教育王國

標題: 各位有否吩咐工人如何在家協助教小朋友? [打印本頁]

作者: mamath 時間: 13-2-25 12:10 標題: 各位有否吩咐工人如何在家協助教小朋友?

如題. 工人對小朋友的時間長, 你們會要求她們協助教導小朋友嗎? 請分享

作者: winya 時間: 13-2-25 18:07

read books

作者: Honey 時間: 13-2-26 16:36 標題: 回覆：各位有否吩咐工人如何在家協助教小朋友

7年來都冇，信自己好，仲可以親子。

作者: mamath 時間: 13-2-26 16:37

Honey 發表於 13-2-26 16:36
7年來都冇，信自己好，仲可以親子。

But I am not a FTM...

作者: Honey 時間: 13-3-1 22:01 標題: 引用：Quote:Honey+發表於+13-2-26+16:36+7年來都

原帖由 mamath 於 13-02-26 發表
But I am not a FTM...

我都要返工，晚上7點-8點回到家，仲要睇大仔功課或同細仔玩，冇問題架。

作者: anniellm 時間: 13-3-1 22:09 標題: 回覆：各位有否吩咐工人如何在家協助教小朋友?

提示: 作者被禁止或刪除內容自動屏蔽

作者: teambuilder 時間: 13-3-4 02:34

我覺得ＯＫ。Ｋ１以下程度的字母，數字，顏色，唱歌仔，日常對答等。。。我工人會要我個女用英文同佢對話，否則會扮聽唔明，有時聽到佢地的對話好好笑。我個人覺得，多數菲姐姐的英文雖則有怪口音，但都比好多本地人的英文好。可能我英文差，好多食物，用品的名稱都係菲姐姐講我先識。最好的例子：洗衣粉。

作者: bopui0607 時間: 13-3-4 09:27

don't expect too much. 唔好縱壊已偷笑.

作者: elmostoney 時間: 13-3-4 10:07

我有叫工人教, 因為兩個小朋友返全日, 大女九點上床, 細仔八點鬆d, 夜晚唔想佢地再做功課讀書, 因為小朋友都好攰, 其實效果唔好, 飯前我又比佢地出去玩一個鐘, 所以真係可以做野時間都係得一個鍾鬆d, 就算我肯自己負責哂, 都唔可以兩個同時做哂, 所以我會分d比工人.

中文就我自己跟, 同細仔讀英文書就一半時間我自己跟, 因為工人d英文發音唔得. 串字同數學都係工人, 因為d野都好簡單, 其實唔洗教, 只係比練習佢地做, 做完check下就得. 大女英文唔洗跟. 睡前讀書就一定係我, 讀15分鐘到45分鐘不等, 最近都讀得比較多, 因為讀緊一本兒童歷史書, 中間有好多解說.

作者: elmostoney 時間: 13-3-4 10:16

本帖最後由 elmostoney 於 13-3-4 10:18 編輯

我返半職, 下午match住小朋友放學時間返屋企, 工人點對小朋友我睇得好緊, 所以我又唔覺得存在縱壞情況, 只係未做到我理想中. 我兩個細路(剛5歲同快7歲)都係食完飯, 洗返自己套碗碟, 大女要自己沖涼 (抹身要幫), 換左d衫要自己放係洗衣籃, 朝早換校服要自己攪掂, 玩具要自己執 (執到8成已好好, 有時佢地唔夠力抬一d野, 要幫下), 自己倒水飲, 倒潟野要自己抹等等. 我大女鍾意煮食, 我鼓勵佢入廚, 工人睇實. 佢而家可以自己煎蛋. 平時炒下野, 切野都會d.

不過工人嘅野, 你要不停提佢, 因為對佢地來講, 自己做哂好過教個小朋友. 我唔比小朋友食剩野, 剩左就留返下餐食埋, 直至食哂為止, 我個工人好多時都要我提, 唔係下餐又比d新野佢食. 有時佢地又會唔記得, 攞定鞋比佢地 (supposed 要佢地自己拎)...好多細節野要媽媽自己留意, train得多, 你唔怕花口水, 工人知道你要求, 過左一段長~~~時間, 佢地會知你想要d物.

作者: mamath 時間: 13-3-4 10:19

elmostoney 發表於 13-3-4 10:16
我返半職, 下午match住小朋友放學時間返屋企, 工人點對小朋友我睇得好緊, 所以我又唔覺得存在縱壞情況, 只 ...

Thanks. Your case is very good reference. Were you a full time working mum before? I think it'll be good to work part-time, and then focus on children in the afternnon just as you do. And i am glad to learn that you asked your helper to teach your kids on their self-management, but not just academic.

作者: elmostoney 時間: 13-3-4 10:31

本帖最後由 elmostoney 於 13-3-4 10:34 編輯

當然係唔可靠哂工人, 有d野要自己實驗下. 好似今年一月初, 我個女開始學ballet, 最初換衫要人幫, 上到第三堂, 我叫佢自己換, 完全冇問題. 發覺佢d野好似垃圾咁塞係袋到, 咪要教佢摺好先放入袋, 物野要分類, 久不久我要check下, 又提工人睇下. 之後佢唔見左件leotard, 我地估佢漏左係更衣室, 我要求阿女夾$買返件, 雖然佢出細份我大份, 等佢知道有責任, 同$唔易得到. 做阿媽嘅, 就要幫佢諗辦法解決, 點樣唔會漏野, 問佢有物方法 (都要比佢參與, 用下腦), 佢咁細, 梗係冇物實際建議. 我咪叫佢以後要數返個袋有幾多樣野, 私底下就同工人講, 佢有責任make sure阿女講返咁多樣野比工人聽, 但係阿女面前, 我就一定唔會話係工人責任.

