教育王國
標題: 你地真係好彩, 有份好工或好老公! (唔啱勿入) [打印本頁]
作者: Wishhavebb 時間: 13-2-26 10:15 標題: 你地真係好彩, 有份好工或好老公! (唔啱勿入)
本帖最後由 Wishhavebb 於 13-2-26 10:22 編輯
係呢度既父母, 講親既都係幫小朋友報有名既幼稚園居多, 一係就私立既, 一係就國際既, 其實你地真係好彩, 你估個個都有你地既收入, 如果萬一經濟有咩事, 你地重會唔會俾得出一個月五至六千蚊既學費??
我真係好好奇, 香港, 有錢既中產, 其實都大有人在!
按你地既開支, 我諗你地一個月, 家庭冇6-7萬, 你地點夠開支?? 供樓, 供車, 工人, 雜費, 父母家用, 伙食,學費, 娛樂, 日常生活, 保險, 儲蓄, 而家D工冇保障, 你見10年前SARS 經濟有幾差, 萬有SARS 再臨, 你地家庭點夠用???
一開始俾小朋友讀D太好既, 佢地又係咪開心?? 又係咪代表佢地第日條路一定發??? 人地話一命, 二運, 佢地既中晚年又點, 你又可以幫到D咩??
唔好介意, 有時覺得呢度好似成為中產講幼稚園既討論區!
作者: yiuyiutso 時間: 13-2-26 10:21
其實好多都係二公婆打工的打工仔.
作者: BB_Kwok 時間: 13-2-26 10:23
提示: 作者被禁止或刪除 內容自動屏蔽
作者: steplovebb 時間: 13-2-26 10:39 標題: 引用：+本帖最後由+Wishhavebb+於+13-2-26+10:22+
原帖由 Wishhavebb 於 13-02-26 發表
本帖最後由 Wishhavebb 於 13-2-26 10:22 編輯
係呢度既父母, 講親既都係幫小朋友報有名既幼稚園居多, ...
作者: cherryird 時間: 13-2-26 10:44
提示: 作者被禁止或刪除 內容自動屏蔽
作者: Chirley 時間: 13-2-26 10:47
本帖最後由 Chirley 於 13-2-26 10:48 編輯
Wishhavebb 發表於 13-2-26 10:15 
係呢度既父母, 講親既都係幫小朋友報有名既幼稚園居多, 一係就私立既, 一係就國際既, 其實你地真係好彩, 你 ...
樓主你又唔駛咁感概, 你覺得呢度好似『好似成為中產講幼稚園既討論區!』,
只係因為D較為出名 (已經唔好講係名校或貴族學校果D), 除左多人報之外,
大家都會留意D同佢地都多人討論D, 例子有成日係到見到既York,
差不多有呢間學校既topic, 都有好多唔係果間學校既家長係到留言佢既唔好或好既睇法...
試想想我同你講我屋企樓下個乜乜村屋幼稚園, 如果唔係住係同區既人, 又有邊個可以搭咀?!
無錯小朋友既起跑點好唔代表佢將來一樣咁美好,
只係有邊個父母唔想俾佢地囝囡好既?
正如我係另一個post到同你講, 父母既家教同身教好重要, 其他一齊都唔係必然
我都只係一個普通打工仔, 但我未結婚阿囝又未出世前,
一個月駛幾萬都唔係咩回事...
但有左阿囝後, 我一個月駛5千都覺得自己豪左...但同樣數量既錢用係阿囝身上我又覺得無問題啵,
我相信每一個愛錫囝囡既父母, 都會識得平均各方面先,
最少我接受唔到好似之前有個post話有人俾囝囡讀呢d 貴學校而走去打兩份工先!!!
作者: chanwendy 時間: 13-2-26 10:49
我家庭收入有六七萬, 但冇比小朋友讀名校或 IS, 唔係因為比唔起, 而係因為唔鍾意名校同 IS 啫.
作者: LAWYIMYU 時間: 13-2-26 11:05
問題不是在搵幾多錢收入,就算生活好tight,我深信天下父母都一樣想俾到最好的自己個小朋友,我成日覺得生得出個小朋友,就要幫佢諗將來,當然讀名校唔等於讀到書或者將來可以一定成功,但係响一個好嘅環境去讀書,真係會有影響架,當然我地做父母都會量力而為嘅^.^
作者: lutang 時間: 13-2-26 11:08
回復 Wishhavebb 的帖子
學你話齋，如果經濟有問題既，都唔會俾小朋友讀貴學校啦！其實有幾好奇，公一份婆一份，中產確實大有人在，一個家庭搵幾萬蚊既亦有，咁又如何呢？問題係各有各人既生活方式，有錢既當然會俾多ｄ資源小朋友（相信你有錢既都會咁做），冇錢既就讀番普通學校，各取所需啫！
無論小朋友讀咩學校，都唔代表長大後一定有好出路，晚年更加唔使諗啦，到時我地都賣鹹鴨蛋啦，諗咁遠做乜？最緊要知道自己要乜，任何事都量力而為就夠啦，小朋友既將來係點，唔係關乎佢而家讀咩學校！只不過我地父母嗰代冇錢，想讀名校都冇資格，一個湊幾個，都係讀樓下屋邨學校居多，而家ｄ人學歷好咗，所以使少少錢都覺得冇所謂囉，咁選擇就多好多！社會係不斷進步架，將來到阿仔嗰代，可能已經唔再討論讀名校，而係出國讀書添！
其實都唔係個個都討論名校既，我見小一選校嗰邊都係以討論派位為主啫！做父母既當然會為小朋友打算，唔好成日覺得讀名校就威ｄ，讀邨校就差ｄ，咁樣比較小朋友同自己都會唔開心架！
作者: himuimui 時間: 13-2-26 11:09
提示: 作者被禁止或刪除 內容自動屏蔽
作者: hksunshine 時間: 13-2-26 11:24
本帖最後由 hksunshine 於 13-2-26 11:24 編輯
好彩 ? there is no free lunch in this world
most parents here are working very hard to sustain the family
作者: Wishhavebb 時間: 13-2-26 11:37
係未開呢個POST前, 我真係好好奇, 唔好意思, 我真係見好多POST都只會講D私校, 國際果D, 我就好奇, 點解咁有錢, 如果用晒D錢係小朋友學校上, 冇錢儲, 萬一家庭有咩事, 咁點算?? 小朋友大咗D, 會想帶佢去旅行, 見識吓, 一家人去一去都要萬蚊以上, 所以我先好奇, 點解你地搵到咁多?
