教育王國
標題: 有冇幼稚園天書介紹?? [打印本頁]
作者: lkwkenneth 時間: 13-2-23 20:36 標題: 有冇幼稚園天書介紹??
BB 剛出世一週, 先開始理幼稚園, 不過已經錯過唔少學校如救世軍, 乜都唔識, pn 係咩又唔知
作者: Chirley 時間: 13-2-24 01:32
回復 lkwkenneth 的帖子
pn即學前班個人認為唔駛買咩天書,係到爬多d文仲實際,當然慢慢你要自已分辦邊d真假
我之前都係乜都唔知,阿囝去到8,9個月先識黎做功課,
你可以先睇下自已屋企附近d幼兒,再上網睇下人地講嘅幼兒,
慢慢你會揾到條路,
本書嘅錢慳返算啦
作者: 剛果公主 時間: 13-2-24 19:02 標題: 回覆:Chirley 的帖子
提示: 作者被禁止或刪除 內容自動屏蔽
作者: ngngachun 時間: 13-2-24 21:38 標題: 回覆:有冇幼稚園天書介紹
其實圖書館有得借啦,年期未必Update,不過很多資料其實無大改動。

作者: lkwkenneth 時間: 13-2-26 12:06
Chirley 發表於 13-2-24 01:32 
回復 lkwkenneth 的帖子
pn即學前班個人認為唔駛買咩天書,係到爬多d文仲實際,當然慢慢你要自已分辦邊d真假 ...
我明係度爬文有用, 但依度既topic太多太散,
我連d 基本知識都唔夠, 都唔知點問!
所以我想買本好既書, 再係度爬文
係書局睇過幾本書, 但是內容千篇一律, d 資料全部係抄教育城網站個學校概覽既, 都幫唔到我!
btw, 救世軍係咪真係唔洗諗? d人未生已經申請!
作者: Chirley 時間: 13-2-26 13:29
回復 lkwkenneth 的帖子
邊個同你講救世軍已經唔駛諗?? 你試左啦? 定係學校已經REJECT左你?
我講自己既經驗你聽下...
我都想幫囝報救世軍N班, 果時係阿囝8, 9個月大左右既事,
到入FORM, 第1次學校叫我遲D先去因為係SUMMER佢地執緊學校,
第2次我老公去D職員知道我囝係細B (11月底)叫我地唔駛報都得因為多數唔收咖啦,
後來, 我係FB到知道, 有幾個同年細B都俾救世軍學校收左...
佢地都唔係BB一出世就去排...咁當然你第一時間馬上去排既可能性或機會大D,
遲左都唔係無可能...只係你點去把握同彩數...
我地就係信果個所謂既職員講, 點知連INTERVIEW都無機會...
你都知道D所謂天書無用, 呢度topic太多太散都因為係人地講自己想知既野...
有邊個開始時就有識呢D野都係慢慢浸出來睇多D...同埋咩叫『基本知識』呢?
無人可以話到你知你應該點做, 而家唔係打機玩攻略呀...
你個BB都係幾個月人仔, 可以開始先知道下你自己果區有咩學校,
好似我咁心紅D既咪睇埋隔離區有咩學校...總有D學校你會係心水咖,
咪再去睇下關於果間學校既資料, 有問題咪搵人問
仲要諗下你想俾D咩俾小朋友, 想佢讀D較谷既學校定係開心既學校,
最少你想小朋友讀有學卷既? 定係無學卷既經濟上都支持到?!
小朋友又受唔受到你想俾佢果套...佢地慢慢大你先知咖...都係一路變,
同埋做家長都要付出好多咖...都要做好多功課
我都係阿囝8, 9個月先意識到係咪要幫佢睇下學校之類,
你都比我早好多啦...只係到煩惱係無用的,
開始行動第一步吧...
作者: lkwkenneth 時間: 13-2-26 15:33
Chirley 發表於 13-2-26 13:29 
回復 lkwkenneth 的帖子
邊個同你講救世軍已經唔駛諗?? 你試左啦? 定係學校已經REJECT左你?
咁我個BB 2013年2月出世, 係咪應該報2015年9月既n 班?
係咪算所謂既大B?
作者: Chirley 時間: 13-2-26 15:44
lkwkenneth 發表於 13-2-26 15:33 
咁我個BB 2013年2月出世, 係咪應該報2015年9月既n 班?
係咪算所謂既大B?
哎呀原來我仲搞錯你係另一個問相同問題既人
咁你個B咁細個...唔駛咁早咁煩腦呀 -_________-""
你個B係大B,
總之你記得香港報學校既N班要足2歲入學,
K班要足2歲8個月...你可以自己計...
再提提你有D學校係要足歲先俾你報/排,
有D就全年報有D就係指定日子報...
詳情向你想報既學校查詢...
作者: simoncho1 時間: 13-2-27 12:16
提示: 作者被禁止或刪除 內容自動屏蔽
作者: lkwkenneth 時間: 13-2-27 14:02
simoncho1 發表於 13-2-27 12:16 
其實你係EK睇下人地D COMMEND, 之後再直接去睇下間PG...
一般佢都WELCOME你的........
聽人講, 不過自己去 ...
依個都會做, 但始終一開始資料好多好亂, 例如我剛剛先知道原來
人地講既 n 班, pn, 2歲班, 原來都係同一樣野, 唔怪得一頭暮水......
作者: simoncho1 時間: 13-2-27 14:27
提示: 作者被禁止或刪除 內容自動屏蔽
作者: 小洪寶 時間: 13-2-27 19:54 標題: 回覆:simoncho1 的帖子
agree
歡迎光臨 教育王國 (/) |
Powered by Discuz! X1.5 |