教育王國

標題: 請問有冇媽咪上過香港言語社區治療中心？ [打印本頁]

作者: rachael825 時間: 13-2-23 14:42 標題: 請問有冇媽咪上過香港言語社區治療中心？

佢哋嘅語言training 好唔好？

作者: LongMom 時間: 13-3-18 12:20

之前去過觀塘個間, 因仔仔用英語, 中心介紹洗姑娘, 人很好, 很有耐性.

作者: szehangmama 時間: 13-3-21 13:09

請問收費貴嗎?

作者: JHsbb 時間: 13-4-10 22:52

我女舊年2月上過, 唔平架, 45MINS 單對單750蚊, 買10次套票有9折, 但我上左4堂無上, 因為治療師轉左我女時間, 我女之前夠精神上, 轉時間後唔夠精神, 上堂唔可以專心, 所以佢地肯REFUND比我....(之後5月尾去醫院睇, 睇到依傢上左8堂, 進度非常理想)

作者: couple 時間: 13-5-10 14:23

how old is your kid?

作者: weiweibb 時間: 13-5-14 07:09

回復 JHsbb 的帖子

請問怎樣轉去醫院睇？要排很耐嗎？

作者: JHsbb 時間: 13-5-14 11:56

couple 發表於 13-5-10 14:23
how old is your kid?

現在4.5歲

作者: JHsbb 時間: 13-5-14 12:01

weiweibb 發表於 13-5-14 07:09
回復 JHsbb 的帖子

請問怎樣轉去醫院睇？要排很耐嗎？

你要先去健康院見醫生拎轉介信去容鳳書兒童健康發展中心, 跟住見姑娘問問卷, 再排期見治療師, 見到治療師會寫信比你轉介去醫院排期, 呢度真係攪好耐, 我係個女1.5歲已經發覺唔多講野, 2歲2個月自己打去容鳳書, 因為BB時期佢做聽力TEST 2次都唔合格, 所以直接有信去容鳳書見, 自始小朋友有任何問題直接打去容鳳書排期, 唔駛再浪費一輪時間去健康院再轉介, 佢話我女了急急地, 咁等了1個月去見拎埋信去醫院排, 我排了8個月. 呢8個月期間我去了私家囉

作者: weiweibb 時間: 13-5-15 10:15

回復 JHsbb 的帖子

你咁早發現同埋識得幫佢跟進就好啦，我兩個小孩就四歲了，早於兩歲時都發現佢地講野唔太叻，但我媽成日話男仔係咁遲先識，唔駛花錢見私家，我去健康院幾次，佢地又話足四歲先可見醫生。唉，宜家佢地番左幼稚園，講野係多左好多，但我覺得佢地應該係語言遲緩加上發現不正。打過去問上面果間中心，但又係話要排隊，唔知幾時有位。

，

作者: weiweibb 時間: 13-5-15 10:18

回復 JHsbb 的帖子

請問你覺得這中心治療師好嗎？你那位是十年以上還是十年以下經驗的呢？

作者: JHsbb 時間: 13-5-16 02:13

weiweibb 發表於 13-5-15 10:18
回復 JHsbb 的帖子

請問你覺得這中心治療師好嗎？你那位是十年以上還是十年以下經驗的呢？ ...

因為我大仔講野好叻, 所以我有比較, 我大仔19個月大已經講句子, 22.5個月大已經可以好似大人咁講野對答, 所以見到妹妹咁我好早就發現到......

跟我個位治療師好似係鄧姑娘, 我覺得麻麻地, 因為佢講野好悶

作者: weiweibb 時間: 13-5-16 09:19

回復 JHsbb 的帖子

唔該晒您！

歡迎光臨教育王國 (/)