教育王國

標題: 幼稚園的成績對考小一的重要程度 [打印本頁]

作者: myfanwy 時間: 13-2-7 10:01 標題: 幼稚園的成績對考小一的重要程度

請問各位家長的意見如何? 我小朋友好像在班內不太突出, 如K2的成績表不太吸引, 會否影響她考小一的機會?

作者: kp_sin2001 時間: 13-2-7 10:15

班內成綪或個人表演都不太突出, 這樣又如何出去和其他小朋友一齊爭位呢?講緊係幾仟人爭百幾嗰隻, 叩門就百幾人爭十個八個呢, 香港係一個競爭社會, 唔滿意都無計架

作者: LOVELY-BABE 時間: 13-2-7 11:09 標題: 引用：請問各位家長的意見如何?+我小朋友好像在班

原帖由 myfanwy 於 13-02-07 發表
請問各位家長的意見如何? 我小朋友好像在班內不太突出, 如K2的成績表不太吸引, 會否影響她考小一的機會? ...

我認為不是最重要！
到時再叫校長寫推薦信吧！

作者: myfanwy 時間: 13-2-7 11:21 標題: 回覆：kp_sin2001 的帖子

咁即係有好多小一offer的小朋友都在校內表現突出？

作者: hadwinboy 時間: 13-2-7 11:37

myfanwy 發表於 13-2-7 11:21
咁即係有好多小一offer的小朋友都在校內表現突出？

主要睇面試表現. 我小朋友的幼園沒有什麼排名次, 考試成績等等. 根本不會知道他是否表現突出.
今年考小一有多過一個offer, 有2nd in, 有3nd in, 有reject.

作者: 喵媽 時間: 13-2-7 11:40

myfanwy 發表於 13-2-7 11:21
咁即係有好多小一offer的小朋友都在校內表現突出？

其實小朋友在幼稚園時成績應該不會太差, 面試表現重要啲!

作者: kp_sin2001 時間: 13-2-7 11:54

回復 myfanwy 的帖子

我只係話係學校表演如果唔突出 (即是無咩特別優勝), 成績又不是咁好, 又無任何比賽, 當然會較蝕, 當然無百分百啦!

作者: gigayan 時間: 13-2-7 12:04

本帖最後由 gigayan 於 13-2-7 12:05 編輯

myfanwy 發表於 13-2-7 10:01
請問各位家長的意見如何? 我小朋友好像在班內不太突出, 如K2的成績表不太吸引, 會否影響她考小一的機會? ...

始終有些學校真的會睇K2成績表的。

除左自己在家更努力幫小朋友之外, 試下有機會搵班主任傾下考小學的問題, 表達下你會同小朋友去考小學, 好多小學都要睇成績表, 問下老師覺得小朋友有咩不足之處, 你想幫小朋友改善, 希望下學期張成績表靚仔D, 通常K2的老師都會明白你的意思, 學生考到好的小學, 幼稚園都會加分, 下學期張成績表就會好睇D架喇!

作者: fishmeow 時間: 13-2-7 16:06

面試表現is more important.
However, the K2 school assessments should not be too bad!

作者: rinarina 時間: 13-2-7 16:16

回復喵媽的帖子

什麼情況底下要交K2成績表呢?正本/副本?

作者: 喵媽 時間: 13-2-7 16:26

本帖最後由喵媽於 13-2-7 16:29 編輯

rinarina 發表於 13-2-7 16:16
回復喵媽的帖子

什麼情況底下要交K2成績表呢?正本/副本?

如果你要考私校/直資, 報名時會要求一些文件連同報名表提交, 如出世紙副本、成積表副本等。
暫時沒見過學校要求題供正本成積表, 全部都係交副本就得了!

