教育王國
標題: 學識以外的 [打印本頁]
作者: Chirley 時間: 13-3-1 23:02 標題: 學識以外的
呢個POST我都有諗過好唔好開, 應該係邊度開...最後揀呢D可能合適DD
我相信上得黎呢度既父母都好愛錫佢地既小朋友, 希望搵到一個好既學校俾佢地,
都成日睇到D留言講小朋友既禮貌係好重要, 但其實仲有其他品德呢?
現今的小朋友, 年青人物資好豐富, 行街好多時見父母唔坐都要俾小朋友坐...
好似搭地鐵咁, 好多野有大肚婆/老人家或者係手抱小朋友(真係2,3歲果隻),
都無人讓座, 除左上班既低頭族, 中學生見到都係唔多理...
我試過係大肚時, 幾次都係老人家想讓位俾我,
亦試過見到D拎住拐杖既老人家, 但係到幾個站都可以俾人當睇唔到,
亦試過係地鐵到站時, 個人起身未企得定, 已有個小學生衝過黎話『有位坐』就即坐
阿囝仲係幾個月大出街要拎BB車, 出入商場有門要推, D學生見到唔會幫,
多數都係上年紀既先咁做, 有時人地幫我開門, 學生哥仲會比我更快咁閃左入去...
今晚同老公係出面茶餐廳食飯, 隔離一檯3人有媽媽(年約30左右), 婆婆同約10歲仲著校服既小朋友,
小朋友係咁拎住電話係到打, 要走都唔捨得放低部機, 仲話要打埋呢關先走,
阿媽只係不停咁講『你咁咁咁...我打爆你個頭』『你咁咁咁...我打死你』
到俾完錢小朋友都係唔走, 婆婆已經拎左書包係門口等, 阿媽就半扯個小朋友走,
臨走前都有同餐廳內既待應好有禮貌咁講88....
其實以上唔讓座/唔幫人推門之類好常見, 小朋友掛住打機果PART都唔特別...
但我地做人父母既除左幫佢地搵好學校, 俾錢佢地學野增強其他知識/技能,
要識自理唔好做港童, 對人有禮貌 (最少係IN學校時有用)之外,
其實係咪可以好好教下佢地其他所謂既好品德呢?
國教單野我地好驚政府唔知推D咩出黎, 仲見有人寫交話不如推公民教育仲好,
但係我仲係學生時, 都無讀過咩國民/公民教育,
今天雖然唔係一個德行非常高既人但都知有D野唔應該...
呢D野係咪可以係由小朋友最CLOSE既家庭開始呢?
而且細細個就有CONCEPT我雖然將來都唔駛特別多提點都可以有自覺...
希望大家作為父母的都能好好反思下...呻完..
作者: SY_Joanne 時間: 13-3-1 23:10 標題: 回覆：學識以外的
認同父母身教好重要! 自己就好似一塊鏡咁自己平日行為是怎樣，最直接影響自己囝囡嘅行為表現!
作者: qwe2132007 時間: 13-3-1 23:13 標題: 引用：呢個POST我都有諗過好唔好開,+應該係邊度開
原帖由 Chirley 於 13-03-01 發表
呢個POST我都有諗過好唔好開, 應該係邊度開...最後揀呢D可能合適DD
我相信上得黎呢度既父母都好愛錫佢地既 ...
作者: Chirley 時間: 13-3-1 23:18
qwe2132007 發表於 13-3-1 23:13 
不過我個年代細個讓座呢D都唔係父母教，好似係小學常識科教。
小學既野對我來說太遠了, 都廿幾年...
但讓坐呢D, 我覺得唔需要特別去交都OK
不過好似我既情況未企定已衝上黎呢D
其實對我同對小朋友都有危險,
一陣佐唔定撞到或壓到佢都唔好啦
做家長係呢D時候都應該要講解下,
而且我小朋友未到小學, 亦唔知今日有乜學校會教, 有乜唔會...
但點都好, 物教真係好緊要...
