教育王國

標題: 自閉或弱智？ [打印本頁]

作者: ling142367 時間: 13-2-15 07:03 標題: 自閉或弱智？

親戚小朋友現兩歲四個月，一歲半前不會自己企及完全冇eye contact ,兩嵗時始放手自己行路，但現在步姿仍有問題，兩歲只懂發單字, 經常情緒失控，不能夠接觸新環境會大喊，不會玩模擬遊戲，固執行為，重覆某沒意思的行為，不會回答別人問題，但會偶爾叫人，對別人沒有交流，沒有同理心，冷漠，很少望人眼睛，但懂得認英文字母，數字，動物咭

作者: onebadfish 時間: 13-2-15 07:22 標題: 回覆：自閉或弱智？

請快帶小孩去看醫生，醫生可轉介你親戚去看專科。

作者: anteater 時間: 13-2-15 10:10

"懂得認英文字母，數字，動物咭" 就不似弱智

作者: 麵包阿媽 時間: 13-2-15 12:27 標題: RE: 自閉或弱智？

回復 anteater 的帖子

單看以上的特点，就有自閉的症狀，快快去見医生安排進一步的治療，現今政府的服務由見医生至評估到訓練及入学可能要年幾兩年，可能錯過好多学習的黄金期。

作者: bbqiu 時間: 13-2-15 14:37

到這樣的階段健康院也轉介了cac吧，若嫌慢可找私人機構平估。
懂認字不代表他有理解力，理解力低會影響其智力發展。

作者: pocoyo123 時間: 13-2-15 17:50

咁你親戚又點處理? 佢有無跟進呢?

作者: ling142367 時間: 13-2-17 20:29 標題: 引用：咁你親戚又點處理?+佢有無跟進呢?

原帖由 pocoyo123 於 13-02-15 發表
咁你親戚又點處理? 佢有無跟進呢?

其實好難直接同我親戚講話我覺得你小朋友有問題，因為早在八個月大時我已經覺得很不對勁，因為完全冇牙牙學語，唔會笑，唔會坐，之後到一歲都唔識爬爬，依然唔會笑，冇眼神，曾經同親戚講過呢類野，她好似愛理不理，仲話佢小朋友始終都會識的，只是遲或早！之後健康院覆診都冇到，只有帶去私家看過兒科，醫生又說問題不大！其實一直都冇正視問題，直到小朋友兩歲開始，問題愈見明顯，之後有揾健康院姑娘跟進，去左評估話有肌肉張力低的問題，至於有冇其他問題就冇話我知，有排期照腦，但好似要排兩年，到而家有參與語言治療，而家終於識叫下人，但我仍然覺得小朋友應該再要多些訓練，始終都係行為上怪異，好冷漠，唔應人，冇溝通，唔知點同親戚講，怕人地會介意，其實佢地兩夫婦都忙於工作，孩子主要得工人睇住，所以都好易忽略小朋友的需要

作者: pocoyo123 時間: 13-2-17 22:16

好似你親戚的例子, 我都見和聽唔小, 見過有個小朋友已4歲, 讀I位, 單字言語, 尖叫, 打人, 無社交, 表達和理解差, 但佢父母依然話無問題, 大些自然會識????咁你仲可以點, !!!!!

我有個親戚, 佢個朋友, 兩公婆專業人士, 一個仔(是A仔), 由細到大, 無理佢,覺得無乜野, 大大下就得, 讀一間普通小學之後上一間B3中學, 叫做讀到中學畢業, 現在30幾歲人, 無做過野, 當然想做都無人請, 無朋友, 父母請個工人照顧佢, 父母從來不同佢出街或去宴會, 佢個仔就好似不存在呢個世界, 你話幾可悲.

所以,儘人事啦

作者: ling142367 時間: 13-2-17 23:49 標題: 引用：好似你親戚的例子,+我都見和聽唔小,+見過有

原帖由 pocoyo123 於 13-02-17 發表
好似你親戚的例子, 我都見和聽唔小, 見過有個小朋友已4歲, 讀I位, 單字言語, 尖叫, 打人, 無社交, 表達和理 ...

你講得好岩，而家好似係皇帝唔急太監急，其實我地既關係係好密切，經常見面的，眼見佢小朋友一路發展非常遲緩同異常，但其他親人一樣都係唔敢出聲，我個心都好不忿，好想佢小朋友有多點特別訓練，盡快同正常小朋友拉近距離，但佢地父母總係懶懶閒，唔肯正視問題

作者: apple~y 時間: 13-2-18 14:35

本帖最後由 apple~y 於 13-2-18 15:01 編輯

算啦你始終唔係小朋友父母,理唔到0甘多
你再講如果人0地唔接受反面都似
始終你親戚第一位小朋友,一時間唔接受唔出奇
講真父母點會唔知小朋友出了問題,係人面前唔想講唔想提
或者你親屬有跟進唔想多提
好似我都唔會係親戚,朋友面前講仔仔問題,
講0左又幫唔到手,一傳十全村人都知,
又會變0左大家討論話題"XX個仔有問題"我唔想0甘(呢個只係我個人諗法)
我都係同s位0的家長先0甘坦承一起傾0下小朋友問題

而且父母總會諗小朋友仲細,大些自然會識,
覺得小朋友大大應該進步,呢個都係一個希望
因為父母心中希望小朋友係因為細,而唔係有問題
到小朋友番幼稚園跟不上,老師自然會同你親戚講

作者: yauman76 時間: 13-2-18 15:41

apple~y 發表於 13-2-18 14:35
算啦你始終唔係小朋友父母,理唔到0甘多
你再講如果人0地唔接反面都似
始終你親戚第一位小朋友,一時間唔接受 ...

有同感, 接受係很難, 面對就更加難, 所以我都好少向親朋好友提及. 其實我地家長付出了很多努力, 旁人未必能夠體會, 正如我囝近排鍾意打人, 用咗好多方法同時間都改善唔到, 拜年時就俾d親友教我點教仔, 我同佢地講佢仲細未明, 有d即使知道佢係A仔, 佢地嘅回應都係果d乜乜咁樣唔得架, 要教架, 應該咁樣咁樣, 講多幾次就明... 其實真係好無奈, 我地家長都已經看開了諗住俾時間小朋友向正確方向成長, 現在反而是外界很難包容這些小朋友與其他小朋友的差異.

作者: bokit 時間: 13-2-22 02:47 標題: 回覆：ling142367 的帖子

同我朋友個個案好似佢哋小朋友個老師講比佢哋聽佢哋都唔肯正視重話人哋學校老師有問題最後學校唔比佢哋個囡直升k1 要個小朋友退螫

作者: chowqv 時間: 13-2-24 04:52 標題: 回覆：自閉或弱智？

你放心，去到幼稚園，就有人同佢講。

歡迎光臨教育王國 (/)