教育王國
標題: 阿女中午無食飯，老師竟然唔知！ [打印本頁]
作者: ching1124 時間: 13-1-25 11:17 標題: 阿女中午無食飯，老師竟然唔知！
昨日阿女放學話我知中午無食飯，我問佢點解，佢話老師要佢做數學佢未做完無去攞飯，到做完盒飯已俾飯商姨姨攞走無得食！我問佢老師點解我女會無飯食，佢話佢吾知我女無食飯，我問佢有咩理由會晤知我女無食飯，佢話佢有好多嘢做緊，而佢見有剩一盒飯已經有問有無同學無攞，係我女無出聲！大家覺得問題係我女到定老師到？
作者: MonkeyGirl 時間: 13-1-25 11:38
你 女 p 幾 ? P3 應該 要 出 到 聲....但 而 家 d 學校老師 都 係 咁 ... 唔 知 佢 地 真係 多野做 or 做 列 化 曬 .. 好多 時 咩 家校合作..要 捐$ 咪合作law !!! 平時我 寫手冊, 老師永遠都唔會打比你...不過我又同自己講, 為有靠亞女自己啦.. 唔會再問老師...都係靠自己好....
其實無食一餐唔係大問題, 你同你女講, 下次一定要出聲 or 攞 咗飯先再做..當吸取教訓都ok ...
作者: SY_Joanne 時間: 13-1-25 11:38 標題: 回覆：阿女中午無食飯，老師竟然唔知！
兩個都有責任!
作者: flymon 時間: 13-1-25 11:43
回復 SY_Joanne 的帖子
你女係唔係P1?
作者: ching1124 時間: 13-1-25 16:04 標題: 引用：回復+SY_Joanne+的帖子
你女係唔係P1?
原帖由 flymon 於 13-01-25 發表
回復 SY_Joanne 的帖子
你女係唔係P1?
作者: Haz-mama 時間: 13-1-25 16:16
囡囡個班主任(P.1)都冇CHECK佢哋D手冊, 除非有特別事 (如: 欠交功課, 默書範圍或其他資料要貼上去), 否則, 本手冊老師好少CHECK; 所以, 如果要請假或有其他事情, 我會吩咐囡囡自己攞本手冊交比老師睇...
作者: pandean 時間: 13-1-25 16:17
本帖最後由 pandean 於 13-1-25 16:17 編輯
希望樓主唔好介意～～我覺得如果老師問過邊個無攞飯，你女女無出聲的話應該系你女女責任多o的。你女女可能比較膽小同怕醜，下次要教她攞飯先，有問題要主動少少同老師講。
作者: Chowying 時間: 13-1-25 16:53
ching1124 發表於 13-1-25 16:04 
我女係P1
作者: ppsfung 時間: 13-1-25 17:13
本帖最後由 ppsfung 於 13-1-25 17:14 編輯
2個都有責任, 但我不會因此而責怪老師照顧不周,
話晒已經讀咗半年p.1, 借今次機會機訓練吓小朋友處事能力.
依家父母生得少, 又很多家庭都有工人照顧, 寵到d小朋友飯來張口, 有時什至煮好飯佢都掛住玩唔食.
等佢出到去受教訓, 下次做嘢快手d, 根番學校時間表.
作者: jessc 時間: 13-1-25 17:20
以前經驗，連P5都可以無出聲，到佢做完功課再上多一節課才出聲話未食飯，結果唯有為他外賣一個飯盒回來。事後家長說是學校的責任......
PS: 該校五年級是由膳長(同學擔任)看食飯，老師只在走廊巡邏，協助膳長安排午膳
說真的，老師有時會掛一漏萬，因為午膳所出的問題可以多得未有協肋學校「看飯」的家長未必能體會。
作者: 11B 時間: 13-1-26 18:03
作者: ha8mo 時間: 13-1-26 23:04
提示: 作者被禁止或刪除 內容自動屏蔽
作者: 阿早! 時間: 13-1-27 05:00
邊個問題都好， 我一定會同小朋友分析下件事， 係咪好肚餓？點解老師問邊個無拎飯你唔出聲？ 你無食飯肚餓要舉手同老師講等等。
小朋友一路大，每日都有新鮮事發生， 惟有教佢地去執生靈活處事， 做事分次序。
作者: Michelle_Hung 時間: 13-1-27 23:42
pandean 發表於 13-1-25 16:17
希望樓主唔好介意～～我覺得如果老師問過邊個無攞飯，你女女無出聲的話應該系你女女責任多o的。你女女可能 ...
我好衰咁諗, 係唔係樓主問到老師先話"有問過有無同學未拎飯"呢? 一班最多未40人, 多了一個飯, 如果唔係有人absent就梗係有人未拎啦, 咁無人答就唔使理?? P1咋喎, 行2行望1望都知係唔係有人無食緊啦, 除非樓主個女不是在課室做數學是在另一個室, 如果係咁仲衰, 唔見o左個學生都唔知?! 正常來說P1老師點都會特別小心take care唔會好似高班咁, P1班豬仔其實都好細個.
我小朋友都係P1, 佢班主任都幾留意班豬仔, 一個月都會打幾次來講下我個仔返學的事(家長交流時發現老師係人人都有打), 小事至打來同我講學校訂果盒飯我仔好似唔夠食, 叫我不如帶多少少水果俾佢, 話驚佢餓親. 我估老師都幾留意每個小朋友. 其實現在小朋友早讀書有些細仔細女係未發展到唔出奇, 我都同呀仔講, 媽咪好似你咁大果時仲讀緊幼稚園咋.
作者: wendywaiwai 時間: 13-1-28 10:32 標題: 回覆：阿女中午無食飯，老師竟然唔知！
我唔會在女兒面前挑戰老師的權威，反而食少一次飯食令佢知道很多道理，例如是否自己做功課的時間安排得不好，是不是太依賴大人的安排而缺乏自己的獨立思考，是不是因為太怕羞而令自己肚餓等等，雖然可能對幼兒來說太苛刻，但也是經一事長一智的經驗教育，餓一餐完全值得！
作者: catmilkw 時間: 13-1-28 12:31
算吧啦, 而家好難搵到好老師, 個個都係打分工, 係咁上下, 只好叫小朋友醒目些
| 歡迎光臨 教育王國 (/) |
Powered by Discuz! X1.5 |