作者: qwe2132007 時間: 13-3-1 23:22 標題: 引用：Quote:原帖由+Chirley+於+13-03-01+發表呢
原帖由 qwe2132007 於 13-03-01 發表
不過我個年代細個讓座呢D都唔係父母教，好似係小學常識科教。
如果父母係冇呢D knowledge，好多可能係大個出來做嘢先開始識，如果自己覌察力唔夠，可能一世唔識，亦不可能教下一代。
世事洞明皆學問，人情練達即文章，真係咁係書本知識才是學問呢。
作者: sampapa 時間: 13-3-2 06:06 標題: 引用：呢個POST我都有諗過好唔好開,+應該係邊度開
原帖由 Chirley 於 13-03-01 發表
呢個POST我都有諗過好唔好開, 應該係邊度開...最後揀呢D可能合適DD
我相信上得黎呢度既父母都好愛錫佢地既 ...
至於老人家，要分為是老弱或老健而定。我亦是半個老人，我都有保留。例如巴士站排隊，那些老人家時常都不排序，直接去龍頭上車，當請他排隊，就說一些難聽說話。在公共場合吐痰，過馬路不睇燈號，以為把手一揚便可以。所以我自己對老人家這個組別有少許保留。
今天許多孩子的禮貌及行為方式，做父母其實有很大責任。父母身敎及家庭敎育很重要的。但眼前一些父母以分數為先，又或過份溺愛的行為。做成不少港孩及高分低能的現象。
除了這些外，孩子的＂行為和道德價值觀＂亦應該及早敎導，可是不少父母把這重要的一環看輕或推比學校做。
讀書不好自己受損，但行為和道德不好便是社會受損。
作者: LeeCC 時間: 13-3-2 06:48
同意 ,禮貌係由家庭教起
我曾有以下經驗，：
多年前 在外國,我和幾個女同學在一個旅遊景點內等電梯 ,，邊站著2白人父子 ,仔仔約4-5歲,，電梯門打開，冇人,仔仔想入 ,爸爸拉著仔仔,講,ladies first
爸按著電梯門 ,仔仔微笑讓我們幾個女學生入
身教重要，仲要細細個開始教
作者: 小曳人 時間: 13-3-2 07:39
我相信我絕對幸運，大肚時幾乎次次都有人讓位，當然亦試過有大男人同我爭位坐啦！到帶住小朋友亦都有人讓位！
但到我唔需要座位企埋一邊，的確發覺d後生個個低頭打機，唔會讓座！
睇見咁，我知道最緊要係唔好俾下一代沈迷打機！
作者: 蓮蓉包 時間: 13-3-2 17:17
讓我想起真心還是門面的禮貌....,
曾在一間神級名校工作，剛入職時都好impress 啲學生好有禮貌，做了一段時間後，和某些老師分享，原來不少學生只是識＂做戲＂罷了...人前人後...無論大人或是小朋友，也只是懂得門面功夫吧了.....
作者: sampapa 時間: 13-3-4 04:36 標題: 引用：讓我想起真心還是門面的禮貌....,曾在一間
原帖由 蓮蓉包 於 13-03-02 發表
讓我想起真心還是門面的禮貌....,
曾在一間神級名校工作，剛入職時都好impress 啲學生好有禮貌，做了一段時 ...
因誤會而結合，了解而分手多的時。每年都出現很多錯配。浪費孩子的寶貴學習動力和快樂。
作者: Yanamami 時間: 13-3-4 08:05
How about kids in the library? I don't think they know the basic rules in a library.....it has just become another playfround. Parents put much effort in cultivating kids' reading habbit but never think they should know to keep quiet in the library.
作者: cherithlai 時間: 13-3-4 09:07
有次我帶住大仔搭地鐵，我地有位坐，後尾見有老人家，我俾佢坐。阿仔同我講，話"媽咪你好好呀!"
我陀細仔時，坐地鐵由金鐘過尖沙咀，有個中年人隻腳有事，要用手杖的，竟讓座俾我，我都唔好意思，猛話唔駛，好快到，佢都堅持，咁我只好謝過佢之後坐下。
作者: hecabb 時間: 13-3-4 09:25 標題: 回覆：cherithlai 的帖子
其實小朋友品德行為問題好多時唔係因為家長唔教，而係因為家長自己都覺得冇問題。好多家長覺得＂小朋友仲細＂好多事細個教唔識，大個就會識，但三歲定八十呀~品德行為呢方面父母真係要日日教，時時教，就算細個唔明都會潛移默化，唔好因為細而唔理
作者: ha8mo 時間: 13-3-4 09:59
提示: 作者被禁止或刪除 內容自動屏蔽
作者: gigayan 時間: 13-3-4 10:28
ha8mo 發表於 13-3-4 09:59
中、老年人讓你，因為佢地細個時，社會認為禮讓是美德
青少年、細路話之你，因為宜家個風氣，普遍認為讓 ...
