教育王國
標題: 想請問做過過來人既你哋分享下 [打印本頁]
作者: momofish2002 時間: 13-2-22 09:02 標題: 想請問做過過來人既你哋分享下
我囝讀緊n班，但有一間名幼收佢K1、但宜家間幼稚園其實唔差，K1如𨍭校都因為名氣！
其實我想知，係咪讀名幼稚園既小朋友扣門考小學真係會有優勢？
我好怕選擇，好似我囝命運在我手咁！
作者: seamama 時間: 13-2-22 09:42 標題: 回覆：momofish2002 的帖子
是，名幼不是單靠名氣，而是他們的訓練可能比較適合考小學！
作者: ms.giggle 時間: 13-2-22 09:54 標題: 回覆：想請問做過過來人既你哋分享下
我都知道個別小學会加分给個別名幼。
作者: seamama 時間: 13-2-22 09:59 標題: 回覆：ms.giggle 的帖子
加分可能是學生的表現，我眼見很多名小的小朋友，除學術成績外，自理能力、自信及表達能力均比一般屋村幼稚園的小朋友好！
作者: 喵媽 時間: 13-2-22 10:00
seamama 發表於 13-2-22 09:42 
是，名幼不是單靠名氣，而是他們的訓練可能比較適合考小學！
同意, 但不讀名幼又不代表考不到名小學, 不過就要自己教!
如果樓主係想考直/私校, 選名幼會好啲, 老師既話有用過阿媽10陪!
作者: 四隻貓 時間: 13-2-22 10:15
介唔介意開名講係邊間?
名校係幫到手, 但最主要還是要靠家長自己教導. 當然, 如果家校配合到, 對教育孩子就更加事半功倍.
有位朋友剛同我傾, 佢話囝囝當年考到St Cat, 佢成家開心到震, 諗住今次唔駛愁, 囝囝英文實會好. 所以佢K1果年完全無咩理小朋友既學習. 到K2後期準備考學校, 先發現囝囝係學術同自信都唔多夠, 立即做野, 跟緊d, 自己教又出去學野, 但時間太短, 之後都考唔到理想小學, 現在係小學成績亦一般.朋友有點後悔.
所以名校係有幫助, 但最緊要都係家長自己點培育孩子.
作者: Jojoju 時間: 13-2-22 10:19 標題: 回覆：momofish2002 的帖子
我本人好少出聲，但見到樓主嘅帖好想分享下。
個人經驗話我聽小朋友嘅性格好重要。我個仔今年K3，當年K1讀另一間輕鬆幼稚園，性格好開朗，K2嘅時候我轉咗佢去另一間唔係好名校，但程度深D嘅幼稚園英普班。依兩年學業上佢叻咗好多，英普程度、認字、甚至數學我都好滿意。但我從前嘅happy sunshine boy冇咗。佢有新朋友，但睇得出互相有比較，壓力大咗而心情唔會自然由衷地開心。
最近Interview時期，佢表現麻麻，通常有2nd int 嘅都係因為有worksheet, 因為學術上佢冇問題，但對答佢冇其他小朋友咁活潑開朗...
如果再嚟過，我唔一定會轉校。可能係我自己個仔嘅性格問題，所以我覺得小朋友本身好重要。
作者: cuccw 時間: 13-2-22 10:34
回復 Jojoju 的帖子
妳嘅故事未完，咁又未必如此。依家小一中英數程度，讀小一時就知得著。再去到叩門階段，妳就知其他小朋友嘅分別。小朋友開唔開朗，家長要教他們放鬆呀。我地以前細個小一中文第一課是「花、一朵紅花、一朵漂亮的紅花」，不妨看看現在小一嘅書，一大篇文章，下學期有文言文。
作者: cuccw 時間: 13-2-22 11:00
回復 四隻貓 的帖子
St cat不嬲重點不在深，出名在於在輕鬆愉快冇功課，小朋友英文又得。每日3小時很短，做家長一定要配合教自己孩子才可。有朋友在LH讀，K3連基本加數都攪唔掂，但她現上了小一，進步很多很快，她起碼英文talk得，有時要時間才消化到。每個小朋友特質唔一樣，學校只是其中一樣輔助，不能說讀完xx名校變神童。只能說叩門時津校真的偏向收有名氣嘅幼稚園生，bonus而已。
作者: sissysze 時間: 13-2-22 11:05 標題: 引用：介唔介意開名講係邊間?名校係幫到手,+但最
原帖由 四隻貓 於 13-02-22 發表
介唔介意開名講係邊間?
