教育王國

標題: 剛確診的媽媽請進 [打印本頁]

作者: 淇淇0223 時間: 13-1-29 00:44 標題: 剛確診的媽媽請進

曾經我也是每天東撲西撲每天帶住個仔周圍去做治療，做針灸。當時每天行程滿哂，四出坐車做治療，還記得我仔每次坐巴士都很固執一定要坐那位置一被人坐了或巴士太擠迫就會發哂脾氣失控尖叫，什麼無家教無禮貌+途人那種目光，幾乎天天都受盡。無左工人後，屋企大小都係自己做治療又要自己跟仲有個細女要照顧幾乎人都癲，個段時間瘦左廿幾磅，很多機構既治療我都試過了，很多人會問邊間好，我會答：更好中心的也會有差的治療師。更差的中心也會有好的，最更要地點方便自己！針灸我也

作者: 淇淇0223 時間: 13-1-29 00:54 標題: 回覆：淇淇0223 的帖子

試過三間！回想起年半前剛確診很慌張。有辦法都要試唔試過唔甘心個種心情！自上年4月沒工人後。丫仔進步了很多，其實最能令丫仔進步既人係自己，因為無人會比自己更堅持。每段治療時間一般只有45分鐘，但我地每日係屋企對住既時間又點止45分鐘呢？只要肯堅持作為媽媽既我們一定可以做到，治療要做，但媽媽們不要令自己太操勞太頻撲，家居訓練不要假手於人，有時間可多作親子，千萬不要將他們和別人比較。因為每個自閉兒都是獨一無二的，每個也不同！預祝各位既小朋友新年天天進步。身體健康！

作者: llam1210 時間: 13-1-29 01:31 標題: 回覆：淇淇0223 的帖子

多謝你的分享。我也祝福你同你仔仔女女。

作者: fishcowcow 時間: 13-1-29 11:05

TKS FOR SHARING~希望大家的仔女都健康成長

作者: Capricorn2521 時間: 13-1-29 11:28

你講得好好。雖然我沒有密密痲痲的行程，但我十分贊同你的話，尤其 ”更好中心的也會有差的治療師，更差的中心也會有好的” 。

作者: wilyun 時間: 13-1-29 15:35

回復淇淇0223 的帖子

明白,亦都完全同意,我都剛無左工人,現在一手一腳都係靠自己,仲有無老人家幫手,我老公每日都九點十點先回家... 所以基本上我係現在才開始一手一腳揍仔,我都覺得無左工人係自己會辛苦d,但亦都好快見到個仔有進步,我覺得係好值得的!

作者: idak 時間: 13-1-29 18:25

最好的治療師係爸爸媽媽, 我都試過四圍撲, 全職媽咪真係唔易做, 聖誕節連湊囡囡十日, 學校同訓練都休息, 人都癲咗, 我都會同老公申請半日假休息吓﹗父母正面及積極的態度對小朋友很重要的, 多謝分享﹗

作者: 淇淇0223 時間: 13-1-29 20:41 標題: 回覆：wilyun 的帖子

完全一樣。我又係無老人家幫手，老公由每朝11點出門半夜1點先番！不過所有野自己一手一腳跟。會好清楚丫仔問題係邊，要點改善，初頭真係好辛苦，好頂唔順，但現在習慣了，眼見丫仔既進步，都有d驕傲^^大家一齊努力。。。

作者: 淇淇0223 時間: 13-1-29 20:43 標題: 回覆：idak 的帖子

無錯無錯，我有時都會同老公申請放假架，放鬆下減下壓！

作者: smilemandy 時間: 13-3-14 13:48

昨日於評估中心見過兒科醫生，醫生評定阿仔有自閉症徵象。
下一步應該可以做甚麼?
心情很複雜!

作者: bbymc11 時間: 13-3-14 15:39

我個小朋友都係剛碓診,心情真係好難過,仲未接受左,specially阿仔返學,d同學日日有進步,心就更難過.
我以家剛開始周圍搵course比阿仔上堂,不過好肉好難搵到比阿仔上,一係要排隊,一係唔夠歲數唔報得,唉!好sad.
所以以家日日上BK呢度睇下各位媽媽嘅討論,感覺自己唔好咁孤單,
大家都要努力!!!!

作者: bbymc11 時間: 13-3-14 22:05

回復 bbymc11 的帖子

N班,你個小朋友?

作者: eekg 時間: 13-3-15 17:45 標題: 回覆：剛確診的媽媽請進

確認左四個月，阿仔讀緊n班，唔可以話冇進步，但又唔見得好有進步，剛排到言語治療，月尾開始上幼兒訓練。e十係屋企主要教佢自理，眼神都係呢兩日係st度學完，開始train。你地gei情況係點？係屋企點train?

作者: bbymc11 時間: 13-3-15 23:08

回復 eekg 的帖子

你咁快可以排到政府嘅治療啦,我以家只係同佢開始緊私人言語治療,其他訓練仲搵緊,不過好多地方都要排隊輪侯

作者: eekg 時間: 13-3-16 00:35 標題: 引用：回復+eekg+的帖子你咁快可以排到政府嘅治

原帖由 bbymc11 於 13-03-15 發表
回復 eekg 的帖子

你咁快可以排到政府嘅治療啦,我以家只係同佢開始緊私人言語治療,其他訓練仲搵緊,不過好 ...

私人的，政府都唔知要輪幾內

作者: Vichang 時間: 13-3-16 00:45 標題: 引用：我個小朋友都係剛碓診,心情真係好難過,仲未

原帖由 bbymc11 於 13-03-14 發表
我個小朋友都係剛碓診,心情真係好難過,仲未接受左,specially阿仔返學,d同學日日有進步,心就更難過.
我以家 ...

