教育王國

標題: 聖Paul面試安排淺談。 [打印本頁]

作者: leiseefung 時間: 13-2-4 15:05 標題: 聖Paul面試安排淺談。

睇左今年各位既回應，想講少少野。我覺得st Paul 的確係有佢自己成功既一套方法，佢係全港只得一兩所極之渴市既一條龍女子學校。而在小學討論區入面，亦有家長推到佢上去同DGS呢d級數既小學去比較。咁情況下，競爭之大，不講都自明。

先聲明我小朋友冇讀到呢間。只是回憶我上年都有報，當時亦萬二分小心interview當日的準備及安排，見到好多人心百態。先講人家是一間教會學校，校風嚴謹，學生品行同學術成績出眾，小學只收極小外來生，好多中學既學生都係由幼稚園一路升上去，如何選出佢地既學生，可謂真係少一點功力都不行，才能維持校譽。大家試想吓，人家要收，會收咩一類既學生? 重有，近年已有傳聞若然你係畢業自這間幼稚園，入DGS同南區既st paul係會有高成功比例。為何? 大家可以諗諗 ?

首先 : 人多競爭就要小心睇同理解人家的通告及遊戲規則(我吾係學校代言人)，好明顯係要你地家長清楚同理解先可以達到人家要求，時間安排上一分就係一分，人地寫得出，你做家長既就要跟到足，才可以被認為合適去玩呢個遊戲(冇計，佢就係咁吃香)。為此我上年都諗左好多準備方案。從屋企去學校既路程同時間預計，遇到意外既準備，到達學校後既WARM UP 情緒，要達到不過頭不過少，糖果同小量既水，Tissue 同膠布一應齊備，輕快既音樂準備，同避免意外出現既保護小朋友既手法等等，都要顧及(因為面試見得多d古惑家長做d損人利已既事)。而事實上，我的確做到保護到小朋友係一個平安大吉既情況底下順利入閘(比喻)，咁樣，起碼死都死得安謂。

因為眼見幾多家長，就係死係stpaul呢種面試方式情況下。計有 :

小朋友同大人遲到。

自由讓小朋友隨意活動，攪到跌倒在地大哭一輪(吾死都吾爭幾了)，

上二樓或樓梯時冇好好扶實小朋友，攪到失足、踏空兼而大哭。

沒有合適小工具安撫小朋友情況減輕不安感，攪到埋門撻Q。

記得當時眼見有準備既家長係排隊準備入房對出世證明既時候已經做更野。有d見有講笑、””催眠”””(you are the best呢類說話一路咁講)。利誘 : 一陣如果你可以自己答到老師問題就同你去Toyrus，

總之就係各師各法，而我就比小朋友聽Boney M既歌提起佢精神同情緒(呢個係我個小朋友個別喜愛既情況)。總之都係一句，要達到夢想，就八仙過海，各顯神通，少d埋怨學校安排。因為學校在選合適既小朋友同時都係選埋合適既家長，尤其係對事態度既家長。最後祝各位3月中中大獎。

作者: DanDiMa 時間: 13-2-4 15:49 標題: 回覆：leiseefung 的帖子

我好認同你呀，講真，如果好重視今次面試，早一點到是理所當然的，我今年 in 230, 2 點未夠就到了，一直企定定係門口排隊，成個流程我覺得好順暢，因為交表時已帶了女兒到學校走一圏，今次佢唔覺得陌生重幾開心，為人父母，已盡力而為，有offer 真係會好開心，呢一間係一直以來嘅 dream school, 無offer 就係無緣份了，現在耐心等待婦女節, 祝大家好運

作者: lymchau 時間: 13-2-4 17:32

其實安排好好, 不用好似某校要等2個幾鐘, 又有親子表現, 但又不用陪他們面試(即刻無壓力), 全看他們能力! 正!

作者: wankapo 時間: 13-2-4 19:19 標題: 回覆：聖Paul面試安排淺談。

我都滿意呢個流程！又控制人流，反之聖心我超過1。5 hrs 先走得！

作者: Angie_Law 時間: 13-2-4 20:20

本帖最後由 Angie_Law 於 13-10-4 16:40 編輯

回覆

作者: ACYKDCPK 時間: 13-2-4 21:03

由入校至出校全程二十五分鐘，超高效率。

作者: gung 時間: 13-2-4 21:17 標題: 回覆：ACYKDCPK 的帖子

我都好欣賞SPK的效率和老師的態度，反而聖心等了一個鐘，但只int 了一分鐘，個老師鐘黑面，所以SPK維持在我心入的first choice!

