教育王國

標題: 蘇淅 vs 明我 (西灣河） [打印本頁]

作者: lowlow228 時間: 13-3-12 16:42 標題: 蘇淅 vs 明我 (西灣河）

兩間都是AM offer, 家住將軍澳。

蘇淅好處是有保母車，校園大，普通話上課，但課程較淺
明我好處是課程較深，為將來升津小作好準備，但沒有保母車，要工人每日接送

想請大家給我一點意見！

作者: linwoochung 時間: 13-3-12 20:46 標題: 回覆：蘇淅 vs 明我 (西灣河）

看你是進取型還是防守型。進取型，選明我；防守型，選蘇淅。

作者: albb 時間: 13-3-12 22:02

其實你自己想點先?

作者: lowlow228 時間: 13-3-12 22:44 標題: 回覆：蘇淅 vs 明我 (西灣河） ...

老實講其實我比較喜歡明我，奈何無保母車，要工人曰日帶小朋友返學好似不太好（若是落雨更麻煩），之前無其他 am offer無得揀，現在老公說蘇淅有保母車便揀蘇淅，一來較安全方便，二來工人可多點時間在家做家務又不用他呆在街上三小時。佢咁講我又覺得有道理。但我將來又不打算讀蘇小，咁讀 3 年蘇幼好似無乜用，加上課程又比較淺，真係好難取捨。

作者: lalamike 時間: 13-3-12 23:06 標題: 回覆：lowlow228 的帖子

我不是蘇浙用家，但有親戚囝囝讀過其幼稚園，聽說程度也不淺，且普通話很強。不過，蘇小真的一般。

作者: carson_ma 時間: 13-3-12 23:29 標題: 回覆：蘇淅 vs 明我 (西灣河）

上年有相同offer但最後揀了蘇浙
1. 唔想咁早谷，語言發展比較重要
2. 咁平學費都有每天45min NET 英文
3. 有小學backup,雖然唔係收哂
4. 面試時覺得老師nice d. 打電話去問野個接線態度好d（未必係老師）
5. 地方都大d
6. 出名D

作者: lowlow228 時間: 13-3-12 23:41 標題: 回覆：carson_ma 的帖子

請問你小朋友的普通話好嗎？因我的普通話不好，如小朋友學習普通話上有困難，我真的幫不到他。另外課程是否較淺？其實這兩間幼稚園各有各優勢，好難取捨！

作者: myliemama 時間: 13-3-13 09:46

明我校園好細，相對蘇浙似一間學校多D，活動空間對小朋友各樣發展都重要。

另外，明我出名好谷，要睇下你小朋友同埋你自己係咪接受到。蘇浙課程唔算淺，同埋語境好，就算第時唔入蘇小，小朋友講完3年蘇幼，2文3語都一定好好。

作者: tangalis 時間: 13-3-13 10:19

你住邊區?明我有校車的。

作者: lowlow228 時間: 13-3-13 11:02 標題: 回覆：tangalis 的帖子

將軍澳，明我校車好像無去咁遠。

作者: lowlow228 時間: 13-3-13 11:12 標題: 回覆：myliemama 的帖子

我都聽聞明我好谷，我要上班的，都怕自己無咁多時間同小朋友溫書。但有明我現任及上任用家同我講，如果我小朋友跟到進度的話，上津小是沒問題的。又有現任蘇淅用家同我講他們的課程較淺，但各項硬件配套幾好，真係好難取捨，所以想聼下大家意見！

作者: tangalis 時間: 13-3-13 11:45

明我好似只有港島校車。會考慮搬屋嗎?小朋友坐咁耐車都要考慮下。

作者: tangalis 時間: 13-3-13 11:51

本帖最後由 tangalis 於 13-3-13 11:52 編輯

如果找不到校車去明我，那一定選蘇浙了。

作者: tangalis 時間: 13-3-13 12:04

課程淺但吸收哂，課程深可能跟唔上。

作者: bobo101^*^ 時間: 13-3-13 12:05

兩間學校都好, 明我的確很多功課, 上到小一一定適應。蘇浙兩文三語環境也好, 如果樓主真的喜歡谷D課程, 試下看看有沒有保母車由TKO去西灣河, 如果冇揀蘇浙啦!

作者: lowlow228 時間: 13-3-13 12:31 標題: 回覆：bobo101^*^ 的帖子

我都想返香港島住，但樓價真是太貴，希望 k 2 前搬到。我問過一間保母車（舒太），他有做保母車出蘇淅但不出明我，請問有無其他保母車電話可給我再問下

作者: aaronmok 時間: 13-3-13 12:44 標題: 回覆：lowlow228 的帖子

我仔仔一樣有明我同蘇浙offer，我就幫佢選咗蘇浙，因為我覺得學術上唔會真係差太遠，只不過明我可能早d寫字、學多d字封？！字嘅嘢到小學自然會學識，自己反而鍾意小朋友早d學兩文三語，而且蘇浙每日都有40分鐘英語堂，而明我好似一星期只有兩日有英語堂，而且聽聞好多功課的！

我想比仔仔有個快樂童年！享受埋呢3年先谷囉！

作者: bobo101^*^ 時間: 13-3-13 13:00

lowlow228 發表於 13-3-13 12:31
我都想返香港島住，但樓價真是太貴，希望 k 2 前搬到。我問過一間保母車（舒太），他有做保母車出蘇淅但不 ...

