教育王國

標題: 呢度個個都考名校 [打印本頁]

作者: KittenKitten 時間: 13-3-3 23:18 標題: 呢度個個都考名校

越睇d post就越太壓力，個個都考名校，搞到我唔同個仔考下，好似會好對唔住佢！(仔仔係細B現有兩間PN offer,但唔係名校)

作者: day_bo 時間: 13-3-3 23:40 標題: 回覆：呢度個個都考名校

我囝前年考pn, 由於佢12月B，幾間村校連in都冇，最後只有九龍塘方方樂趣肯收，雖然方方都唔算上好名校，但冇諗過間間村校唔so佢。不用太大壓力，但求阿囝有讀書咋。

作者: bbforever 時間: 13-3-4 00:54

我個都係細女，我都想俾阿女讀方方，方方好唔好啊？講嚟聽吓

作者: Jane1983 時間: 13-3-4 01:38

人人情況吾同，讀名幼都吾代表一定入到名小，入到名小亦吾等於以后讀書一定叻，所以吾使太介意。

作者: teambuilder 時間: 13-3-4 02:17

通常都係報自己果區 + 九龍塘區. 九龍塘區幼稚園校車去好多地方, 所以交通通常不是一個問題. PN 反正沒學卷, 點都會踫踫運氣考有直升Ｋ１的九龍塘幼稚園。幼稚園係咪名幼唔緊要喎，最緊要小朋友讀得開心，健健康康。　不過事實係，好既幼稚園係比較受歡迎，亦即係我地成日講的名幼囉。　

作者: chanwendy 時間: 13-3-4 11:04

我小朋友雖然係讀九龍塘幼稚園, 但唔係名校. 當年冇同佢地報過名校, 大女只報過兩間學校, 細仔就只報返家姐間學校咋.

作者: lingan 時間: 13-3-4 11:39

今年同bb考出面比較有名的 k1，主要都係交通原因及龍校問題，比較出名的學校易搵到校車，交通問題已經令我考N班時非常煩惱。所以才考出面的K1，都唔係完全因為"名校" 呢個問題而考的。

作者: day_bo 時間: 13-3-5 22:31 標題: 引用：我個都係細女，我都想俾阿女讀方方，方方好

原帖由 bbforever 於 13-03-04 發表
我個都係細女，我都想俾阿女讀方方，方方好唔好啊？講嚟聽吓

我囝讀了兩個月覺得幾好，阿囝返得幾開心，好快適應，學術上自理上進步很多，佢又幾鍾意個老師，個班主任對我個囝都很了解，睇得出佢有heart.

歡迎光臨教育王國 (/)