教育王國
標題: 怎樣可以i位轉s位? [打印本頁]
作者: Stone媽媽 時間: 13-3-4 17:30 標題: 怎樣可以i位轉s位?
囝囝年初剛評估為自閉症, 建議入i位 (因為醫師評估時知我會替囝囝搵私人密集, 所以佢話小朋友可以進步好快, 建議我排i位), 但返左私人密集1個月, 導師建議入讀s位. 原本想打電話問社工, 但太多人打去問野, 接電話果個話預等一個星期內覆. 但我想問下各位媽媽有冇相關經驗 or 資訊可教下我預先搵定資料同埋個程序係點? 自己出去再搵私人評估返排s位得唔得?
謝謝!!!
作者: pocoyo123 時間: 13-3-4 17:43
應該唔使再搵人評估, 你同社工講私人訓練位太貴, 負擔唔起, 想轉排政府S位, 叫佢改係可以
作者: owl_2046 時間: 13-3-8 10:55
本帖最後由 owl_2046 於 13-3-8 10:55 編輯
據我所知, 入I/E/S位係由CAC醫生評估後提議, 如你有需要由I位轉排S位, 要同你醫務社工聯絡, 或者你打去CAC問下先, 應該可以用回舊NO.排
作者: BKVIP 時間: 13-3-8 17:54 標題: 回覆：怎樣可以i位轉s位?
我個時係fax 信俾醫務社工同佢講要轉s ，醫生都唔駛再見就得左。
作者: kingbbsam 時間: 13-3-12 20:26
我剛剛試左, 不過個case同你調轉, s轉i
我call社工, 叫我寄最近d評估報告, 學校報告佢, 佢再轉俾醫生睇, 醫生決定
作者: why-me 時間: 13-3-14 09:20 標題: 引用：我剛剛試左,+不過個case同你調轉,+s轉i我ca
原帖由 kingbbsam 於 13-03-12 發表
我剛剛試左, 不過個case同你調轉, s轉i
我call社工, 叫我寄最近d評估報告, 學校報告佢, 佢再轉俾醫生睇, ...
作者: kingbbsam 時間: 13-3-14 10:19
why-me 發表於 13-3-14 09:20 
恭喜你
不過醫生睇完覺得唔需要轉, 要我照排S
作者: why-me 時間: 13-3-14 13:07 標題: 引用：Quote:why-me+發表於+13-3-14+09:20+恭喜你
原帖由 kingbbsam 於 13-03-14 發表
不過醫生睇完覺得唔需要轉, 要我照排S
作者: samantha_yuen 時間: 13-3-23 00:14 標題: 引用：我個時係fax+信俾醫務社工同佢講要轉s+，醫
原帖由 BKVIP 於 13-03-08 發表
我個時係fax 信俾醫務社工同佢講要轉s ，醫生都唔駛再見就得左。
作者: chris-BB 時間: 13-3-23 02:48
每一間既CAC唔同做法，上年我個仔再去外面評估話要亞仔由l位轉S位，我fax埋外面既評估報告，我既醫務社工又要我寫信又要再搵個語言治療師再同我仔仔做評估，其間又要等語言治療師有時間同我仔仔做評估又拖咗我過幾兩個月，攪到大派位都無我份，miss咗大派位時間，又要我個仔拖遲一年入S位，所以睇你好唔好彩遇到好既醫務社工啦！
作者: babycat9001 時間: 13-3-25 11:41
係唔係真係有必要轉S位?是否情況真係差成咁?
唔係每個媽媽想見到個仔要讀S學校?
小兒排梗S位都放棄會入主流...
作者: Stone媽媽 時間: 13-3-25 12:47
babycat9001 發表於 13-3-25 11:41
係唔係真係有必要轉S位?是否情況真係差成咁?
唔係每個媽媽想見到個仔要讀S學校?
小兒排梗S位都放棄會入主流 ...
囝囝而家2歲4個月啦, 返左差唔多2個月密集, 都見到有d進步, 由完全唔識講野, 近乎唔望人, 聽唔明人講野, 到而家都會間中(10次有6-7次)用外星話應下我地, 但都係唔肯望我地, 認知, 理解都係差 (只識分2-3隻顏色, 數字/字母都分唔到), 密集導師講囝囝專注力唔得, 如果佢返i位, 老師人手不足, even我地而家見到佢好似有進步, 但專注力唔夠加上老師人手唔夠照顧唔到囝囝, 佢上到i位只會miss左好多, 之後好大機會退步, 所以建議我轉返s位.
