教育王國

標題: 有個同學上緊堂走出位打人,老師都唔睇緊d!!!!!!已經第2次喇!! [打印本頁]

作者: c_kit 時間: 13-1-29 08:51 標題: 有個同學上緊堂走出位打人,老師都唔睇緊d!!!!!!已經第2次喇!!

我個仔今年小一，班上面有個同學仔成日打人，之前都有聽阿仔提過有同學仔比佢打

估唔到終於發生係我仔身上，今個月頭，上緊某主科既時候，

果個同學仔忽然間出位行去我仔度抓佢塊面，仲抓到有痕，我真係嬲到爆炸

阿仔又唔係坐正係佢隔離，點解上緊堂既時候可以走左出位？

我以為只屬個別事件，阿仔話果時咁岩老師行左去課室另一面，當我唔好彩囉

點知早幾日阿仔放學番黎又同我講，話果個同學仔又係上緊同一科課堂時出位去抓人

其實果位經常打人既同學仔張檯已經拍住係老師檯隔離，

而今次事發時，阿仔話老師就坐住係老師檯度嫁，比人抓傷既同學就坐係好遠，２個同學仔一東一西

點解行到咁遠老師都可以唔即時制止？

我問阿仔，當時情況係點？佢話老師有老師教緊書，而果２個同學仔就鬧緊交

但佢地坐得咁遠，咪要好似唱山歌咁鬧？老師唔係應該要制止咩！

想請教下大家，我可以點做？我真係日日都好擔心個仔番學比佢打！

２次都係呢一科，２次都係呢個同學上緊堂時走左出位去打人！係咪老師疏忽

作者: pocoyo123 時間: 13-1-29 09:48

好大班咩, 老師點解控制唔到? 有無約班主任傾下, 叫佢同那科老師傾傾

作者: Haz-mama 時間: 13-1-29 11:19

相信個老師已經知呢果同學有問題, 如果唔係都唔會拍住老師張枱坐, 但估唔到個同學會再犯, 你都可以和學校反映一下...

作者: hugo2004 時間: 13-1-29 13:24

應該係個小朋友又情緒上面的問題，我仔仔班都有，唯有讓仔仔自己小心點。听講有時老師真係理唔倒，要出動到學校社工。因為他們真係完全唔惊的老師。

作者: Mrs.S 時間: 13-1-29 13:33

約班主任傾..和學校反映一下...

作者: milkcoffee 時間: 13-1-30 00:08

提示: 作者被禁止或刪除內容自動屏蔽

作者: longsum 時間: 13-1-30 10:18

同校長講,再有這種情況發生,唔排除會報警

作者: Radiomama 時間: 13-1-30 12:58

在融合教育的原則下，這些情況難免出現。
老師要教書又要管理學生情緒行為等問題，真的不容易。
假設該位小朋友可能有ADHD，又或自閉加情緒困擾，他都需要額外資源去照顧，就算見校長見家長，都無補於事。這不是投訴能解決，反而要教自己的小朋友保護自己。

作者: Jane1983 時間: 13-1-30 15:03

教和提醒小朋友執生和保護自己，如果那位小朋友有問題，投訴都吾一定有用。

作者: CY2004 時間: 13-2-7 11:45

我個人認為先了解同學仔為何要打人,是否同學仔有情緒問題等等,或者同學仔之間有語言働突,我始終覺得小朋友誤會無拉拉打人, 一定有原因的.當然打人唔可以解決問題,但先了解再處理.

歡迎光臨教育王國 (/)