaren 時間: 13-3-14 16:47 標題: 引用：無錯，good+point.+從一個實際角度睇，由於
原帖由 Christi 於 13-03-14 發表
無錯，good point. 從一個實際角度睇，由於返二間幼稚園係好有爭議性，亦未受到教育界廣泛支持，咁小朋友面 ...
不過如果讀兩間幼稚園，我寧可揀一間深d, 讀多d的。
冇必要咁辛苦自己。
去旅行都去多幾次！
作者: Christi 時間: 13-3-14 16:50 標題: 回覆：virgokaren 的帖子
同意。But you never know . 若果萬一問到…
作者: 308 時間: 13-3-14 17:21
其實返兩間幼稚園的父母, 有否考慮到兩間學校老師及規則都會有些不同的, 小孩子那麼小, 這會令他們學習上會有混淆的. 小孩子學習是需要沈殿的, 要自已探索並要給他們時間去思考. 不要一味輸入.
作者: Jane1983 時間: 13-3-14 17:37
如果學校知道，失分的機會大過得分的機會好多！
作者: rainbowcov 時間: 13-3-14 20:14
呢d 就係一等一的填鴨式
作者: little_yolky 時間: 13-3-15 13:35
其實我覺得應該只規定小朋友讀一間學校, 並規定小朋友的playgroup數量, 有啲家長你唔管佢, 真係可以好瘋狂的。德國6歲以前的小朋友, 是唔可以學習任何興趣班的, 小朋友只可以去公園玩。台灣政府前一兩年都想實施, 點知俾家長插到死, 依家情況唔知點。
作者: Jane1983 時間: 13-3-15 15:25
留白系好緊要，比小朋友靜吓，hea吓， 玩吓，有時候好過不停狂谷。
作者: jollyma 時間: 13-3-15 16:18 標題: 回覆：請問如讀緊兩間幼稚園…
會唔會有人覺得返兩間幼稚園係一件唔見得光既事？如果冇，就直接填兩間咪仲巴弊！
作者: qoo_pooh 時間: 13-3-17 19:02
我仔間小學校長最鍾意問小朋友放學後做什麼?
若你小朋友答校長放學後返另一間KG,
我諗校長9成9會叮走你個小朋友多過appreciate 你這個做法
同埋我終於明白點解現在kg咁難考,
原來咁多家長都1個小朋友霸住2個學位,
仲覺得自己這個做法好啱
作者: Irismammy 時間: 13-3-17 22:29 標題: 回覆：請問如讀緊兩間幼稚園…
同意番兩間辛苦過番全日！
但我識得幼稚園老師竟勸我番兩間幼稚園！
作者: fruitfulsnoopy 時間: 13-3-18 10:30
我識人自己住新市鎮區,返二間,一間在香港,一間在九龍,然後放了下午學在參加課外活動.星期六,日再學嘢.我覺得好恐怖,其實變相即自製埋夜校.
但個小朋友又唔係特別叻.
可能就係因為小朋友唔叻,家長更加為他做更多嘢彌補.
我覺得好可憐,而且覺得小朋友的天份如果唔得迫又冇用.但朋友講左一次已唔可以再講第二次.總之,覺得小朋友好慘.
作者: Jane1983 時間: 13-3-18 10:45
fruitfulsnoopy 發表於 13-3-18 10:30
我識人自己住新市鎮區,返二間,一間在香港,一間在九龍,然後放了下午學在參加課外活動.星期六,日再學嘢.我覺 ...
作者: 112200 時間: 13-3-20 00:45 標題: 回覆：b2226 的帖子
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一些很好的例子所以想代抱不平。為什麼你們會assume讀兩間的小朋友一定係叻？一定係考到好小學？其實那些家長真的是想小朋友在較不須要左撲右撲的情況下上英普班，加上他們的英普幼稚園係有口碑的， why not？我又想問吓各位有比子女放學下午四圍學嘢的家長，你們會不會assume你子女可以考到很滿意的小一？考唔到便話四圍學嘢是不應該的，小朋友真妻涼四圍學嘢最後得個吉？如果你係一些家長跟本反對放學去學嘢的，你便當沒看過吧，或你應該開個題目：有沒有子女放學後，下午不去學嘢的家長？
作者: Christi 時間: 13-3-20 06:41
本帖最後由 Christi 於 13-3-20 06:42 編輯
我從不認為讀兩間的小朋友一定叻,也不認為一定考到好小學,我只覺得佢地一定很累.
放學後去學嘢很少人會一周五天,每天三小時,同時又有功課帶回家.若是如此,我也反對.
