教育王國

標題: 請問感統同埋認知有什麼分別呢？ [打印本頁]

作者: angel-papa 時間: 13-1-30 01:35 標題: 請問感統同埋認知有什麼分別呢？

我初嚟報到，pg老師叫我帶個仔去健康院檢查下發展，佢認為囝囝係＜認知方面＞發展有些緩慢。到底，感統同認知有什麼分別呢？
其實佢之前曾懷疑囝囝有自閉傾向，最終而家歳半多d就叫我帶佢去檢查。
不過其實我覺得其實唔係幾似。老師都係每星期夾埋都係見佢三粒鐘，有冇可能真係咁就確定到呢？即使佢係專業，見得多小朋友，但係小朋友喺學校嘅表現，往往都未必係真正嘅一面。其實我都有點懷疑老師嘅判斷。阿仔係學校嘅表現，的確係好似沒有太大進步。但如果佢都自閉嗰方面，我又覺得唔似囉！
老師有咁嘅判斷，因為有時叫佢個名，佢唔彩佢，不過唔係次次啊！係佢自己玩緊遊戲嘅時候先至唔彩佢之嘛~
佢有唔算成日玩車轆，見到個波，佢咪玩吓，有時叫ball囉！見到其他人（就算唔識既）都好中意對住人笑呀！不過又真係冇對住pg既老師笑喎！其實，我反而覺得唔知囝囝喺唔喺唔鍾意啲老師呢！因為我都好似未見過老師有稱讚過佢good boy!

之但係咁~老師有咁樣嘅判斷，又令到我好苦惱。懷疑係唔係自己接受唔到，唔肯去面對，又喺唔喺太過主觀呢？

自己都好矛盾~

作者: fishcowcow 時間: 13-1-30 23:12

咁除左PG老師講既野, 囝囝向屋企既表現係點?

作者: angel-papa 時間: 13-1-31 00:43 標題: 回覆：fishcowcow 的帖子

其實，我覺得佢係屋企好正常呀！叫佢，佢有反應。閙佢時，佢知人鬧緊佢，佢會故意唔望你，但就耐唔耐咋咋帝隻眼射下你，睇下你仲有冇盯住佢！去公園玩，又好鐘意睇住其他BB或小朋友玩。甚至大人他都會撩下~真的唔知點解個老師硬係覺得佢好有問題咁？

作者: llam1210 時間: 13-1-31 01:01 標題: 回覆：請問感統同埋認知有什麼分別呢？

你問下老師點解佢有咁的懷疑囉！佢做唔做到pg的遊戲？認知同佢年紀相乎嗎？

作者: angel-papa 時間: 13-2-3 18:20 標題: 回覆：llam1210 的帖子

老師無回答點解會有咁樣嘅反應，但係佢話見到好多細路仔，而當佢見到我個仔，佢就認為啲傾向？可能因為叫佢個名嗰陣時，阿仔冇乜點反應。又話佢對眼好似唔係好望住人？我都唔知算唔算？因為佢好似淨係唔望住老師，pg其他家長佢都有望住！

作者: llam1210 時間: 13-2-4 02:12 標題: 回覆：angel-papa 的帖子

認知即係佢做唔做到同佢年齡所有的能力，例如疊積木，模仿遊戲，能否跟著別人來畫直線等。你個老師比佢地玩的遊戲佢做不到？至於望，你留意下佢是不是望人的眼睛？我女好似較多望物件，就算係都係望面。你可以問下你的家人你小朋友望你是望面還是眼。

歡迎光臨教育王國 (/)