教育王國

標題: 常識點讀？背晒佢？ [打印本頁]

作者: do-re-me 時間: 13-3-1 18:58 標題: 常識點讀？背晒佢？

又考試了,常識咁多資料,應該點讀？背曬佢？

作者: hadwinboy 時間: 13-3-2 00:01 標題: 引用：又考試了,常識咁多資料,應該點讀？背曬佢？

原帖由 do-re-me 於 13-03-01 發表
又考試了,常識咁多資料,應該點讀？背曬佢？

一大半常識是關於新聞時事及生活問題，還會有關自理，這些似乎不能夠背，靠平時多看多接觸.

作者: Chowying 時間: 13-3-3 00:33 標題: 回覆：常識點讀？背晒佢？

背side 冇乜用，囡囡學校出得好古惑

作者: Haz-mama 時間: 13-3-4 13:35

靠日常生活, 多看時事, 呀女(小一)依家都多咗睇新聞, 不過, d題目有時係估佢唔到....

作者: Quty616 時間: 13-3-4 19:46 標題: 回覆：常識點讀？背晒佢？

常識要平時積累，我仔每天都會用半個小時看我整理的報紙和上網搜索的常識信息，不一定是專門為了考試，讓孩子從小養成習慣，擴展知識面，對他以後發展很有益的。

作者: chanwendy 時間: 13-3-5 11:42

我女好啲, 仲未有時事題, 教緊的東西好多都係 by common sense 都知道的, 所以都係寫熟生字啫.

作者: 明仔MaMa 時間: 13-4-4 01:26

死背無咩用，都係靠平日做定功課比呀仔讀，同埋平日呀仔都要注意時事常識!!

作者: momama 時間: 13-4-4 08:16 標題: 引用：我女好啲,+仲未有時事題,+教緊的東西好多都

原帖由 chanwendy 於 13-03-05 發表
我女好啲, 仲未有時事題, 教緊的東西好多都係 by common sense 都知道的, 所以都係寫熟生字啫. ...

阿女小二，暫時未見時事題，算係好彩囉

作者: 花仔媽咪 時間: 13-4-5 08:31 標題: 回覆：do-re-me 的帖子

考試前我同亞仔講一次課文，邊講邊屮開話題，令亞仔明白得更深入、之後叫亞仔默下一些生字！

作者: 明仔MaMa 時間: 13-4-5 12:21 標題: 回覆：常識點讀？背晒佢？

Hey, 這幾天假期同呀仔玩緊隻app，叫腦力王，入面有啲通識題for小學生，但有啲都好深，不過呀仔鍾意玩，唔會對住啲剪報就「中」下「中」下，訓著左

作者: miffy 時間: 13-4-6 05:31 標題: 回覆：常識點讀？背晒佢？

提示: 作者被禁止或刪除內容自動屏蔽

作者: lojo11 時間: 13-4-7 10:53 標題: 回覆：常識點讀？背晒佢？

小二，唔會背，明意思可以自己寫番大概就可以！有出時事題，但佔幾分，唔會特別研究出咩！

作者: constanceng 時間: 13-4-8 16:43

阿女又係常職科最差, 今次測驗仲只得70幾分。一年級時, 常識科成績好好架, 因為係考書本上既野, 但而家轉咗校, 份卷唔同咗, 考common sense及時事, 即刻死哂, 唔知可以點幫佢

作者: tina2007 時間: 13-4-8 19:47

背是無咩用,多D看時事新聞

作者: mamacharlotte 時間: 13-4-9 01:30

agree la. need to watch more news and pay attention to things around them. And try to use association skills like lateral thinking...

作者: wwyee 時間: 13-4-12 20:58 標題: 回覆：常識點讀？背晒佢？

基本上常識係要背重點，寫筆記記下課文重點（高年級合用），默生字，試下用腦圖的方法溫習，可以容易溫D。而課外題大致都係要睇返考測前三個月既時事新聞，平時用心做剪報，多聽新聞，唔一定睇，衹要知到就可以，以上係一至六年級，我同小朋友溫習既方法，而且成績近滿，可以試試。

作者: S-Kwok 時間: 13-4-13 08:26 標題: 回覆：wwyee 的帖子

請問什麼是腦圖？

作者: wwyee 時間: 13-4-14 09:00 標題: 回覆：常識點讀？背晒佢？

我大約咁講，希望你會明白。
先在白紙中寫上課文重點。
例如
種子（圈上置中再延伸）＞傳播途徑＞（再以延伸方式）＞寫出答案
慢慢整張白紙寫滿一大堆有關呢課既知識，問題係，當寫寫下，就會引發好多其他與課文有關，但課文又無提及既問題，因為高年級常識都要同學以觀察與課文相關而非課本內知識。

作者: shalaladream 時間: 13-4-14 09:37 標題: 回覆：wwyee 的帖子

多謝分享。請問腦圖係你同佢畫定叫佢自己畫呢?我同個女都試過，佢focus係畫圖

作者: TomatoCat 時間: 13-4-15 19:09

回復 wwyee 的帖子

我個仔每課的常識資料多到嚇死，如果寫重點,要成曰,最離普係一課書有大量重點，寫低=抄好多滲出黎.

作者: ponysee 時間: 13-4-15 20:34

TomatoCat 發表於 13-4-15 19:09
回復 wwyee 的帖子

我個仔每課的常識資料多到嚇死，如果寫重點,要成曰,最離普係一課書有大量重點，寫低=抄 ...

係測驗/考試前兩星期,已經開始背小總結/生字,

歡迎光臨教育王國 (/)