孩子出世後, 我都冇返full time. 即使返full time, 我覺得有d野可以自己係屋企做, 因為晚上回家都可以睇到: 食飯唔准餵, 有得三歲幾, 可以自己洗碗 (當然唔好要求乾淨); 買個細d水樽比佢自己倒水飲, 自己執玩具, 倒潟野要自抹...呢d係working mom返屋企都可以睇住小朋友做, 你做比工人睇, 佢先會跟.

作者: mamath 時間: 13-3-4 12:31

本帖最後由 mamath 於 13-3-4 12:31 編輯

elmostoney 發表於 13-3-4 10:31
當然係唔可靠哂工人, 有d野要自己實驗下. 好似今年一月初, 我個女開始學ballet, 最初換衫要人幫, 上到第三 ...

Many thanks.  I am very interested in the way you train them up.  Can you tell more about -

1. when did you start asking kids to feed themselves?  Can do as early as age 1.5?
2. how did you solve the problem if kids refused to eat by themselves or refused to work on themselves (e,g refuse to tidy up the toys)?

My son is very young still (age 1.5).  Anything i can train him up to do himself now? or is it too early to do so?

BTW, i am interested to learn what part time jobs are available for OL now, haha...

作者: elmostoney 時間: 13-3-4 21:46

本帖最後由 elmostoney 於 13-3-4 22:04 編輯

其實小朋友有意慾自己餵自己就可以比佢自己食, 唔好介意食到成地成身都係 (工人嘅惡夢, 所以佢地寧願自己餵), 又或食得慢, 因為呢個係學習過程, 中間你可以餵佢食下都無妨, 最緊要唔好樣樣都話唔得.  食完飯, 比佢自己攞返碗碟入廚房.

1.5歲小朋友可以叫佢自己抹返倒潟嘅野啦 (唔乾淨就預左, 不過都要盡量教佢), 有d自己用嘅野自己攞 (如手巾, bib, 襪呢d放係一個佢攞到嘅地方), 污糟衫換左可叫佢自己放係污衣籃呢d, 用杯飲水 (唔係zippy cup, drinking straw, 係真杯).  呢個age返montessori, 已比佢地自己由一個jar 倒水到另一個jar, 好快佢地就可以自己 "針" 水飲. 著襪著鞋都可以慢慢train啦.

其實小朋友咁細都會好想"自己做", 係大人唔比姐.  最緊要唔好怕佢地做錯, 做得慢, 有d野, 無關痛癢, 做錯冇所謂, 唔好事事指正, 否則好discouraging.  可以等佢自己體會, 又或做多幾次, 有成就感, 先慢慢教.

總之都係以小朋友能力決定.  我個女好lare fare, 成日食到成身都係餸汁, 件件衫都係漬洗唔甩.  佢剛六歲前, 我忍無可忍, 每次整污糟d衫, 返屋企要立即換出來叫佢自己手洗, 因為隔左夜就好多洗唔甩.  佢洗得多幾次, 食野就小心左好多.  過左一輪唔洗, 又係咁, 咪洗下, 慢慢就好好多.

都係見步行步, 我都有好多問題未解決, 佢好冇記性, 成日唔見野, 我到而家都未諗到點train 佢, 我都係學習中.

作者: elmostoney 時間: 13-3-4 21:59

本帖最後由 elmostoney 於 13-3-4 22:01 編輯

我以前試過, 佢唔執玩具, 我丟左佢d野. 又試過佢唔執野, 本來要出街, 佢冇份之類, 就算喊到拆更我都唔理. 但做呢d好難, 個心都不忍, 所以我會留返d容易做嘅moment去做(對大人來講) 但1.5歲太細, 你做左佢未必明, 可能只能一齊執.

至於唔食野, 我冇物呢個問題, 因為我兩個都好鍾意食. 好多人話, 佢唔食就由佢, 佢地咁細時我未試過. 正如我之前講, 大個左, 我就要佢食哂 (當然份量要適中), 否則就留返下餐至食完為止. 如果個餐有飯後甜品, 食唔完 (唔事先講), 即係冇胃口, 咁就冇份食甜品.

作者: mamath 時間: 13-3-5 15:10

elmostoney 發表於 13-3-4 21:46
其實小朋友有意慾自己餵自己就可以比佢自己食, 唔好介意食到成地成身都係 (工人嘅惡夢, 所以佢地寧願自己餵 ...

Many thanks! 我從未想過他自己去抹地, 又或者自己取鞋或socks... 最多只幫手掉垃圾. 我也叫過工人讓他自己吃, 但工人怕污糟, 老人家又話他太小未能控制肌用....

等我再試試先. 可能由我親身教會好一些

作者: bopui0607 時間: 13-3-5 17:15

回復 mamath 的帖子

其實做媽媽一定要親力親為, 自己試過, 覺得work, 要知道留意d咩, 再叫工人跟你做.

歡迎光臨教育王國 (/)