教育王國
標題: 靠記億彈琴 [打印本頁]
作者: LeeCC 時間: 13-2-20 13:34 標題: 靠記億彈琴
本帖最後由 LeeCC 於 13-2-20 13:46 編輯
阿仔4歲半，hea學琴剛剛一年，近一個月，忽然會雙手彈啲歌仔，廣告歌，國歌，呢啲歌都無琴譜，他話係自己聽咗，自己彈嘅，冇人教
朋友話可能係資優，因爲覺得他有資優生其他特質，例:3歲可自己坐定研究新玩具大半個鐘，同理心比同齢強，等等，叫我帶他測驗，晤好浪費天份
請問有冇需要呢？
知道資優又要點做呢？ 自問經濟麻麻，不能負擔直資，私立小學，怎栽培呢 ？
其實，我有想過，這根本晤係咩資優，個個小朋友學過下樂器都會做到，因爲我自己細個學過下口風琴，個時都可以自己彈到啲廣告歌，電視劇歌，都冇人話我係資優
作者: lillymarie 時間: 13-2-21 12:16 標題: 回覆：靠記億彈琴
可能有音樂資優，考慮一下考演藝學院。
現在年紀還小，測了亦未必準。但你可按他興趣教他多一點。有兩樣很值得做的事，一。閱讀。 二. 天文地理的課外知識。
作者: LeeCC 時間: 13-2-21 13:39
謝謝意見
演藝學院會收咁細的學生嗎?是否好貴?
音樂事務處只收6歲以上,我弟弟7歲係個度學敲擊樂,學到8級,佢話好易考,拍下拍子,聽下高低音,同老師傾幾句就收咗佢
學費比私人平,我應否6歲帶佢去試下?因為我弟弟后期都係演藝上課的,不過唔知有冇鋼琴,還是俾佢學第二樣樂器
佢都好中意睇書,不過中意D天馬行空的故事，我會陪佢睇多D天文地理的書
作者: lillymarie 時間: 13-2-21 14:03
有些樂器最細年齡是五歲， 可到以下網站看看：
http://www.hkapa.edu/asp/music/m ... ng=tch&mode=gui
鋼琴不容易，若小朋友興趣濃厚，可考慮找好老師好好栽培他。
有機會帶小朋友到博物館，科學館， 太空館，動植物公園，濕地公園等等，讓他多接觸不同事物，對他將來學習會有幫助。
作者: LeeCC 時間: 13-2-28 11:03
阿仔憑記憶彈左一首老師係學校的樂曲,成1分鐘，佢話冇字唱嘅,仲好詳細解釋成首曲分幾多段,第一段慢係代表乜,第二段高8度又代表乜,快又係乜,低音又係乜
我問老師要琴譜,昨天拿回來,一睇,原來阿仔右手彈D音同拍子全中,琴譜后面註釋,講下每段快慢高8度代表的意思，又係全中
作者: lillymarie 時間: 13-2-28 11:36
LeeCC 發表於 13-2-28 11:03 
阿仔憑記憶彈左一首老師係學校的樂曲,成1分鐘，佢話冇字唱嘅,仲好詳細解釋成首曲分幾多段,第一段慢係代表乜 ...
作者: LeeCC 時間: 13-2-28 11:51
上星期六俾鋼琴老師睇段片,老師拿琴譜俾佢睇先,星期六會俾
作者: LeeCC 時間: 13-2-28 11:54
佢的音樂記憶力真的很強,佢呢排自己試彈少年無知,激死
串字就連CAR教咗幾個星期都未識,唉
作者: lillymarie 時間: 13-2-28 12:03
音樂記憶力和讀書的記憶力是兩回事，不一樣的。
小朋友有機會是音樂資優。
作者: babyislove 時間: 13-2-28 13:46
本帖最後由 babyislove 於 13-2-28 13:50 編輯
你小朋友真係好叻!
我自己學開琴，但係一向都要睇住譜先彈得出。
其實佢咁細個，唔需要咁快集中train一樣o野。俾D空間佢發揮!
