教育王國

標題: 18個月做言語治療 [打印本頁]

作者: opkwan1 時間: 13-2-26 23:55 標題: 18個月做言語治療

還未講野，只識媽媽，mum mum,請問有無中心介紹？最好是一些中心有教家居訓練的，因只靠一星期一次的治療實在太少

作者: leung714 時間: 13-3-1 15:18

提示: 作者被禁止或刪除內容自動屏蔽

作者: cecilau 時間: 13-3-4 13:40

回復 opkwan1 的帖子

如果只係唔識講, 但聽指令無問題, 又識得用動作表達, 18個月唔識講野都唔駛做st 的. 唔好甘心急啦.
我大仔, 佢2歲先識講野, 但係佢識得聽指令和做動作表達, 所以一直都唔太擔心, 一返學就好多野講啦.
但細仔就20個月就開始上st, 因為佢真係唔識得聽, 同動作都表達唔到呀. 慢慢留意下自己個小朋友啦.

作者: crystal媽咪 時間: 13-3-4 16:38

坊間好多st中心都比睇堂同講家居訓練，反而肯借玩具同影相(for照住買)則好少

作者: opkwan1 時間: 13-3-8 15:22 標題: 回覆：crystal媽咪的帖子

上咗一個月堂，現在仲於開口，好開心

作者: Catonmama 時間: 13-3-8 18:14

回復 opkwan1 的帖子

你依家上緊邊間呀?

作者: opkwan1 時間: 13-3-10 23:28

今日終於有時間跟大家分享多點, 小女剛19個月, 1個月前只懂說MUM MUM.., 爸爸媽媽曾經講過, 當時但已經三個月無叫過爸媽了, 理解很多事! 因本人眼見有數個語言遲緩的朋友和親戚, 在未得到治療下, 三歲仍是講話不清, 也不太懂講話, 所以我幫我的女兒找了言語治療, 好像有點過份緊張, 但今日我回頭看, 沒有後悔.

在一次治療後, 我回家跟BB 狂做訓練, 終於她日日也有講了媽媽, 第二次治療後, 懂講"比", 不正的.
第三次之後, 有口肌按摩, 按了三日左右, 突然爸爸, 媽媽, 車車, 鞋鞋 (不正的), 和很多字也出來了.
今日, 竟然說"媽媽比".

各位媽咪請加油.

作者: Catonmama 時間: 13-3-11 09:59

回復 opkwan1 的帖子

你女女好叻呀...我個仔最近上左兩堂言語治療，主要都只係教玩玩具o既技考, 同埋聽指令, 不過o個d 好多其實佢都好快做到, 但係又兩星期先一堂, 最緊要係個治療師5月要放產假, 到8月先返, 如果要轉治療師又要重新排過..又唔知排幾耐~~~ 想請教下你o係屋企點train 你女女架?

作者: eekg 時間: 13-3-11 16:04 標題: 引用：回復+opkwan1+的帖子你女女好叻呀...我個

原帖由 Catonmama 於 13-03-11 發表
回復 opkwan1 的帖子

你女女好叻呀...我個仔最近上左兩堂言語治療，主要都只係教玩玩具o既技考, 同埋聽指 ...

咁橋，我個仔個治療師又係五月放產假，八月返。你係咪返協康？

作者: Catonmama 時間: 13-3-11 16:10

回復 eekg 的帖子

oh...係呀...柴灣呀...睇來我地係同一個治療師..hahaha...但係我諗住轉啦~~ 因為唔想等咁耐

作者: eekg 時間: 13-3-11 16:27 標題: 引用：回復+eekg+的帖子 oh...係呀...柴灣呀...

原帖由 Catonmama 於 13-03-11 發表
回復 eekg 的帖子

oh...係呀...柴灣呀...睇來我地係同一個治療師..hahaha...但係我諗住轉啦~~ 因為唔想等 ...