作者: luluhaha 時間: 13-3-20 09:26
就算只學一样，有家长在小朋友面前抱怨，小朋友也会抵触話自己辛苦或悶。學十幾樣的，家长從不提忙，辛苦，錢。不比较，當常態來正面實行.小朋友也會平常心來上課。—------親眼所見。
作者: kwansara 時間: 13-3-20 09:48
Irismammy 發表於 13-3-17 22:29
同意番兩間辛苦過番全日！
但我識得幼稚園老師竟勸我番兩間幼稚園！
佢點解勸你番兩間幼稚園?
作者: lestat 時間: 13-3-20 12:00
112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...
只係想問兩個問題, 你認識番兩間幼稚園既小朋友, 每日瞓幾多個鐘? 每日有幾多時間係完全RELAX咁去玩/HEA? 如果答案係滿意既, 咁咪係家長本事, 可以安排得好好, 當然冇問題啦, 但如果唔滿意既, 即使讀果兩間幼稚園係幾有口碑, 小朋友英普有幾叻, 又如何?
作者: Christi 時間: 13-3-20 12:47
不在乎小朋友的主觀感覺,而是事實上真的太累. 小朋友像海棉,給什麼吸什麼,你比鹹食物但告訴他這味道叫甜,他就覺得那叫甜.但家長應當知道什麼對他的成長最好. 好似小朋友成日看電腦,一樣可以學到好多野,但應知道這樣對他的眼睛不好而有所節制.
作者: 112200 時間: 13-3-20 13:26 標題: 回覆：lestat 的帖子
其實大家身邊小朋友有幾多到要午睡到k3? 大部份k1 下學期已經不須要午睡。如我所見他們下午放學三点幾四点回到家。休息一陣然後用大約半小時做功課。五至七点休息玩耍時間。晚上九点半睡覺。但如果小朋友還要睡覺，或做功課比較慢，就不在討論範圍啦。
作者: jeremyphlam 時間: 13-3-20 13:58
112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...
歪理就係歪理！
作者: loveDD 時間: 13-3-20 14:03
回復 jeremyphlam 的帖子
同意，根本是歪理!
作者: 112200 時間: 13-3-20 16:05 標題: 回覆：jeremyphlam 的帖子
錦。。其實你係反對小朋友下午去學嘢。明白了。從來無人話考到兩間好叻，係反而有幾個人常提出，識小朋友讀兩間但未見好叻。因為大家已經盲目地標籤了這些家長和小朋友。但當所有facts 放出來分享和討論時，你卻說其實你係反對一個更大的題目： 反對小朋友下午去學嘢。
作者: MrBeast 時間: 13-3-20 16:26
112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...
作者: 喵媽 時間: 13-3-20 16:29
我以為一般下午班係4:30放學, 返到屋企應該差不多5點了...唔知有無特別放得早既學校呢?!
作者: rabbitsheasl 時間: 13-3-20 16:45
我以前都好唔明點解要返2間幼稚園, 但當我仔仔有2個k1 offer 喺手上時, 真喺閃過讀2間, 只喺閃過幾秒, 因一間喺名幼, 一間喺2線龍校, 我真喺唔識幫佢揀, 名幼喺好多人想讀, 唔捨得放棄, 龍校喺有保障, 見小一的戰況就怕怕, 所以大家唔好一面倒批抨要小朋友返2間幼稚園的父母, 其實可能喺佢哋的內心深處都好心疼, 好自責.
作者: cinderellasnow 時間: 13-3-20 17:02 標題: 回覆：請問如讀緊兩間幼稚園…
不如咁講丫，如果一間係local, 主攻中數；另一間係國際學校，冇功課，淨去玩，為左個語言環境。
兩間放學同返學時間相距差不多2小時，那樣如何呢?
作者: lestat 時間: 13-3-20 18:26
rabbitsheasl 發表於 13-3-20 16:45
我以前都好唔明點解要返2間幼稚園, 但當我仔仔有2個k1 offer 喺手上時, 真喺閃過讀2間, 只喺閃過幾秒, 因 ...
你講呢個CASE有D似.....有兩個男人同時追一個女, 一個好有錢, 一個好有才華, 但一個女又點可配二夫? 入番正題, 其實講來講去都係opportunity cost問題, 即使好難決擇, 但都要懂取捨, 如果取捨唔到讀兩間, 最後捨棄既就係小朋友休息同玩樂時間,
作者: lestat 時間: 13-3-20 18:37
cinderellasnow 發表於 13-3-20 17:02
不如咁講丫，如果一間係local, 主攻中數；另一間係國際學校，冇功課，淨去玩，為左個語言環境。
兩間放學同 ...