不過見到你地既意見, 原來大家都節衣縮食, 只係想俾D最好既仔女!
作者: 小曳人 時間: 13-2-26 12:19
我地都算係中產，但講到學費，4千對我地嚟講已經俾唔到
其實呢個世界乜人都有，你睇我好，我睇你好，價值觀唔一樣有乜出奇
唔駛咁緊張啦！
作者: retriever 時間: 13-2-26 12:23
Wishhavebb 發表於 13-2-26 10:15
係呢度既父母, 講親既都係幫小朋友報有名既幼稚園居多, 一係就私立既, 一係就國際既, 其實你地真係好彩, 你 ...
有說, 中產比上不足, 比下有餘... 你說可以留很多錢給兒女又不太可能, 只有留知識留機會
作者: melonfans 時間: 13-2-26 12:32
Wishhavebb 發表於 13-2-26 10:15
係呢度既父母, 講親既都係幫小朋友報有名既幼稚園居多, 一係就私立既, 一係就國際既, 其實你地真係好彩, 你 ...
各有前因莫羨人! 我覺得呢到家長吾係好彩, 係佢地有努力過, 先有成績, 有事業!
呢到講最難考同最多人考都係有學卷同龍校幼教園, 當然個別出名私立kg都好難考!
有錢當然選擇較多, 但係與小朋友資質無關, 小朋友interview吾出聲, 都好難有學校收佢, 吾關父母有無錢事
作者: punlik 時間: 13-2-26 12:43
提示: 作者被禁止或刪除 內容自動屏蔽
作者: yslgirl 時間: 13-2-26 12:56
根本以前同而家, 阿爸阿媽既諗法就無變過...以前屋企窮, 又多兄弟姊妹, 但唔知點解阿媽仲有錢買魚肝油, 牛肉汁呢d營養補充劑迫我地飲...而家, 無個塞豆"燶"不知幾消遙, 但又心甘命抵攞舊石頭揼自己腳指...
不過您放心, 呢個世界都唔係咁多傻人既, 梗會識計掂條數, 唔通天真到計到咁盡, 一有少少經濟壓力就要等政府養咩, 算吧啦.
作者: herman0114 時間: 13-2-26 14:02 標題: 回覆：你地真係好彩, 有份好工或好老公! (唔啱勿入)
睇過電影「歲月神偷」嘅人就會明白，做父母點樣死慳死抵都要俾小朋友接受最好嘅教育，雖然係電影，但好現實。
作者: ce366 時間: 13-2-26 14:04
我覺得樓主個人思想有問題. 經濟和支出的分配是要有智慧去好好利用. 有人死守錢. 放係銀行唔知做乜. (一般係老人家的行為), 唔會投資, 計劃. 有人會用晒佢. 有幾多用幾多. 無乜錢留. 不過無錢留. 只係銀行. 可能其中有供樓(升值), 保險等.
如果想生活更好. 應該好好想一下. 不是只是怒天尤人...
不喜勿
作者: Doris_Ray 時間: 13-2-26 14:05
hksunshine 發表於 13-2-26 11:24
好彩 ? there is no free lunch in this world
most parents here are working very hard to sustain th ...
同意同意。
雖然我地暫時唔需太擔心錢呢個問題，但我同爸爸日日都做到傻，每日放工都盡量抽時間陪個女，等佢瞓咗再處理公司帶返屋企啲工作。其實我地都好羨慕那些full time 媽媽可以自己照顧小朋友，但係做唔到，就唯有努力啲，希望佢成長環境可以好啲。
作者: petitebebe 時間: 13-2-26 14:24
其實如果經濟有壓力, 咁咪報間無咁貴ga lor.. 家長有心機同時間去教, 比多d encouragement, 個細路都可以好醒, 好快樂. (最多咪學少樣小提琴, 好閑姐…) 好多人比好多$比個仔去讀名kindergarten, 係因為自己真係無時間教..
最緊要係吾同人比, 享受做mummy既時間, 有心既, 無錢都可以教到個醒目既細路仔. 例如可以多去public library.
我自己,同埋好多身邊既人, 都係靠政府養大, 但係都可以讀到最好既大學, 有好好既工.
作者: shevachevy 時間: 13-2-26 14:38
能力範圍內比最好o既o野佢, 我諗好多家長都係一樣, 至於"能力範圍"同埋"最好" o既標準因人而異啦, 前提都係想小朋友開心同健康咁成長, 讀咩學校長遠都係睇小朋友o既能力, 學樓主話齋, 幫唔到一世咖
作者: tamc9 時間: 13-2-26 15:18 標題: 回覆：Wishhavebb 的帖子
提示: 作者被禁止或刪除 內容自動屏蔽
作者: marcuscyrus 時間: 13-2-26 15:23
我地都唔係搵好多錢，但本身兩公婆都唔係太喜好消費，閒時都係用credit card 分換兩張飛睇下戲，所以學費3千幾x2個細路，已經係我地極限，其他野都係睇送食飯囉
作者: tsc911 時間: 13-2-26 15:41 標題: 回覆：你地真係好彩, 有份好工或好老公! (唔啱勿入)
哽我老公比萬一蚊我要包小朋友讀書，另外水電媒、供僂及其他雜費佢比曬，哽我老公都ok 呀！
作者: babychinglok 時間: 13-2-26 15:43
其實學卷對於底收入人仕好緊要,有學卷但都要有學位先得架,
有錢果D 如果係比得起 讀D冇學卷既學校,留番學位比D有需要小朋友,底收入既真係搵朝唔得晚,富裕同平民 生活真係好唔同架~
最衰其實係"政府"
(不喜勿XYZ 都是有感而發)
作者: hophopbunny 時間: 13-2-26 15:55
提示: 作者被禁止或刪除 內容自動屏蔽
作者: Aaby 時間: 13-2-26 15:56
回復 melonfans 的帖子
Exactly!