作者: myfanwy 時間: 13-2-7 17:32 標題: 回覆：幼稚園的成績對考小一的重要程度

她現時的成績表不是太難看，多數是中等，沒有校內獎項，而老師說她最大問題是做事比較慢，例如吃茶點或畫畫等都慢過人。

作者: coll 時間: 13-2-7 18:55 標題: 回覆：myfanwy 的帖子

不用太擔心，我囝囝幼稚園成績都係一般。囝囝都有好嘅offer。
最重要係面試要表現好。

作者: coll 時間: 13-2-7 19:00 標題: 回覆：rinarina 的帖子

囝囝當時只有觀塘聖約瑟英文交表時要睇正正本但交副本給學校。
一般學校都係交副本。

作者: virgokaren 時間: 13-2-7 19:09 標題: 回覆：幼稚園的成績對考小一的重要程度

幼稚園成績表一般都不會太難看吧！
當然，全部excellent，一定比developing 好看。
考小一基本上面試表現，合眼緣的比重會多些。

作者: runme 時間: 13-2-8 09:13

其實幼稚園通常都科科俾A架啦, 你地間係咪?

作者: 喵媽 時間: 13-2-8 10:00

runme 發表於 13-2-8 09:13
其實幼稚園通常都科科俾A架啦, 你地間係咪?

唔會個個科科A, 真係睇表現, 一般既只比B, 再差啲會有C(個人覺得無必要比C), A仲要有分A-, A, A+, 而中文同英文又細分了5~6項, 數學都分了3項, 都幾認真架...
操行亦細分了5項, 呢part反而我覺得比較有影響力喎!

作者: 四隻貓 時間: 13-2-8 10:08

runme 發表於 13-2-8 09:13
其實幼稚園通常都科科俾A架啦, 你地間係咪?

我果間唔係的.好認真的分左1-4分(4分最高分)
老師覺得小朋友未得, 真係會照俾2分.
我女張K2成績表都係好多3分.....

不過考學校又似乎無咩關係.d學校都係睇面試表現.

作者: myfanwy 時間: 13-2-8 10:22

多謝大家的意見, 我囡囡的學校都係有1至4分的級別, 佢最強就係比較有禮貌, 其餘都是中等, 可能同佢不太投入上學有關。

作者: hobby 時間: 13-2-8 10:55 標題: 回覆：myfanwy 的帖子

想請教，如果只有評估（一年六次），沒有成績表，學校會唔會睇的呢？如果評分1至5，有2／3個3分，其他4／5，老師話算好好，因真的會給1／2，但其他學校又不是同一個評分標準，所以我想知是否學校表現較好的比較易有offers呢？

作者: virgokaren 時間: 13-2-8 13:39 標題: 引用：其實幼稚園通常都科科俾A架啦,+你地間係咪?

原帖由 runme 於 13-02-08 發表
其實幼稚園通常都科科俾A架啦, 你地間係咪?

我地間幼稚園都係分1-4分，都幾認真，吾會科科A的。

作者: Jackieson 時間: 13-2-8 13:52

代朋友問各位家長,以你地所知或經驗, 想入一d名小學例如dbs, ls, aps, sfa等等,佢地有無偏好那些幼稚園的學生呢?

作者: hadwinboy 時間: 13-2-8 14:03

hobby 發表於 13-2-8 10:55
想請教，如果只有評估（一年六次），沒有成績表，學校會唔會睇的呢？如果評分1至5，有2／3個3分，其他4／5 ...

曾經係ek 睇過, 有家長話交表時, 見到有另一家長連報名表交一大疊評估 (因沒有成績表), 有成吋厚, 結果學校唔收, 要那位家長簡化. 所以你報名前最好問清楚目標學校收文件是否有頁數限制, 某些學校你可能只交有代表性的幾次評估.

作者: Lyn 時間: 13-2-8 14:25

成績不太重要, 因為大家都係大同小異.

但淡定而流利的粵, 英, 普對話係關鍵, 我估.

