教育王國

標題: cac見兒科醫生會做d乜 [打印本頁]

作者: llam1210 時間: 13-1-25 13:01 標題: cac見兒科醫生會做d乜

剛收電話下個星期到我女去cac評估了。又突然好擔心。佢地做d乜架？佢話要一個半鐘。要唔要叫埋爸爸去好呢？有經驗的分享下，謝！

作者: mybryan 時間: 13-1-25 16:32 標題: 回覆：llam1210 的帖子

I want to know too

作者: kc1016 時間: 13-1-25 19:05

唔同歲數有唔同的test, 哥哥7歲時自己入去做, 佢話有D嘢係電腦做, 考下中英甘, 講故事問下你問題. 細仔3歲幾, 考大肌, 砌下嘢, 問下形狀, 顏色等.

作者: wilyun 時間: 13-1-25 19:13

我仔評果陣未夠兩歲，主要都係聽下醫生指令咁，同埋醫生自已又觀察下咁囉，無乜大小肌考喎.. 唔使擔心，一係叫多個親友陪住，到時有乜決定都有個人商量下。

作者: llam1210 時間: 13-1-25 22:56 標題: 回覆：wilyun 的帖子

我女未到兩歲。死啦我女怕生保一定做唔到醫生的指令。乜要立即決定？我想問其實我已在私人機構做評估也有社工轉介中，是否應直接同佢講？

作者: mybryan 時間: 13-1-26 14:04 標題: 回覆：wilyun 的帖子

咁見完之後下一步呢？

作者: idak 時間: 13-1-27 00:51 標題: 回覆：cac見兒科醫生會做d乜

我果時去到會有個地方比小朋友玩，護士會坐係一邊睇亞女點玩，有無搵我一齊玩，之後入房比玩具個女玩，再問好多嘢，之後要填兩份問卷係有關個女，主要係收集資料比醫生及治療師開會傾，約三個月後再見醫生，講番小朋友情況，會有乜嘢服務，見社工，言語治療師（一次）等。

作者: llam1210 時間: 13-1-27 01:05

回復 idak 的帖子

你係第一次去定點? 我之前去過一次見姑娘已經填了表格. 但上次不用同我女去喎?會再約見醫生?

作者: idak 時間: 13-1-27 01:22 標題: 回覆：llam1210 的帖子

可能唔同你，我已是年半前的事，我第一次係見護士，第二次去係見醫生，比張紙我似評估表，之後見社工排i位，你最好搵陪你去，幫手記醫生講嘢，或睇住小朋友你可以專心聽醫生講嘢。

作者: llam1210 時間: 13-1-27 01:40

回復 idak 的帖子

咁你之前的留言係第二次去? 還要約第三次?我係去中九龍, 你呢?

作者: idak 時間: 13-1-27 18:13

我係屯門cac, 第一次係見姑娘, 第二次係見醫生, 三歲半又會見多次醫生, 再到小一前又會見多次, 如果你有唔明就問醫生，我果次見完醫生就見社工, 我另外重有兒科醫生及精神科醫生跟緊。

作者: llam1210 時間: 13-1-27 22:22 標題: 回覆：idak 的帖子

多謝你回答。是否第二次去見完醫生就會立即話你知個結果？

作者: fishcowcow 時間: 13-1-28 10:41

我係1月初去中九龍的, 你是否巳第一次自己去見完姑娘? 今次係打俾你見醫生?

如果係見醫生, 佢會就番你小朋友年紀, 俾啲玩具佢玩, 睇下佢識唔識/點玩, 例如配對形狀, 玩下洋娃娃等等, 另外就會問父母啲日常情況, 醫生會即刻講俾你知的, 如有需要就會排i/e/s位, 見完醫生就會見社工排服務, 要即刻choose埋邊幾間centre, 不過唔駛担心, 你可以照choose左先, 之後你再想改可以打俾社工隨時改choice, 最緊要係你攞左個日期排服務

作者: idak 時間: 13-1-28 11:45

回復 llam1210 的帖子

每個醫生講法都唔同, 我見果個醫生講得好婉轉,每個小朋友進度都唔同, 有d快有d慢, 只要你努力就一定會有進步﹗其實你見完私人, 再睇政府自己心中有數, 我都係出面做過其他評估, 同政府差唔多, 你可以問番個醫生要點做先幫到個小朋友, 有乜唔怕問﹗

作者: llam1210 時間: 13-1-28 23:53

多謝你們呀. 是的, 今次係見醫生.
我女唔喜愛玩公仔洋娃娃, 所以個時做私人的評估話佢唔識玩個D模擬遊戲. 其餘我明白, 只係我一直都想聽下會唔會有機會唔係(自欺欺人).我想問一下如果我己有FILE 在社署（因私人同我ＳＵＢＭＩＴ）我是否要同佢講？