作者: oooasis 時間: 13-3-20 19:04
112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...
搞到現實中明明有好多返緊两間，但係網上就絕跡。
無人夠膽講，連討論分享的空間亦沒有，又是否健康呢？
有些家長雖沒有返两間，但每日放學後都有密密麻麻的興趣活動，補習，練琴，難道不辛苦？
有幾多小朋友每日放學後可以安心係家中玩耍，去公園沙灘？
好多家長自制“返两間”而不自知，反而上網指責別人。
豈不是五十步笑百步？
我個人覺得返两間的利弊是好個人的，每個小朋友的情況都不同。
但最大的缺點是佔用了兩個名校學位。
作者: cinderellasnow 時間: 13-3-20 19:43 標題: 引用：Quote:cinderellasnow+發表於+13-3-20+17:0
原帖由 lestat 於 13-03-20 發表
仲要兩間距離屋企都好近, 阿媽唔使番工自己接送, 中午可以番屋企換衫食飯, 再加上可以負擔兩間學費,每日有 ...
又或者兩間都近，就算唔近屋企，都要近商場，唔洗當街換衫食飯，可以坐BB車瞓覺。當然兩間放返學至少1.5至2個小時啦。
其中一間唔洗做功課，又冇壓力，當英文pg淨玩的話，我覺得ok的，你地覺得呢?
作者: cinderellasnow 時間: 13-3-20 19:48 標題: 回覆：請問如讀緊兩間幼稚園…
其實返2間果D家長應該都知道小朋友辛苦的，不過可能屋企只得工人，與其只對住工人，不如學下野或者去玩下丫，所以先安排返2間呢。如果小朋友中午有1小時午睡，應該冇咁累的。如果我係樓主，我會報一間同間小學個教學理念或模式相近的。
作者: 112200 時間: 13-3-20 23:07 標題: 回覆：cinderellasnow 的帖子
其實講左好多次，如果小朋友一定要午睡跟本就唔到家長去選擇。再看如果家長認為小朋友出入要有私家車才不可憐，那現在下午搭地鐵巴士出去興趣班的小朋友是否也很可憐？我的朋友天天坐的士送小孩返第二間，這是否合格？
再從申我只認為我們不應該盲目標籤，不去了解便說什麼殘忍可憐。好像有位家長說如果可以妥善安排其中一間係龍校，既可學嘢又可小一有個位，問心，你們真的不想？真的會放棄？看今年小一的戰況吧。。。。。
作者: jeremyphlam 時間: 13-3-20 23:35
112200 發表於 13-3-20 16:05
錦。。其實你係反對小朋友下午去學嘢。明白了。從來無人話考到兩間好叻，係反而有幾個人常提出，識小朋友讀 ...
真理越辨越明，但歪理就…
好似某位家長講，講得咁理直氣壯報小學時寫晒2間幼稚園落去報名表啦。
作者: 112200 時間: 13-3-21 00:09 標題: 回覆：jeremyphlam 的帖子
哈，本來唔想講。。。。那家長真寫了兩間。暫時有一間第二滿意的收左，最滿意嗰間waiting. 他們亦無想過要隱瞞兩間學校。。一直都係一班不明所以的人認為這唔見得光。。。
對牛彈琴。。其實少d人讀兩間仲好。偉大点想留反多点學位比其他人吖嘛。不會再在這題目回應了，你繼續盲目駡啦。
作者: Parisienne 時間: 13-3-21 00:12
本帖最後由 Parisienne 於 13-3-29 08:23 編輯
坦白講，我自己就唔會無啦啦為咗解悶而去打兩份工囉，就算電視幾咁無聊、晌屋企係幾咁悶，情願參加業餘興趣，都唔會返兩份工啦！除非想賺多d錢啫！
正如我認為，家長唔會無啦啦怕個三幾歲嘅仔悶，而讀兩間學校囉，除非為咗學多d嘢啦。尤其係全日制唔讀，覺得下午得午睡同玩好唔抵，一心打算報兩間半日學多d嘢⋯然後，又自圓其說話唔想對住工人⋯學券唔好蝕比政府呀咁⋯
之前有人討論點解讀兩間學校的會被認為叻d，or expect佢醒d？其實好正常喎，你做父母都expect用盡阿仔d時間去學嘢，唔想佢hea啫，咁學多咗就實叻ｄ啦。
正如打兩份工，收入就一定比一份工多㗎啦，唔係唔講錢卦？
所以，又要send個仔讀兩間，又怕人地點睇，即自己都好矛盾。
如果打兩份工目標係豪宅，咁讀兩間幼稚園的目標都係expect入名校吧⋯
最怕係豪宅越升越貴，名校越棒越難入。
一切都超乎常理，但一切又理所當然。
有人覺得，就算最終追唔到豪宅，儲到好多錢都一樣得益。
係咪得益？睇你咩價值觀吧。
其實我唔係好明，有d全職媽媽有條件去親子，反而讀兩間？情願花時間親自撘車接送，還自覺這就代表體貼入微，夠晒付出咁⋯⋯奇哉奇哉！
作者: momama 時間: 13-3-21 07:16 標題: 回覆：請問如讀緊兩間幼稚園…
早前有一個調查，香港嘅小明友每日只有少於一小時嘅“私人時間“，哀哉！
作者: Qso 時間: 13-3-28 20:23 標題: 引用：+本帖最後由+Parisienne+於+13-3-21+09:10+
原帖由 Parisienne 於 13-03-21 發表
本帖最後由 Parisienne 於 13-3-21 09:10 編輯
坦白講，我自己就唔會無啦啦為咗解悶而去打兩份工囉，就 ...
