教育王國

標題: 幼稚園讀村校，會考到好直資嗎？ [打印本頁]

作者: 彈弓狗 時間: 13-2-6 23:24 標題: 幼稚園讀村校，會考到好直資嗎？

借位一問，呀仔今年k1，以大b身份今年再考幾間k1，全部唔係reject 就係waiting, 唯有係而家讀緊嘅村校升上去，咁第時升小學條路可以點行？間村校，基本野會教到，但英文，普通話呢一星期先一堂，根本唔料2年後出去同人fight, 請問有無媽媽都係咁，但有考到出名直資？可否分享下經驗，唔該晒

作者: xxariesxx 時間: 13-2-6 23:45 標題: 回覆：幼稚園讀村校，會考到好直資嗎？

跨年大B都全軍覆沒?

我會等waiting入唔入到，但入唔入到都好，未來3年都要煲下個小朋友，考小學都係同一堆人爭。

作者: xxariesxx 時間: 13-2-6 23:47 標題: 回覆：幼稚園讀村校，會考到好直資嗎？

同時要注意品行教育同重點培訓佢獨立性。閒來要帶佢去參加比賽

作者: momama 時間: 13-2-6 23:58 標題: 回覆：幼稚園讀村校，會考到好直資嗎？

暫時未見你個仔有讀書天份，係咪應該集中了解校網內嘅官津校？

作者: fire331221 時間: 13-2-7 00:09

家教才是最重要

作者: kp_sin2001 時間: 13-2-7 10:21

現在不可以靠學校了..所有直資而入到既小朋友, 背後付出很多金錢時間出去學習, 再加父母既吹谷才有機會成功, 缺一不可

作者: ysnmama 時間: 13-2-7 10:26

不讀村校而讀名幼. 也不一定對考直資有幫助.

作者: gigayan 時間: 13-2-7 10:37

彈弓狗發表於 13-2-6 23:24
借位一問，呀仔今年k1，以大b身份今年再考幾間k1，全部唔係reject 就係waiting, 唯有係而家讀緊嘅村校升上 ...

1) waiting的, 試下寫下叩門信, 多d打聽下學校收訂的日期, 知道係邊幾日就係之後1-2日去學校交下叩門信, 試下撞唔撞到主任/校長。

2) k1下學期或k2考插班, 9月開左學之後都係叩唔到位, 11月開始試下打去d學校問下學期插班。唔好只睇學校web site, 好多時插班都係靠家長自己打去學校問的。就算d學校答唔收, 都寫封信去。k1下學期插唔到, 就到明年3-4月申請插k2。

3) 返興趣班再加家長在家努力發功, 但其實返興趣班, 最多1星期1-2堂, 成效始終唔夠返英普幼稚園大, 但都要返, 盡量報名參加一d有cert的考試/比實, 增加portfolio內容。

4) 在家要教導佢注意禮貌, 就算人地問到唔識答, 都要有技巧回應, 家人多d同佢溝通, 咩都傾一餐訓練佢既思考對答, 多d去下公園等佢同唔同既人溝通。

5) 留意下你想報既直資/私小. 佢地課外活動有邊樣係強項, 試下俾小朋友玩。我小朋友上緊一項興趣班係心儀學校的強項, 雖然小朋友剛開始, 仲未玩得好叻, 但面試時, 我地有同老師提到小朋友學緊, 老師都表現雀躍些!

暫時諗到呢d, good luck!

作者: 四隻貓 時間: 13-2-7 11:13

gigayan 發表於 13-2-7 10:37
1) waiting的, 試下寫下叩門信, 多d打聽下學校收訂的日期, 知道係邊幾日就係之後1-2日去學校交下叩門信, ...

你既意見非常有用. Thank you!

我覺得如果家長自己有心機教, 提供到良好語境, 讀村校都無問題的.
但如果家長教仔時間不多, 又或欠缺良好語境, 0甘讀比較重視學術/英普既名幼可能比較好.

作者: hadwinboy 時間: 13-2-7 11:46

四隻貓發表於 13-2-7 11:13
你既意見非常有用. Thank you!

我覺得如果家長自己有心機教, 提供到良好語境, 讀村校都無問題的.

是的. 非常同意. 但樓主現遇到的問題是其他學校唔收. 所以現階段是唯有自己補足學校的不足. 我也是這樣做, 普通話, 英文, 數學,全部都要出去學. 加埋自己在家訓練中文及培養閱讀.

作者: gigayan 時間: 13-2-7 11:51

四隻貓發表於 13-2-7 11:13
你既意見非常有用. Thank you!

我覺得如果家長自己有心機教, 提供到良好語境, 讀村校都無問題的.

係EK學左咁多野, 都係時候回饋下

就算真係讀唔到學術高/英普幼稚園, 最好最好都要揀一間, 可以培養到小朋友好品行、有禮貌和待人接物得宜的學校。學術可以家長自己放多D時間俾小朋友, 但品行呢D真係要靠人與人之間的溝通先可以訓練到的。以上三樣表現好, 就算學術差少少 (真係少少架咋), 中獎機會都大D

作者: gigayan 時間: 13-2-7 11:56

momama 發表於 13-2-6 23:58
暫時未見你個仔有讀書天份，係咪應該集中了解校網內嘅官津校？

樓主個仔考K1咋喎..... 唔係P1喎...... 宜家個D K1面試都要睇讀書天份呀?? 唔好嚇我喎......

