教育王國
標題: 發展遲緩選幼稚園問題, 請過來人分享一下 [打印本頁]
作者: kingbbsam 時間: 13-1-25 09:57 標題: 發展遲緩選幼稚園問題, 請過來人分享一下
先說說背景
仔仔3歲兩個月讀緊PN班, 認知及言語遲緩一年半, 即現在認知只有一歲半
排緊S位, 黎緊今年9月升K1未排到, 要到再下年K2先到
問題係我唔知應唔應該俾仔仔K2既時候去讀特殊幼稚園, 定讀返主流幼稚園. 好驚選錯,
我的想法是, 本身有一間唔錯既幼稚園收左, 有直升小學, 我心入面想仔仔讀呢間唔錯既幼稚園, 但另一方面又怕佢真係跟唔上, 或者學校老師俾唔到適當既教導
而讀S位, 升小學方面又係點既呢?
作者: lulumelody 時間: 13-1-25 12:10 標題: 回覆：kingbbsam 的帖子
反正末排到、還有年几時間、不如安排一些訓練比佢、如幼師、認知較快追到! 亦可考慮私人位、到派到政府位才考慮!
作者: kingbbsam 時間: 13-1-25 23:15
本帖最後由 kingbbsam 於 13-1-25 23:16 編輯
謝謝你意見
雖然未排到, 但我呢幾個月會決定讀原校定轉一間
讀原校=讀S位, 唔想年年轉新環境
讀另一間=唔讀S位, 為左易上小學
訓練現在做緊政府的職業治療及私人言語治療, 會一直做
作者: kingbbsam 時間: 13-1-25 23:16
回復 lulumelody 的帖子
謝謝你意見
雖然未排到, 但我呢幾個月會決定讀原校定轉一間
讀原校=讀S位, 唔想年年轉新環境
讀另一間=唔讀S位, 為左易上小學
訓練現在做緊政府的職業治療及私人言語治療, 會一直做
作者: lulumelody 時間: 13-1-26 01:04 標題: 回覆：kingbbsam 的帖子
您小朋友適應力如何?新校包容如何?現在的學校佢讀得開心? 其實佢有訓練後進度如何?如果認知落後、要找個別幼師、幫助很大!
作者: methy 時間: 13-1-26 10:24
kingbbsam 發表於 13-1-25 09:57 
先說說背景
仔仔3歲兩個月讀緊PN班, 認知及言語遲緩一年半, 即現在認知只有一歲半
老實普通幼稚園係無師資／特別訓練去教你小朋友．只要你小朋友乖．跟到上堂指示，就唔會被要求轉校．不過
長遠計．讀上去．開始寫字．認字．同其他小朋友既距離只會越來越遠．所以如果派到ｓ位．係讀小學前執靘佢，好過上小學追唔到。
聽過朋友ｃａｓｅ係．小一有伴讀計劃．有專人一對一對住你小朋友一齊上堂．但一上小２ 就無．小朋友就完全跟唔到。科科”ｏ”蛋，留一次班．最後都係轉去讀特殊小學。
所以細個派到ｓ位，而小朋友有需要．就入讀喇．打好基礎．將來無人理會你讀過咩幼稚園的。
作者: kingbbsam 時間: 13-2-4 19:22
lulumelody 發表於 13-1-26 01:04
您小朋友適應力如何?新校包容如何?現在的學校佢讀得開心? 其實佢有訓練後進度如何?如果認知落後、要找個別 ...
現在的學校讀得幾好, 鐘意返學
班主任有提過K1時可能問題會比較大, 始終進度跟不上, 都有建議我讀S位或I位,
訓練進度一般, 沒有什麼突破性的發展, 但都叫做有進步
個別的係咪在的私人中心搵?
作者: kingbbsam 時間: 13-2-4 19:24
methy 發表於 13-1-26 10:24
未派到ｓ位前．繼續讀幼稚園＋外出訓練。
老實普通幼稚園係無師資／特別訓練去教你小朋友．只要你小朋友乖 ...
多謝你意見, 我呢幾日都係度諗, 就算我俾左看似好順利既路佢行, 如果佢係行唔到, 條路幾靚都無用
作者: bbforever 時間: 13-2-5 00:16
咁你小朋友有能力考到ㄧ間有直升小學的kg都不會太差吧？！
作者: bbforever 時間: 13-2-5 00:29
有無諗過讀正常kg轉排早期（E位），在這等待期間做私人訓練（邁步，協康等）到大嘅K2到應有政府的早期訓練~
作者: kingbbsam 時間: 13-2-27 09:26
bbforever 發表於 13-2-5 00:16
咁你小朋友有能力考到ㄧ間有直升小學的kg都不會太差吧？！
我這間不是名校, 只是普通地區學校
作者: kingbbsam 時間: 13-2-27 09:34
bbforever 發表於 13-2-5 00:29
有無諗過讀正常kg轉排早期（E位），在這等待期間做私人訓練（邁步，協康等）到大嘅K2到應有政府的早期訓練~ ...