作者: LeeCC 時間: 13-2-28 15:07
他的問題就係睇譜慢，同晤中意睇譜，他話，我聽咗就識彈，點解老師仲要我睇譜學？
作者: lillymarie 時間: 13-2-28 15:52
我細囝小時候亦有類似的表現，當然無你囝囝那麼厲害可以背到一分鐘的音樂。當年他只在通利上過音樂班，有一天突然在鋼琴上單手彈一首卡通主題曲，而且和電視播的音調一樣。我當時覺得他在音樂上可能有些能力，於是讓他學小提琴。
初學小提琴時，老師拉一句，他當時只學了幾個指位，竟然可以準確地照着拉出來。老師說他的聽力很好，所以進度好快，一首歌練到第三日已幾乎可以背。不過，他這樣亦出現了一些很大的問題。
第一，他起初睇譜很慢，因為練到第三次，他已不大看譜憑記憶。結果他很少機會練習看譜。
第二，他因為進度太快，基本功不好。
第三，他憑記憶練琴，結果有錯的地方好難改正，小提琴弓法有上有下，他只記音樂不記弓法，起初可說是亂拉一通。
他初初跟現在的老師，要由零從頭學過，改返好基本功和逼他看樂譜。老師說他在樂團工作，有時演奏的樂譜一本書那麼厚，有時還會拉現代作曲家的歌，不懂看譜怎辦？
囝囝現在看樂譜的能力改善了許多，那種“特異功能”不再明顯，但有時老師唱一段給他聽，叫他跟着拉，他不專心的話，會不小心拉了老師唱的調，而不是樂譜的調。哈哈！
作者: babyislove 時間: 13-2-28 16:01
本帖最後由 babyislove 於 13-2-28 16:04 編輯
回復 LeeCC 的帖子
share吓我姪仔o既case:
佢有好嚴重o既自閉症，佢有學琴，但係睇譜唔ok，佢係靠老師彈首歌而記住點彈，之後就可以慢慢跟住自己彈出o黎。
相信因為佢喜歡學琴，先有咁o既效果。
另外，佢會自動自覺練琴。反而一D佢無咩興趣o既，要"迫"佢先肯練(e.g., 講故事、朗誦etc)
作者: LeeCC 時間: 13-3-2 17:33
今朝學琴,老師睇完琴譜,話會教佢,不過要佢練好基本琴書的練習先
佢話幾好記憶力,都要練好基本功,我覺得今堂老師對佢拍子,視譜要求高咗,一向一句拍子不太準,佢會放過佢,叫佢回去練,今朝…,執一句拍子執咗1O次,要準哂先去下一句,
作者: LeeCC 時間: 13-3-2 17:37
不准佢馬虎,但阿仔都做到要求
我在旁,也發覺佢彈琴自然彈到重拍輕拍,老師從未教過
作者: lillymarie 時間: 13-3-2 20:07
本帖最後由 lillymarie 於 13-3-2 20:09 編輯
老師注重基本功是好事呀。演奏樂器除了頭腦之外，還需要訓練肌肉。囝囝的老師常勸他要勤練琴，因為手指肌肉亦會有記憶，但這muscle memory是要重覆練習鍛鍊回來的。有穏固的基本功，將來上到高級彈很深的歌，孩子可花多些時間在演繹上，而不需要在技巧上苦鬥。
作者: wendywaiwai 時間: 13-3-3 10:56 標題: 回覆：靠記億彈琴
我阿媽(60歲）的超級偶像蕭敬騰（25歲）是有讀寫障礙，年少時是問題青年，對著文字眼前會矇矓一片，但幸好獲得一名老師指引將 去搗蛋的精力去學打豉，最後彈琴無師自通，也是聽完曲子可憑記憶自彈出來，現在成日在演唱會自彈自唱及作曲，成為亞巨星！所以我覺得被人發現是資優生是幸運地被人發現其天賦才能配對到合適的位置，恭喜樓主，因為有很多人盡一生都搵唔到配對，浪費才華呢！
作者: LeeCC 時間: 13-3-3 14:44
是否資優並不重耍
最頭痛係佢的情緒問題
作者: lillymarie 時間: 13-3-3 21:21 標題: 回覆：靠記億彈琴
資優表示有較高的學習能力，仍需要後天的努力。
作者: LeeCC 時間: 13-3-5 16:11
lillymarie 發表於 13-2-28 15:52
我細囝小時候亦有類似的表現，當然無你囝囝那麼厲害可以背到一分鐘的音樂。當年他只在通利上過音樂班，有一 ...
