教育王國

標題: 請問有冇小朋友試過只是‘cool’門牙，費用多少呢？ [打印本頁]

作者: DabyHou 時間: 13-2-5 23:11 標題: 請問有冇小朋友試過只是‘cool’門牙，費用多少呢？

牙科保健打來話個女天生門牙歪，建議我帶佢睇矯型專科，佢得7歲只換左5隻牙，唔通咁快要‘cool’牙？

聽聞可以只‘cool’門牙，有冇人試過？

作者: lcys 時間: 13-2-6 04:33 標題: 回覆：請問有冇小朋友試過只是‘cool’門牙，費用多少呢？

7歲小朋友應該未出齊所有恆齒，如果cool了牙齒，會影響牙齒生長的空間，不如看看私家牙E，問問意見。

作者: mamee 時間: 13-2-6 07:19

本帖最後由 mamee 於 13-2-6 07:40 編輯

我個仔就係剩箍門牙, 一隻門牙歪那種. 阿仔當時8歲半, 找了個兒童齒科專科, 箍牙費用$14,000, 洗牙+牙模$2,000, 加埋第一次睇同照X光, 大概用了$17,000. 那是09年價, 我已經覺得好貴

做之前牙醫照了X光, 見到其他未出的恆齒應該無問題. 牙醫亦解釋如果細時剩箍門牙, 好處: 箍得快啲, 阿仔那時只箍左七八個月左右, 期間每個月都會見牙醫, 拆箍後就睡覺時戴retainer, 直到2隻犬齒甩了就可以. 壞處: 一早箍左, 如果第時其他牙有問題, 就可能要再整.

我仔仔11歲半出齊恆齒, 好彩其他牙都出得整齊.

作者: muichujamie 時間: 13-2-6 12:27

我個女上下牙都好唔齊，我問過牙科保健，個醫生話暫時唔洗'cool' 因為無影響到其他牙，不過都要多D留意下有無整鬆or整痛到其他牙。
佢建議呀女遲多3-4年先cool, 等D牙換晒先。

作者: DabyHou 時間: 13-2-6 12:59

回復 mamee 的帖子

謝謝分享。剩cool門牙都咁貴，都係等大d先一次過做。

作者: cheuklokmom 時間: 13-2-6 14:22

我仔小一時(7 yrs old), 因為一隻門牙生歪了, 牙科保健建議我帶佢睇矯型專科. 佢當時只換左上下共4隻牙, 我個仔就係剩箍門牙, 找了個兒童齒科專科, 箍牙費用共$6,000. 期間每3星期都會見牙醫, 預計6個月左右搞掂.

作者: DabyHou 時間: 13-2-6 14:29

回復 cheuklokmom 的帖子

可否記得是那位牙醫？$6000 ok喎，大概幾年前？ thanks

作者: mamee 時間: 13-2-6 15:01 標題: 引用：我仔小一時(7+yrs+old),+因為一隻門牙生歪

原帖由 cheuklokmom 於 13-02-06 發表
我仔小一時(7 yrs old), 因為一隻門牙生歪了, 牙科保健建議我帶佢睇矯型專科. 佢當時只換左上下共4隻牙, 我 ...

你果個好抵啊

作者: 可樂~ 時間: 13-2-6 16:23

本帖最後由可樂~ 於 13-2-6 16:23 編輯

我仔都係一隻門牙生歪了, 都歪得好犀利, 上星期帶他睇牙科保健, 即時照了x光, 牙醫話沒有怪牙齒在裡面令門牙生歪, 故不用現在處理, 留返10歲後cool 牙, 佢冇叫我睇矯型專科喎... 咁點算呀??

作者: Charlotte_mom 時間: 13-2-6 17:37

初中教育版有個POST講COOL牙, 長期O係第一版

(好多人都要COOL), 你可以去睇下

作者: cheuklokmom 時間: 13-2-8 16:43

回復 DabyHou 的帖子

牙醫係將軍澳. 我仔2012年9月先cool, 而家仲cool緊. 你有需要我再pm牙醫資料比你

作者: kitty28 時間: 13-2-9 23:43 標題: 引用：回復+DabyHou+的帖子牙醫係將軍澳.++我仔

原帖由 cheuklokmom 於 13-02-08 發表
回復 DabyHou 的帖子

牙醫係將軍澳. 我仔2012年9月先cool, 而家仲cool緊. 你有需要我再pm牙醫資料比你 ...

可否pm牙醫資料給我，我住在tko，thx！

作者: siusandra 時間: 13-2-18 12:21

我女都係隻門牙歪咗，宜家8歲半，同埋係住將軍澳。可否PM牙醫資料給我，Thank you very much!

歡迎光臨教育王國 (/)