我也有這個想法, 是否找社工去轉就可以, 還是要兒科醫生決定俾唔俾你轉呢? 我晏D打去問
我昨天去參觀了其中一間特殊幼兒中心(S位), 雖然話會按能力分組, (希望家長們不要介意我這番話), 但說真的, 嚴重個案佔大多數, 雖然說配套充足, 但在這學習, 都不是一個好主意
私人訓練我做緊一星期一次, 想JOIN每天做的couse, 但收費要8千大元
作者: eva816 時間: 13-2-27 12:46
我囝同你囝一樣, 我都係煩緊同一個問題
作者: kingbbsam 時間: 13-2-27 20:38
打電話問左, 如果轉兼收位要醫生睇過先轉得, 咁我會將手上有關小朋友發展既文件都俾佢, 佢轉交醫生, 睇下會唔會再叫我上去睇, 先有得轉
個人認為呢位醫務社工麻麻地, 好公式化, 有時答非所問, 又無咩建設性既提議...
作者: kingbbsam 時間: 13-2-27 20:40
eva816 發表於 13-2-27 12:46
我囝同你囝一樣, 我都係煩緊同一個問題
都係又唔係好嚴重, 但主流又跟不上?
小朋友幾大呀?
作者: man811231 時間: 13-3-3 23:10 標題: 回覆：發展遲緩選幼稚園問題, 請過來人分享一下
我兒也語言遲緩，應知一般，不太肯聽指令。今年沒讀2歲班，八月返k1。現在剛返aba，看看又無進展。我都驚跟不上k1！
作者: bbnicebb 時間: 13-3-4 09:31
我都煩緊阿仔同一個問題呀！就嚟三歲，認知OK，但唔識講嘢（想講但講唔到）、大小肌肉能力差。 依家讀緊普通幼兒園，應該可以直升K1，但老師都話驚佢追唔到。 政府要佢排E位，但排咗差不多成年都未排到，九月就升K1，我都想知係咪應該社工講要轉I位，因為S位實唔收佢地呢啲唔嚴重既小朋友，就算收我都覺得唔啱阿仔讀。有冇過來人知I位既支援OK嗎？大概情況係點呢？
作者: kingbbsam 時間: 13-3-4 10:56
bbnicebb 發表於 13-3-4 09:31
我都煩緊阿仔同一個問題呀！就嚟三歲，認知OK，但唔識講嘢（想講但講唔到）、大小肌肉能力差。 依家讀緊普 ...
排緊政府之餘有無報出面既堂上? 你小朋友 認知OK, 個人認為唔難追, 上返言語治療, 睇睇是否口肌問題或其他
大小肌可同佢玩多D遊戲訓練
作者: kingbbsam 時間: 13-3-4 10:57
man811231 發表於 13-3-3 23:10
我兒也語言遲緩，應知一般，不太肯聽指令。今年沒讀2歲班，八月返k1。現在剛返aba，看看又無進展。我都驚跟 ...
aba 係咩黎架??
作者: pats 時間: 13-3-4 11:30 標題: 回覆：kingbbsam 的帖子
提示: 作者被禁止或刪除 內容自動屏蔽
作者: pats 時間: 13-3-4 11:33 標題: 回覆：kingbbsam 的帖子
提示: 作者被禁止或刪除 內容自動屏蔽
作者: eva816 時間: 13-3-4 11:55
kingbbsam 發表於 13-2-27 20:40 
都係又唔係好嚴重, 但主流又跟不上?
小朋友幾大呀?
我囝3歲1個月.全面發展緩慢, 肌張低, 而家講野係跟人講, 但就唔太清楚,簡單對答, 上落樓梯要扶一扶,
作者: kennyrita 時間: 13-3-4 14:19
eva816 發表於 13-3-4 11:55
我囝3歲1個月.全面發展緩慢, 肌張低, 而家講野係跟人講, 但就唔太清楚,簡單對答, 上落樓梯要扶一扶, ...