他近排晤肯練老師教的指法，話自己都彈到，晤使跟老師嘅方法，又話琴書啲chord晤好聽，自己加料又加前奏，仲話自己改嘅好聽啲，咁我都覺得加咗料豐富啲，但到底係初級的琴書，左手梗係簡單㗎啦，基本嘅又晤肯練，眞係未學行先學走！
每日彈琴2-3個鐘， 但要我企定係度先肯練老師教嘅功課，仲要我逐粒音捉指法，彈1-2次就晤肯練，其他時間自己彈廣告歌，地鐵站背景音樂，學校聽到嘅聖詩，乜都彈一餐（全都冇譜嘅），又或者係學校歌書的歌，不過又自己加料，加前奏，自彈自唱，好enjoy！
我見到他咁喜歡音樂，也很欣慰，至少晤係沉迷電視or遊戲機，但他已經開始對其他事冇乜興趣，再係咁，晤知點？加上有情緒問題，唉，點考小學 呢？
我又驚我嚴厲捉指法，令他反感，我又希望不要抹殺他的創作熱誠，點平衡呢？
他係學校係細仔，乜都包尾，冇乜自信，但一坐上琴前，成個人醒晒，好自信，好投入
作者: lillymarie 時間: 13-3-5 17:20
回復 LeeCC 的帖子
其實你有無將佢呢些情況講給老師聽呢？學音樂的事，最重要還是由老師去處理。我地只係提醒和鼓勵小朋友去完成老師給的功課咋。
老師有責任讓小朋友信服，為何A方法比B方法更好。
例如我細囝最近開始學鋼琴，老師要他的手指一定要曲，她會示範給他看為曲的手指和直的手指彈出來的聲音不一樣，又在他手臂上示範，讓他感覺力度的不同。
我大囝亦常常不留意手指，方便就隨便用，結果彈到複雜的地方時就甩甩cut cut, 老師會提他若用正確的指法就可彈得順暢。當然怎樣才是最好的指法，其實學生是可以問老師的吧？可考慮鼓勵小朋友把他的想法和老師講，那老師可以藉此教他更多。
正正就是他的興趣那麼濃，就更需要小心栽培他吧？
作者: LeeCC 時間: 13-3-5 21:53
上完上一堂,老師讚過佢聽過就識彈咁犀利，就不停試彈新歌
唔肯跟老師指法都上完上一堂開始，下堂我會同老師傾下
作者: akys 時間: 13-3-6 02:52
你孩子好大機會是Perfect Pitch，這類孩子喜歡靠記憶彈琴，通常唔喜歡練指法及Scale，老師要特別處理，否則大咗讀譜超差。
作者: siubchumama 時間: 13-3-6 17:05
本帖最後由 siubchumama 於 13-3-6 17:08 編輯
回復 LeeCC 的帖子
My girl have similar issue since she was young. Finally, we gave up piano. She study flute and cello now, since she needs to learn basic before she can play anything, we got a comparatively lighter issue that the only isse now is she does not like to practise the scale a lot. She learned flute for 5 years and 1.5 years for cello, everything is very positive.
Her reading for the music sheet got better when she joined orchestra, there are a lot of pieces and she has to play it when she got the music, so force her to learn the reading.
They are billiant, so reading or memorizing the location of the note should be learn in a very short time.
Hope this helps.