作者: pinkdoll 時間: 13-3-25 16:37
babycat9001 發表於 13-3-25 11:41
係唔係真係有必要轉S位?是否情況真係差成咁?
唔係每個媽媽想見到個仔要讀S學校?
小兒排梗S位都放棄會入主流 ...
唉 有時唔係我哋啲仔情況係咪真係咁差...... 係現在既小朋友真係好叻.....
當然, 如果小朋友情況不是太差, 和同齡不是相差太遠的話, 家長資金充裕, 找一間人數比較少課程比較淺既幼稚園給小朋友讀, 然後外出私人訓練, 幫小朋友勤做家居訓練, 都不失為一個辦法.
作者: powersuite 時間: 13-3-25 18:11 標題: 回覆：chris-BB 的帖子
我當年找社工再安排高級心理學家評估，然後自己去S位中心，了解該中心該年度有幾多個位，將囝囝開始排期的日子查詢有幾大機會收他，然後按心儀及快慢在申請表按序排寫，我是跨區的，很快就轉了
作者: bauhiniakan2000 時間: 13-3-26 01:30
兒子21個月才開始行,去年三月兩歲時在CAC確診自閉症,能為衹有9-12個月能力排S位,什麼也不懂,什麼也不肯做,衹吃粥,未入過口的食物不會吃,食物要人拿住才肯吃,要夾硬放入口試,試完亦很多不肯吃不肯飲水,嚴重便秘每次都痾出血,成身濕疹.當時真的想辭工回來照顧他,但給太太撥冷水,說這孩子沒用了,不如送他回大陸給外父照顧吧,連他妹妹也說送兒子回大陸吧,說我不懂做家務又照顧不了兒子,當時真想帶埋個仔去死,他妹妹重玩我又話失眠又乜都唔做衹煮飯及照顧自己個仔,家務要兩夫婦收工返做,每晚等我回來替兒子兒澡早上獨留我兒子在家,說搞醒他很麻煩,搞到我成日等他回來才返工遲到,四月返私人S位佢妹又話貴又話冇進步,因佢要由將軍澳去官塘接我個仔放學,有一天我老婆返做叫佢送我個仔返學,我早上巳攪晒個仔D野,叫佢送完自己個仔返學,送我個仔返學.他給然在出門口時叫我自己送,抱到個仔去屋苑門口又叫我自己送,我跟他說我要返工,抱埋個仔個埋馬路重講,4日尾回去時又特登唔同個仔攪回鄉証,攪到我踢哂腳四圍找人照顧孩子及他的兒子,本身有抑鬱症5月尾我覆診見醫生,他說我當時不宜作決定,給我放假休息,我就回去照顧個仔,7月孩子能由1講到10及揮手,8月中認得26個英文字母及謮出,我決定唔做,我不想他妹再來,太太話要離婚,8月尾已識很多單字,部份情境能說出來,如落雨濕哂,9月決定讀主流N班附有兼收位但我的是普通位,到現在能說句子表達需要,辦別十多種顏色及形狀,只可給惜仍跟不上及固執,本來今年可轉I位不用轉校,但學校社工及老師對建議讀s位,因為兒子不肯主動要更多協助,學校的I位及人手比例不適合兒子,社署社工說今年有S位的希很少,要我擴大揀區,看過將軍澳黃大仙區的學校,在黃大仙撞到很多都是第二個區來參觀學校的,我現在已沒有工作靠積蓄生活,一年的學費真的十分吃力,希望能奇蹟有位吧.
作者: bauhiniakan2000 時間: 13-3-26 11:03
回復 Stone媽媽 的帖子
你是自己照顧或由工人姐姐照顧,若經濟許可,自己照顧會好好多,冇得灰心要盡力,一定見到孩子進步的,我仔現時每星期一堂心理學家ABA行為管理,及一堂語言冶遼,一個月兩次感統訓練,一次物理治遼.重要睇眼科,兒科及兒童精神科,又要自己做家務一腳踢,有時病左都要撐真係好辛苦,星期六及日帶他去公園做運動及給他机會和小朋友玩,幾小時的假期也沒有,重俾老婆話人湊仔你湊仔,未見過人家話做得甘辛苦,可是見到個仔有進步就心甜,付出的都不用計較.
作者: Stone媽媽 時間: 13-3-27 11:43
bauhiniakan2000 發表於 13-3-26 11:03
回復 Stone媽媽 的帖子
你是自己照顧或由工人姐姐照顧,若經濟許可,自己照顧會好好多,冇得灰心要盡力,一定 ...