作者: des_tests 時間: 13-2-26 15:58
Wishhavebb 發表於 13-2-26 10:15
係呢度既父母, 講親既都係幫小朋友報有名既幼稚園居多, 一係就私立既, 一係就國際既, 其實你地真係好彩, 你 ...
作者: cy36baby 時間: 13-2-26 16:36 標題: 引用：問題不是在搵幾多錢收入,就算生活好tight,
原帖由 LAWYIMYU 於 13-02-26 發表
問題不是在搵幾多錢收入,就算生活好tight,我深信天下父母都一樣想俾到最好的自己個小朋友,我成日覺得生得出 ...
作者: bearcat2003 時間: 13-2-26 17:07 標題: 回覆：你地真係好彩, 有份好工或好老公! (唔啱勿入)
樓主，你的見解只令我覺得你的思想悲觀、消極。不喜勿入Bk的，可能是樓主你呀！
作者: davywm 時間: 13-2-26 18:01
我地算唔上中產, 要養2個小朋友真係死慳死抵
唔可以成日出埠旅遊, 頂多去澳門玩
食buffet就揀小朋友free的
或者上bk二手買平野
當然見到朋友大魚大肉, 吃喝玩樂, 環遊世界, 真係好羨慕架, 但做阿媽嘅宏願就係阿仔健康,快樂,平安, 自己辛苦d無計啦!
作者: pc629 時間: 13-2-26 18:24
六七萬叫中產?起碼過十萬先算啦.
作者: tempooo 時間: 13-2-26 18:37 標題: 回覆：你地真係好彩, 有份好工或好老公! (唔啱勿入)
樓主所講既供樓供車工人父母家用，我通通都冇
作者: Salad316 時間: 13-2-26 19:39 標題: 回覆：Wishhavebb 的帖子
樓主，我明白你嘅感受！但睇你寫嘅嘢，老實講，比較偏激同憤世疾俗。如果要羡慕一d可以供仔女讀5-6千蚊嘅k。咁你睇住一d人買幾千萬嘅樓好似買菜咁，呢d人大有人在啦！唔同我哋又要覺得自己好可憐咩？做人要知足，可能你經濟不及人，但應該諗下你可能有d地方比人好，如健康，家庭融洽。做父母嘅，梗係想俾最好嘅俾仔女。但學你話，將來係好係壞無人知。相反，就算讀間非名校，亦都唔將來無發圍。你都唔駛難過，只要我哋盡自己所能已無悔！
另外，可能你對一d學校研究唔深，其實有多呢度被受關注嘅都唔咪要5/6千蚊學費。培正，根德2千多。民生，德望3千，可能你都覺得多。但有學券嘅創價，聖心，協恩亦好多人喜愛，而聖嘉勒直程只需要每月100。唔咪個個都鐘意d幾千蚊！
作者: iamadc 時間: 13-2-26 19:43 標題: 回覆：你地真係好彩, 有份好工或好老公! (唔啱勿入)
如果兩公婆月入六七萬，每人都係三萬，係銀行或跨國公司一個有少少經驗的＂靚＂都有這收入，這是現實
作者: luilui007 時間: 13-2-26 20:10 標題: 回覆：iamadc 的帖子
人比人，比死人!
有經濟能力咪讀囉，大吉利是他人經濟不景負擔不起咪轉校囉，相信讀得私校且加以栽培，不怕沒有學校收!
唔讀名校也不雖自卑!
態度正面一點，人都開心D!
作者: tamc9 時間: 13-2-26 20:56 標題: 回覆：bearcat2003 的帖子
提示: 作者被禁止或刪除 內容自動屏蔽
作者: 晞晞爸b 時間: 13-2-26 20:58
路過..
其實好多父母都係好勤力返工搵錢既..
我同我太太晚晚係公司做到11點幾先放工...(朝早9點幾已開工)
唔為其它..只係為左自己既小朋友
見到樓主既POST
我頭先返去計一計..
計計埋埋學費.供車.供樓.工人.其它開支等等..
死喇..我同我太太個個月開支大概要5-6萬....
咁我咪要PK?
唔係! 唯有更加勤力去搵錢! 怨天尤人係無用既!!
你唔食小朋友都要食架!
可以點? 與其浪費時間怨呢個怨果個
不如努力搵錢好過..係咪?
講返正題..小朋友讀邊D學校
其實豐儉由人..睇食送食飯姐
貴有貴讀平有平讀
再加上父母自己想要求D野係O羊
我及我太太想小朋友由細就接觸多D英文及普通話.
有學卷果D學校一星期得1-2堂NET (30分鐘?)
一分錢一分貨..我地唯有報讀私校+全日班
現在我仔仔日日(星期一至五)上午同下午各有1堂英文堂(40分鐘)
即係1日有80分鐘上英文NET (另外有2次普通話堂)
學英文應該(希望)會多D
雖然我曾經見過元朗生命幼稚園學費大約100幾蚊(用埋學卷)
我都好心動!!
但由於上述原因(想小朋友學多D英文及普通話)
我卒之揀私校
TOUCHWOOD 如果萬一我兩公婆突然失業
個個月搵錢唔夠2皮
咁到時咪轉去讀學卷/屋村學校囉 (想讀私校都唔得喇)
到時咪見步行步囉
最緊要係要衡量自己既經濟狀況(呢點最最最現實) + 想TARGET邊類型學校
依家先幼稚園咋...漫漫長路..上小學大學學費又點?
