教育王國

標題: 天水圍,屯門,元朗有乜中學比較嚴Band 1-2,因想轉校 [打印本頁]

作者: yankit 時間: 13-1-30 00:39 標題: 天水圍,屯門,元朗有乜中學比較嚴Band 1-2,因想轉校

本帖最後由 yankit 於 13-1-30 00:39 編輯

我仔現在南屯官S2, 比我感覺就是太寛鬆了,功課亦不多,少到冇見過佢做(即在校亂做或抄) , 溫書更加唔洗講~ 成績每況愈下,以前小學, S1都是精英班, 一讀完一年S1即跌出精英, 依家默書0 分都夠膽死, 重要話好多人都係咁啦。唉!讀書風氣甚差,而且學校管理學生太寬鬆, 今日比我發現亞仔本黙書,好明顯佢係冇温,而且改正我見老師寫住抄2次,抄3次,但我仔完全冇改,但老師竟然置諸不理,其實唔追功課, S1已是這樣, 老師唔理,學生緊係唔做啦! 我唔係幫個仔, 自己知自己事, 我個仔係懶架,要人谷, 所以讀正D 自動波學校,真的死路一條~ 以為呢間都叫 Band 1 學校唔會太差,點知全自動波,老師做左就算,學生做唔做真係唔多關佢事咁! 唉!!!!!!!好煩呀!!

作者: 701003 時間: 13-1-30 06:32 標題: 引用：+本帖最後由+yankit+於+13-1-30+00:39+編輯

原帖由 yankit 於 13-01-30 發表
本帖最後由 yankit 於 13-1-30 00:39 編輯

我仔現在南屯官S2, 比我感覺就是太寛鬆了,功課亦不多,少到冇 ...

band 1學校好少會谷學生，主要靠小朋友自律！而且好學校希望收好學生，想插班起碼都要有張靚仔成績表，再加好操行

家庭教育比學校教育更重要！培養子女自律，家教最有效！

作者: yankit 時間: 13-1-30 07:37

靚仔成績表?操行都ok.成績就一般啦! 家庭教育有幾好又點,返到學校佢見人地点佢又學点,一個字....懶,可以懶就懶囉! 以前小學,老師嚴,睇得緊咪唔會咁囉,依家就係學校太寬鬆至會咁! 我見朋友d仔女讀嘅學校唔會咁,起碼一唔交功課即罰或記分,但呢間學校得個講字,乜都唔做,d 友仔仲唔當你唱歌先奇!! 由其他們呢個年紀,最係反叛,自以為自己啱,容易行錯路,唔明点解d中學可以大條道理咁話要比佢地學會自律,做唔到又唔更正佢地,咁呢d叫做教? 我覺得只是會令佢地更放任!!!

作者: 已刪除用戶 時間: 13-1-30 08:05

我哋學校就好多規矩，好多罰則，開左學半個學期，我仔嗰班已經有幾個同學被記缺點 (有d已經記左幾個缺點)，學校真係當佢哋小學生咁教，所以我都要步步為營咁睇實佢！

作者: 701003 時間: 13-1-30 09:43 標題: 回覆：天水圍,屯門,元朗有乜中學比較嚴Band 1-2,因想轉校

成績一般只可試下轉band 2

因為band 1無位插班，要收插班都收叻人啦，點會收普通人？元朗band 1，盧幹庭較嚴！屯門馬可賓！

作者: hongkeikei 時間: 13-1-31 14:16

回復 yankit 的帖子

Band 1津校要成績和校風好都好少插班,但你可以打電話問學校。Band 1校生轉Band 2學校,可能機會大一些,可考慮屯門崇真, 屯天這些。

如果唔介意稍遠和要付學費,天水圍李兆基書院有收插班生,有朋友中二插入,說校風純樸,大部份老師都盡責。

作者: hkangel89 時間: 13-2-1 22:30

如果直資都接受，李兆基幾合要求，夠嚴，老師唔HEA，功課唔少，學生乖。

歡迎光臨教育王國 (/)