係呀！我都係柴灣！啱啱排到上左一堂咁大把！呢位治療師教得好嗎？

作者: Catonmama 時間: 13-3-11 16:43

回復 eekg 的帖子

我都係上左兩堂ja~~ 我覺得都ok, 但係來緊上埋20號之後, 要4月17號先再有得上, 可能中間佢放假, 之後佢已經開始放產假~~ 即係成一個月先上得一堂, 同冇上冇咩分別, 佢教o既野依家好多阿仔都做到..我又唔知可以再做d咩..所以我覺得唔可以等佢返來啦...頭先我打去想轉, 又要由頭排過...唉, 我依家試下搵其他中心一齊排, 睇下邊個快d~~~ 因為真係唔想等成4個月浪費d 時間, 再排過又唔知排幾耐, 你知協康幾多人排架啦~~ 我地算唔好彩了, 咁你等唔等佢返來呀? 你小朋友幾大呀?

作者: eekg 時間: 13-3-11 17:05 標題: 引用：回復+eekg+的帖子我都係上左兩堂ja~~+我

原帖由 Catonmama 於 13-03-11 發表
回復 eekg 的帖子

我都係上左兩堂ja~~ 我覺得都ok, 但係來緊上埋20號之後, 要4月17號先再有得上, 可能中間 ...

我個仔27個月，佢19個月我幫佢排gei，終於排到都好開心！之前協康gei王姑娘已經同我講呢位姑娘會放產假問我o唔ok我都話好，因為再等唔知等幾內。我個仔咩都唔識講，佢教gei野都仲未做到。e+係屋企開始練。我怕轉姑娘又要再排過所以如果你都話好我都唔轉啦！我之前同個仔上過心橋gei快b快語小組，教gei野so far同呢位姑娘教gei都類似，不過係小組唔係單對單，但勝在唔洗排又平，諗住到時上住頂住擋先！

作者: Catonmama 時間: 13-3-11 17:18

回復 eekg 的帖子

因為之前話排到呢位姑娘時佢有同我講佢會放產假, 但係到時會再同我安排(我以為係會有人代), 所以我都覺得ok~但係依家先至知原來個安排就係等 / 轉導師由頭排.......
你講o個個快b快語我o岩o岩上網睇都好似幾好wor, 但係我見佢homepage o個個已經開始左, 即係要等佢下一次開班先得~

作者: opkwan1 時間: 13-3-11 22:24

頭一個星期, 日日要用野引阿囡講"比", 我比咗粒糖佢食, 等佢知好味, 想攞第二粒, 但要佢講"比", 因我做埋動作的, 阿囡做咗三日, 佢識放隻手出來, 再試多幾日, 佢講"比", 過程要忍住阿女叫喊, 我有一日, 引咗佢一個鐘都唔比佢, 直到佢放隻手出來.

作者: opkwan1 時間: 13-3-11 22:27

最近呢個星期, 我同佢按摩口部肌肉, 之前我重覆一個字幾十次, 阿囡都唔會跟我講, 但最近, 重覆兩次, 佢已經跟講.

真係好感恩..

CANTONA, 你有無上心CHAI WAN 心僑計劃的語言班, 我報唔到, 很想上.

作者: Catonmama 時間: 13-3-12 00:48

回復 opkwan1 的帖子

等我下次問次治療師按摩口肌先...因為佢都係話我個仔口肌弱...佢暫時只係叫我個仔咬餅乾...

我冇上過心橋呀...應該係eekg 媽媽上過...我都有興趣...唔知下次開班係幾時呢...

作者: eekg 時間: 13-3-12 11:34 標題: 引用：頭一個星期,+日日要用野引阿囡講"比",+我比

原帖由 opkwan1 於 13-03-11 發表
頭一個星期, 日日要用野引阿囡講"比", 我比咗粒糖佢食, 等佢知好味, 想攞第二粒, 但要佢講"比", 因我做埋動 ...