如果手頭鬆動D或者AFFORD到既.咪俾小朋友讀貴D
但要記住兩點:
1. 唔係名幼/私校出身就一定會guarantee會日後成功(入好小學+中學+大學)
好多人讀學卷學校甚至屋村學校都好成功
2 最緊要睇自己小朋友既個性適合邊類型學校..文靜?活潑坐唔定(我仔仔就係呢類)? 選間適合既學校先至係正道
仲有..其實大家試下用唔同角度去想想:
是否入好中學.好大學就一定係成功?
記得我讀過一本書叫做"窮爸爸富爸爸"
~ 其中內容有一段說(not exactly wording)
富爸爸對兒子說.當你懂得運用投資..你係聘請大學生.專業人士幫你賺錢
即係話...我個人認為..與其咁辛苦逼小朋友去讀書..入名幼+ 名小 + 名中 + 名大學...畢業後打份2皮野既工 (又要擔心俾人炒)
倒不如從旁鼓勵他去做他喜歡做的東西..最少有一技之長
當然..讀到書既當然繼續讀喇
但讀書不是唯一選項...讀唔成/入唔到名幼名小名中名大學唔代表世界末日
放鬆D..教導小朋友正確的價值觀及開開心心健健康康成長先係最緊要
有D野無得返轉頭..
得罪講句.我出來做野咁多年...見到唔少不知所謂既大學生..唉
總之...漫漫長路...當你10幾年小朋友大個左之後..你望返轉頭..現在只是一個過程..
不求小朋友以後供養我..只求他日後長大可以自己獨立做自己鐘意做既野...唔駛父母操心得喇
作者: BBLAX 時間: 13-2-26 21:17 標題: 回覆：你地真係好彩, 有份好工或好老公! (唔啱勿入)
五六千同五六萬都有人揾，有人揾幾多都好都以細路行先。有人手𢴇幾千萬都慳住細路！價值觀問題！響街上攞住幾萬蚊手袋嘅又有幾多個真正afford 到？可能簽落幾十萬咭數呢？！我識人兩公婆負債累累仲買美語世界，為咗底啲生多個一齊睇，一齊用，夠勇未？
作者: man811231 時間: 13-2-26 22:20 標題: 回覆：你地真係好彩, 有份好工或好老公! (唔啱勿入)
總知要量力而為。
作者: sbux 時間: 13-2-26 22:56 標題: 引用：五六千同五六萬都有人揾，有人揾幾多都好都
原帖由 BBLAX 於 13-02-26 發表
五六千同五六萬都有人揾，有人揾幾多都好都以細路行先。有人手𢴇幾千萬都慳住細路！價值觀問題！響 ...
作者: Andymammy 時間: 13-2-26 22:57 標題: 回覆：man811231 的帖子
依家D人遲婚，有事業，才敢結婚，又生得少，所以仔女就變晒如珠如寶！睇開D啦！享受下啦！到仔女大了，佢有自己的世界，你想幫佢安排活動都幾難！
作者: Andymammy 時間: 13-2-26 23:09 標題: 回覆：Andymammy 的帖子
其實，我唔認同搵6-7萬，就要讀私幼，香港市民點解唔爭取番自己既權利！我們有權享有社會服務：教育、醫療、房屋等，但港人偏偏喜歡讀私校、入住私家醫院、冇公營房屋住！呢D唔知咩政府攪出嚟既現象！
作者: man811231 時間: 13-2-26 23:16 標題: 引用：其實，我唔認同搵6-7萬，就要讀私幼，香港
原帖由 Andymammy 於 13-02-26 發表
其實，我唔認同搵6-7萬，就要讀私幼，香港市民點解唔爭取番自己既權利！我們有權享有社會服務：教育、醫療 ...
作者: BBLAX 時間: 13-2-27 01:00 標題: 回覆：sbux 的帖子
I thought the same too.
作者: wankapo 時間: 13-2-27 09:08 標題: 回覆：你地真係好彩, 有份好工或好老公! (唔啱勿入)
如果我能力做得到的，我一定會俾最好的給小朋友！ 寧願自己其他嘢慳啲！
如果有能力，學費超貴，如果我覺得唔值，我都唔會讀！
好似舊年阿囡一間英普pn, 淨學費7千，校車2千, 按金$18k!初初我怕無學校收阿囡，所以按金照俾！後來阿囡考到另一pn, 學費$3千幾，我揀全英文班！當然放棄$7k學費，因為覺得唔值！當然$7k 學費都大把人讀！
作者: Jason_la_la 時間: 13-2-27 09:46
其實收入不多的家庭,他們亦可以有很多讓小朋友學習的機會,小朋友可以到公共圖書館,裡面還有很多活動(例如:講故事),另外社區中心的興趣班和活動就更多.如小朋友愛運動,坊間有很多體育會如足球訓練學校.
如好好安排,窮的小朋友一些可以有很多平宜的機會.不過家長要自己留意.
作者: wankapo 時間: 13-2-27 10:05 標題: 回覆：你地真係好彩, 有份好工或好老公! (唔啱勿入)
有能力者，都唔係一定揀貴校，會揀自己喜歡嘅學校，如龍校！只不過佢地選擇多一啲，可考慮埋貴校。
又，經濟好嘅老公，未必一定係好老公！富豪有老婆，但出面女人一大堆，都唔係好老公！
好老公，唔係以前黎衡量！
老公係自己揀，食得鹹魚抵得渴！
作者: Wishhavebb 時間: 13-2-27 10:07
本帖最後由 Wishhavebb 於 13-2-27 10:15 編輯
其實我開呢個POST, 係好敏感既一個話題,甚至會開罪好多人, 但希望大家清楚, 我冇同人比較, 冇憤世疾俗, 亦冇悲觀, 家庭收入唔係多, 但夠咯, 我只係奇怪真係有好多家長俾到仔女讀學費咁貴既學校, 家庭既費用開支, 有個家長話學費有7K既, 係咪真係咁多家長咁卓卓有餘? 有時, 唔係你死慳死抵就有。
仔女最好既, 當然一定, 但要個個月就咁慳法, 同有位家長話到時搵唔到咁多咪讀返D平既學校, 但係咪咁易返到轉頭? 仔女又係咪咁慣?? 教學上一定有分別, 你自己又接受到嗎?
