教育王國

標題: 有冇人係大埔那打素睇緊ADHD [打印本頁]

作者: samanthayip124 時間: 13-3-12 13:54 標題: 有冇人係大埔那打素睇緊ADHD

上次攞封信去見精神科護士, 問完一輪後, 要排期到2014年年中, 但後來佢話大埔精神科內有個叫ADHD部門, 係由兒科醫生去睇, 但都可以食藥, 有冇人睇過？

作者: 肥師奶傲雪 時間: 13-3-27 00:05

我個女睇緊,有咩可以幫到你?

作者: samanthayip124 時間: 13-3-27 15:07 標題: 回覆：null

我想問你係那打素係睇精神科醫生定兒科醫生呢？係咪一見醫生就會開藥？

作者: 肥師奶傲雪 時間: 13-3-27 15:43

佢係睇精神科既，醫生開頭會同佢，同你傾偈，了解你地既日常生活，生活習慣，屋企人同小朋友對ADHD所遇到既困難，佢會教你一d方法去面對，有需要甚至會幫你寫信去有關機構申請一d服務，如果佢認為你既小朋友唔係ADHD，佢有機會會將你地轉介比社工；如確診後，醫生會開藥比小朋友食，解釋比你地聽其實d藥係咩黎，有咩作用、副作用，一般最常見既副作用就係小朋友食左藥後無胃口，所以醫生一定會開一粒開胃藥比佢食。

而醫院入面其實有好多比ADHD小朋友學習既興趣班，以遊戲既方法去灌輸意思比佢，如果小朋友真係好惡教，醫生亦可安排佢住院，住幾耐醫生會同家人商量從而去決定住院時限。

另外醫生亦都好體貼小朋友既家人，比如我地生活上同屋企人相處有問題，佢可以幫我地安排社工調解、住屋(公屋)上有問題，佢會幫我地寫醫生信比社工轉介社署，有段時間我感到好大壓力、唔開心、心情大起大落、我同女兒既醫生講，佢即刻幫我寫封信安排我都去見精神科，驗完血之後發現原來因為甲狀線出左問題影響而影響情緒。

食藥只係補充劑,家人既愛心先係良藥

作者: samanthayip124 時間: 13-3-27 15:50 標題: 回覆：有冇人係大埔那打素睇緊ADHD

咁唔知兒科醫生係咪咁呢，唉！我對佢冇晒辦法，都唔知點教佢！可能我自己都要去睇下精神科先得

作者: 肥師奶傲雪 時間: 13-3-27 18:29 標題: 回覆：有冇人係大埔那打素睇緊ADHD

兒科醫生又點同精神科醫生呢，一般既兒科醫生其賽同平常我地大人睇既西醫無乜分別，都係頭痛醫頭，腳痛醫腳，精神科其實唔代表睇既人一定係有精神病，如果你有行過去那打素精神科，如果唔話你知，你見到入面既人完全唔會覺得佢地有問題。

第一輯仁心解碼入面，方中信鬧個新醫生，佢話:「點解你唔做其他科既醫生唧？個腦有腫瘤可以切左佢，個心有事可以通波仔(之類既說話)，一刀切攪掂，精神科係要不停問，問極都問唔到就問到問到為止。」醫生要你地將肚裡面最尾果句都講埋出嚟，佢先可以幫到你，所以我地一定要相信醫生。

作者: lillymarie 時間: 13-3-27 19:20

本帖最後由 lillymarie 於 13-3-27 19:21 編輯

幾年前我聽過一位精神科醫生講，因為太多小朋友排隊睇精神科醫生，排得太耐。所以政府醫院當年開始給兒科醫生一些訓練，教佢地點樣去照顧ADHD兒童，教佢地點樣用藥。

所以，我估計樓主的小朋友被安排去見的兒科醫生，可能是其中一批被訓練的醫生。

作者: samanthayip124 時間: 13-3-27 19:58 標題: 回覆：有冇人係大埔那打素睇緊ADHD

係呀，咁早知我就唔接受安排睇兒科醫生，等佢繼續排啦！

作者: lillymarie 時間: 13-3-27 20:23

我只是估咋！講真，若果確診是ADHD，兒科醫生開藥都OK啦。政府睇的好處係若有甚麼問題前綫醫生搞唔點，背後仲有資深醫生支持。

好似樓上位媽媽咁講，藥是輔助，最緊要係愛心和耐性。食藥係幫小朋友可以專心些，學得好些，但最終還是要我地自己去教。

作者: 肥師奶傲雪 時間: 13-3-27 20:48

我琴晚打左篇野，我唔算係一個好成功既媽媽，因為革命尚未成功

但係我用左我既方法去教女，佢一日一日逐步逐步進步緊，如果你有興趣，都可以睇下，當中唔係教你咩方法去教好自己既小朋友，係一D啟發黎，有興趣睇下丫

http://www.edu-kingdom.com/forum ... &extra=page%3D1

作者: samanthayip124 時間: 13-3-27 22:45 標題: 引用：我琴晚打左篇野，我唔算係一個好成功既媽媽

原帖由 肥師奶傲雪 於 13-03-27 發表
我琴晚打左篇野，我唔算係一個好成功既媽媽，因為革命尚未成功但係我用左我既方法去教女，佢一日一日 ...

我睇左呀，感同身受，我明白要點做，但一時之間唔係話改變就改變到

作者: 肥師奶傲雪 時間: 13-3-27 23:15

第一步可以做既係打去學校同佢唔同科目，甚至課外活動既老師傾下偈，問下佢上堂、上活動既情況，專唔專心，同同學之間既相處，好似查案咁將所有佢既日常生活問出黎，再將佢串連埋一齊，小朋友在家一個樣，返學另一個樣，(大人更甚~哈哈)問完，你可能搵到好多你一直想知既答案架！

歡迎光臨教育王國 (/)