siubchumama
作者: LeeCC 時間: 13-3-9 14:45
謝謝大家的意見
我正物色鋼琴老師，隣居和同學家長都介紹俾我,夾下先
呢2曰阿仔病咗,係屋企無聊，開YoutubeD鋼琴表演俾佢睇,佢話要巴哈,原來最近學校音樂欣賞介紹巴哈,佢話巴哈D歌好好聽,聽左一首,問我:頭先個叔叔彈....(係一堆CDefgab,我都唔記得佢講乜)，又話
咁樣好好聽喎
作者: akys 時間: 13-3-9 22:43
http://perfectpitch.ucsf.edu/
識CDE，去呢個Website玩下。
作者: scyauchris 時間: 13-3-11 11:13
相信要揾識處理這類小孩的老師！
作者: LeeCC 時間: 13-3-11 13:49
而家個老師好Young,唔識處理
我揾緊經驗豐富的，好在我住的屋苑都有唔少經驗老師在家教琴,只係夾唔夾到阿仔同時間
作者: akys 時間: 13-3-11 15:36
溫馨提示：
喜歡音樂，對聲音敏感或有天分並不代表他們會願意或認真練琴。
作者: e-readbook 時間: 13-3-11 17:15
提示: 作者被禁止或刪除 內容自動屏蔽
作者: LeeCC 時間: 13-3-13 13:16
阿仔病咗1星期，冇返學，日日自己彈琴幾個鐘，但晤肯彈老師的功課，練都係晤肯打開琴書練，自己彈，一係自己拎曬啲學校歌書係咁彈，聽起來右手彈得似模似樣，左手聽得到冇跟譜，我問點解晤跟譜彈，係晤係晤識睇，媽媽陪你彈，教你睇吧
而家晤俾我睇譜陪他彈琴，但我從旁觀察到，左手其實晤算亂彈，係他自己慢慢試，夾到好聽就記實，就咁自己試左好多首歌，我也發覺他的”作品”一首比一首夾得好，拍子也夾得好
昨天補課，我同老師講練琴睇譜問題同自己作譜的情況，老師竟然同我講:你教他要睇譜練琴咪得羅，
我話:我想老師由你把口講俾他聽，叫他睇譜練琴
老師又話：仲細啫，啲譜難咗，梗係晤中意練啦，個個小朋友都係中意玩玩具多過彈琴㗎啦，練琴已經係練睇譜㗎啦
我心想:亞姐，問題就係晤睇譜練琴嘛，咩練琴就係練睇譜啊，他合埋琴書練琴㗎，她有冇聽我講㗎，他病咗都自己彈幾個鐘㗎，咩仲意玩玩具呀
決心搵個好老師俾阿仔，貴就貴啲，大人自己慳啲使！
作者: scyauchris 時間: 13-3-13 18:29
該每天比古典音樂佢聽，相信有幫助！另外比功課佢做，睇譜會好些！
作者: LeeCC 時間: 13-3-18 17:09
見咗個新老師，試咗一堂,話阿仔聽教,一講就做到,仲有係佢好享受彈琴,對自己好有要求 ,不過舊老師教錯野(佢睇到老師寫D野)
本來新老師時間Full哂 ,遲D暑假有期先收佢,但見佢現任老師唔係好掂,唔想小朋友學錯野,幫我度時間
最重要係阿仔中意呢位老師，佢話新老師教佢好多野,彈得舒服D
作者: LeeCC 時間: 13-3-19 09:47
希望新老師滿足到佢
阿仔生得細粒,手又細,，有D譜彈唔到，舊老師叫佢只彈2個音,（原先係左手3個音),佢唔肯跟,話唔好聽,所以合埋本琴鐠彈,，佢話新老師教佢彈的方法都係2個音,，但係好好聽,，所以佢睇譜跟老師方法
作者: lillymarie 時間: 13-3-19 09:54
呢D位就見老師功力。
作者: LeeCC 時間: 13-3-19 10:40
呢位老師係音樂系畢業，多年私人教琴經驗
舊老師只係街彷琴行的兼職老師，冇經驗
作者: LeeCC 時間: 13-3-19 10:46
阿仔同新老師講巴哈,老師即刻攞D有關巴哈的琴書俾佢睇,阿仔睇到兩眼發光,老師又同佢哼巴哈的曲,阿仔好開心好滿足咁離開老師家
作者: lillymarie 時間: 13-3-19 11:08
LeeCC 發表於 13-3-19 10:46
阿仔同新老師講巴哈,老師即刻攞D有關巴哈的琴書俾佢睇,阿仔睇到兩眼發光,老師又同佢哼巴哈的曲,阿仔好開心 ...