名校係幫到手, 但最主要還是要靠家長自己教導. 當然, 如果家校配合到, 對教育孩子 ...
作者: 喵媽 時間: 13-2-22 12:15
本帖最後由 喵媽 於 13-2-22 13:37 編輯
Jojoju 發表於 13-2-22 10:19
我本人好少出聲，但見到樓主嘅帖好想分享下。
個人經驗話我聽小朋友嘅性格好重要。我個仔今年K3，當年K1讀 ...
又唔係個個一樣, 我仔PN讀一間屋企附近既老牌幼稚園, 課程算深但不算名幼, 佢好開心好開朗!
到K1我同佢轉咗出去一間開心學習幼稚園, 讀一個月日日都冇咩笑容, 見到D小朋友著住PN幼稚園校服就話想返去, 日日講足一個月...而又因為要坐校巴相對少咗好多時間亦學阿仔辛苦, 最後再轉番PN既幼稚園到依家K3.
佢K2 & K3都係全校名惡既老師教, 老師嚴, 平日上堂亦無互動係單向, 課程亦算深, 不過阿仔都好開心, 佢到依家都話K1間開心愉快學校唔好, 依家呢間最好... 都唔知係咪佢怪...
mouth:" />
而佢仍然係一個超開心外向既小朋友!
作者: Jojoju 時間: 13-2-22 12:32 標題: 回覆：cuccw 的帖子
Cuccw, 多謝你嘅鼓勵。老師都話唔擔心佢學術上嘅嘢，我地宜家喺心儀小學嘅waitlist,希望6月後有人放位。
家中亦儘量令佢輕鬆，但最大壓力來源反而係朋輩，小朋友食茶點時會話自己有幾個offer,然後我個仔又返嚟問我有冇學校收佢...
我覺得個遊戲比較玩揀outgoing, outspoken嘅小朋友，當然上到小學埋位讀書又另一回事..
作者: momofish2002 時間: 13-2-22 13:09 標題: 引用：我本人好少出聲，但見到樓主嘅帖好想分享下
原帖由 Jojoju 於 13-02-22 發表
我本人好少出聲，但見到樓主嘅帖好想分享下。
個人經驗話我聽小朋友嘅性格好重要。我個仔今年K3，當年K1讀 ...
作者: momofish2002 時間: 13-2-22 13:17 標題: 引用：Quote:seamama+發表於+13-2-22+09:42+是，
原帖由 喵媽 於 13-02-22 發表
同意, 但不讀名幼又不代表考不到名小學, 不過就要自己教!
如果樓主係想考直/私校, 選名幼會好啲, 老師既話 ...
作者: momofish2002 時間: 13-2-22 13:21 標題: 引用：Quote:Jojoju+發表於+13-2-22+10:19+我本人
原帖由 喵媽 於 13-02-22 發表
又唔係個個一樣, 我仔PN讀一間屋企附近既老牌幼稚園, 深程算高但不算名幼, 佢好開心好開朗!
到K1我同佢轉 ...
作者: momofish2002 時間: 13-2-22 13:24 標題: 引用：Cuccw,+多謝你嘅鼓勵。老師都話唔擔心佢學
原帖由 Jojoju 於 13-02-22 發表
Cuccw, 多謝你嘅鼓勵。老師都話唔擔心佢學術上嘅嘢，我地宜家喺心儀小學嘅waitlist,希望6月後有人放位。
家 ...
你平時帶佢多d去公園玩下relax下。
作者: seamama 時間: 13-2-22 13:26
喵媽 發表於 13-2-22 10:00 
同意, 但不讀名幼又不代表考不到名小學, 不過就要自己教!
如果樓主係想考直/私校, 選名幼會好啲, 老師既話 ...
"老師既話有用過阿媽10陪!"
作者: momofish2002 時間: 13-2-22 13:34 標題: 引用：介唔介意開名講係邊間?名校係幫到手,+但最
原帖由 四隻貓 於 13-02-22 發表
介唔介意開名講係邊間?
名校係幫到手, 但最主要還是要靠家長自己教導. 當然, 如果家校配合到, 對教育孩子 ...
