教育王國

標題: 行路用力, 鐘意成日跳 [打印本頁]

作者: kingbbsam 時間: 13-3-5 09:45 標題: 行路用力, 鐘意成日跳

想請問你地既小朋友行路會唔會好用力, 鐘意成日跳?

作者: kawaimrsyu 時間: 13-3-5 13:52

會呀!一揍佢放學跳到返屋企><"

作者: kingbbsam 時間: 13-3-6 10:14

我小朋友跳到俾樓下投訴啊

作者: owl_2046 時間: 13-3-7 11:02

感統唔好, 買張彈床比佢跳啦.
我仔以前唔會一步一步行, 只係跑住行/跳住行.

作者: HopeLJ 時間: 13-3-8 16:17 標題: 回覆：行路用力, 鐘意成日跳

有，但越大就越跳得少。雖然仲有，但比佢時間去進歩。

作者: kingbbsam 時間: 13-3-12 20:23

本帖最後由 kingbbsam 於 13-3-12 20:23 編輯

owl_2046 發表於 13-3-7 11:02
感統唔好, 買張彈床比佢跳啦.
我仔以前唔會一步一步行, 只係跑住行/跳住行. ...

我最近買左彈床, 但佢好少彈, 係咪要捉佢去彈下

我仔都係好鐘意跳住行架

作者: kingbbsam 時間: 13-3-12 20:24

HopeLJ 發表於 13-3-8 16:17
有，但越大就越跳得少。雖然仲有，但比佢時間去進歩。

我仔三歲多, 朝早佢一訓醒突別興奮跳得勁, 真係好鬼嘈

作者: 麵包阿媽 時間: 13-3-13 15:24

回復 kingbbsam 的帖子

試下每日規定他一段時間去跳, 例如每日放學後去個唔多人的公園遊樂場玩半粒鐘, 晚反後又去半個鐘,
用意在是由你去主導, 改變他隨意無紀律的行為, 仔仔太細唔明就用圖卡相片等視覺堤示, 試下一星期有
否改善.

作者: hindip 時間: 13-3-14 08:00 標題: 回覆：kingbbsam 的帖子

「太用力」可以是尋求本體覺 (肌肉關節感覺) 的刺激亦可能是上述感覺的緩慢所致。

「常常跳」則可能與本體覺或/ 及前庭覺 (耳水) 的尋求有關。

而尋求刺激則可能是真的需要而尋求亦可能因為感覺過敏需要尋求令自己放鬆及舒緩的本體覺刺激。

如果這些行業影響他的生活，自理，學習，餘閑很多，則建議搵職業治療師做評估了解原因。

作者: kingbbsam 時間: 13-3-14 10:16

麵包阿媽發表於 13-3-13 15:24
回復 kingbbsam 的帖子

試下每日規定他一段時間去跳, 例如每日放學後去個唔多人的公園遊樂場玩半粒鐘, 晚 ...

多謝你意見, 我試下, 最近我好惡咁叫佢唔好, 叫做收歛左DD

作者: kingbbsam 時間: 13-3-14 10:17

hindip 發表於 13-3-14 08:00
「太用力」可以是尋求本體覺 (肌肉關節感覺) 的刺激亦可能是上述感覺的緩慢所致。

「常常跳」則可能 ...

你提到的這兩點, 剛剛上一堂, 職業治療師有同我講過, 教左我方法同佢按摩, 同埋教左我點同佢做運動,都好左少少, 希望繼續會好D啦!

作者: 新手好媽咪 時間: 13-6-22 01:37 標題: 引用：「太用力」+可以是尋求本體覺+(肌肉關節感

原帖由 hindip 於 13-03-14 發表
「太用力」可以是尋求本體覺 (肌肉關節感覺) 的刺激亦可能是上述感覺的緩慢所致。

「常常跳」則可能 ...

你好啊!想請教下你小朋友用腳尖行路要做邊樣訓練來改善?謝!

作者: hindip 時間: 13-6-22 08:10 標題: 引用：Quote:原帖由+hindip+於+13-03-14+發表「太

原帖由 新手好媽咪 於 13-06-22 發表
你好啊!想請教下你小朋友用腳尖行路要做邊樣訓練來改善?謝!

用腳尖行有幾個常見原因：
1。尋求本體覺，因為"登行"腳踝關節能給予較多本體覺。加上以腳趾，相比腳掌較小的地方承擔體重，所以會較多本體覺。
2。觸覺敏感的亦會因不想腳掌踩地而 tip toe.
3。前庭敏感的亦會 "登行"腳踝關節來行，你會覺得佢 tip toe 之餘仲會打開埋對手。
4。盤骨關節不夠穩定，tip toe 以鎖住腳踝關節
5。小腿後筋 (T.A)張力過高 (high tone) 或肌力不足(weakness)
6。亦有一些是找不到原因的
1。2。3。是互相影響的, 搵OT 做感統會幫得到，4。及 5。搵 OT 或 PT 都得, 主要晗是訓練肌力。而 6。就難攪。OT 會幫你試不同的方法，如果最後都唔得，就會轉變為 train 佢 tip toe 得黎而唔影響生活，如不會比其他人容易跌。及 keep monitor 住條小腿後筋不要攣縮。

如果連睡覺時小腿後筋也很緊的話，就要按摩及向 OT /PT 學拉筋了。

當然亦有其他可能性，負責你小朋友的職業治療師會最清楚。

作者: 新手好媽咪 時間: 13-6-22 16:01 標題: 引用：Quote:原帖由+新手好媽咪+於+13-06-22+發表

原帖由 hindip 於 13-06-22 發表
用腳尖行有幾個常見原因：
1。尋求本體覺，因為"登行"腳踝關節能給予較多本體覺。加上以腳趾，相比腳掌較小 ...

感謝你!!!

歡迎光臨教育王國 (/)