作者: Jane1983 時間: 13-2-7 13:11

吾好咁快判小朋友無讀書天份，仲好細遮

作者: LOVELY-BABE 時間: 13-2-7 15:22

彈弓狗發表於 13-2-6 23:24
借位一問，呀仔今年k1，以大b身份今年再考幾間k1，全部唔係reject 就係waiting, 唯有係而家讀緊嘅村校升上 ...

自信加禮貌是成功的關鍵

作者: 四隻貓 時間: 13-2-7 15:33

Jane1983 發表於 13-2-7 13:11
吾好咁快判小朋友無讀書天份，仲好細遮

同意.
我女當年考K1結果都唔多好, 三年後考小一又算唔錯喎.小朋友進步可以好快.
同埋呢, 面試技巧同讀書天份係兩回事.
有小朋友成績好好但因為怕醜唔敢答問題所以考唔到學校.

作者: Vijoyce 時間: 13-2-7 15:53

小學面試時會睇你來自邊間幼稚園嗎?

作者: joe914 時間: 13-2-7 16:50 標題: 回覆：Vijoyce 的帖子

提示: 作者被禁止或刪除內容自動屏蔽

作者: rainbowcov 時間: 13-2-7 20:57

Vijoyce 發表於 13-2-7 15:53
小學面試時會睇你來自邊間幼稚園嗎?

如果係直資或私校唔多唔少都會睇，但大抽獎就唔會睇。

作者: yuenkw 時間: 13-2-7 21:55

本帖最後由 yuenkw 於 13-2-8 06:50 編輯

普英數一体一藝(起碼)，平均保持每日放學後上1一2小時課外堂，keep 住每日做工作紙，如公文數，由K1開始等小朋友習慣busy。

開始與小朋友一起閱讀，如果 ready 就定期考下external exam, 如Starter, Kpcc, 等小朋友習樌面對考試。

作者: rainbowcov 時間: 13-2-8 05:29

yuenkw 發表於 13-2-7 21:55
普荚數一体一藝(起碼)，平均保持每日放學後上1一2小時課外堂，keep 住每日做工作紙，如公文數，由K1開始等 ...

好忙哦。

作者: yuenkw 時間: 13-2-8 08:21

讀街坊KG出身考入直資私小非不可能，不過當然要付出。

作者: 彈弓狗 時間: 13-2-11 11:19 標題: 引用：Quote:彈弓狗+發表於+13-2-6+23:24+借位一

原帖由 gigayan 於 13-02-07 發表
1) waiting的, 試下寫下叩門信, 多d打聽下學校收訂的日期, 知道係邊幾日就係之後1-2日去學校交下叩門信, ...

多謝你詳細回覆

作者: 彈弓狗 時間: 13-2-11 13:21 標題: 回覆：幼稚園讀村校，會考到好直資嗎？

都多謝大家嘅意見，我呀仔其實唔係蠢嘅，不過就係坐唔定個隻。佢爸爸每收一次reject 信都話'我係老師都唔收佢啦'，因為佢真係無時停

作者: irischowys 時間: 13-2-11 17:38 標題: 回覆：幼稚園讀村校，會考到好直資嗎？

坐唔定同多咀都死，老師最討厭教這類小朋友，一定要改，仲有大把時間上小一。村校係蝕底D，要個小朋友好smart先得，冇話冇機會。

作者: coll 時間: 13-2-12 00:21

會考到好直資。唔可以依賴晒學校。
要係課外活動填補學術不足，報一些比賽，學一些運動。但最緊要係小朋友有興趣。家長都要放好多時間比小朋友。

作者: 彈弓狗 時間: 13-2-12 12:41 標題: 引用：坐唔定同多咀都死，老師最討厭教這類小朋友

原帖由 irischowys 於 13-02-11 發表
坐唔定同多咀都死，老師最討厭教這類小朋友，一定要改，仲有大把時間上小一。村校係蝕底D，要個小朋友好sma ...

你真係講得arm, 我朋友個仔都係今年考k1，而家都未識講句子，考區內幼稚園5中3，我地本來覺得佢個仔唔講野會考唔到，估唔到結果係咁

作者: Jane1983 時間: 13-2-12 17:15

我好明你感受，考 k坐吾定吾夠聽話，確實系好蝕底。

但你過左呢關，看番轉頭，小朋友叻d醒 d亦系好大優點！

作者: seamama 時間: 13-2-13 09:12 標題: 引用：Quote:彈弓狗+發表於+13-2-6+23:24+借位一

原帖由 gigayan 於 13-02-07 發表
1) waiting的, 試下寫下叩門信, 多d打聽下學校收訂的日期, 知道係邊幾日就係之後1-2日去學校交下叩門信, ...

現在小孩都會發光的，因為是用金堆砌的！

就算讀名幼稚園，課餘訓練一體一藝再加英文，普通話已經是基本要求！

作者: Charlotte_mom 時間: 13-2-14 09:26

唔出聲唔一定衰, 太多咀周身郁亦唔一定衰
而家學校要求一樣野, 仲高層次, 叫"收放自如", 即WORK HARD PLAY HARD, 要玩時玩盡佢, 老師叫停, 坐低聽我講, 又要即刻集中晒, 呢樣係我今年發現既新要求
所以除左一般既睇中英文書, 兩文三語, 識創作識玩PUZZLE找不同迷宮之外, TRAIN多樣啦

作者: Pigbaby 時間: 13-2-14 10:36

回復 Charlotte_mom 的帖子

Thanks your sharing!

歡迎光臨教育王國 (/)