同樣地何文田維記收咗佢英普下午班，維記難入又有名氣，放棄好可惜，不過讀維記唔代表唔洗補，一樣要，要train埋佢坐定定，但佢要坐校車返學放學，回到家其實無咩時間學野，我怕小朋友好赲！
如果放棄維記繼續讀Boxhill, 我怕去考直資/私考或扣門時又無維記有優勢，自己成日諗究竟關唔關事，就快諗到儍
！
根德又on waiting list, 所有只有這兩間選！
作者: Bao.Jin.Dup 時間: 13-2-22 14:11 標題: 回覆：想請問做過過來人既你哋分享下
係唔係名幼唔緊要，最緊要係家長有冇心去幫小朋友，小朋友既自信心最緊要係由家長去幫佢地建立。
作者: momama 時間: 13-2-22 14:40 標題: 回覆：想請問做過過來人既你哋分享下
有邊個家長入咗名幼冇再加課外？
作者: JL3 時間: 13-2-22 15:07 標題: 回覆：momama 的帖子
一針見血！
作者: momofish2002 時間: 13-2-22 16:52 標題: 引用：有邊個家長入咗名幼冇再加課外？
+
原帖由 momama 於 13-02-22 發表
有邊個家長入咗名幼冇再加課外？
作者: Jane1983 時間: 13-2-22 19:11
momama 發表於 13-2-22 14:40
有邊個家長入咗名幼冇再加課外？
作者: RubyS 時間: 13-2-23 00:51 標題: 回覆：想請問做過過來人既你哋分享下
如果樓主怕選擇，張來更多野揀！
入小一今本唔到家長㨂！名校更唔洗講！
如果一心唔考名校，一個普通又開心的幼稚園也是好選擇！
反正名幼稚園跟入名校只是基本門檻！
希望縮窄樓主選擇範圍！
作者: WingBB-222 時間: 13-2-23 01:08 標題: 回覆：momofish2002 的帖子
坦白講，我唔認為維記對考小學有好大優勢到你要小朋友轉學.
作者: Parisienne 時間: 13-2-23 07:54
本帖最後由 Parisienne 於 13-2-23 08:21 編輯
我唔係太明，樓主當初in名幼時，乜唔係決心會轉先in咩？而家名幼收，應該好開心先啱！否則in咗又唔轉，唔轉又要in⋯好矛盾囉！
你in都因為相信名牌會為自己帶來信心和優勢啫，唔通只想考阿仔實力咩？定維記下午唔係首選？
有人話名氣重要，有人話唔重要⋯⋯既然無人講到轉或唔轉到底帶來結果如何，而你個仔同人地個仔又唔一樣；你又係信名牌效應先去in維記，而家咁好彩考到咯，咪轉間更出名囉！費事到小一面試時，你先後悔當初為何考到又唔轉！
我是從心理角度分析轉唔轉的後悔程度。
我覺得，你唔轉，小一結果順利還好，唔順的話，你是會自責的⋯
但轉的話，若然小一結果順利，你會慶幸今天轉校，但唔順，你都叫做已經努力試過更出名的。
所以，一係當初咪in名幼，唔讀就好難取捨。
有無聽過，一係唔好買六合彩，買咗就要對。唔諗住對，就咪鬼買啦！中咗又唔攞獎？唔通嫌少錢，車費都蝕埋？
作者: momofish2002 時間: 13-2-28 15:08
本帖最後由 momofish2002 於 13-3-1 01:56 編輯
Parisienne 發表於 13-2-23 07:54
我唔係太明，樓主當初in名幼時，乜唔係決心會轉先in咩？而家名幼收，應該好開心先啱！否則in咗又唔轉，唔轉 ...
好多謝你既竟見, 不過我最終放棄了維記留原校!
當初IN維記時都係11月, 仔仔都係返咗BOXHILL 3 個月, 未睇到學校教出黎既野好唔好, 所以咪幫佢報下其他學校等多個選擇, 但我只報KV AND VIC.
現在仔仔已返學半年, 已經睇到佢學識唔少野, 亦感覺到學校對小朋友既關愛, 而且早兩日收到學校通知可以轉上午班, 對於作息時間, 飲食安排, 課外活動編排都好安排, 咁成個結論又唔同晒, 最終都係選近既學校對佢好處多一點, 相對因靠名氣去博入到好既小學, 好似咁決定唔係咁好, 因為無人GUARANTEE到!
另外萬一佢有咩唔舒服, 或打風落雨, 間學校咁近屋企我可以十分鐘就到, 第一時間接走佢, 唔洗塞多條隨道!
名校係好難入, 真的很感謝維記比機會我仔, 所以先想聽下其他家長意見, 自己再認真分析一下!
其實好多人都會報幾間幼稚園包括名校, 而有OFFER的都要決擇一番!
每個小朋友情況都唔同, 最終家長都係要適合的幼稚園比小朋友, 但願每個小朋友讀書都順順利利, 考到心儀既學校, 祝大家既小朋友都身體健康, 學業進步!
| 歡迎光臨 教育王國 (/) |
Powered by Discuz! X1.5 |