作者: hobby 時間: 13-2-10 09:20 標題: 回覆：hadwinboy 的帖子

謝謝

作者: Parisienne 時間: 13-2-10 10:52

當然臨場表現最重要，但講緊幾千人爭的學位，除非面試很出色，否則同是表現佳，你係學校都會揭下張成績表參考下啦，唔係又洗乜交？

如果K2上學期唔標青，下學期希望有改善，起碼學校見到有進步空間。
努力呀！

作者: Pertra 時間: 13-2-10 11:53

提示: 作者被禁止或刪除內容自動屏蔽

作者: fire331221 時間: 13-2-10 21:10

面試最重要，有禮，有家教就可以！

作者: eggmama 時間: 13-2-11 08:18

成績表老師評語都重要，雖然都大約係四字成語：活潑好動、主動思辨...
但老師喜歡的學生會寫詳細些，多些強項：合作、專心、嘗試、守規等。

作者: fc926 時間: 13-2-11 10:15 標題: 回覆：幼稚園的成績對考小一的重要程度

面試最重要，成績表可能扣門時才有些少用

作者: Charlotte_mom 時間: 13-2-11 11:16 標題: 回覆：幼稚園的成績對考小一的重要程度

面試固然重要，成績表亦有影響，吾可以話absolute但亦會考慮。例如老師評語「品學兼優謙虛受教」，又點睇？至於推薦信，好多學校都知，校長幫下忙吧了

作者: serinac 時間: 13-2-11 12:12

個人經驗：30%（學術+學校評估）， 70%（性格+面試臨埸表現）。目前大部分直資\私小1st round 面試是以考學術爲主，淘汰大部分人後，才到2nd round。學術唔掂，其他方面就算識飛天都冇機會發揮。大部分名小都喜歡主動、自信、專注的小朋友。

作者: cpcsw 時間: 13-2-11 20:31

成縝表都幾重要，尤其老師評語，如果寫得好，印象分都大大提高

作者: wister 時間: 13-2-11 21:34

我覺得成績同面試表現都同樣重要

作者: myfanwy 時間: 13-2-18 10:51

多謝大家的意見, 我小朋友的弱項都是體能和美術, 希望學校不會太著重這兩方面吧?

作者: ppsfung 時間: 13-2-18 11:40

我覺得睇你讀那間幼稚園多過睇成績.

作者: seamama 時間: 13-2-18 14:35

myfanwy 發表於 13-2-18 10:51
多謝大家的意見, 我小朋友的弱項都是體能和美術, 希望學校不會太著重這兩方面吧?
...

恕我直言, 現在一體一藝已經是基本要求, 你真係要想一想各種體育和藝術有邊種o甘你小朋友發揮喇.

作者: hobby 時間: 13-2-18 17:28

回復 Pertra 的帖子

我嗰細b都係呢2樣最差, 認字就滿分了, 唉 ...

作者: 喵媽 時間: 13-2-18 17:35

myfanwy 發表於 13-2-18 10:51
多謝大家的意見, 我小朋友的弱項都是體能和美術, 希望學校不會太著重這兩方面吧?
...

我覺得唔緊要, 因小朋友仲細呢2樣成積並不代表什麼!
我仔都係寫字, art等呢d最低分!

作者: myfanwy 時間: 13-2-18 22:12 標題: 回覆：seamama 的帖子

其實我小朋友都有游泳的，她也喜歡音樂，只是學校對她的體能及美勞的評分較低

作者: ae.mama 時間: 13-2-19 00:19 標題: 回覆：幼稚園的成績對考小一的重要程度

面試表現固然重要，但成績表也相當重要，當個個小朋友面試都咁突出既時候，第二個考慮因素就輪到成績和獎項了。

作者: steven819 時間: 13-2-19 09:17

Agree with ae,mama,
Of course it depends on which kindergarten you are studying in. All the good primary school knows the standards of KG as they recieved their 'products' every years. Though most KG results are not bad and ranking is not common. However having prizes in a famous KG definitely add marks. BTW this is the only objective academic assessment of you child.

作者: Bao.Jin.Dup 時間: 13-2-19 10:57 標題: 回覆：幼稚園的成績對考小一的重要程度

我都覺得成績係重要。

作者: Pertra 時間: 13-2-19 11:18

提示: 作者被禁止或刪除內容自動屏蔽

作者: Twins-Baby 時間: 13-2-19 11:37

回復 runme 的帖子

我個間就無, 實話實說! 以前中區就有一間係咁, 但我小朋友嗰間無噤做, 仲要問佢哋啲校長老師關於考直資問題, 就同你講攪珠. 真係想字字珠璣鬧死佢.

作者: Twins-Baby 時間: 13-2-19 17:01

回復 Twins-Baby 的帖子

我個仔間學校無一條龍, 所以我要找間好啲的小學, 總知揀錯學校啦

歡迎光臨教育王國 (/)