教育王國

標題: 兩歲時評估為自閉傾向, 現時六歲, 老師話覺佢可能係資優 [打印本頁]

作者: Freak 時間: 13-1-31 14:21 標題: 兩歲時評估為自閉傾向, 現時六歲, 老師話覺佢可能係資優

其實小朋友的發展..真是令人想不到
我還記得四年前, 我面對囡囡是如何擔心, 如何恐懼

- 叫她名字, 她沒反應
- 不懂手指指
- 一去到playgroup, 個個小朋友坐下聽老師講解, 佢就去摸牆
- 兩歲都未懂叫' 媽媽' , ' 爸爸'
- 眼神接觸差, 且很飄..很浮..
- 很少笑

我四出去問, 去找資料, 現時佢在一間幼稚園讀 I 位

前幾日, 佢班主任同我講, 覺佢好似有點資優...
其實..之前己有幾個朋友曾咁同我講
因呢幾年, 囡囡發展很快, ..以往的都改了, 更經常微笑, 古靈精怪

對數學尤其敏感, 佢現時己識三位數的加減(心算), 乘數, 甚至除數, ..更略懂分數
記性亦很好, 我每次跟大囡溫習, 她在旁自己睇書或做功課, 之後當大囡記不起來時, 佢竟可以提家姐

很識得逗我開心, 有次我買了對冷手套俾佢, 佢見我自己沒有, 話送一對俾我, 我放工回來, 見桌上畫左一對彩色的手抉抹, 仲剪埋出來...

學校老師都很鍾意佢..現時老師常安排她在課室協助能力較差的小朋友朗讀圖書

希望大家唔好灰心..加油加油
明天會更好!!

大家互勉!

作者: catherine_ng 時間: 13-1-31 14:57

真係替你開心！
我個仔5歲半先評出來係自閉症，排緊S位，唔知條路要點樣行，好辛苦！但辛苦都係要繼續行！
加油！~

作者: wilyun 時間: 13-1-31 15:16

好鼓舞~

作者: idak 時間: 13-1-31 15:31

多謝分享﹗我以家成日同自己講囡囡只係講嘢遲咗d, 皮器怪咗d, 就算孖女都各有長短la﹗

作者: Freak 時間: 13-1-31 15:39

是的, 小朋友發展有早有遲, 大家有緣在此相見, 足見大家都可能發覺自己的小朋友發展略遲
但及早發現己是最好的良藥
只要我地多注意, 多關注, 對症下藥, 一定有進步的

我仍記得...當時我同我囡講野, 佢好似完全收唔到
我會懷疑佢聽力有問題, 但測試後又沒事
於是我會懷疑佢仍係細, 聽唔明, 又或聽到, 但只是太注意自己的玩具,所以不想去理會我

俾左好多個原因..但最後我都係去求證, 去評估
當時, 結果一出, 我抱著她哭了起來, 我對她說 : 囡囡, 我真的好愛你, 好錫你, 你可否俾些回應我呢?

這些感覺.相信只有我們同道中人才會明白

所以我希望各位媽咪也加油, 為囝囝為囡囡, 為自己打打氣

我地對佢地的愛, 佢地會明的

作者: Capricorn2521 時間: 13-1-31 17:12

多謝分享，實在令人鼓舞！

我個仔由完成2年S位課程，上年9月入咗I位後，I位老師對佢嘅評語一次比一次好。上星期仲同我講，我個仔學野好快，因為佢好記性，叫我仍然要努力幫佢類化。除此之外，同朋友的午餐聚會中，第一次我個仔在桌上計負數同乘數，一個月後計份數，然後又計點數，我d朋友都讚佢好叻。

我地嘅小孩子雖然社交弱，但一定有其他強項。

作者: llam1210 時間: 13-1-31 21:17 標題: 回覆：兩歲時評估為自閉傾向, 現時六歲, 老師話覺佢可能係資優

多謝你的分享。很高興聽到你小朋友的經歷！我開心到喊！我好想我女有一天都係咁，我女就是快兩歲了，剛評估！就如你們開始的時候，每每想起都默默落淚。你們呢四年一定好辛苦了。可否告訴一下你們有什麼訓練做過而你覺得幫助最大？

作者: Freak 時間: 13-1-31 23:15

llam1210, 當初我一聽到結果後, 個人很驚, 覺得前路茫茫, 都唔知個囡幾時先有進步, 幾時先會俾反應我, 於是我即去政府排位, 但個個都話起碼一兩年, 我唔想浪費左佢的黃金六年, 所以我帶左佢去左協康上堂, 每次上堂, 佢都唔係好受控, 我最得益的, 係知道每日要單對單同佢練習, 於是日日都係咁, 且就算佢無反應, 我都繼續當佢明白, 同佢講好多野, 抱住佢傾計, 盡量要佢同我眼神接觸..且俾佢覺得人同人之間的相處係多麼開心...

直到佢正式讀幼稚園, 當時都未有i 位, 但入學後, 我覺佢學懂很多...亦慢慢開始嘗試表達,

llam1210, 加油, 你囡囡只有兩歲, 還有很大的進步空間, 當時我都成日自己鼓勵自己, 若連我都只在哭, 就無人幫到佢,我要爭取時間....加油加油..