我同先生都要返工, 囝囝係老爺奶奶幫手湊嫁, 我都好羨慕好多媽媽/爸爸可以自己湊, 但我同先生真係賺得唔多, 如果其中一個全職湊仔, 肯定冇能力負擔密集同其他治療. 不過好彩我星期六日都可以全日湊仔, 同佢去公園玩, 踏單車, 都算有d親子時間. 不過我同先生都會睇多半年, 如果囝囝進度不太, 都會考慮唔做, 全職湊囝囝, anyway, 希望囝囝可以快d進步啦~~
其實未親身湊過小朋友真係唔會知當中既辛苦, 尤其我地d小朋友認知/理解/表達/脾氣比一般小朋友差, 真係要好有耐性同包容先得. 你真係個好爸爸, 願意放棄工作, 親自照顧囝囝, 加油呀!!!
作者: 華太太 時間: 13-4-10 00:19
回復 Stone媽媽 的帖子
請問你在那處做密集, 收費多少﹖請介紹﹗
作者: Vichang 時間: 13-4-11 00:20 標題: 回覆：bauhiniakan2000 的帖子
你真係好叻，仲係好爸爸！我個囝最大問題係行為，即固執非常，想上ABA課，請問你在那裡上呢？協康都冇ABA 喎。
作者: 昊澄Parent 時間: 13-4-11 01:37 標題: 回覆：bauhiniakan2000 的帖子
努力！有什問到在這理有很多同路人的，話時話有無去申請関愛？我刚刚比人reject.我一個人頂成頭家，加上有個A仔、我都很辛苦！
作者: mayling924 時間: 13-4-11 01:41 標題: 回覆：bauhiniakan2000 的帖子
你真係好好，好偉大！
祝你仔仔早日追到進度
作者: mayling924 時間: 13-4-11 01:43 標題: 引用：回復+Stone媽媽+的帖子
你是自己照顧或由
原帖由 bauhiniakan2000 於 13-03-26 發表
回復 Stone媽媽 的帖子
你是自己照顧或由工人姐姐照顧,若經濟許可,自己照顧會好好多,冇得灰心要盡力,一定 ...
祝你仔仔早日追到進度！
作者: Surveyor 時間: 13-4-11 02:22
bauhiniakan2000 發表於 13-3-26 11:03
回復 Stone媽媽 的帖子
你是自己照顧或由工人姐姐照顧,若經濟許可,自己照顧會好好多,冇得灰心要盡力,一定 ...
每星期一堂心理學家ABA行為管理,?
請問在那裡做
作者: bauhiniakan2000 時間: 13-4-13 02:36
個仔睇眼科滴眼葯水4次,問我點解滴眼葯水,點解整濕眼,我同他講點解整濕眼,告訴他醫生同佢睇眼,他說唔睇醫生,唔整濕眼快d走,跟住見視光師時又話吾準滴眼葯水,吾準整濕眼,好彩只叫佢認英文字母及數字,嘈少次.因我已沒有收入,ABA行為管埋是關愛基金給我的在籃田,由救世軍服務机構提供,協康提供的是 TEACC 訓鍊,兩個是現時訓鍊 A仔的主流及有實証支持的.因兒子上了幼兒園後經常生病10月返六日,11月返11日,12月返6日學,巳很影響他接觸正常的小朋友,因擔心他能否應付,所以1月才交表,三月尾才開始服務,現剛開始評估能力要上多一堂才能提供意見,但兒子這兩星期已能主動回應和他常見的人說叔叔早晨,姨姨早晨,×老師早晨,玩元玩具間中不用提示也會自己收拾,有進步了一點,但看見有些在將軍澳排S位已收到信,我仍未收到,心大心細,是否再要找私人S位讀多一年,因他雖然不理會,但他在學校是可學習的,衹可惜很錫他的兩位老師也離職,現在成道 JINGLE BELL都識唱.很多情景問他都能說出來,自己去到小便及洗手,自己搬凳.
作者: Qooie@@ 時間: 13-4-15 15:58
bauhiniakan2000 發表於 13-3-26 01:30
兒子21個月才開始行,去年三月兩歲時在CAC確診自閉症,能為衹有9-12個月能力排S位,什麼也不懂,什麼也不肯做, ...
加油, 我相信你的付出是不會白費, 孩子能進步是父母最大的回報
| 歡迎光臨 教育王國 (/) |
Powered by Discuz! X1.5 |