我今晚都試下先

作者: eekg 時間: 13-3-12 11:35 標題: 引用：回復+opkwan1+的帖子等我下次問次治療師

原帖由 Catonmama 於 13-03-12 發表
回復 opkwan1 的帖子

等我下次問次治療師按摩口肌先...因為佢都係話我個仔口肌弱...佢暫時只係叫我個仔咬 ...

佢都話我仔口肌未得要食百力枝

作者: opkwan1 時間: 13-3-12 12:51 標題: 回覆：eekg 的帖子

oh..我個女食到動物餅，但食咬唔到手
指餅，係咪口
肌唔好的表現呢？食百力滋係training ma?我個女唔識吹，可以點教？

作者: cat1028 時間: 13-3-12 13:21

按摩口部肌肉要日日做, 咬百力支(急咬)OR吹泡泡(可在洗手間吹), 我囝個治療師咬餅教我托住下巴,使佢口的開合唔好咁大, ; 吹泡泡就我用手夾住佢FACE, 成個豬咀咁, D氣集中D, 吹得多D. 目的是控制肌肉....慢慢就唔再幫, 口頭提示.

作者: Catonmama 時間: 13-3-12 13:42

回復 cat1028 的帖子

多謝你教呀..我個仔吹唔到泡泡, 百力枝都食到幾下, 但係好似蘋果一條咁佢又好難咬開...等我返去試下教佢吹泡泡先~~ 不過我個仔唔鍾意人地掂佢個咀附近...睇來要有一返角力..

作者: cat1028 時間: 13-3-12 14:04

你b有無吹過1號笛, 係治療師度買. 成支牧童笛咁, 但易吹d, 吹過之後我囝就進步得好快(留意個咀形), 同吹泡泡用個咀形差不多.

作者: opkwan1 時間: 13-3-12 16:43

本帖最後由 opkwan1 於 13-3-12 16:44 編輯

[size=15.555556297302246px]Cat1028你的分享, 我會多做吹的動作, 請問[size=15.555556297302246px]1號笛在那有得買呢?

作者: opkwan1 時間: 13-3-12 16:44

Cat1028你的分享, 我會多做吹的動作, 請問1號笛在那有得買呢?

作者: opkwan1 時間: 13-3-12 16:46

回復 Catonmama 的帖子

我個女都超唔鐘意人地TOUCH佢口個咀, 包括咀的四周, 每次按摩都勁喊!!

作者: Catonmama 時間: 13-3-12 17:27

回復 cat1028 的帖子

我都想知邊度有得買呀...thanks!

作者: cat1028 時間: 13-3-12 23:52

其實系言語治療師上堂時話要買來練習，無得借。

作者: cchealthy 時間: 13-3-15 12:34 標題: 回覆：18個月做言語治療

請問在康協一個小時多少錢

作者: Catonmama 時間: 13-3-15 14:09

回復 cchealthy 的帖子

$680/50 mins

作者: llam1210 時間: 13-4-6 23:25 標題: 回覆：18個月做言語治療

請問心橋柴灣是不是只有小組言語治癒？要幾大可入？排得耐嗎？我女剛二歲好多小組都唔收。

作者: coody1002 時間: 13-4-8 11:48

回復 opkwan1 的帖子

可唔可以PM我你係邊度上堂呀?
我囡2歲啦,都你個CASE差唔多,之前都有講"DAD DAD" "MUM MUM",但近呢3個月就無講了,成日對住佢叫佢講,佢都唔開口,但又聽得明我地講咩,好擔心呀,感激萬分,謝謝!

作者: opkwan1 時間: 13-4-10 11:11

回復 llam1210 的帖子

心橋有一個COURSE 比18個月以上的BB, 可惜, 我上次報的時候已太遲, 本來佢開多一班係石硤尾上堂, 但無人轉, 所以我又要等下一期先有得上.