作者: fishcowcow 時間: 13-1-29 11:14

自欺欺人係幫唔到小朋友架, 你係排緊i or e位?
我覺得你去到後可以唔同醫生講住, 等e生觀察完有comments先, 你先再同佢講其實而家社署巳排緊咩位

作者: chowqv 時間: 13-1-29 13:28 標題: 回覆：cac見兒科醫生會做d乜

最好係叫埋照顧者一同去。因為醫生問既多數係生活既野。

作者: llam1210 時間: 13-1-29 13:36 標題: 回覆：fishcowcow 的帖子

私人建議排i位。

作者: llam1210 時間: 13-1-31 13:29 標題: 回覆：cac見兒科醫生會做d乜

去完了。醫生話女的社交較差，又話雖然女會講好多野但較少用來溝通。又話咁細個好小會確診的。話遲些安排言語治療師評估同大約一年後再評估過。佢冇話係自閉但話可i可e位，建議I. 我想問其實醫生係包裝過言詞其實我女係有自閉？定個個都唔確診的？

作者: idak 時間: 13-1-31 15:35

要有整所有特徵先叫自閉症, 以家好多小朋友都會有其中一兩樣的, 咁就會建議排 I 位, 因為個個小朋友都唔一樣, 有部份小朋友會係短時間進步得好快﹗

作者: fishcowcow 時間: 13-2-1 01:08

llam1210,
你個小朋友同我囝差唔多, 我囝好多野講, 把口唔停架, 不過大部分佢講既野都唔係用黎溝通, 只係表達佢既需要, 當真係問佢野時, 佢十成九唔識答, 加上佢脾氣較差, 經常大叫, 所以report寫佢係輕微自閉傾向, e生當時都係話可i or e位, 不過由於我囝有動機講野, 係社交差, 所以建議排i位

作者: llam1210 時間: 13-2-1 01:15 標題: 回覆：fishcowcow 的帖子

你仔的report是在cac出？我又好似冇見在cac的文件有呢個。你仔現在如何？在上什麼訓練？唉，好擔心！

作者: chowqv 時間: 13-2-3 00:12

llam1210 發表於 13-2-1 01:15
你仔的report是在cac出？我又好似冇見在cac的文件有呢個。你仔現在如何？在上什麼訓練？唉，好擔心！

...

醫生建議排咩位，會有個醫務社工跟住見你，問你意願，同埋入機排位。

因為要分地區。

作者: llam1210 時間: 13-2-3 01:49 標題: 回覆：chowqv 的帖子

係呀，見完醫生有社工同我地傾，但我地之前在私人評估完就排緊隊了，所以係咁二傾咗一陣。我想問cac醫生只比了一張紙我話女兒社交比較弱沒有任何字眼提及自閉傾向。我想問係唔係因為未確診所以唔咁寫。又或者問你們的有冇咁寫

作者: fishcowcow 時間: 13-2-3 15:03

我係CAC出REPORT的, 得一張紙, 不過張紙上面有寫輕微自閉傾向, 感覺統合問題, 我係排I位

作者: cat1028 時間: 13-2-3 17:09

Cac醫生會有份評估報告，會列明言語，認知等能力約為幾多個月\同齡；再有診斷結果，你說的＂社交較弱"，下面就排咩服務，如e,I,s及俾咩家長工作坊等等。如不是自閉傾向，普系，就不要想得太差。

作者: idak 時間: 13-2-4 00:44 標題: 回覆：cac見兒科醫生會做d乜

我果張都無寫明係自閉，但報訓練又會問，我問番d姑娘轉頭！

作者: llam1210 時間: 13-2-4 01:53 標題: 回覆：fishcowcow 的帖子

Fishcowcow,你仔現在如何？溝通好嗎？唉呢幾日想佢有多些交流溝通都係唔多得。係時間問題定點呢？擔心！

作者: llam1210 時間: 13-2-4 02:00 標題: 回覆：cat1028 的帖子

係呀，就係寫社交較弱，認知係同齡，言語就話較少用作溝通。建議I 位。有工作坊建議然後社工同我地講囉！咁即係＂未＂係自閉譜系？其實我都唔多明。如冇事佢就唔洗比我排位。另佢有問我想唔想佢寫紙排精神科。我問醫生呀女有冇咁既需要，佢就話唔洗都得可以下年再評估時才看看。就冇refer囉

作者: llam1210 時間: 13-2-4 02:02 標題: 回覆：idak 的帖子

你話出面個d訓練？咁你的又係寫社交較弱？出面又是不是當佢等同有自傾？d姑娘點答你？

作者: fishcowcow 時間: 13-2-4 12:37

我囝同我溝通較好, 同外人或同齡就唔得, 佢識得表達自己, 但你一問佢問題, 佢就唔識答或只重複個問題, 不過如果係我問佢就會好少少
醫生都有問我refer去精神科, 我有照排, 因為都要排成2年

作者: cat1028 時間: 13-2-4 13:20

你份報告寫呢d內容就唔係，我囝寫明＂自閉証普系＂，解釋埋點解，如不懂分享，無眼神接觸（社交），至於i位，其實只係學校有個老師協助你的孩子去參與其他小朋友的活動（我曾同一個兼收老師傾過，老師會先教你的孩子一些遊戲，再把孩子帶入班玩同一個遊戲，孩子會開心d及教同學仔點玩，互動=社交；等等）言語治療都會係兼收老師每夭同孩子做。