我個仔都在一月確診，而家已做私人訓練囉。見到佢有進步都欣慰架。

作者: HopeLJ 時間: 13-3-16 06:08 標題: 回覆：剛確診的媽媽請進

小朋友仲細，做對訓練便有進步，不用擔心，過程會辛苦點，但要有信心呀。你係有時要試下好多不同方法，有很多ups and downs，先幫到佢衝破不同的障礙，要保持平常心一直堅持下去。

作者: 波蘿包1 時間: 13-3-19 16:24 標題: 回覆：剛確診的媽媽請進

請問睇中醫有冇進步進步快定慢？
我都想俾仔仔睇中醫佢唔係自閉，係遲緩b 中醫有冇用

作者: JaffyBB 時間: 13-3-22 23:06

我仔仔而家3歲, 大約係一歲九個月係CAC確診自閉症, 由確診開始一直都有做星期一至五密集式訓練(每日三小時), 一星期兩次針灸, 維持左一年時間, 都只係有好些微o既進步, 最近1個月開始做全職媽媽, 自己教, 只係呢一個月時間, 仔仔由未識講野到識講媽媽, 玩lego, 疊積木, 形狀&動物配對, 可以坐係到一個鐘同我玩, 我想鼓勵各位A仔家長, 與其花時間花大量金錢帶小朋友周圍去做訓練, 不如用d時間自己係屋企做訓練, 成效真係差好遠

作者: 淇淇0223 時間: 13-3-25 10:23 標題: 回覆：JaffyBB 的帖子

自己全職湊的確辛苦，但望住佢每天進步真係值得的！將以前頻頻撲撲做治療時間改為係屋企親子時間或自己做訓練。仔仔又開心我又輕鬆很多

作者: babycat9001 時間: 13-3-25 11:26

多謝各媽咪分享經驗...
小兒現在3歲,2歲時被CAC評估確證是A仔,我當時既心情,深信各媽媽都感受到,小兒一直返梗N班,我又帶小先做左出面好多私人評估,上左好多唔同既訓練等,自己單親冇人幫又要返工,辛苦到冇乜點理小朋友,出面做訓練我都覺得冇用,就連學校老師都同我講,不要浪費金錢了,在學校同同年既小朋友冇分別,只係不肯出聲講野,其他學者都冇問題,肯主動同小朋友玩,而且記憶力強...小先就此全部停止所有訓練,起碼我冇咁辛苦...
學校肯接受我小兒升上K班,叫我冇必要等排S位...我立即帶小先去名校面試N班(全日)見左7間,有6間都收我個仔...如果唔講都冇人知,睇唔出...我想講既係唔好灰心,返而我放鬆乜都唔做,只返全日N班,小朋友亦會日日進步的...

作者: llam1210 時間: 13-3-25 12:43 標題: 回覆：babycat9001 的帖子

我想問只係唔講野又點會兩歲就評自閉？唔係話咁細一般只評自傾？

作者: babieblue 時間: 13-3-25 13:10 標題: 引用：多謝各媽咪分享經驗...小兒現在3歲,2歲時被

原帖由 babycat9001 於 13-03-25 發表
多謝各媽咪分享經驗...
小兒現在3歲,2歲時被CAC評估確證是A仔,我當時既心情,深信各媽媽都感受到,小兒一直返 ...

多謝你的分享，想問你兒子在一歲左右有乜病徵、2歲評估時情況如何？是自閉或是自傾？thx

作者: wilyun 時間: 13-3-26 12:24

回復 JaffyBB 的帖子

贊成!正常的小朋友都需要有自己父母照顧,更何況我地呢D特別需要的兒童呢?我自己都係揍左九個月,好明顯已經有進步,之前都係有請姐姐,但好奇怪,姐姐走左之後,我個仔突然間有日放學同人講拜拜,之後就開始學人講野,雖然佢都係講唔到好具體的句子,但有點感覺同表達都能講到,又肯跟我地講,而且認知都已經唔錯,真係唔知係因為之前係姐姐揍攪到個仔咁,定係咩其它原因~但其中一個原因就一定係我自己親身揍0既關係!

大家努力呀!我由我仔兩歲三個月開始跟人講野,到現在已經有D自發性0既說話,真係估唔到,原來小朋友要開口講係咁容易(又可以話好困難!),但一開始肯講,就會見到佢有明顯進步~ ^^

作者: wilyun 時間: 13-3-26 14:17

的確,自己做訓練係比較全面和省時,但如果有D細佬係一定要人地教先聽的話,我都建議初初都係搵人教左,開左個頭,之後先自己教返會比較輕鬆同埋可以跟到自己的進度!

因我自己已做左全職媽媽九個月,係呢兩個月先無請姐姐幫手,反而無姐姐幫手,呢兩個月係見到個仔進步得快好多,由佢唔講野到佢講野,都係呢兩個月先發生的!另外,呢個多月開始上左密集,佢由唔多願意砌PUZZLE,到佢現在自己在家會攞本PUZZLE黎同我一齊砌,仲有,由只鐘意一個人睇書,到現在會叫我"一齊"睇書,睇故事,我相信都係由密集果度訓練返黎,當然都要睇返個密集的老師是否OK,因我覺得我呢間幾好就係日日放左學都會同家長講講個小朋友當日做過D乜,各表現如何,同埋我見D老師都幾有HEART教小朋友.所以我仔都幾鐘意返~雖然我就辛苦D,要管接管送,但見到返左咁短時間都有咁大進步,已經好滿意~

作者: louisvuitton 時間: 13-3-27 17:58

囝囝剛確診

歡迎光臨教育王國 (/)