教育王國

標題: 英普幼稚園 [打印本頁]

作者: joyfulwedding 時間: 13-1-28 09:35 標題: 英普幼稚園

你們有後悔選英普幼稚園嗎?因有些學者話要先學好廣東話，再去學外語。但我又怕錯失了小朋友語言黃金期，請大家分享一下!

作者: Jane1983 時間: 13-1-28 12:38

沒有後悔，反而好贊成小朋友讀英普班，有語境有exposure，小朋友讀得有效又輕鬆。

普通話只係上堂講，點會影響到廣東話？

作者: oooasis 時間: 13-1-28 13:06

我個人覺得語言黃金期係指母語。
因為發展語言其實係發展思維，係腦入面組織一句說話來表達自己想表達的內容。所以一定要用母語建立一個思維模式。
英普學校內，我的孩子無一種語言可以流暢的表達到自己，又要不停轉頻道，我個人唔係太中意。

作者: bbqueendom 時間: 13-1-28 16:32

提示: 作者被禁止或刪除內容自動屏蔽

作者: cherryird 時間: 13-1-28 16:41

提示: 作者被禁止或刪除內容自動屏蔽

作者: Jane1983 時間: 13-1-28 17:40

小朋友吾會混淆的，反而係佢係街同我講，我答d普通話核突，自己吾好意思就真。

作者: joyfulwedding 時間: 13-1-29 12:20

作者: ce366 時間: 13-1-29 12:35

有朋友的小朋友因為有混淆. 真係會令到學習會有慢LOR!

作者: joyfulwedding 時間: 13-1-29 14:50

我諗辰睇小朋友個本質而決定!

作者: joyfulwedding 時間: 13-1-30 12:28

作者: December_baby 時間: 13-1-30 12:50

我諗要小朋友首先能以母語清楚表達到自己, 之後才加另一種語言

我見有例子係小朋友平時係菲傭照顧, 好細個時父母已俾佢睇 Disney, 外婆講上海話, 星期六又去學日文同普通話, 但佢2歲都未識講野

作者: irislkw 時間: 13-1-30 12:57 標題: 回覆：英普幼稚園

其實正面同負面的例子都好多我自己就唔敢博費時兩頭唔到岸歲半前廣東話為主要語言歲半後每日上3小時英文學前班到2歲3個月返學對廣東話同英文都不覺陌生亦應付自如到而家先學習普通話

作者: km_chung 時間: 13-1-30 13:06

回復 irislkw 的帖子

同意，我地果代細個都係純廣東話語境，長大後三文兩語，溝通工作都無問題!
何需急於一時? 如果有非廣東話為母語家庭成員則另作別論~

作者: rainbowcov 時間: 13-1-30 14:06

請問樓上所有的成功例子是否已過 3歲呢??

作者: irislkw 時間: 13-1-30 15:55 標題: 回覆：rainbowcov 的帖子

成功唔混淆各種語言? 現在我小朋友33個月大成功又唔敢講母語是廣東話

作者: joyfulwedding 時間: 13-1-30 16:20

我地果代細個都係純廣東話語境，長大後三文兩語，但應該愈細模仿語音能力愈強!

作者: irislkw 時間: 13-1-30 18:39 標題: 回覆：joyfulwedding 的帖子

當然會更好同時因為我們家長都懂得著重更多發音
但要留意既係子女是否適當問題學校多啲有時都唔係揀哂英普就最好始終家校配合都好重要

作者: December_baby 時間: 13-1-30 18:59

我既經驗係咁既:
4-6個月開始睇書/揭書, 讀故事俾佢聽
歲半前廣東話為主要語言 >>> 可再輔以 1-10 既英文, A-Z, 單字如 Apple, girl 等
9個月-1歲開始教佢讀英文字咭, 佢會跟你發音, 推介必買 Usborne 既 First Words
歲半後每日上1.5 - 3小時英文學前班 >>> 學英文會好快, 就算唔識講完整英文句子, 都能聽得懂
晚飯後可看 45 mis 英語教材, e.g. Oxford path, Barney, Disney, 鼓勵佢跟住讀
同佢一齊睇英文書, e.g. Oxford Reading Trees
間唔中睇下英文/ 普通話兒歌 DVD
在家我地都係用廣東話溝通
3歲開始返英普班

作者: joyfulwedding 時間: 13-1-31 17:53

回復 December_baby 的帖子

三歲返英普班，成效是否顯著?