我有小朋友, 都係要選幼稚園, 所以先黎呢度取經, 但睇親多數都係私校, 國際, 所以先有呢個感覺, 唔係有妒嫉人既意圖, 請勿誤會!
有D家長話唔好怨天由人, 要諗下點努力工作, 係, 啱, 但有好多人好努力, 都未必有機會! 你見做保安果D, 12個鐘, 又唔見佢有好多錢? 幾多大學生都冇嘢做啦! 有時係機會, 睇你好唔好彩, 搵到間好既公司, 好既老闆, 咪可以好D咯! 我唔排除有個人努力!
好多家長結婚遲, 係,事業有成, 係, 俾好D仔女, 啱! 但儲到錢, 事業有成既係咪咁多?
覺得我有問題既, 唔緊要, 但人有好奇心, 香港重係有好多有錢人, 話我有問題既, 我好相信佢地既生活應該唔差同經濟現況都超穩定!
ANYWAY, 我睇完咁多POST, 我都已搵到我想知既答案! THX!!!
作者: Wishhavebb 時間: 13-2-27 10:17
本帖最後由 Wishhavebb 於 13-2-27 10:18 編輯
回復 wankapo 的帖子
唔係好老公, 但老公有, 重要肯俾! 再唔係, 就有個好老闆, 份工掂先有!
好多全職媽媽想出返搵做嘢, 都搵唔到, 有D成日呻係公司幾慘幾慘....
作者: leiseefung 時間: 13-2-27 10:28
我想講，我感覺係黎呢度既家長，對子女既教育係十分著緊，而好大部份都係想精確計劃用自己有限既資源比最好既比小朋友吧!三千多元左右既學費私校，兩公婆每人節約二千一個月，好多父母都做到，如果可以入到TT英普呢d超級燒鵝肶幼稚園，學費都只係8舊至一千。咁係咪要黎睇BK多d同早一點部署同訓練小朋友呢。有好多時吾係吓吓講錢就做得到既。
作者: chansiub 時間: 13-2-27 10:29 標題: 回覆：Wishhavebb 的帖子
好似冇人答緊樓主問題。你呢條問題嘅答案係: 真係好多有錢人。你諗下香港D樓同租金幾貴。幾千元學費對有呢堆有物業嘅人係乜錢。仲有D老闆，高層同金融人。睇下股市每日成交量。仲有幾多Private Banks! 而呢堆人都唔少。佢地唔係你諗到好似我地呢D要睇住嚟洗㗎。
作者: mamath 時間: 13-2-27 10:33
Wishhavebb 發表於 13-2-27 10:07
其實我開呢個POST, 係好敏感既一個話題,甚至會開罪好多人, 但希望大家清楚, 我冇同人比較, 冇憤世疾俗, 亦 ...
老實說, 沒有太多選擇可能是一種幸福: 不用三心二意, 也不必為入貴名校而煩惱!
作者: Wishhavebb 時間: 13-2-27 10:41
回復 chansiub 的帖子
chansiub, 冇錯, 多謝你!!!!! 我奇實係好奇香港真係重有好多有錢既中產! 終於有人明白我!!!!!!
我做咩要妒忌人, 我兩公婆都有嘢做, 不過就真係俾唔起D私校學費, 我都好慳, 好努力做嘢, 但都係搵唔到好有前途既工, 點慳都俾唔起, 我個女而家果間有學劵, 唔太差, 但見個個上得呢個討論區, 唔係九龍塘, 就私立, 咪好奇咯, 新聞話中產窮, 不過我估, 佢地都係專業人士, 或做果行, 係專業果類, 其實人到中年, 唔易搵工, 咁多大學生, 好多在職媽媽都唔易有份好工做, 只係覺得係呢到講得話讀私校既家長幸福, 別冇其他意思!
作者: chansiub 時間: 13-2-27 10:51 標題: 回覆：Wishhavebb 的帖子
我可能比你好但都有同樣的感覺。每次見到賣樓，大減價D嘢賣曬都有呢個問題。其實你的標題都唔係錯。其實都啱㗎。我有好多呢D朋友。自己朋友或個仔D同學生日會豪到不得了。不過係真係唔緊要，俾到自己覺得最好便可以了。我個仔從來都冇問我點解佢冇。
作者: fr338 時間: 13-2-27 10:56
樓主, 本地當然大把有錢人, 強國湧入黎的有錢人就更多, 可以一羣人每人7位數買一個小學學位揪夠一班 ! 世界咁大, 人地做乜管唔到,但希望你俾自已多D正能量,唔好妄自菲薄。
作者: 布希亞 時間: 13-2-27 11:01
提示: 作者被禁止或刪除 內容自動屏蔽
作者: glorialee1118 時間: 13-2-27 11:02
我個人感受: 我2公婆收入2個加埋都冇5萬，但洗費好小(冇遊行，冇乜行街買嘢) 我都有同呀囡乜幼稚園都報，level 由保良局至york, 九龍到香港乜都報, 可惜呀囡大部份間間reject，得york & sjc收 ，其實我都好無奈，但唔通唔比佢讀咩。之後我同老公都覺得算啦，我地能力許可都會盡比佢啦, 希望佢由小可以打好個底子，我地用金錢去幫佢賺知識，打後上小學中學不論邊間好，又或者有幸上大學，佢自己行架喇，只有知識佢能夠一生受用。放鬆d啦樓主!!
作者: petitebebe 時間: 13-2-27 11:07
如果要勁慳, 食唒粥咁先可以讀”名校”, 咁建議吾好讀. 如果係買少件無謂野個種慳, 咁就無咩所謂lor..
我相信比個細路讀”名校既人都有衡量過, 覺得school fee ok先報, 唔會係比5成人工去school fee個度咁無理..