作者: opkwan1 時間: 13-4-10 11:17

回復 coody1002 的帖子

已PM了, 個間係NGO, 非牟利的, 但佢好FULL, 你快D 打去, 可能要排好耐, 試下同BB按摩個咀, 我大女無呢個問題, 但細囡係口肌差, 所以我初時用好多時間同佢講野佢都唔會學都, 大女個時, 不用專登教都會識講, 個個BB唔同, 但如果有問題, 真係要積極面對.
仲有, 我發現中英夾雜係大紀, 學咗一個LANGUAGE 先, 好過兩頭唔到岸.

作者: SmallRiceBB 時間: 13-5-18 18:33 標題: 引用：回復+coody1002+的帖子已PM了,+個間係NGO

原帖由 opkwan1 於 13-04-10 發表
回復 coody1002 的帖子

已PM了, 個間係NGO, 非牟利的, 但佢好FULL, 你快D 打去, 可能要排好耐, 試下同BB按 ...

我仔仔快17個月都係只講爸爸媽媽，睇到你分享訓練方法，我都想帶仔仔去學，教極都唔講，你係邊度學架？私人訓練？
想問如果叫佢講比，但唔講唔做動作，係咪由得佢喊？

作者: norachan 時間: 13-5-21 09:05 標題: 回覆：opkwan1 的帖子

可否pm你言語治療中心資料，我女差不多兩歲只講單疊字十幾個，不肯學講

作者: opkwan1 時間: 13-5-21 23:35 標題: 回覆：SmallRiceBB 的帖子

係，由得佢喊，我個女喊咗幾日，最好喊咗一個鐘開口，唔好理佢講得正唔正，佢發聲，就可以奨勵佢，會越講越好的，同埋同佢做口
部按摩，見到肉就按，喊都按

作者: bluefox140 時間: 13-5-22 14:52

我嗰仔仔之前情况都系咁，越早开始做训练越好。治疗师话虽然做动作可以表达到少少，但系口肌同埋coordination嗰滴唔训练唧话会同同龄小朋友差距越来越大，同埋大滴会影响自信。快滴去排队，如果需要我可以pm我唧治疗师资料俾你。

作者: littlelittlebe 時間: 13-5-22 17:12 標題: 回覆：18個月做言語治療

請問可唔可以pm資料給我？我仔就快20個月了，只識過幾次爸爸媽媽，我好擔心。我自己係FTM已經成日同佢講野，但好似無好過

作者: opkwan1 時間: 13-5-26 22:51 標題: 回覆：littlelittlebe 的帖子

快些去做治療，情況跟我女女一樣，我都係ftm,以前點講佢都唔跟講，做咗治療3個半月，依家日日有新野，其實每間治療中心都好，找一間交通可以，時間最快的來做會好一點

作者: HOPE-HOPE 時間: 13-6-5 13:56

請問咁多位. 可唔可以pm多間言語治療中心資料給我呀？
我囝囝16個月了，連爸爸媽媽都未講. ，我好擔心。

謝

作者: alexcmlam 時間: 13-6-18 22:37

初時都以為只得去言語治療中心做, 有人介紹有私人上門嘅言語治療師, 佢幾資深, 以年資嚟講, 比起中心用嘅治療師好, 加上有朋友囝囝用過, 唔錯!

作者: Why 時間: 13-6-19 00:04

回復 cat1028 的帖子

你好，請問幫BB按摩口肌系咪自己同區按？有無要求架，定是要上左課，個治療師會教你按先按，自己唔好亂按？我也想幫我個女按下，但又唔知按邊度好？你地排協康系點排隊？直接填報名表格去排？

作者: Why 時間: 13-6-19 00:06

回復 eekg 的帖子

你好，請問你提及的“快B快語”系邊度有得上？有無網址詳細資料可以發我了解下?謝謝！

作者: cat1028 時間: 13-6-19 00:34

Why, 係治療師做完評估再教家長幫小朋友按的方法、位置，力度都有要求。可能每個人都有唔同組合。
排治療機構-上佢地網頁搵報名表，打印，填表，fax去，一般排半年左右。