作者: Aaby 時間: 13-2-4 21:19 標題: 回覆：聖Paul面試安排淺談。

但呢間係我感覺上最多人喊嘅一間

作者: lalamike 時間: 13-2-4 22:18

其實以一日見幾千生來講，流程係好順暢，只係有2個問題可以改善下：
1. 門口果位職員可以客氣d同家長講嘢，雖然家長知只可一個入，但未必真係個個知原來在大門口已經唔可以入！客氣d請人在門外等，好過一手推開家長咁odd，就連個小朋友都嚇親！
2. 如果真係一定要早10分鐘到，張面試信請寫清楚少少，以免令咁多準時家長失望啦！
至於整體職員態度(除門口果位)同埋面試方法(雖然只有4分鐘)，我又覺得ok喎！少少時間已有親子時間、有單獨見時間……雖然，入到此校機會同買六合彩無異，不過都希望大家中獎啦！

作者: yslgirl 時間: 13-2-4 22:45

其實我都覺得準時到or只早了少少但被安排入遲到房果d小朋友好慘(若果真係唔被考慮), 但我又唔明點解家長唔跟佢講早10分鐘到呢? 果日應該都唔係太多人要趕兩埸oY?

我自己會把早10分鐘的時間作為校方要求到達的時間再早5分鐘到門口. 其實我地一早已經泊了車在丹尼麵包舖出面, 食個漢堡, 飲杯咖啡, 執返好個樣先行過去, btw, 丹尼麵包舖d漢堡越來越難食

作者: sarubuta 時間: 13-2-4 22:50

yslgirl 發表於 13-2-4 22:45
其實我都覺得準時到or只早了少少但被安排入遲到房果d小朋友好慘(若果真係唔被考慮), 但我又唔明點解家長唔 ...

丹尼麵包舖唔係食熱狗或雞脾好味D咩?

作者: yslgirl 時間: 13-2-4 22:55

係咩? 我十幾年前第一次幫襯已經係食漢堡啦, 原來唔係果度既耍家野....紅磡時新好食好多!

作者: sarubuta 時間: 13-2-4 22:58

yslgirl 發表於 13-2-4 22:55
係咩? 我十幾年前第一次幫襯已經係食漢堡啦, 原來唔係果度既耍家野....紅磡時新好食好多! ...

紅磡時新, 有蛋的漢堡包, Yummy

作者: Eytc 時間: 13-2-4 23:05 標題: 回覆：聖Paul面試安排淺談。

我贊同樓主大部分見解，但對於SPK"嚴選"適合自己的學生就有所保留，明白申請的人多(始終是一所傳統名校又一條龍),那為何不分開兩至三天去用心interview? St Catherine的PN interview也花了2-3天時間，同樣是group interview, 但內容就顯得較認真和有誠意啊~
既然要揀最上乘的種子，就更應該多花一點心思，讓家長感受到學校重視學生哪一方面，這才會讓人心悅臣服( 或死得眼敝

)

作者: sindywongyansin 時間: 13-2-4 23:07 標題: 回覆：聖Paul面試安排淺談。

我當日in 11:00, 太塞車10：59格到達！好彩仲排緊隊，佢問有冇人未對出世紙我即勁主動舉手！原來有遲到房好彩趕到！不過老師問亞女叫乜名，佢無答我唸都衰梗！

作者: yslgirl 時間: 13-2-4 23:11

哦, 原本舉手果個係您

作者: yslgirl 時間: 13-2-4 23:12

您排中間偏右架麻.

作者: gigi812 時間: 13-2-4 23:13

St paul都係最遲面試的, 大部分家長，應有其他面試經驗，分分鐘有其他意外發生的！如好心儀該校，應自己做好事前工夫。收吾收只可睇緣份

作者: sarubuta 時間: 13-2-4 23:23

本帖最後由 sarubuta 於 13-2-4 23:37 編輯

St Paul 一直是我們的dream school, 從去年報SPN 到今年考SPK, 依然喜歡. 我們從九龍過海, 好彩地早15分鐘到校門外排隊, 所以整個過程我們都感覺良好, 安排流暢, 不用等, 面試時間雖短但這個型式應該可以睇到好多野. 校舍地方好大, 女女見到大型滑梯更雙眼發光.
我睇interview letter 都覺得學校唔想太多人太早到學校好迫(門外其實唔多地方), 所以唔敢太早到, 但見到寫早10分鐘到, 我都定這是我一定要到達的時間. 好彩沒有被定為遲到, 見到EK有好多家長/小朋友比信上寫的時間早到也變遲到, 將心比己, 如果我們是其中一分子, 我會好好好唔開心. 所以, 有人上來抒發情緒也很正常. 或者, 入了遲到房/特別房的也有一樣的機會呢. 有人也說去年女兒哭也能考上SPK, 未到派彩都唔知結果.
互勉之

作者: DanDiMa 時間: 13-2-5 09:50 標題: 回覆：sarubuta 的帖子

Sarubuta 我記得你呀 ;) 舊年一齊報 spn，希望今年大家女女都有 offer 啦，我今年in 左幾間，最 sad 係德望，個女完全無反應，一 d 都唔 enjoy, spk 係最後一間，佢去到好開心，又主動同老師講名，真係好希望有 offer, 大家一齊期待 38