以kindergarten黎講, 平d既學校唔代表d學生差好多, 唔代表d 老師好唔得, 唔代表唔可以教好你個細路. 好多村校既老師都比千人”名校”有心機, 有耐性, 對每個細路既特點都記得清清楚楚. 咁個細路又點會唔慣呢?
我覺得最大既分別只係語言. 可能無net, 但係你可以係校外時間, 花多d時間/$ (用d平d既方法)/心機 係呢方面. Interview個時都可以好好.
條條大路通羅馬!
作者: 晞晞爸b 時間: 13-2-27 11:28
Wishhavebb 發表於 13-2-27 10:41
回復 chansiub 的帖子
chansiub, 冇錯, 多謝你!!!!! 我奇實係好奇香港真係重有好多有錢既中產! 終於有人明 ...
其實香港真係有好多有錢人
之不過我地可能無留意...無可否認有好大部份人都係一般咋
由於工作關係.我做果行(樓宇買賣)呢幾年(2009年之後)真係見過好多香港人好有米咁炒樓(住宅同工商都有..尤其係摸貨果D炒家)
其實樓主你又唔好太介懷..我個人認為有無錢唔係最緊要..最緊要係一家人齊齊整整開開心心過日子
有家長講得好O岩..老公有錢出面包2奶咁點?
我試過(真人真事)之前去朋友(都有錢)屋企.. 同佢小朋友言談之間佢竟然話佢老豆大把錢日後長大準備接收佢老豆生意就算..唔駛讀咁多書...(我聽到暗地搖頭...) 佢老豆即場話:衰仔..我一蚊都唔會留俾你!你唔駛旨意靠我!
有呢D小朋友咁歪曲既價值觀..俾你有錢又點?你安樂嗎??
睇下李安.. 佢試過失業在家mou足六年做湊仔公只靠老婆份糧
佢老婆鼓勵佢追夢.我見到都好感動..
有無錢唔係最緊要...想當年我同我老婆兩個租住150呎唔夠既套房..沖涼房轉唔到身果隻
雖然當年搵錢唔多(我同我老婆當年2005年每人搵錢都唔超過6000元一個月)
但我地完全無唔開心..我地亦唔會羨慕人地點有錢..畢竟兩個人點過日子先至係最緊要...
到今日我地環境好少少..我地仍然咁生活..多左一個小朋友..會更加有目標去生活及吸望俾最好既給小朋友
我都係果句...如果touchwood我地兩公婆又失業..到時無得你唔低頭...現實就係咁..咪返去搵間平D既好校囉..
無得適唔適應..呢個世界從來唔公平 + 你要去適應環境..唔係環境來遷就你
最緊要自己既心態...你要保持正面既心態..小朋友先會健康開心成長
好好教育正確既價值觀俾小朋友..如果唔係既話.教出一個小學雞你唔激到吐血就奇..係咪?
唔好羨慕唔好理人地有無錢..人地有無錢都唔關自己事.係咪..
一家人齊齊整整開開心心過日子先緊要.
努力D & 開心D
作者: 菠蘿媽媽 時間: 13-2-27 11:31
事實上,香港真係一個貧富懸殊嘅地方! 上到嚟ek, 收集資料, 睇吓睇吓, 有時又八吓, 有時又假設吓..... 都係人知常情!
時代唔同左, 資源/收入多咗, 多咗選擇, 咁就會想搵間最好/最適合嘅學校俾仔囡. 我自己永遠都覺得人外有人, 天外有天, 都係量力而為之!! 加上每人都有自己嘅價值觀&消費模式, 唔需要奇怪點解,點解, 因為佢嘅答案應該講唔服你! 最緊要自己同仔囡健立良好關係, 貫輸正確嘅價值觀, 等佢快樂成長!
(以上純屬個人意見)
作者: golfmama 時間: 13-2-27 11:33
其實搵朝唔得晚的人應該無咁得閒上來BK， 所以上親來呢個討論區的人都可以話係有少少條件， 或者好似樓主咁講， 好好彩有份好工（好工的定義係可能人工高或者人工唔高但好多機會蛇上來BK）或者有個好老公。
真係好有錢的人又未必會上來BK， 因為佢地根本唔洗搵料。
呢個世界真係好多好多有錢人， 多錢到開幾十間幼稚園玩下都仲得。
所以樓主， 睇開D 啦， 加油！
作者: kayeeian 時間: 13-2-27 11:54 標題: 回覆：golfmama 的帖子
我其實認同樓主講有人比較幸福，因為有咗錢會多咗選擇! 不過如果唔生咁嗰六七萬自己洗又唔洗擔心讀書管教呢啲責任，聽落咪仲好?
為人父母都只係响自己能力範圍俾最好嘅嘢俾小朋友! 咁又有咩好比較?
作者: mesmerising 時間: 13-2-27 12:27
樓主，平校貴校我也試過。只要找到間合適嘅，平貴也有好選擇，好學習。孩子這麼小，其實多和父母作有思考的溝通交談，所獲得的知識、品德教育和基本分析能力會比貴價幼稚園來得實際。
作者: siupingc 時間: 13-2-27 12:57
回復 Wishhavebb 的帖子
這個問題我倆公婆只私下閒聊都講過，八卦下罷，沒什麼其他意思,所以相信樓主亦一樣！我相信香港有錢人比你我所想更多！事實是現在許多搵五、六萬一個月都不敢說自己高收入家庭，因為洗費一樣多，尤其有小朋友，大家都一樣辛苦。我自己雖然負擔到學費，但選幼稚園時還是以德育以及認同學校理念為先，有心教一定可以教好小朋友，家庭教育更重要！
作者: davywm 時間: 13-2-27 15:52
其實我都有長遠地諗, 驚失業etc, 所以我座右銘係:應慳得慳, 唔好成日亂洗錢, 有錢就儲低, 留俾阿仔第時返學用!所以我成日都好肉赤, 出街食lunch都係慳慳地, 永遠唔加2蚊轉凍飲, set唔連野飲就飲水, 唔(甚少)買衫俾自己, 阿仔d衫就季尾大減價留出年著...有時都覺得自己好少家, 但為左阿仔頂硬上...
