教育王國

標題: 打擊.......... [打印本頁]

作者: gmaorky 時間: 13-2-27 12:02 標題: 打擊..........

每日睇住個信箱有無信, 打開一次失望一次, 唔好話個小朋友失信心連家長都失信心, 我會諗係咪自己個仔既成績真係差成咁呢???定係我地太有期望呢???每次見到有小朋友有學校收左, "登"人開心之餘自己都會問點解唔係自己個仔呢,

直資唔收到7月派位又驚派得差.................................無奈

作者: matthew_mama 時間: 13-2-27 12:19

回復 gmaorky 的帖子

加油....希望在明天

作者: grace_xian 時間: 13-2-27 12:44

加油, 會有的

作者: mrs.so 時間: 13-2-27 13:31

我現在也每日看信箱, 等消息!

你有否了解你心儀中學是否有限期後才通知面試?

作者: popoks 時間: 13-2-27 13:38 標題: 回覆：打擊..........

我都係，希望這些日子快D過

作者: ohnono 時間: 13-2-27 17:22

gmaorky 發表於 13-2-27 12:02
每日睇住個信箱有無信, 打開一次失望一次, 唔好話個小朋友失信心連家長都失信心, 我會諗係咪自己個仔既成績 ...

先攪清楚你地申報兩間學校是幾時面試的，如果係23/3或之後的，學校唔會咁快出信的，通常是面試日期前一星期左右才會收到信。
如果係9/3面試的，大部份都係全in的學校，咁即係每個同學都會收到信喇！

如果係已經見完第一輪面試的，等緊第二輪的話，咁學校通常都會用電話通知的，你去睇信箱都冇用。

唔好見人地有信就驚定先，而家收信那一批，多數都係第一輪全部有得in的，唔好自亂陣腳。不如先部署好小朋友三月又來的呈分試，免得令小朋友都心神彷怫。作為家長的就話係咪自己個仔既成績.....，但作為小朋友自己，佢就會諗是否自己比別人差！

作者: gmaorky 時間: 13-2-27 17:43

多謝各位既意見同支持.................

作者: 盛盛媽咪 時間: 13-2-27 22:21 標題: 引用：多謝各位既意見同支持.................

原帖由 gmaorky 於 13-02-27 發表
多謝各位既意見同支持.................

唔好灰心呀 ! 加油 !

作者: Chowwy 時間: 13-2-27 22:33

唔好灰心la, 我同你一樣，日日望信箱，日日沒有消息，但要cheer up 自己，否則好影響呀仔心情。最好一次呈分紙，努力呀！　

作者: Meikin 時間: 13-2-28 17:34

我一早同阿仔打定底, 成日同佢講, 同佢洗腦, 話好多事的結果唔係我們可以控制, 只要考試+面試各方面盡咗力就無悔, 到時萬一運氣差, 派得不理想, 也非世界末日, 大不了最多一齊去扣門, 又唔洗死.

作者: ohnono 時間: 13-2-28 17:45

Meikin 發表於 13-2-28 17:34
我一早同阿仔打定底, 成日同佢講, 同佢洗腦, 話好多事的結果唔係我們可以控制, 只要考試+面試各方面盡咗力 ...

我最喜歡講，亦最喜歡聽的一句說話，「you'll will never walk alone！」。

作者: Meikin 時間: 13-3-1 09:16

其實升中過程也是孩子而言是一個很好的學習機會, 投考心儀學校, 無論得或失, 盡力試過, 並積極面對, 對孩子和大人也是一個得著. 人生路漫漫, 就當這是一個小鍛鍊吧!

作者: heung522 時間: 13-3-1 09:20

說得好!

作者: laiping 時間: 13-3-1 10:26

聽講，今年EDB遲咗將學生的名次等第送到各中學！所以可能又要等耐少少！

作者: MaxMara 時間: 13-3-1 12:05

作為家長,我們只是提供方向的導航系統,最終能否達到彼岸,還看學生的付出和努力.不要承受太多壓力,畢竟於事無補.我已學會豁達,我的孩子亦開始學懂平常心面對面試和派位結果.祝大家好運.

作者: 黃巴士 時間: 13-3-2 12:20

本帖最後由黃巴士於 13-3-2 12:26 編輯

gmaorky 發表於 13-2-27 12:02
唔好話個小朋友失信心連家長都失信心, 我會諗係咪自己個仔既成績真係差成咁呢???定係我地太有期望呢???

當年至E+, 我都有同你相同諗法!!

作者: Pennydorathy 時間: 13-3-2 16:59

你揀了合適的學校（指收生條件），就不用心急，佢地吾寄信俾你，係佢的損失。
我就覺得學校應該係統一派位之前，先通知我們結果，好讓我們步署，其實我已向教育局反映，它回覆為免影響學生學習情緒，我囡囡有同學已入了直資，最好他們放鬆，好讓其它同學們追上來。

作者: 可樂fan 時間: 13-3-6 13:58

加油!長路漫漫,我地係囝囡的最大支持,精神啲! 如果我地都驚驚青青,佢地見到會有好大壓力架!

作者: lucia6119 時間: 13-3-6 14:29

本帖最後由 lucia6119 於 13-3-6 14:30 編輯

因為以前女兒雖然升上一間 BAND 1 中學, 但卻讓我們痛苦了很久, 幾乎把女兒的前途也斷送 ,
所以這次我抱著平常心 , 只希望找一間比較好的 BAND 1 尾至 BAND 2 頭/中 , 校校風好的中學給兒子,
由去年一直收集資料 (幾乎全港學校都搜尋) , 直到現在 , 發覺要找一間合適的真不容易 , 程度合適時發現有些沒有我兒子喜歡的謀外活動 , 有些又距離家太遠..有些校舍太細..ETC...當樣樣齊備那學校的水平又太高

唔知係咪自己太理想化呢 ?

作者: Ceci333 時間: 13-3-6 15:41

本帖最後由 Ceci333 於 13-3-6 15:42 編輯

我去年十一二月最緊張, 一心想孩子入最心儀的直資. 到第三次程分試就不用擔心了. 後來那校沒有收. 反而因此想通了. 其實人生漫漫長路, 重點不是那所中學. 只要孩子人生方向正確,做事積極, 那所學校也阻不了孩子的發展. 相反, 入了最頂尖的學校也沒用, 也只不過幫人做籮底吉. 家長積極, 方向正確就ok啦. 考大學的道理也一樣

作者: heung522 時間: 13-3-6 16:00

真的對! 人生漫漫長路, 這只是人生裡其中一部份. 只要孩子人生方向正確, 就是父母的最大安慰了!

歡迎光臨教育王國 (/)