作者: dxf920 時間: 13-1-31 22:13

小朋友由2歲開始可以學第二種語言。我侄女入讀N班，班上有一個助教是說普通話的，一架下學期，雖然未懂得說普通話，但是普通話老師的簡單指令她能聽懂。

作者: QQ117 時間: 13-2-1 03:45 標題: 回覆：dxf920 的帖子

我也聽說過小朋友兩歲後說話便懂得自動轉台，不用太擔心會有語言障礙，越細吸收能力越快，不可低估他們的吸收能力，當然也有例外，但本人相信，所以現在小女兩歳半，家裡通常用廣東話溝通，但從小已用Diseny及16個月開始返一間國際學校辦的PG，現在也加學了每星期一次的普通話，頭三個月冇乜特別，到了第四個月突然她在家唱了一首簡單嘅普通話歌，雖然唱時並不完整，但已深知她是有吸收的，總括來說：本人偏向相信0-6歲是小孩學習語言的黃金期。純粹個人意見~~

作者: joyfulwedding 時間: 13-2-1 11:26

回復 QQ117 的帖子

是，我認同，不過怕英普幼稚園德育較弱，不過家庭教育仲重要!

作者: tuelovefei 時間: 13-2-1 11:58

回復 December_baby 的帖子

請問Usborne 既 First Words 係邊度買?

作者: QQ117 時間: 13-2-1 17:55 標題: 回覆：joyfulwedding 的帖子

呀女N班開始是讀傳統式幼稚園了，英文及普通話現時是要外補的，因始終傳統學校外語不足夠，勝在注重德育，學術及語言可有很長的路學習，所謂三歳定八十，德育也很重要，所以沒有十全十美的，家長必須和學校配合。

作者: joyfulwedding 時間: 13-2-2 18:27

所以我覺得很難找到一間幼稚園是語文與德育並重!

作者: lalamike 時間: 13-2-2 19:25 標題: 回覆：joyfulwedding 的帖子

我曾經都擔心咁細個學咁多語言會混洧，所以舊年有間PN英普班收囝囝冇讀，最終揀咗傳統中文班，但我由BB9個月起，都有比YBCR同disney的DVD佢聽，同佢睇英文圖書，到2歳開始上英文PG，但在家係講廣東話的，發覚囝囝英文同廣東話的理解及聽講能力都不差，同工人姐姐講嘢識自動轉channel，而家都有少少後悔當初唔比囝囝讀英普班!

作者: yokochacco 時間: 13-2-3 16:30

我仔10個月大上英普pg，初期係一嚿飯，但大大吓無端端會講返老師教嘅嘢，停咗半年，在家常講英文同廣東話，之後返英普pn，老師話佢上英文完全明指令，唱歌都好開心，但普通話唔明，所以扭計，2個月後，普通話老師已經話佢適應兼明指令了！(我仔講嘢唔叻，可能有啲混亂，因為有次婆婆指住八爪魚話叫八爪魚，我仔話no，octopus)
我覺得小朋友而家好叻，好快會適應，我身邊好多max嘅小朋友都可以好快轉頻道，最緊要俾佢哋多接觸運用！

作者: joyfulwedding 時間: 13-2-4 09:57

即是你們覺得學校的語境都十分緊要!

作者: yokochacco 時間: 13-2-4 16:37

我覺得係，而且同同學玩，要用英文普通話先溝通玩到，到其他地方就用廣東話先溝通玩到，佢哋貪玩就自然會轉頻道！

作者: Pigmama1012 時間: 13-2-5 02:47 標題: 回覆：英普幼稚園

我本人是在香港的英普學校成長. 廣東話絕對無問題，因為家人都是典型香港人. 想當年上課除了中文课用普通話教授，其餘全部用英文授課. 後來在外國大學畢業後回流. 工作環境大部份是用英文和國語來溝通. 反而令乓我覺得英普幼稚園的好處和重要性.

作者: joyfulwedding 時間: 13-2-5 17:52

你咁講都好啱!

作者: joyfulwedding 時間: 13-2-6 09:15

作者: leung720 時間: 13-2-6 09:35

咁崇真英普 vs. st cat 英粵, 你哋會點揀?

作者: joyfulwedding 時間: 13-2-6 13:22

如果你小朋友掌握語言能力好,當然是英普!

作者: joyfulwedding 時間: 13-2-13 17:09

你地覺唔覺得英普幼稚園，品德教學都是弱小小?

作者: angelaywtang 時間: 13-2-14 23:37 標題: 引用：你們有後悔選英普幼稚園嗎?因有些學者話要

原帖由 joyfulwedding 於 13-01-28 發表
你們有後悔選英普幼稚園嗎?因有些學者話要先學好廣東話，再去學外語。但我又怕錯失了小朋友語言黃金期，請 ...