我冇保母車介紹呀! 你去呢度既"徽保母車"度問下。

作者: sand373 時間: 13-3-13 13:08

我小朋友讀緊蘇浙k3, 課程淺...really? k1下學期開始要寫字. 好似k2開始日日有功課,k3要開始寫週記. 英文要認得哂weekday & month. 對我離講我覺得深.
兩文三語 good good,起碼唔洗煩出去搵國語班. 慳唔少

作者: salsalee 時間: 13-3-13 13:09 標題: 回覆：蘇淅 vs 明我 (西灣河）

蘇浙。

作者: japoton 時間: 13-3-13 13:21

回復 lowlow228 的帖子

我朋友2個仔仔係蘇浙讀緊, 她說k1 真係好淺但 k2 課程開始深, 同埋普通話佢仔仔讀緊k2 現在超好, 睇故事可以自己轉曬普通話講, 我都係住緊將軍澳因是細b會比讀一年蘇浙再決定

作者: lowlow228 時間: 13-3-13 14:34 標題: 回覆：japoton 的帖子

想請問小朋友佢搭保母車還是自己帶返學？如搭保母車，是舒太嗎？還是其他？

作者: a328 時間: 13-3-13 14:41

actually if the main diff is homework, u can do that with him at home, more flexible.

作者: linwoochung 時間: 13-3-13 14:54 標題: 回覆：蘇淅 vs 明我 (西灣河）

樓主，你會考慮上蘇淅小學嗎？如會，蘇淅，如志不在此，明我對找小一會略有優勢。每個選擇總有利弊，我之前也糾纏了很久，往好的想，每論選哪一間，都是好學校，都會令你的孩子有好的成長及發展，放鬆一些！

作者: lowlow228 時間: 13-3-13 15:10 標題: 回覆：linwoochung 的帖子

老實說蘇小暫時我不考慮, 我首選是港島東津小（我有 20 分，希望第 1 round 搞掂，但應該唔容易）。

作者: linwoochung 時間: 13-3-13 17:49 標題: 回覆：蘇淅 vs 明我 (西灣河）

那明我好像適合你多啲。（利益申報，孩子有蘇淅offer）。

作者: lowlow228 時間: 13-3-13 17:59 標題: 回覆：linwoochung 的帖子

謝謝你及大家的意見，真係要認真諗諗先得。

作者: sand373 時間: 13-3-13 20:57

回復 sand373 的帖子

無呀!無特別出去上堂.所以我小朋友唔係outstanding. 同埋我唔識國語,所以我都唔知佢國語得唔得...不過宜家都去到k3. 今年9月讀小學.

作者: christalhui 時間: 13-3-13 21:55 標題: 回覆：lowlow228 的帖子

我都有呢二間offer,
不過放棄了蘇浙，沒有交留位費。
暫時只hold住二間，
一間明我，另一間happy school.
現在仍觀察阿仔情況，
留意他適合那類型幼稚園

作者: carson_ma 時間: 13-3-13 22:54 標題: 回覆：sand373 的帖子

請問蘇幼K3考蘇小今年收得多人嗎，我仔係10月細仔讀K1呢（唔好意思樓主，有少少離題，不過如果收得多你會唔會心動？其實蘇小都幾好，我都有東區津小20分，但如果20分抽唔到，讀蘇小都幾好，收左仲俾我地玩埋第二輪大抽獎添）

作者: 魚王 時間: 13-3-13 22:54 標題: 回覆：蘇淅 vs 明我 (西灣河）

不用怕淺，一山還有一山高，現在無論讀邊間，家長到最後都會叫小朋友去補習，好聽些叫興趣班。明我k2下己教減數，k3教一到十位加減個位，上小一其實夠用，但有個家長同我講，佢個仔上公文數學一年现在雙位加雙位數無問題，重要上賣中文公文操閱讀理解，救命！所以揀間淺的並不是問题，地方，語言環境，校車才是問题。

作者: carson_ma 時間: 13-3-13 23:02 標題: 回覆：lowlow228 的帖子

我普通話都好普通。我仔佢聽普通話ok,講爭少少，多人嘛，不過老師話佢多左講，主動左，有進步

作者: lowlow228 時間: 13-3-13 23:09 標題: 回覆：christalhui 的帖子

請問為何咁快便放棄蘇淅呢？

作者: carson_ma 時間: 13-3-13 23:11 標題: 回覆：蘇淅 vs 明我 (西灣河）

其實我唔係好明，有學券的幼稚園應該唔會好深咩？深極都唔及冇學券個d，唔使俾教署規限要教得唔係好深。明我據我所知係谷，多功課囉。我有中學同學個仔請病假，我同學都要去學校攞功課做

作者: lowlow228 時間: 13-3-13 23:20 標題: 回覆：carson_ma 的帖子

其實我不太認識蘇小，但有現任用家同我講蘇小要成三千多元學費，他覺得好像不太值得，佢現在考慮其他直資學校。我只是普通人家，想留返 d 錢俾佢大個去外國讀書（如成績還可以的話），所以打算讀不用學費的小學。

作者: christalhui 時間: 13-3-14 02:43 標題: 回覆：lowlow228 的帖子

我偏向上午班，但蘇浙是下午。
明我及最心儀的happy school已收，
所以，留番學位給別人。

歡迎光臨教育王國 (/)