作者: LeeCC 時間: 13-3-19 12:36
係呀,佢彈得開心咗,
今曰發燒冇返學,一退燒就練琴
作者: LeeCC 時間: 13-3-19 14:28
好多謝大家給我的意見和鼓勵，彈鋼琴方面暫時解決了,跟住煩佢的情緒同小一選校問題
作者: LeeCC 時間: 13-3-30 07:06
佢而家彈琴唔只係彈,作前奏伴奏,一首歌可以好多種演繹，有快有慢有溫柔，佢彈完解釋代表乜感情心情！真係好Enjoy
彈鋼琴似乎成為佢情感抒發的工具，佢開心開心都主動去彈,彈完個人情緒好D,但有時太夜不能彈,D情緒問題又出現
作者: alanwong238 時間: 13-3-31 13:09 標題: 回覆：靠記億彈琴
提示: 作者被禁止或刪除 內容自動屏蔽
作者: LeeCC 時間: 13-4-1 07:52
佢最近開始中意挑戰自己，拎D未彈過的譜彈,彈到就好開心
佢中意用唔同的形容音樂歌曲，溫柔，激動，興奮，快樂，傷心，好抽象，唔似4歲小朋友的形容詞
作者: shareholder 時間: 13-4-23 11:02
應該係音樂資優, 不過音樂係香港搵唔到食
作者: akys 時間: 13-4-23 13:36
搵到食的。只要做到一個少有名氣的樂團團員（當然最好是首席），先到各大直資私校教，再開個Studio禮拜六日教其他學生，收入不錯的。
作者: LeeCC 時間: 13-4-23 13:45
咁快要睇埋搵晤搵到食？ 我相信未必發達，就算要乞食都識彈幾首歌仔嘅
作者: scyauchris 時間: 13-4-23 14:55
小朋友能找到自己的興趣是件幸福事情！ 相信現在的父母懂得如何幫小朋友分配好時間，其實有樣精及各方面平均已好好！不是每位聽音好的小朋友也主動彈琴。天份加興趣及本身努力，我相信這位小朋友將來一定會成功。
作者: shareholder 時間: 13-4-23 15:29
無可否認佢真係好勁, 細個我無錢學琴, 到大學時先自己學, 但我都係要睇譜先彈到, 完全自己彈仲編埋曲真係天才級先得
作者: LeeCC 時間: 13-4-24 11:56
上星期六老師開左新琴書俾佢,教咗第一首,返來練咗兩次,唔肯再練,但自己彈D新歌,星期二晚已經彈咗大半本新書的曲
我有D聽到係啱,有D我唔知啱唔啱,應俾佢繼續咁彈嗎?
作者: shareholder 時間: 13-4-24 12:28
回復 LeeCC 的帖子
俾佢繼續彈, 唔好阻止佢, 你阻止佢佢直情掉左本書唔彈都似
作者: LeeCC 時間: 13-4-27 17:14
同老師傾呢個問題，老師要求佢應承每曰練熟D功課冇甩Cut冇錯,才可以彈其他歌,佢應承咗,老師還臨落前再示範該堂教的曲,耍佢紀住,，返到屋企要彈到咁才算
老師說以這年紀，他算學得快,專心,也捉摸到每首曲的感覺
作者: shareholder 時間: 13-5-10 07:23
幾好呀, 都係老師先治理到佢
作者: kitioio0202 時間: 13-5-11 14:44
提示: 作者被禁止或刪除 內容自動屏蔽
作者: LeeCC 時間: 13-5-11 18:24
老師要佢每首至少練5次,佢玩野,第3次開始自己升key,我聽到，話未夠5次,佢話我無彈新歌呀,第4，5次繼續升Ke,跟著話而家5次啦,可以彈新嘢
激死
作者: shareholder 時間: 13-5-12 00:53
嘩, 咁利害, 識得走法律 lar 添:;pppp::;pppp:
作者: washburn 時間: 13-7-14 01:42
我老公細個窮,冇$學琴,不過超like music, 我奶奶話佢去到有琴嘅親戚就會彈學校教嘅兒歌.....大過有$買琴,乜時代曲都可以自己雙手彈,佢靠聽,冇學過琴,唔識睇譜.....佢讀書好叻,年年第一,所以音樂有天份,記憶一定好,應該讀書唔會差, 恭喜你!
作者: LeeCC 時間: 13-7-14 07:22
暫時我只發覺他只對音樂記憶好
還有一些無聊事記憶力好，如地鐵路線圖,,巴士線,,街燈招牌消防設施位置
我教佢串字教到嘔血,我只佢教基本字,boy, box , fox, sun呢D咋,升K3仲未搞得掂,
作者: lillymarie 時間: 13-7-14 10:29
LeeCC 發表於 13-7-14 07:22
暫時我只發覺他只對音樂記憶好
還有一些無聊事記憶力好，如地鐵路線圖,,巴士線,,街燈招牌消防設施位置
作者: LeeCC 時間: 13-7-17 16:26
叫佢串CAR，佢問R係咩音?彈邊度?
作者: lillymarie 時間: 13-7-18 20:01
係喎，音樂上的CDEFGAB，和英文A至Z，又真的幾令人混亂！
你囝囝的反應真是可愛 ：）
作者: hobby 時間: 13-7-19 10:47
回復 LeeCC 的帖子
加埋DO RE MI 去作歌仔, 又得唔得呢?