作者: llam1210 時間: 13-2-1 02:32 標題: 回覆：Freak 的帖子

謝謝你的鼓勵！有真有心留言給大家打氣！協康密集還是單對單的幼兒訓練？我好明白自己做佢老師才成。我要上班，我能和他一起玩和訓練的時間少；當然我會盡量快放工回家。有時叫他學講都嘔到一地血！你地好勁。大家加油呀！

作者: idak 時間: 13-2-1 09:28

回復 Freak 的帖子

我同老公都好快無事, 因為我老公真係唔明, 佢比較遲鈍, 我就好正面, 一知道都唔開心咗兩三日, 知道喊係幫唔到囡囡, 但係都好癲勁上網搵資料, 打咗去好多機構問, 乜嘢都報咗先, 好在機構d姑娘同社工都好好, 無見過面係電話都講得好詳細, 重有其中一個姑娘教咗我好多嘢。我老公要到個女入 K1 先知道有幾嚴重, 佢問番我轉頭要點做, 問我唔做嘢湊女得唔得, 我話得就一到唔做, 佢初初唔明我點解要報讀果D訓練, 又貴又唔知有無用, 好在好快就見到成效 , 囡囡都在進步中, 大家都要加油﹗

作者: lulumelody 時間: 13-2-1 14:31 標題: 回覆：Freak 的帖子

恭喜您、很高興您的小朋友有這樣的改變!想問小朋友有做過什麼治療? 她几多歲才有明顯轉變?

作者: wilyun 時間: 13-2-5 11:45

回復 llam1210 的帖子

初初呢條路要開始真係好困難, 尤其係你覺得好似做乜都幫唔到佢, 佢又唔明白你咁... 仲有政府又無乜快D0既支緩等...

但行左幾個月, 我已轉做全職媽媽, 生活上的點滴累積經驗, 對小朋友的成長係有好大幫助, 所以我現在都開始感到有點收成, 如佢開始跟我地講下野, 自己又會表達一D簡單感覺等等, 當你見到呢D一切一切在進步, 你就覺得呢條路唔係想像中咁困難, 記住唔好跟人比較, 你見到小朋友在進步中, 就真係好滿足架喇~ ^^

作者: jj100c 時間: 13-2-5 11:57

就算係小小的進步，我們都感到非常高興。記得亞仔小時候，我們日以繼夜和他去做訓練，為的是想他早點叫媽媽、爸爸，與我們分享他內心的感受。各位都要繼續加油，一定會有進步!

作者: Vichang 時間: 13-3-12 23:57 標題: 回覆：Freak 的帖子

很鼓舞！對，我覺得越早訓練便越有效，小朋友有時會有意想不到的進步!

作者: wbbg 時間: 13-3-14 16:30

大家要自己多d 在家同小孩訓練, 我都是要上班的媽媽,盡力, 一定會成功架 ~ 有$$就出去找治療師學下 ,平均都600以上一堂, 好貴. 無咩 $$就去多ｄ　關於 a 仔家長講座, 唔同機構都去下, 有free 有d 幾拾元, 專業人事, & 過來人來分享心得, 真係好有用, 我去過明愛真係好好, 好值得大家去聽下, d 姑娘同 d 義工家長都好有心幫助我地呢d 父母. 大家加油呀 ~ 感統我係明愛學了不少. 佢地分享d 資料同照片, 及教我們點同子女在家做. 一流

作者: wbbg 時間: 13-3-14 16:36

協康會都有好多活動適合我地d 仔去上, 星期6 大部份都是 $100 以內一堂, 好好的, 姑娘好專業的, 有社交, 跳舞, 感官, 畫,攀石..好多都合適, 我仔仔逄星期六都係協康上活動. 大家可以按小朋友喜好而選擇. 又平又好

作者: Freak 時間: 13-3-16 06:04

對, 在家的訓練的確很重要, 一堂單對單的治療的確好貴好貴, 當時我先生剛失業, 我根本無能力去負擔, 但又好怕失去呢個黃金機會去教佢, 幫佢, 我都好似你地咁..乜機構都去問下...聽下..睇下..另外由初時只跟家人講及此事, 到跟熟朋友, 再跟網友傾, 真的得益不少,學到很多, 亦令自己情緒平復了很多, 因為初時對住無乜反應的囡囡, 自己真的會很心急

我記得當時曾有個姑娘同我講過 :" 雖然佢現時未能俾甚麼反應你, 但你都要有恒心地,耐性地俾佢覺得同人一齊係開心的, 唔好只活在自己的世界"

我相信就是我地對他們的愛吧 !

作者: sky0811 時間: 13-3-26 14:52

本帖最後由 sky0811 於 13-3-26 14:54 編輯

是的,我囝囝在3歲幾(去年6-7月)時被評估為自傾,我也傷心了好一陣子,但好快,我好積極幫佢搵機構做治療, 到現在大半年了,都有明顯進步,雖然有時仍有情緒及行為問題,但總算有些進步.所以希望大家係依度互相鼓勵,不要放棄!

作者: cheung_cnine 時間: 13-7-24 11:13

本帖最後由 cheung_cnine 於 13-7-24 11:14 編輯

真係好! 我剛做ftm兩個月, 也看到囝囝進步不少.
多些和小朋友傾幾(用簡短言句), 就算他沒有反應但他也在聽的. 有一天他說主動說出來的!
也可試試用相片卡(小朋友的日常用品)每款3~6張, 和他重複說這名詞, 好快他也會學懂這些詞言的!

大家加油!

作者: lhy168 時間: 13-7-24 17:09

提示: 作者被禁止或刪除內容自動屏蔽

作者: zhfl729 時間: 13-7-24 21:56 標題: 回覆：Freak 的帖子

恭喜！多谢分享正能量。我仔两岁几，情况同你囡囡差不多，下星期去一个短期训练。希望他可以快点进步！

作者: sochi81 時間: 13-7-25 02:07

很期望有一日見到進步。
頭先夜返，阿仔醒訓，自己開門埋黎攬住我微笑
好甜。我一樣當佢明咁講好多野，見佢笑我好開心

作者: ching_800322 時間: 13-7-26 00:05

樓主俾倒啲希望我地, 多謝!!

歡迎光臨教育王國 (/)