見到我既仔，我不得不佩服小朋友既語言接受能力。佢依家二歲三個月，nursery響一間國際幼稚園讀英文，對住我同先生講英文，老爺奶奶廣東話，外公外婆普通話，自己識得分吾同人轉台，如果我間中講一句普通話或者廣東話念住試下佢反應，佢會當我透明吾理我，或者笑我。所以我覺得英普幼稚園非常適合廣東話家庭，同時講二文三語係吾會影響語言發展。

作者: qbnam 時間: 13-2-16 13:56 標題: 回覆：angelaywtang 的帖子

如果兩歲兩個月只識講幾個單字，又唔講野.應唔應該讀英普班?在家只說廣東話

作者: GCG 時間: 13-2-16 23:05 標題: 回覆：英普幼稚園

我估buy母語教育機構或學者最主要不是語言發展掌握而係思維立體性方面發展。不過讀兩立三語可以好快立刻睇到，所以容易buy,識講幾句可能家長已經樂透半天，但講到思維發展呢d咁抽象嘅野，真係我同你都睇唔出。好似一個西醫立見，一個係中醫調理，真係你睇個唔到我睇你唔到，所以呢樣野係永遠無答案，睇你信唔信buy 唔buy。

作者: captainbaby 時間: 13-2-16 23:08

我小朋友3歲半, 依家讀梗中英普班, 三種語言分得好清, 我開頭都以為佢會混淆, 但發覺佢大大下會自己識分,小朋友學語言真係好快, 所以唔洗咁擔心!

作者: day_bo 時間: 13-2-17 17:04 標題: 回覆：angelaywtang 的帖子

我想問英普班教唔教認中文字? 我知有D幼稚園英普只教講普通話，但不教認中文字。

作者: 布希亞 時間: 13-2-18 00:53

提示: 作者被禁止或刪除內容自動屏蔽

作者: cheung_chit 時間: 13-2-18 06:07 標題: 引用：我估buy母語教育機構或學者最主要不是語言

原帖由 GCG 於 13-02-16 發表
我估buy母語教育機構或學者最主要不是語言發展掌握而係思維立體性方面發展。不過讀兩立三語可以好快立刻睇 ...

同意。唔少選英普的家長可能諗住橫掂都要佢學呢兩種語言，自己又提供唔倒native的語境，俾佢去英普幼稚園可以一次過唔使煩，又慳錢。但係學習唔止學語言，唔係識講識讀識唱英文普通話歌就叻，最重要係佢可唔可以用呢兩種語言去學習同消化知識，思維同表達自己的意思。

有些英普幼稚園，係經常要小朋友討論，唔係老師單向式咁講，學生就收。如果佢本身的英普程度未去到1st language咁好，佢可以吸收同表達到的意思一定會有限制，係咁的情形下，佢學習一定冇咁有效，但純以英普水平計，佢一定會學得快，睇下家長重視邊樣多些。

最重要睇自己小朋友，如果佢語文吸收同表達能力強，英普可能都容易掌握，但如果本身用母語學習都一般，你仲谷佢英普佢可能返學都唔知做乜，或者兩頭唔到岸，人地得唔代表你都得。

作者: whitepurin 時間: 13-2-18 11:43 標題: 回覆：英普幼稚園

其實我都想知係咪大部份小朋友讀英普都ok. 我地係以廣東話為母語，阿女而家2.5歲廣東話已講得好好。佢而家返緊英普pn, 但佢成日話返學唔開心，我地估計係我女平身已經比較內向，唔多主動同人玩，再加上在學校溝通唔到，雖然佢已略懂聽簡單英普指令，但要講當然唔識，而學校老師真係都係native speakers, 唔識聽廣東話，在學校被忽略了，所以唔開心。

佢都返咗半年，到底係要再多d時間適應，定佢唔適合英普？

作者: cheung_chit 時間: 13-2-18 13:01 標題: 回覆：whitepurin 的帖子

如果係咁的情況，我覺得轉返普通好些，因為你個女用英普學習唔開心，我覺得小朋友返幼稚園開心，培養好的學習態度，重要過學其他語言。而且你唔係未試過，係試左唔work, 語文可以係出面學，如果你拖多半年最後搞到佢變得唔鍾意學習就影響深遠了。佢仲細，開心學習重比滿足父母期望重要，唔好勉強。

作者: whitepurin 時間: 13-2-18 14:16 標題: 回覆：cheung_chit 的帖子

唉，其實我都唔係刻意要阿女讀英普。事實係阿女太內向，interview 親都十問九唔應，真係有人收至奇。咁啱樓下有新校，咪比佢讀囉，但學校只有英普... 但而家k1面試已完，仲有邊d可以試？

作者: gisoleung 時間: 13-2-18 14:40 標題: 引用：唉，其實我都唔係刻意要阿女讀英普。事實係

原帖由 whitepurin 於 13-02-18 發表
唉，其實我都唔係刻意要阿女讀英普。事實係阿女太內向，interview 親都十問九唔應，真係有人收至奇。咁啱樓 ...