作者: MrsnMrX 時間: 13-2-6 11:42 標題: 回覆：聖Paul面試安排淺談。

我早到至少三十分鐘，係門口等。
最後一個希望，之前果d全部無行

作者: flopsybunnies 時間: 13-2-13 17:36 標題: 回覆：leiseefung 的帖子

作者: wister 時間: 13-2-17 13:10

說句老實話，我地見工都無可能要求人地公司安排啲咩俾見工者，一諗到呢點相信大家都會明白哂

作者: 布希亞 時間: 13-2-18 00:58

提示: 作者被禁止或刪除內容自動屏蔽

作者: Rayho168 時間: 13-2-18 02:35

當踏入學校的一刻, 已經有好多對眼in緊你同個細路

作者: punlik 時間: 13-2-18 10:08

提示: 作者被禁止或刪除內容自動屏蔽

作者: leiseefung 時間: 13-2-18 13:09

本帖最後由 leiseefung 於 13-2-18 13:25 編輯

回24樓，咁丫? 如果調轉你係老校，你能屹立多年，你覺得你會否以貌取人或選父母即能保持校譽? SPK的報名表要求墳的何其簡單?，你係老校你會盡信父母的背景?)。在我上年的感覺上，打從你行樓梯上房及房內你的舉指止行為都已被人評分中(能out走的便out走)，小朋友的獨立能力及情緒上安定的表現，不一定要問才能表現出來，老師可從觀察大人同小朋友一言一行及言談舉止已可叮走一大班人，包括我本人的小朋友，我上年亦是只以"""不犯錯誤""""為首要條件，反正最後選出的數百名都應該是老校親自挑選。還有，我想講有些人覺得老師黑面神及沒禮貌，好求其等等，但有否想過這會否是老校刻意要老師板起面孔或惡形惡相? 人家就係要睇下你地大人同小朋友既反應(已有板友證佢上年的小朋友””領左野””都成功取得offer，想吓點解丫，人家有可能就係睇你反應喎)。可能真係比現今既投訴文化影響得緊要，以本位作為思想中心亦已經成為習慣，在廿多三十年前或更早，老師大部份都係以惡做為面具，一大班小朋友會不影響其他人上課，亦懂得聽教聽話(我只係作個比喻)，不要比暫時所見的蒙蔽，它始終是一所有食力的教會學校，自有其成功的方法。人家””兩大”””近年都喜愛收這所的學生升小，想想吧!! 不會死錯人的。所以我不會相信父母背景或樣貌討人那一套。大家平常心一點啦.

作者: siukeung37 時間: 13-2-18 16:24 標題: 回覆：聖Paul面試安排淺談。

我就唔係咁睇，父母背景+樣貌討好+運氣非常重要，老師扮惡睇到乜啫，唔通啲家長會即時黑面？一入學校就有人睇你言行舉止？諗都諗到行唔通喇，佢地平時咪又係老師一個，你估佢地專業係做interview？仲要全日集中精神咁做？暈低都似！以佢地教小朋友的經驗，佢地最多咪可以即時踢走啲特別差或mark 低啲特別好嘅小朋友。我覺得名校之所以是名校，其實是它有一套方法教小朋友成材，唔覺得係叻在揀小朋友囉

作者: 布希亞 時間: 13-2-18 22:41

提示: 作者被禁止或刪除內容自動屏蔽

作者: leiseefung 時間: 13-2-21 13:49

首先我回應我文內話由上樓梯開始已經有人睇住，不是由一入校門就有人評分。這是誤會之一，這亦曾是我親眼目見。

1. 我贊同SPK既教學手法同系統係出色既，係成功既。但係咪一如閣下所講個個小朋友都合適地成功”啤到出來”？而又要年年都可以維持高達8成以上都達標而SPC都願收番果度好嘢!! 這樣結果顯示並意味什麼 ? 一部機器成功做出出色產品，環環相扣，每一部份都係重要，尤如選料出左問題，整批產如何達標過關? 為何st paul既女仔一般來說比人既感覺係有自信同不溫不火 ? 性格同後天所學係雙輔雙乘，不是單一就能做到。

2. 在今日我睇到有版友同我一樣做過舊post重溫後，亦同樣意會出，有幾高既成數””黑面””係故意並係策略性既手法，從而進行快速有效選取。而對比用同一方法的HY，SPK係較多小朋友喊住出黎。一些大機構見management trainee ，D高級職員係點試d面試者? 我覺得SPK正係用呢更呢類方法。致於有話黑面足一天係沒可能的話，那我真的沒有說話了。

我只係就事論事，我既point係我上年參考過不少既人家經驗而概括得出，故放在這裡分享一下。沒有特別目的，請不要誤解。

歡迎光臨教育王國 (/)