教育王國

標題: 關於幼兒園嘅宗教 [打印本頁]

作者: cwsarahtam 時間: 13-3-2 09:11 標題: 關於幼兒園嘅宗教

請問各位本身冇宗教信仰嘅媽媽畀小朋友入幼兒園時會唔會考慮學校嘅宗教信仰？雖然我同我老公都讀過教會學校（我只係讀咗天主教幼稚園，中小都係官校；老公由幼稚園到中學，會考考埋聖經），但係我哋都係冇宗教信仰，傾向畀小朋友大咗佢自己決定信唔信同埋信乜嘢，但係香港好似大部份幼稚園都有宗教背景，其實而家啲有宗教背景嘅學校係咪會要小朋友祈禱\唸經？同埋想問報名表通常都有一欄填宗，如果宗教同學校一致係咪會加分？我唔係反對小朋友有宗教信仰，但係我覺得如果小朋友有多啲信息先至做選擇好似好啲....有少少怕小朋友因為日日畀人叫佢做重複嘅嘢同埋有朋輩壓力，自己都未知自己做緊乜就信咗教。

作者: bearcat2003 時間: 13-3-2 12:10 標題: 回覆：關於幼兒園嘅宗教

我女的幼稚園沒宗教信仰，我亦沒有，但以前N及playgroup有祈禱，所以呀女吃飯仍會祈禱多謝天父、父毋（還包括工人姐姐及農夫），睡前亦會祈禱。我覺得幼稚園有冇宗教信仰是形式上的，最重要的是一顆感恩的心，小朋友一直長大，一自有選擇權的。

作者: yslgirl 時間: 13-3-2 13:25

您先生聖經都考埋都未信啦，洗咩驚小朋友比人洗腦盲目信左呢? 不過若果父母唔係同一信仰甚至係抗拒，咁就不如唔好選有宗教既學校啦，費事將來投訴學校浪費時間教宗教，教多幾堂英文好過!

歡迎光臨教育王國 (/)