作者: grayfox 時間: 13-2-27 16:13
教育係好重要，所以好多父母都會捨得送小朋友讀五七千學費既學校，情願自己大人其他野慳d洗
作者: fabsum 時間: 13-2-27 16:31
iamadc 發表於 13-2-26 19:43
如果兩公婆月入六七萬，每人都係三萬，係銀行或跨國公司一個有少少經驗的＂靚＂都有這收入，這是現實
...
你搵幾多就有相對的承擔 , 總有人差過你 , 亦大把人好過你 , 總之量力而為 , 知足常樂!
作者: LAWYIMYU 時間: 13-2-27 16:48
回復 fabsum 的帖子
咁又係喎,細個果陣一出嚟做嘢,搵6千,都可以買5千5蚊一隻錶送俾DADDY;搵1萬唔夠果時,零存整富又可以唔知點解儲成8千;依家搵幾多駛幾多......真係好唔明 其實香港人有無錢嘅人都好,我覺得係慣性大駛,剩係睇全世界換電話的排名就知我地香港人勁啦^.^
作者: LL222 時間: 13-2-27 16:50
是否成為中產講幼稚園既討論區，我不敢說，
但肯定是克制有教養家長講幼稚園既討論區。
不信？你去高x post多次睇睇。
作者: moonyuen 時間: 13-2-27 18:01
其實六，七萬收入對有d人黎講都唔夠洗，但有d人有六，七千收入已經好足夠，其實最仲要心裡滿足，唔需要同人比較，亦唔好羨慕人，家家有本難諗的經。
我都有報私校同學卷，只是想找最合適的給小朋友，我唔可能比世上最好的給我小朋友，但係響我能力負擔到加上合適的就已經係最好。
我沒有一份好工，老公亦一般，但我開心。😘
作者: Bmwbobo 時間: 13-2-27 18:20
我唸而家既時勢即使家庭收入六七萬應該都唔會話自己中產。事實上，而家樣樣生活指數都貴，如果月入六七萬而生活水平有番咁上下，應該都無咩$淨。
供樓~$15000
供車~$10000
小朋友學費+雞精班~$10000
伙食+交通~$10000
保險基金~$5000
家用~隨心
娛樂~隨心
其實唔會有$淨，我覺得中產係有唔錯質素生活，有$淨，亦唔洗擔心使費先係。而家可能要月入十萬先係中產。
(純分享，不喜勿XXX)
作者: gulubma 時間: 13-2-27 18:46 標題: 回覆：Bmwbobo 的帖子
你計一樣很重要的開支-交税。我兩公婆今年要增加信用額先交到。
借tax loan, 每月交幾千又係麻煩！
作者: Andymammy 時間: 13-2-27 19:03 標題: 引用：我唸而家既時勢即使家庭收入六七萬應該都唔
原帖由 Bmwbobo 於 13-02-27 發表
我唸而家既時勢即使家庭收入六七萬應該都唔會話自己中產。事實上，而家樣樣生活指數都貴，如果月入六七萬而 ...
作者: 阿早! 時間: 13-2-27 20:11
本帖最後由 阿早! 於 13-2-27 20:12 編輯
香港多有錢人唔奇呀， 六合彩一星期都開兩三次啦
再望望半山跑馬地九龍塘九龍站有幾多層樓？ 唔好多有一層咩學費都夠比了。
作者: Jane1983 時間: 13-2-27 20:28
回復 moonyuen 的帖子
可吾可以分享吓，點樣可以開心d？
作者: lui 時間: 13-2-27 20:44 標題: 引用：Quote:Wishhavebb+發表於+13-2-27+10:41+回
原帖由 晞晞爸b 於 13-02-27 發表
其實香港真係有好多有錢人
之不過我地可能無留意...無可否認有好大部份人都係一般咋
由於工作關係.我做果 ...
作者: peter_pan 時間: 13-2-27 20:46
知足常樂！
當你賺十萬一個月的時候，你會發現有很多人賺五十萬一個月。
當你賺五十萬一個月的時候，你又會發現賺一百萬一個月的也不少！
其實在我們不斷往上看的時候，也應該經常往下望 - 住劏房，或露宿街頭，甚至三餐得不到溫飽的大有人在！
若能感恩，珍惜自己的一切，才能活得快樂。
作者: tamc9 時間: 13-2-27 21:05 標題: 引用：正所謂人人選擇不同，套陳靜沁個句：「關你
提示: 作者被禁止或刪除 內容自動屏蔽
作者: Moonlight819 時間: 13-2-27 21:27 標題: 回覆：你地真係好彩, 有份好工或好老公! (唔啱勿入)
我和老公的家庭總收入的而且確超過你所講的數目，所以將來囝囝讀幼稚園幾千學費確實不是大問題，但我們只是普通的打公仔，而我眼見香港真的有很多環境不錯的家庭，所以比上不足，比下有餘，自己覺得滿足，有個幸福家庭就夠了！
作者: BearBearMummy 時間: 13-2-27 22:22 標題: 引用：Quote:Wishhavebb+發表於+13-2-26+10:15+係
原帖由 melonfans 於 13-02-26 發表
各有前因莫羨人! 我覺得呢到家長吾係好彩, 係佢地有努力過, 先有成績, 有事業!
呢到講最難考同最多人考 ...
我倆來自基層，靠自己能力入大學，讀專科，讀碩士博士，所以係我地有好工，我靠自己眼光揀左個好老公佢喜歡負責所有家庭開支，佢亦憑眼光投資有好回報，背後負出、智慧、風險管理你看不到！
樓主你的妒火、眼界同分析力，係你向上的阻力吧。
作者: davywm 時間: 13-2-27 22:33
好羨慕
作者: tigerbaby0505 時間: 13-2-27 23:15 標題: 回覆：davywm 的帖子
我是全職母親，兩公婆沒有高學歷，老公是小老闆，他投資有道，現有樓收租，自己住嗰層亦都唔駛供，$6000學費都可以負擔。
作者: chansiub 時間: 13-2-27 23:26
公平說句，努力當然是有好生活的其中一個原因。敢問有誰夠膽說不是運？
作者: Christi 時間: 13-2-27 23:34
財爺月入30幾萬,佢今日夠話自己都係中產.真係無野好講!