作者: cat1028 時間: 13-2-4 13:34

你下年要再去，唔好諗得太差；參加d社交小組（我1月上協康2-4歲），問呀仔玩得開心嗎？呀仔都話開心，唔駛父母陪玩，需然唔知佢上堂玩咩，但問過主任話會俾機會小朋友表達，平平地，試下無防。

作者: llam1210 時間: 13-2-4 22:57 標題: 回覆：cat1028 的帖子

Cat1028,想問一下你們去咗一次評估就會咁寫？還是要再評估多次？

作者: cat1028 時間: 13-2-4 23:44

第一次見姑娘，第二次見醫生出呢份評估表，再要排精神科，無話要再返cac喎。

作者: fishcowcow 時間: 13-2-5 00:52

cat1028,
我囝1月都係上協康社交小組喎, 我向灣仔centre上, 你向邊個中心呢? 會唔會見過面?

作者: llam1210 時間: 13-2-5 01:37 標題: 回覆：fishcowcow 的帖子

我女未到2歲，協康建議我女上一對一的幼兒訓練。一星期一堂。上了三個月了。但我現在停了因為係平日上的我沒人手同女去。呢三個月係因為我坐月才可同佢去。你門可知道社交小組有冇星期六日的？

作者: llam1210 時間: 13-2-5 01:38 標題: 回覆：fishcowcow 的帖子

協康社交小組你覺得幫到你們的小朋友嗎？

作者: cat1028 時間: 13-2-5 12:03

我系上將軍澳頌明苑，星期六9：30，出門仲早過返學

作者: fishcowcow 時間: 13-2-5 12:12

協康的社交小組是星期六上堂的啊, 不過未夠2歲不知道能否參加

作者: wilyun 時間: 13-2-5 12:54

協康社交可以收接近兩歲(就算未足都OK),但要佢地有位無人參加先會比你囉~ 因我仔之前都係咁,得粉嶺果間有位,所以我就報左...

作者: mybryan 時間: 13-2-5 12:56 標題: 回覆：llam1210 的帖子

我都唔清楚係咪有幫助，不過導師話佢肯參與

作者: idak 時間: 13-2-5 19:43

回復 llam1210 的帖子

我照寫自傾喎﹗佢比我報就得, 佢再問我咪答佢醫生係咁講過, 但我精神科果邊都有睇, 張覆診紙寫明係自閉症, 但醫生信都只係寫遲緩咋。總之, 報咗訓練之後真係好咗就得, 我理佢寫乜﹗自己小朋友去到邊個程度自己最清楚﹗唔通醫生無寫明就唔帶小朋友去做訓練, 尤得佢有晒徵狀, 都唔理﹗見到e度d家長話入到主流小學, 追得晒d程度, 我信我做得到, 不過會好辛苦, 我覺得值得﹗就算追唔到起碼有付出都無憾。

作者: llam1210 時間: 13-2-6 01:02 標題: 回覆：idak 的帖子

Idak,請問你同小朋友報咗乜訓練？我想參考一下。如不方便可pm我的，謝謝

作者: llam1210 時間: 13-2-7 01:58 標題: 回覆：wilyun 的帖子

我在協康的網站看到的社交小組都是平日的！你們參加的是星期六日？邊到有得看？我想找港島（最好東區）

作者: fishcowcow 時間: 13-2-7 09:43

llam1210,
協康每3個月會有新小組報名, 各區的協康都有的, 下期活動應該係4月, 咁你2月尾至3月左右留意下協康個網站, 會有公佈的, 活動好多都是星期六的

作者: fishcowcow 時間: 13-2-7 09:45

我而家上緊的小組都是星期六, 在灣仔協康
另外, 我有朋友join緊協康的一個小組叫my first step(唔知係first定little), 專for自閉的小朋友參加的, 你上青蔥個網址睇睇, 以我記得, 3月份在大坑東會有新班, 不過你要打去問問full左未

作者: llam1210 時間: 13-2-7 13:06 標題: 回覆：fishcowcow 的帖子

謝謝，那你灣仔的是比普通小朋友的？

作者: fishcowcow 時間: 13-2-7 15:42

其實, 協康的星期六小組係for both普通小朋友及有發展問題的小朋友, 我當初報名時, 姑娘都說明, 要接納有問題的小朋友, 導師都係有特殊兒童的教導經驗的, 我囝係自傾2.5yr, 而家上左4堂, 我問導師都跟到流程, 價錢平, 我覺得可以試下

my first step呢個小組就寫明for自閉小朋友的, 聽我朋友說, 第一堂導師會大約評估下小朋友係咩程度, 我fd個陣一班有6對親子, 其中有2個小朋友, 第1堂之後導師叫佢可以轉其他小組, 因為呢2位小朋友程度較高, 可參加其他小組

歡迎光臨教育王國 (/)