作者: Why 時間: 13-6-19 08:24

回復 cat1028 的帖子

多谢回复！你系讲排协康一般要排半年？？是否有相关网址？

作者: cat1028 時間: 13-6-19 12:42

Why: 我排左耀能、協康、庭恩等
其實邊間快咪邊間，當然近屋企更好，訓練時段要考慮，平日易有位，星期六就要再耐d, 其實報名表都有選項。

作者: SmallRiceBB 時間: 13-6-29 18:46 標題: 引用：係，由得佢喊，我個女喊咗幾日，最好喊咗一

原帖由 opkwan1 於 13-05-21 發表
係，由得佢喊，我個女喊咗幾日，最好喊咗一個鐘開口，唔好理佢講得正唔正，佢發聲，就可以奨勵佢，會越講越 ...

可否Pm在那裡上堂？

作者: opkwan1 時間: 13-11-13 19:37 標題: 回覆：SmallRiceBB 的帖子

經過九個月的訓練，老師話不用再上St 了，雖然講野不清，但進步很大

作者: rabbit2010 時間: 13-11-14 02:07 標題: 引用：回復+coody1002+的帖子已PM了,+個間係NGO

原帖由 opkwan1 於 13-04-10 發表
回復 coody1002 的帖子

已PM了, 個間係NGO, 非牟利的, 但佢好FULL, 你快D 打去, 可能要排好耐, 試下同BB按 ...

我仔19個月，現在佢唔識講爸爸媽媽，指示，指令等動作，現在要去排政府評估中心，麻煩可否pm資料給我， thx!

作者: opkwan1 時間: 13-11-16 00:49

回復 rabbit2010 的帖子

其實我覺得邊間言語治療都無題, 最重要揾間近屋企的和時間就到的, 因主要進步是來自屋企TRAINING, 上堂個時最後自己去埋, 睇下或問下治療師點TRAIN, 跟住係屋企做訓練! 有時我去中心, 見到有些細路是姐姐帶來的, 坦白說, 我覺得效果會相差很遠.
因治療師每次只得30-45 MINS,若只靠治療師, 不會有奇蹟出現,屋企的訓練十分重要,

作者: rabbit2010 時間: 13-11-16 09:38

opkwan1 發表於 13-11-16 00:49
回復 rabbit2010 的帖子

其實我覺得邊間言語治療都無題, 最重要揾間近屋企的和時間就到的, 因主要進步是來 ...

你講得好岩, 要家長配合教導才有成果, 我己經預咗心理準備放時間教我仔仔, 恩庭, 耀能, 協康已經全部報晒名等排期, 但等排期既時間好似咩都做唔到, 只係得個等字.

作者: Potato001 時間: 13-11-20 13:28 標題: 引用：Quote:原帖由+opkwan1+於+13-04-10+發表回

原帖由 SmallRiceBB 於 13-05-18 發表
我仔仔快17個月都係只講爸爸媽媽，睇到你分享訓練方法，我都想帶仔仔去學，教極都唔講，你係邊度學架？私人 ...

我個女17個月時都仲係未識講野，不過聽指令是明白的。佢淨係識爸爸波波 wo wo, 其他咩都唔識。不過17個半月時突然講多咗野，會講抱抱媽媽車等。佢平時工人照顧，又冇睇電視，我最近日日播廣東話兒歌，在圖書館借的，佢聽得多就講多咗野，可以試下。

作者: bauhiniakan2000 時間: 13-11-25 01:02

rabbit2010 發表於 13-11-16 09:38
你講得好岩, 要家長配合教導才有成果, 我己經預咗心理準備放時間教我仔仔, 恩庭, 耀能, 協康已經全部報晒 ...

SEE LINK
http://www.youtube.com/watch?v=9EpFgANKbPQ

歡迎光臨教育王國 (/)