我囡都係咁, 3歲1個月, 個問題同你仔一樣, 但佢唔活躍, 但專註力好差, 好散。
做緊一星期半個鐘訓練, 佢可以叫做坐定定, 但個心唔知遊左去邊, 眼仔週圍望, 個導師都話佢心散得好利害。
但佢又細膽, 唔係好肯試新野, 一衰左, 就死都唔肯再試再玩 (EG., 上次學校旅行去左個郊區, 有小朋友玩的電動車, 原來無事, 但比人撞一撞車尾 (我覺得唔太大衝力, 我是係側邊傍住佢玩的, 但我比佢撞到腳都唔覺痛) , 根住死都唔肯玩, 話同佢一齊坐都唔得。
作者: rocket 時間: 13-3-4 15:18
我小朋友返左2個月bb班，進步不明顯，因為bb班有20個小朋友，老師很難照顧學習能力的差異。小朋友上課不明白也不懂表達。我覺得先針對性讓小朋友打好基礎，到上小學時能力所及，要考上好學校的機會也大一點呢！
作者: bbnicebb 時間: 13-3-5 08:11
回復 kingbbsam 的帖子
阿仔每逄兩星期就上言語治療、職業治療、物理治療，都差不多一年時間嘞，都係進展唔大。 佢可能係失用症，原本諗住不斷治療、訓練會好快有進步，但一日復一日、一月復一月，真係越嚟越心痛、越嚟越徬徨，所以希望唔好揀錯學校，揀間真係幫到佢既學校。
作者: eva816 時間: 13-3-5 12:41
kennyrita 發表於 13-3-4 14:19
我囡都係咁, 3歲1個月, 個問題同你仔一樣, 但佢唔活躍, 但專註力好差, 好散。
做緊一星期半個鐘訓練, 佢可 ...
我仔專註力都差, 只有一個導師可以令佢坐定定1hr 上堂,
但佢好大膽, 什麼都唔怕 ,應該係冇危機意識, 撞親又唔覺痛, 有冇掛緊s or ｅ 位？
作者: kennyrita 時間: 13-3-5 14:40
回復 eva816 的帖子
早排係私人做左全面發展評估, 掛緊e位, 政府cac就仲排緊個評估, 只見左姑娘。
現在係私人做緊訓練, 開支好大, 但6299又唔肯同佢做家居訓練 (日間是佢地湊的, 晚上放工才接回來, 通常8點幾先回到家, 沖埋涼都起碼9點幾了。
我地根本同佢做唔到家居訓練, 6299 只係食同訓 , 但食都唔係食得好, 一個星期都唔知有無一餐湯水比呀女飲, 所以唔知是否咁, 所以個底子唔好, 成日病, 又要成日睇醫生。
以前未返學果時, 一餐cook埋分幾餐食, 邊度新鮮呀, 來來去去唔係蒸魚及碎肉撈埋落d飯度一齊食, 呀女唔肯食菜扭計嘥時間, 就唔cook比佢食, 萍果雪梨就果容(易食) , 湯只會煲開奶茶, 一係竹x水, 仲要係我地叫先煲。
現返緊n班全日, 只係晚上果餐係佢度食, 叫做新鮮d。
呀女現在有慢性鼻竇炎, 早排食抗生素, 食到亂晒龍, 一係唔係食多就食少, 一係唔食, 佢可以3日葯食到5日出來, 我直頭想揀死佢地。
我知父母責任大, 但無法要搵食, 佢地早幾年猛叫我地生, 我地話無錢無時間, 佢地就拍晒心口話幫我地湊, 幫我地養, 只怪我太天真‧
佢地只不過要"有後", 你話當呀女係寶由唔係, 佢會顧自己多d, 我見一地d爺爺嫲嫲好緊張自己d孫仔孫女, 總之物野都以佢地為先, 我不知幾羨慕。
請容許我呻下, 寫寫下不其然又掉眼淚
作者: methy 時間: 13-3-5 14:54
kennyrita 發表於 13-3-5 14:40
回復 eva816 的帖子
早排係私人做左全面發展評估, 掛緊e位, 政府cac就仲排緊個評估, 只見左姑娘。
返全日n班，有早餐午餐食幾好呀，老師會引佢地食,小朋友見人食,自己又會食,好過係屋企。
遲d排到e位，每星期有幾日都要返中心做訓練，老人家知道嗎? 要早d比心理準備佢地要帶出帶入。
作者: kennyrita 時間: 13-3-5 15:33
一早已講了, 但上唔上心又另一件事
佢地試過, 唔同佢返學
作者: kennyrita 時間: 13-3-5 15:35
回復 methy 的帖子
同埋只識同我地講, 費物做訓練, 大大下自己會識, 同學校會教。
作者: methy 時間: 13-3-5 16:29
kennyrita 發表於 13-3-5 15:33
一早已講了, 但上唔上心又另一件事
佢地試過, 唔同佢返學
老人家"玩"孫就得，我d長老已經老了，一來唔想佢地辛苦，二來佢地仲停留以前嗰套'大大下就識"既觀念，所以我比錢請EE湊，好彩又湊得好,又跟到訓練。
作者: kennyrita 時間: 13-3-5 16:47
回復 methy 的帖子
請ee?? 你意思是傭工定鐘點????