其實,大家量力而為,好似財爺咁量入為出就OK啦.家家既故事不同,怎能概括話BK成為中產既討論區呢? 如果按財爺既標準,我諗呢度就真係好少[中產]......
作者: BBLAX 時間: 13-2-28 00:26 標題: 回覆：你地真係好彩, 有份好工或好老公! (唔啱勿入)
就算咩家境都有各自原因！含金鎖匙都係一個原因！無嘢值得探求！有無一份好工其實都有原因！我羨慕醫生收入但人地細個溫書好努力時，我玩到喪，怨邊個？我羡慕娛樂圈搵錢易，我又未必願意拋頭露面？！我送你兩層樓叫你收租續供，你敢嗎？Thats all about " Give or Take"! 你自覺處於低處但又不斷向上望，點會開心呢？香港太多你呢種不斷只問why 嘅怨人喇！你問我，我宜得所有我心儀嘅學校變哂直資！靠實力好過靠運氣！
作者: IPSSJ 時間: 13-2-28 00:29 標題: 引用：就算咩家境都有各自原因！含金鎖匙都係一個
原帖由 BBLAX 於 13-02-28 發表
就算咩家境都有各自原因！含金鎖匙都係一個原因！無嘢值得探求！有無一份好工其實都有原因！我羨慕醫生收入 ...
作者: chacolmom 時間: 13-2-28 07:55
i surf this site to read more about KG's, of course the popular ones get more attentions and comments. however, i dont agree that this is a forum for middle class only.
reading the posts here help me choose even between the local schools, cuz different parents have different focus, i didn't consider that much before coming to babykingdom. in addition, even reading your post i learn a lot. thanks for all your sharings!
we do have income that you proposed. of course, both my husband and i worked very hard in our school ages to gain the current status, and now working very hard to maintain our status. however, we picked a local school which accepts education voucher for my daughter, because that's how we began too!
btw, constant and humble learning from others is one of the keys to success.
in conclusion, i would only agree with the latter part of your title "你地真係好彩, 有份好工或好老公!" but NOT the first part, it is not "好彩" it is "努力"!!
作者: chelsea_jbb 時間: 13-2-28 08:15
回復 Wishhavebb 的帖子
其實我覺得d 人讀d貴學費的kg, 同買名品牌袋一樣的心態, 係為左面子lor. 不喜勿插
作者: cheung_chit 時間: 13-2-28 09:06 標題: 引用：其實搵朝唔得晚的人應該無咁得閒上來BK，+
原帖由 golfmama 於 13-02-27 發表
其實搵朝唔得晚的人應該無咁得閒上來BK， 所以上親來呢個討論區的人都可以話係有少少條件， 或者好似樓主咁 ...
但我認為，呢度大部分家長係有些錢，可以多些選擇，但唔係樓主講到好有錢。有幾百萬俾debenture, 或者諗住同黃仁龍梁錦松個女同級讀寶山的家長係唔會上bk的。
樓主其實無需理人地點解有錢，可以做咩。我估樓主可能較基層，但中產家庭一樣好難理解大孖沙的生活，總之在自己能力範圍俾最好的小朋友便可以。
作者: 晞晞爸b 時間: 13-2-28 09:22
曾司長話佢月薪30幾萬人工先算係中產 
咁我地呢D咪算係低收入/赤貧..
作者: lui 時間: 13-2-28 09:49 標題: 引用：曾司長話佢月薪30幾萬人工先算係中產+咁我
原帖由 晞晞爸b 於 13-02-28 發表
曾司長話佢月薪30幾萬人工先算係中產
咁我地呢D咪算係低收入/赤貧.. ...
作者: BBLAX 時間: 13-2-28 09:55 標題: 引用：回復+Wishhavebb+的帖子
其實我覺得d+人讀
原帖由 chelsea_jbb 於 13-02-28 發表
回復 Wishhavebb 的帖子
其實我覺得d 人讀d貴學費的kg, 同買名品牌袋一樣的心態, 係為左面子lor. 不喜勿 ...
作者: punlik 時間: 13-2-28 10:12
提示: 作者被禁止或刪除 內容自動屏蔽
作者: punlik 時間: 13-2-28 10:23
提示: 作者被禁止或刪除 內容自動屏蔽
作者: lui 時間: 13-2-28 10:27 標題: 引用：Quote:lui+發表於+13-2-28+09:49+有個EK+媽
原帖由 punlik 於 13-02-28 發表
買債券沒所謂， 都是少幾年既利息姐．如果真是好心儀個間學校，最多按左層樓去買當儲錢 最驚入去一闊三大 ...
作者: samuel89 時間: 13-2-28 12:02
lui 發表於 13-2-28 10:27
噢！不是幾年吧。幼稚園讀到中學畢業也12年吧！我反而認為遊學費也只是二三萬不是太過！
...
好奇一問......值嗎? 值在那? 謝謝!
作者: Wishhavebb 時間: 13-2-28 15:13
希望大家唔好以為我妒忌, 唔抵得...之類, 其實唔係, 我只係八卦, 但我其實唔應該好奇八卦, 有網友提咗我, 佢講得啱, 上得黎既, 一定唔會完全冇錢, 但又唔會好有錢, 佢地既選擇, 咪就係呢類咯, 我真係傻, 係非洲國家問, 點解咁多黑人, 但大家講吓, 傾吓, 未常唔好, 言論自由!!
但大家唔好再亂猜我! 真係八卦! 別冇其他!
作者: LAWYIMYU 時間: 13-2-28 16:47
回復 LAWYIMYU 的帖子
其實我唔覺得你心術不正,只係各有各見解姐^.^
| 歡迎光臨 教育王國 (/) |
Powered by Discuz! X1.5 |