作者: teambuilder 時間: 13-3-28 22:07
唔好話打兩份工解悶咁誇，打工為左解悶既人都小啦。我都想唔駛番工想全職湊b，咁屋企就會細300尺。睇下自己覺得直唔直囉。同意親子時間好緊要，所以一定要有工人做下欄野，我就主力玩親子，將學費比晒我去親子活動，我會比足夠私人時間小朋友，一星期起碼3日（for facial and shopping)。（發夢中）
作者: webpaupau 時間: 13-3-29 00:13 標題: 引用：Quote:112200+發表於+13-3-13+16:38+I+agre
原帖由 jeremyphlam 於 13-03-13 發表
對唔住，除了歪理我想不出其他回覆。家長的出發點真的是讓小朋友可以和同輩玩多些？咪講大話啦。
如果朝八 ...
作者: Chirley 時間: 13-3-29 00:36
Parisienne 發表於 13-3-21 00:12
坦白講，我自己就唔會無啦啦為咗解悶而去打兩份工囉，就算電視幾咁無聊、晌屋企係幾咁悶，情願參加業餘興趣 ...
但原來亮媽由細到大同女嘅關係都好差, 為乜呢?
作者: Clearsky 時間: 13-3-29 00:53 標題: 回覆：請問如讀緊兩間幼稚園…
提示: 作者被禁止或刪除 內容自動屏蔽
作者: Clearsky 時間: 13-3-29 00:58 標題: 回覆：請問如讀緊兩間幼稚園…
提示: 作者被禁止或刪除 內容自動屏蔽
作者: Misschu0126 時間: 13-3-29 01:38 標題: 回覆：請問如讀緊兩間幼稚園…
唔好話學嘢，你叫我日日去玩兩埸我都想死，小朋友雖然精力旺盛，但要消化兩間幼稚園所教嘅嘢佢地會覺得好confuse, 有D嘢點解上午間學校做得，下午間學校就唔做得？規矩制度間間不同，小朋友點分辨到呢？
作者: Obiepapa 時間: 13-3-30 00:07 標題: 引用：返全日係學校食飯，下午有午睡時間，睡前小
原帖由 LeeCC 於 13-03-13 發表
返全日係學校食飯，下午有午睡時間，睡前小故事 /音樂欣賞，又有戶外遊戲時間，茶點時間常係老師教小朋友整 ...
作者: LeeCC 時間: 13-3-30 13:35
但有人知道我個仔全日班下午的時間表,話唔抵,浪費阿仔時間！
作者: Jane1983 時間: 13-3-30 13:43
好吾好，啱吾啱小朋友緊要過抵吾抵。
作者: awah112 時間: 13-3-30 14:18
提示: 作者被禁止或刪除 內容自動屏蔽
作者: LeeCC 時間: 13-3-30 18:08
佢話食飯瞓覺玩係屋企都得 ,不如將D錢同時間俾個仔每日下午上1至2個興趣班
作者: shadeslayer 時間: 13-3-30 19:18 標題: 回覆：請問如讀緊兩間幼稚園…
愈細的孩子，便愈需要百無了賴的「自由」玩樂時間，自己發掘世界的奇妙。
| 歡迎光臨 教育王國 (/) |
Powered by Discuz! X1.5 |