我仔情況（佢係細仔無人收得國際學校收），但佢返英普班係開心的，但因家庭環境做唔到講英文（聽講比同學差），反而我因為唔想小學升國際轉回本地課程，現在轉返本地課程，呀仔一樣開心~投入學習，最重要紀律好咗好多！我發覺有d小朋友係迫唔到，要慢慢來！英文反而出去慢慢學！

作者: hobby 時間: 13-2-18 16:32

回復 whitepurin 的帖子

有冇問過囡囡為什麼返學唔開心? 有時可能跟同學玩得唔開心, 未必一定因為聽唔明

如果想轉返local 班, 如果pm 都可以, 其實kowloon tong 都有好多choices, 好似 funful, york, starfford ... 呢幾間應該會有好多位放

我囡囡2歲就返英文班(pn), 老師說她要2個星期才習慣及明白課堂指示; k1就轉了以普遍話為主+英文的學校, 她也沒有任何問題, 不過每一個小朋友也不一樣, 又或者可以跟老師了解一下

作者: whitepurin 時間: 13-2-18 18:25 標題: 回覆：hobby 的帖子

我女又講唔出點解唔開心，真係唔知係學校問題定佢自己性格問題，所以都驚轉咗校都話唔開心

作者: GCG 時間: 13-2-18 22:54 標題: 回覆：英普幼稚園

其實好多母語幼稚園k2已經甚至去到做project用母語presentation階段，同埋對事物已經深入做探討，所以有人buy其實佢地d思路可能強d, 相對英普幼稚園可能做教緊語言組織力，情境嘅形容。

作者: whybanme 時間: 13-2-18 23:10

請問油尖旺有咩野英普幼稚園?

作者: lovekidss 時間: 13-2-18 23:35

其實小朋友.....會自己轉"台"的...不用擔心LA...我有時故意用....普通話問小朋友野...佢又好自動用英文答返我...用...英文問又英文答...UNLESS 個樣野佢唔識個普通話係咩LA.....

作者: marcoli8 時間: 13-2-18 23:56 標題: 引用：其實小朋友.....會自己轉"台"的...不用擔心

原帖由 lovekidss 於 13-02-18 發表
其實小朋友.....會自己轉"台"的...不用擔心LA...我有時故意用....普通話問小朋友野...佢又好自動用英文答返 ...

對

作者: joyfulwedding 時間: 13-2-20 09:56

作者: joyfulwedding 時間: 13-2-26 14:54

作者: sugarnana 時間: 13-2-26 19:58 標題: 回覆：英普幼稚園

視乎家長想要什麼？我希望孩子可以自然流暢的隨意轉頻道，所以選了英普，暫時表現令人滿意

作者: joyfulwedding 時間: 13-2-28 09:57

作者: MSBOY 時間: 13-2-28 13:02

GCG 發表於 13-2-18 22:54
其實好多母語幼稚園k2已經甚至去到做project用母語presentation階段，同埋對事物已經深入做探討，所以有人b ...

Hi, GCG, 好同意你所講......我都唔BUY 英普班, 因為咁細就算英文幾叻都好啦, 都冇可能做到用英文PRESENT 同探究思考......相反呀仔讀NON-英普學校, 可以自已做PROJECT, 同埋做思考性既討論, 呢D一定要用母語先至做得好.....
英普我只當係語文科.......其他常識既教授同埋討論分析探究技巧, 一定係用母語先做得好.
如果想英普好, 我PREFER出外上堂.

作者: MSBOY 時間: 13-2-28 13:07

MSBOY 發表於 13-2-28 13:02
Hi, GCG, 好同意你所講......我都唔BUY 英普班, 因為咁細就算英文幾叻都好啦, 都冇可能做到用英文PRESENT ...

其實讀幼稚園並非單單學習LANGUAGE, 重有好多重要範疇......

作者: tam_bb 時間: 13-2-28 13:44 標題: 回覆：英普幼稚園

我會揀兩文三語班 (trilingual stream)的幼稚園。

作者: LAWYIMYU 時間: 13-2-28 13:57

我好BUY英普幼稚園呀^.^

歡迎光臨教育王國 (/)