教育王國

標題: 有關S位轉I或E位問題~~請大家俾點意見!! [打印本頁]

作者: gover111 時間: 13-2-21 02:15 標題: 有關S位轉I或E位問題~~請大家俾點意見!!

本帖最後由 gover111 於 13-2-21 02:24 編輯

小女2011年8月係大口環評估為自閉証,整體發展遲緩,果時佢社交弱,眼神接觸小,唔識講野,醫生幫我地排左S位

咁佢而家係保良局一間有I位既幼稚園讀緊N班,由舊年9月開學到而家半年,佢進步好多,由一隻字都

唔識講到而家可以同我地簡短溝通,同埋佢而家模仿好左,開始跟我地講野,而且社交都好左好多,會

望住我地,等我地俾反應佢,而會主動問野,見到佢認識既野又會好開心話俾我地知咁我地應該今年

會收到S位通知,不過前2日同校長傾過,校長覺得阿女可以唔使去S位,因為佢話驚S位既環境刺激反

而對阿女小左,始終S位既小朋友同主流既小朋友相對可能語言,反應,互動都會差D,驚阿女入到去反

而無咁大進步,佢提議我地可以去同醫生講由S位轉I位,照讀返呢間學校排隊.

咁我聽到校長咁講當然開心啦~起碼佢地都認同阿女進步不小,但係我又驚自己簡錯,始終S位密集訓練

對比起I位既支持多好多!其實我諗過之後,就覺得如果排I位不如排E位,最多辛苦小小起碼1星期有2,3次

訓練,對阿女都好D.

問題就係:我想請問大家有無試過呢D情況??大家又覺得我應該俾阿女讀I定S呢?我打過俾大口環果邊,

佢答我話評估就唔會再做,叫我叫校長寫信話俾醫生知阿女有幾大進步,有咩進步,咁再俾個期我約覆疹

見一見,睇下點,醫生肯唔肯幫手轉I或E位呢??

P.S.返左學大半年,呢間學校俾我感覺係D老師,姐姐都好好,又肯教我女,因為一開始交學費時我地已講明

阿女情況,個主任好好人咁安慰我,佢話佢自己都係I位老師出黎,就算呢D問題佢地都會收阿女,只要俾佢地

知道阿女既情況,有咩問題,可以配合返去俾小小訓練佢,之後返學到適應之後都睇得出阿女好鐘意返學,

而且佢地又會叫我將阿女返訓練時果個星期要做既野COPY一份俾阿女既老師,會照俾返教具佢訓練,所以

如果真係可以而阿女又應付得來我都唔想轉校.你地知啦,出面好多學校知道小朋友有問題就未必肯收架麻

作者: pocoyo123 時間: 13-2-21 13:58

如果你想轉排隊的話, 咁就叫校長寫信比你, 如果醫生又覺得OK, 都可以用舊NUMBER排, 不過E位係好多人排, 可能仲有排等, (E位一星期好似得一堂喎, 無2,3次咁多), .
你又可以CHECK下你現讀的KG今年有幾多I位畢業, 排到幾時, 如果好快有位, 你可以轉I位又唔使轉校, 再加出面一些私人訓練咁OK

作者: Chaochao 時間: 13-2-24 22:46 標題: 回覆：gover111 的帖子

提示: 作者被禁止或刪除內容自動屏蔽

作者: Chaochao 時間: 13-2-24 22:55 標題: 回覆：gover111 的帖子

提示: 作者被禁止或刪除內容自動屏蔽

作者: gover111 時間: 13-2-25 01:07

多謝大家既意見,我而家等緊學校封信啦

作者: pigsty 時間: 13-3-11 00:38

回復 gover111 的帖子

你阿女有進行步真好! 我個仔排E位想轉I位，現在要選學校，可可透露下阿女讀的學校是哪一區?

作者: HopeLJ 時間: 13-3-11 06:27 標題: 回覆：有關S位轉I或E位問題~~請大家俾點意見!!

我會轉I。如果E位一星期得一堂，咁I位每兩星期都有一堂ST 。仲有你校長咁好，可遇不可求，你放心讀呢三年幾，小朋友讀得開心，已經小很多情緒行為問題要處理，可專心提升各方能力。

歡迎光臨教育王國 (/)