有時我覺得都關自己事, 有位琴老師提醒左我
佢話 : 大部分小朋友細細個時都會讓個位, 叫父母坐, 但父母總係覺得佢地細個, 小朋友需要個位多d, 我地習慣講 : 唔使喇, 你自己坐喇..... 一次又一次我地拒絕左佢地既美意, 漸漸佢地會覺得讓座係無需要....... 經琴老師既提醒, 宜家我小朋友一讓個位俾我地, 我地都會立即坐, 最多有時抱住佢一齊坐, 唔再拒絕佢....
作者: Chirley 時間: 13-3-4 10:29
ha8mo 發表於 13-3-4 09:59
中、老年人讓你，因為佢地細個時，社會認為禮讓是美德
青少年、細路話之你，因為宜家個風氣，普遍認為讓 ...
唔一定只係讓座呢樣野, 好多方面既態度其實都好緊要,
而真正好既野/美德係唔會過時, 只係有D人既心係到變,
或者佢地根本唔識感受呢D野...
而且個人認為呢D都同父母既教導, 或者身教好有關係...
我都係一個緊張父母, 希望囝囝成績好,
但唔希望佢只有成績...或一張好靚既CERT...
試想想一個冷漠到咁既社會係幾咁可悲...
好贊同自己老公既一句話『今日既因, 明日既果』
作者: Chirley 時間: 13-3-4 10:33
gigayan 發表於 13-3-4 10:28
有時我覺得都關自己事, 有位琴老師提醒左我
佢話 : 大部分小朋友細細個時都會讓個位, 叫父母坐, 但父母總 ...
好岩呀...
其實小朋友先最直接咖...
佢地真係累佢地唔會識得忍, 會直接話你知...
雖然佢地係細個...但其實佢地好多野都好叻...會明...
好似讓座, 幫手推門等等...只係一D好簡單既野,我都唔敢再講更深既話題...
但如咁簡單基本既事都唔明唔識, 唔會幫比自己無能力D既 (如老弱)
咁將來既社會, 說不定比而今的還要冷
作者: shevachevy 時間: 13-3-4 11:39
樓主講得好, 18般武藝又如何, 欠做人o既證書呢!
就係尋日, 我同阿女坐地鐵, 我一個人湊阿女, 佢坐bb車, 我地上車就有位坐, 阿女坐bb車o係我前面, 之後果個站有個揸柺杖o既阿婆上車, 冇人讓座!! 最後我起身比阿婆坐, 我推埋架車去空曠位企~ 阿婆見到都有d唔好意思, 但真係冇人讓比佢, 坐晒o係"博愛座"果d男人/男仔o係度打機, 玩candy crush, puzzle dragon。點解個社會咁冷漠, 有d人仲要其實只係坐多一個站... 睇過篇文章講讓座講得好啱, 你比人地早d佔用呢個座位唔代表你更需要佔用呢個座位, 讓座比有需要o既人吧!
作者: ANChan59 時間: 13-3-4 11:43 標題: 回覆：gigayan 的帖子
有趣，冇這樣想過，謝謝分享！
作者: ha8mo 時間: 13-3-4 14:14
提示: 作者被禁止或刪除 內容自動屏蔽
作者: gigayan 時間: 13-3-4 14:30
ha8mo 發表於 13-3-4 14:14
其實都係同訓練自理能力一樣
要放手俾佢做
係, 要放手, 有時我地作為父母, 雖然知道要放手, 但當事情發展既時候, 又有可能唔記得左......
你個聽返黎既道理我都有聽過
所以我宜家盡量都會話俾小朋友聽
我唔識照顧人架....
我俾人照顧開架....
你最好盡快學識照顧自己
再大d就照顧埋我....
唔該晒~~
| 歡迎光臨 教育王國 (/) |
Powered by Discuz! X1.5 |