作者: Chan_7747 時間: 13-9-18 02:32
提示: 作者被禁止或刪除 內容自動屏蔽
作者: girlsmama 時間: 13-9-19 23:55
Lee CC.Your boy is so talented.
Find him a good piano teacher, 啓蒙老師is extremely important
演藝has courses for kids who are talented in music, you can look up the website
作者: LeeCC 時間: 13-12-6 15:13
最近看返自己大半年前的留言，好耐冇來這邊看，因爲近排浦自閉寶寶個欄多
阿仔證實係自閉，音樂個方面進步得好快，但而家重點係搞好自閉引起的問題
多謝大家的意見
作者: venuscc 時間: 14-1-16 07:41
你仔仔既情況同我大女女十分相似！這類小朋友天生就是藝術家個性，音樂，視藝天份都高！但音樂天份再大就不够用，要看父母的心態和小朋友的選擇！但我女不是自閉，她是ADD，也伴隨很多情緒問題。自閉兒童喜歡獨自活動，不願表達，如果迫他和人群一起，只會令他增加發病機會！不妨讓他多做運動，男孩子更可選擇户外有氧運動，晚上才讓他獨立活動，長時間讓他習慣這種生活方式，到了中學時期，他應該開朗很多，否則到時問題會很嚴重！另外，如你們有信仰也是更好！
作者: duckco 時間: 14-1-24 04:34 標題: 引用：我細囝小時候亦有類似的表現，當然無你囝囝
提示: 作者被禁止或刪除 內容自動屏蔽
作者: duckco 時間: 14-1-24 04:46 標題: 引用：阿仔病咗1星期，冇返學，日日自己彈琴幾個
提示: 作者被禁止或刪除 內容自動屏蔽
作者: LeeCC 時間: 14-1-24 11:30
已換了老師十個月了
現在的老師接手一個月已可教到阿仔從不看譜變成可隨時自己看新譜彈新歌，一看譜可沒琴，可唱譜
啓蒙老師真的好重要
作者: LeeCC 時間: 14-1-24 13:43
我個仔新老師接手無耐就要我換琴，不可再用數碼琴練，她說
數碼琴只初學幾個月試小朋友是否喜歡彈琴用下，確定肯學下去要正式鋼琴，
兩個舊老師說可用數碼琴練習幾年都無問題，她們自己細個都系!
作者: shareholder 時間: 14-2-11 00:12
真係學一定不能用數碼琴, 會彈壞手勢
作者: jjtseung 時間: 14-3-3 15:23
我女K2彈學校的兒歌（無譜），首歌都成分鐘有多，當時她只學佐三幾個月琴，老師經常請她在茶點時間表演；5歲幾時自己主動作曲作詞，自彈自唱… K3校際賽grade 2比賽有好成績。好enjoy彈琴，而加學琴2年多d,grade 4水準。我唔心急考級，每年只參加校際比賽，我想她彈多d歌，聽多d音樂，enjoy音樂… 我覺得我女唔算得系o力，因為見過4歲幾孩子彈得超好，仲有d系幾歲人仔學琴2年幾就考到8級的，果d才是神童！所以我最近同亞女分析天份呢個問題，我告訴她，你有d音樂天分，但要好努力好努力才能有好成果，就算果d神童，都要經過苦練，才能成功…
所幸，我女無其他行為問題，學習全面，P1好輕鬆就考到全級第一，朗誦/drama都有不錯的表現… 她在音樂/記憶/創造力/觀察力/表演/分析能力等方面較出眾，好奇心比一般小朋友重，一得閒就搞搞陣（搞破壞），喜歡動手做野，精力過勝，體能特好，轉速快，心智比同齡大成1-2年。
缺點是好衝動，動作超快；優點是聽教聽話！朋友都話我女比較特別，通常呢類小朋友都好難教和control,但我女澎湃得來又聽話！管教她，最緊要比多些責任和活動，keep her busy，一定要大運動量，要放電…
我唔知是否需要check IQ，分數值真的不重要，最緊要知道自己對女兒的教育方向是否正確，但又感覺自己都幾瞭解她，check出來多數同我地知的都差唔多… 所以，無去check IQ。
| 歡迎光臨 教育王國 (/) |
Powered by Discuz! X1.5 |