請傭工就唔會了, 一闊三大, 又無地方比佢訓, 現在2份人工都無mug錢剩, 因要供樓, 所以唔會請傭工了。
不過我覺得, 佢地唔想湊可以出聲, 咁我嘅安排就唔會咁了, or 諗過第2個方法, 又or 唔住佢地附近, 改住第2度 (搵第2d人幫手), 但一切已塵埃落定, 現無得郁唧
作者: kingbbsam 時間: 13-3-6 10:10
kennyrita 發表於 13-3-5 16:47
回復 methy 的帖子
請ee?? 你意思是傭工定鐘點????
老人家我都成日聽到佢地講, "大大下就識, 慢慢來"
我以前聽到唔會理, 但依家我會同佢地講,, 要面對現實, 無咁叻係事實, 我地係要積極多D同佢互動, 同埋做訓練, 唔係你一句我一句就會變叻左
作者: kingbbsam 時間: 13-3-6 10:12
bbnicebb 發表於 13-3-5 08:11
回復 kingbbsam 的帖子
阿仔每逄兩星期就上言語治療、職業治療、物理治療，都差不多一年時間嘞，都係進展 ...
同意, 我都好怕選錯學校!
言語治療、職業治療、物理治療你係邊度做呀? 過左一年都無咩進展?? 有無轉過中心做?
作者: bbnicebb 時間: 13-3-6 12:12
回復 kingbbsam 的帖子
佢喺協康做言語治療、其它就喺政府做。 協康轉過兩個治療師，都係話佢口肌差，話佢大小肌肉差，要大小肌肉OK先再到口肌。 大小肌肉發展都搵唔到咩問題，醫生解釋唔到，話只有不斷做訓練，睇情況。 所以我想知如果轉去排E位又分派到，咁政府既訓練仲可唔可以繼續呢？ 驚學校支援不足又冇晒做開既訓練，更加冇進展。
作者: methy 時間: 13-3-6 13:12 標題: 引用：回復+kingbbsam+的帖子
佢喺協康做言語治
原帖由 bbnicebb 於 13-03-06 發表
回復 kingbbsam 的帖子
佢喺協康做言語治療、其它就喺政府做。 協康轉過兩個治療師，都係話佢口肌差，話佢 ...
其實我都幾滿意醫院既PT&OT,之後派到E位，都好好，去到一間中心接受唔同專業既訓練（PT,OT,ST,PST,PST小組），以PT做例子，醫院一節1小時，PT只會睇小朋友10多分鐘，只餘時間自己玩器材，E位就一個PT一對一跟足全程，運動過程用玩具引小朋友，阿仔笑住做訓練。
作者: kingbbsam 時間: 13-3-12 20:21
本帖最後由 kingbbsam 於 13-3-12 20:21 編輯
methy 發表於 13-3-6 13:12
派到E位後。就無哂醫院既治療架喇。
其實我都幾滿意醫院既PT&OT,之後派到E位，都好好，去到一間中心接受唔 ...
我小朋友做緊醫院既職業治療, 即係PT?OT?
醫院做既我覺得好好, 奈何只給我3星期一次
另E位應該要等多一年, 你係咪排urgent隊架? 咁快排到
作者: methy 時間: 13-3-13 13:19 標題: 引用：+本帖最後由+kingbbsam+於+13-3-12+20:21+
原帖由 kingbbsam 於 13-03-12 發表
本帖最後由 kingbbsam 於 13-3-12 20:21 編輯
作者: kennyrita 時間: 13-3-13 18:27 標題: 回覆：kingbbsam 的帖子
佢地咪覺得佢蠢囉， 所以做訓練無用
作者: kingbbsam 時間: 13-3-14 10:23
methy 發表於 13-3-13 13:19
職業治療=OT,我阿仔嗰時醫院都係1個月去1次，密d都無，治療師話情況比較嚴重先會多d,我阿仔係1歲排E+S位，2 ...
原來你咁早開始排, 我未排到E位, 自己另外搵緊想做密D, 最重要是平D既職業治療, 我理想是一星期兩堂
我自己經驗, 始終在家做不及外人做, 小朋友明顯服從治療師多好多, 事半功倍, 在家就自由慣了, 唔太肯做~
作者: bbforever 時間: 13-3-16 12:45
如果屋企無人可同小朋友溫習訓練的項目，我想I位會比E位好，我小朋友返E位，係要回家做番教過的項目（家課），我想有良好的自理，才是學習的基礎，不要放棄，加油！
作者: kingbbsam 時間: 13-4-17 21:06
我收到信有S位了, 比預期早左一年, 明天會去參觀
留意到原來每間中心, 服務對象有唔同的, 環境未必間間都咁差, 明天睇完再作決定
| 歡迎光臨 教育王國 (/) |
Powered by Discuz! X1.5 |